ഇലകൾകൊഴിയുന്നു മാനവരാശിതൻ ഇലകൾകൊഴിയുന്നു
നിശ്ചലമായ് ലോകം ഈ മഹാമാരിയെ പേടിച്ച്
കൂട്ടിലിരിപ്പായ് മനുഷ്യരെല്ലാം
ഭയന്നുപോയി ലോകം ഈ ചെറു അണുവിനെ കണ്ട്
ലോകമേ നീ നേടിയതൊന്നിനും ചെറുക്കാനാകുന്നില്ലല്ലോ
ജാതിയില്ല മതമില്ല സമ്പന്നനെന്നോ
ദരിദ്രനെന്നോ ഭാഗഭേദമില്ല
ഒന്നായ് ലോകം അണുവിനു മുൻപിൽ
നേരിടും നാം ഈ മഹാമാരിയെ
തളരാതെ പതറാതെ ഒന്നിച്ചു നേരിടും
കരുതലായ് കരുണയായ് സ്നേഹം പകർന്നിടാം
നന്ദി ചൊല്ലിടാം നമ്മെ കരുതുന്ന നന്മക്കെന്നും
ഇനിവരും തളിരിന്റെ
കുളിർമയാം ചിരികൾ
പ്രതീക്ഷതൻ തളിരുകൾ
ഒന്നിച്ചു നിന്നിടാം കണ്ണികൾ മുറിച്ചിടാം
കാത്തുസൂക്ഷിച്ചിടാം ദൈവത്തിൻ നാടിനെ
