ആരുമില്ലാത്തൊരീ നേരത്തു അന്നു നീ
ഒച്ചയുണ്ടാക്കാതെ വന്നതല്ലേ ...
നിന്റെയീ ആഗമന രീതിയിൽ മാനുഷർ
മൃത്യു ലോകത്തിൻ തടവിലായി
കോവിഡേ നീ വന്ന നേരം ഈ ലോക-
ത്തിലെല്ലാടവും അന്ധകാരമായി
കിളികളും പുഴകളും മാത്രമല്ല, ലോക-
മൊന്നാകെ നിൻ കൂരിരുട്ടിലായി.
സന്തോഷദീപം പരക്കും കുടുംബങ്ങൾ
ദു:ഖത്തിൻ പാതയിൽ ചെന്നു വീണു.
വായിട്ടലറി നിലവിളിച്ചു കൊണ്ടു സംര-
ക്ഷണത്തിനായി കാത്തു നിൽപ്പൂ.
മർത്ത്യരുടെ ഭാഷയിൽ കൊറോണ എന്ന - പരനാമ
ത്തിലറിയപ്പെടുന്ന നിൻ ഭീകരത
ലോകത്തിൻ പിഞ്ചോമനകളെപ്പോലും
ഭയാനകത്തിന്റെ മുനയിലാക്കി.
പ്രളയവും നിപ്പയും പോലെയല്ല
മഹാമാരിയായി നീ ഇന്ന് മാറിയില്ലേ
നിർത്തൂ നിൻ വിളയാട്ടമല്ലെങ്കിൽ ഇന്നു -
നീ പോയിടേണം കാലദേവനൊപ്പം.
കോവിഡേ നീ വന്നു പോകുമീ നാളുകൾ
എന്നുമെൻ അകതാരിൽ തിങ്ങി നിൽപ്പൂ
സംഹാര താണ്ഡവമാടുന്ന നീ ഇന്നു
വന്ന വഴിയേ തിരിച്ചു പോകൂ..... വന്ന വഴിയേ തിരിച്ചു പോകൂ.