ഗവ ഡി വി എച്ച് എസ് എസ് ചാരമംഗലം/ഊർജ്ജ സംരക്ഷണ ക്ലബ്ബ്
ഊർജ്ജ സംരക്ഷണ ക്ലബ്ബ് 2012 - 13
2012 - 13 വർഷത്തെ ഊർജ്ജ സംരക്ഷണ ക്ലബ്ബ് ഹൈസ്ക്കൂൾ ക്ലാസ്സുകളിലെ 50 കുട്ടികളെ ഉൾപ്പെടുത്തി ആരംഭിച്ചു. ക്ലബ്ബിന്റെ നേതൃത്വത്തിൽ പെട്രോളിയം കൺസർവേഷൻ റിസേർച്ച് അസ്സോസ്സിയേഷൻ നടത്തുന്ന ബോധവൽക്കരണ ക്ലാസ്സ് 31-10-2012 ബുധനാഴ്ച നടന്നു.
പി.റ്റി.എ പ്രസിഡന്റ് ശ്രീ.ഹരിദാസിന്റെ അധ്യക്ഷതയിൽ നടന്ന യോഗത്തിൽ ക്ലബ്ബ് കൺവീനർ ഫിസിക്കൽ സയൻസ് അദ്ധ്യാപകൻ ശ്രീ.പോൾസൺ സ്വാഗതം ആശംസിച്ചു. സ്കൂൾ പ്രിൻസിപ്പൽ ശ്രീമതി.മേരിക്കുട്ടി ക്ലാസ്സ് ഉദ്ഘാടനം ചെയ്തു. സീഡ് കൺവീനർ ശ്രീ.പ്രതാപൻ, സീനിയർ അസിസ്റ്റന്റ് ശ്രീമതി.ഷീല, സ്റ്റാഫ് സെക്രട്ടറി ശ്രീ.സന്തോഷ് എന്നിവർ ആശംസകൾ അർപ്പിച്ചു. തുടർന്ന് പി.സി.ആർ.എ. അംഗം ശ്രീ.സുരേഷ് കുമാർ ക്ലാസ്സ് കൈകാര്യം ചെയ്തു. ഹൈസ്കൂൾ ക്ലാസ്സുകളിലെ 52 കുട്ടികളും ഫിസിക്കൽ സയൻസ് അദ്ധ്യാപികമാരായ ശ്രീമതി.മെർലിൻ , സുമിത്ര എന്നിവരും ക്ലാസ്സിൽ പങ്കെടുത്തു.
പരിപാടിയോടനുബന്ധിച്ച് നടന്ന ക്വിസ് മൽസരത്തിൽ പത്താം ക്ലാസ്സ് വിദ്യാർത്ഥികളായ ഹരികൃഷ്ണ( 10 A), ഹരിശങ്കർ( 10 D), അനന്തു ( 9 A ) എന്നിവർ ഒന്നും രണ്ടും മൂന്നും സ്ഥാനങ്ങൾ നേടി.
പരിപാടിയിൽ പങ്കെടുത്തവർക്ക് പത്താം ക്ലാസ്സ് വിദ്യാർത്ഥിനി കുമാരി. അനില അമ്മു നന്ദി രേഖപ്പെടുത്തി.
