ജി.എം.യു.പി.സ്കൂൾ കൊടിഞ്ഞി/അക്ഷരവൃക്ഷം/ കോവിഡ് 2020-ൽ

കോവിഡ് 2020-ൽ    2020 ഫെബ്രുവരി മാസം പെട്ടെന്നാണ് ആ വാർത്ത പരന്നത്.കൊറോണ എന്ന പേരിലുള്ള വൈറസ് പടർന്നിരിക്കുന്നു. ചൈനയിലെ വുഹാൻ എന്ന സ്ഥലത്ത് നിന്നാണ് ഇതിന്റെ ആരംഭം.ഒരാളിൽ നിന്ന് മറ്റൊരാളിലേക്ക് അതിവേഗം പടർന്നു കയറുന്ന ഈ വൈറസ് അത്യധികം അപകടകാരിയാണ്.4 മാസം കൊണ്ട് അന്റാർട്ടിക്ക ഒഴികെയുള്ള എല്ലാ ഭൂഖണ്ഡങ്ങളിലും ഇത് എത്തി കഴിഞ്ഞു. കൊറോണ എന്ന വാക്കിനർത്ഥം കിരീടം എന്നാണ്. മൈക്രോസ്കോപ്പിലൂടെ നോക്കിയാൽ ഒത്തിരി മുള്ളുകളുള്ള കിരീടം പോലിരിക്കുന്ന ഒരു തരം വൈറസ്. പനി, ചുമ, ശ്വാസതടസ്സം, തൊണ്ടവേദന എന്നിവയൊക്കെയാണ് ഇതിന്റെ ലക്ഷണങ്ങൾ.മരണസംഖ്യ ഉയർന്നു കൊണ്ടിരുന്നു. സ്കൂളുകൾ,കടകൾ,വാഹനങ്ങൾ ഗതാഗത സൗകര്യങ്ങൾ എല്ലാം നിർത്തലാക്കി. നമ്മുടെ ആരോഗ്യപ്രവർത്തകരും ഗവൺമെന്റും ഒരുപാട് നിർദ്ദേശങ്ങൾ ജനങ്ങൾക്ക് നൽകിയും കോവിഡിനെ പിടിച്ച് കെട്ടാൻ ഡോക്ടർമാർ, നഴസുമാർ,പോലീസ് മറ്റ് ആരോഗ്യപ്രവർത്തകർ എല്ലാം ജനങ്ങൾക്ക് വേണ്ടി ജീവൻ പണയപ്പെടുത്തി മുന്നിട്ടിറങ്ങി.മാസ്ക് ധരിക്കാനും കൈകൾ സോപ്പിട്ട് കഴുകാനും ആരോഗ്യപ്രവർത്തകർ ജനങ്ങളോട് ആവശ്യപ്പെട്ടു.വിദേശരാജ്യത്തുനിന്നും വരുന്നവരെയും ലക്ഷണങ്ങളുള്ളവരെയും നിരീക്ഷണത്തിലിരുത്തി. ഗവൺമെന്റ് രാജ്യമെങ്ങും ലോക്ഡൗൺ പ്രഖ്യാപിച്ചു. രോഗം വന്നു കഴിഞ്ഞാൽ അവരെ കാണാനോ സംസാരിക്കാനോ ബന്ധുക്കൾക്ക് പോലും അവസരമില്ല. അവർ പൂർണ്ണമായും ഡോക്ടർമാരുടേയും നഴ്സ്മാരുടെയും നിയന്ത്രണത്തിലായിരിക്കും.സ്വന്തം കുടുംബത്തെ മാറ്റിവെച്ച് ജനങ്ങൾക്ക് വേണ്ടി ത്യാഗം ചെയ്ത് നഴ്സുമാരും ഡോക്ടർമാരും ഇന്നും ജനങ്ങളെ സംരക്ഷിച്ചുകൊണ്ടിരിക്കുന്നു. സോന ഭാസ്കരൻ 6 C ജി.എം.യ‍ു.പി.സ്കൂൾ.കൊടി‍‍ഞ്ഞി താനൂർ ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Subhashthrissur തീയ്യതി: 05/ 05/ 2020 >> രചനാവിഭാഗം - ലേഖനം