പ്രകൃതിരമണീയമാം സരസ്സിൽ
വിരിഞ്ഞോരീ മലരല്ലോ ഭൂമി
പച്ചയായുള്ളൊരീ പട്ടണിഞ്ഞ
ഭൂമിയിന്നെല്ലാർക്കുമന്യമായി
വയലും വിളകളും തൊടിയുമില്ല
വയലുകളിൽ സൗധങ്ങളുയർന്നു നിൽപ്പൂ
കളകളം ഒഴുകുന്ന പുഴകളില്ല
തെളിനീർ ജലത്തിന്നരുവിയില്ല
പക്ഷിതൻ തേനൊലി ശബ്ദമില്ല
തണലേകും മാമരമൊന്നുമില്ല
മറയുന്നു മാമഴക്കാടുകളും
ഒരുമയുടെ നാളുകൾ പോയ്മറഞ്ഞു
വെള്ളാരം കല്ലിൻ വിശുദ്ധിപോലെ
ഒരു നവലോകമിനിയുണ്ടാകുമോ?
