മുതിയങ്ങ ഈസ്റ്റ് എൽ പി എസ്/അക്ഷരവൃക്ഷം/കുഞ്ഞൻറെ ഇല യാത്ര
കുഞ്ഞൻറെ ഇലയാത്ര
കുഞ്ഞനുറുമ്പ് പുഴക്കരയിൽ കാറ്റുകൊളളാനിറങ്ങിയതാണ്. അപ്പോഴാ ഒരു ചേമ്പില വെളളത്തിൽ ഒഴുകി വരുന്നു. കുഞ്ഞൻ ഇലയിലേക്ക് ഒറ്റ ചാട്ടം. അവൻ ഇലയിൽ മലർന്ന് കിടന്ന് ആകാശത്തേക്ക് നോക്കി. തണുത്ത കാറ്റടിച്ച് അവന് ഉറക്കം വന്നു. കണ്ണുതുറന്നപ്പോൾ ഇല വളളം ആടിയുലയുകയാണ്. പുഴയിൽ ഒഴുക്ക് കൂടിയിട്ടുമുണ്ട്. ഹയ്യോ........., ഞാനിപ്പം മുങ്ങിപോകുമേ............. രക്ഷിക്കണേ...... കുഞ്ഞൻ നിലവിളിയായി. ആമകുട്ടൻ ഈ കരച്ചിൽ കേട്ട് പൊങ്ങി വന്നു. കുഞ്ഞാ.. എൻറെ പുറത്ത് കയറിക്കോ. അത് കേട്ടതും കുഞ്ഞൻ ഇല വളളത്തിൽ നിന്നും ആമയുടെ തോടിലേക്ക് ഒറ്റ ചാട്ടം. ആമകുട്ടൻ കുഞ്ഞനെ കരയിലെത്തിച്ചു. ആലോചിക്കാതെ ചെയ്യുന്ന കാര്യങ്ങൾ അപകടം ഉണ്ടാക്കും. കുഞ്ഞനു മനസ്സിലായി.
|
