കടലമ്മയിതാ കേഴുന്നു മനുജാ...
ഞങ്ങൾതൻ അതിർ കടക്കാൻ നിർബന്ധിക്കരുതേ
വനദേവതയിതാ ഞരങ്ങുന്നു മർത്യാ
ഞങ്ങൾതൻ അതിർ വെട്ടിപിടിക്കരുതേ
വായുഭവാനിതാ യാചിക്കുന്നു മനുഷ്യാ
ഞങ്ങളെ മലിനമാക്കി നശിപ്പിക്കരുതേ
ജലദേവതയിതാ കേഴുന്നു മാനവരേ
ഞങ്ങൾ തെളിമയോടെ ഒഴുകട്ടേ
ഭൂമിതൻ ഗദ്ഗദം കേൾക്കുവാൻ മനുജാ
മനസ്സില്ലാത്തിടത്തോളം കാലം
സ്വൈര്യമായി ജീവിക്കുവാൻ നിനക്കാവതില്ല
എന്നോർത്ത് മടങ്ങുക നല്ല നാളുകളിലേക്ക്
