കുട്ടിക്കാലത്തെ ഓർമ്മതൻ
പൂങ്കാവനത്തിൽ
ഓർത്തുപോകുന്നു ഞാനെന്റെ
ബാല്യകാലം.
പഴങ്ങൾ പറിച്ചു നടന്നകാലം
പാടവരമ്പത്തൂടെ ഓടിനടന്നകാലം
ഓർത്തുപോകുന്നു ഞാനെന്റെ ബാല്യകാലം .
ഉമ്മയോട് മിഠായി വാങ്ങിത്തരാൻ
വാശിപിടിച്ചകാലം.....
കാലിൽ മുള്ളു തറച്ചു വേദനിച്ചകാലം
മൃഗങ്ങളെ തൊട്ടുനോക്കാൻ
ആഗ്രഹിച്ചകാലം .....
ഓർത്തുപോകുന്നു ഞാനെന്റെ ബാല്യകാലം .
മഴയത്ത് മുറ്റത്ത് ചാടിക്കളിച്ചകാലം
മഴയത്ത് തോണികൾ ഉണ്ടാക്കിയൊഴുക്കിയകാലം
കടലിൽപോയി പട്ടം പറപ്പിച്ചകാലം
ഓർത്തുപോകുന്നു ഞാനെന്റെ ബാല്യകാലം .