ബി.ആർ.എം.എച്ച്.എസ്. ഇളവട്ടം/അക്ഷരവൃക്ഷം/ ശുചിത്വ സംസ്കാരം വളർത്തിയെടുക്കേണ്ടതിന്റെ ആവശ്യകത

ശുചിത്വ സംസ്കാരം വളർത്തിയെടുക്കേണ്ടതിന്റെ ആവശ്യകത സൃഷ്ടിക്കുന്നു ഹൈജീൻ (Hygiene) എന്ന ഗ്രീക്ക് പദത്തിനും, സാനിട്ടേഷൻ (Sanitation) എന്ന ആംഗല പദത്തിനും വിവിധ സന്ദർഭങ്ങളിൽ പല കാര്യങ്ങളെ വിവക്ഷിക്കുന്നതിനായി ഉപയോഗിക്കുന്ന വാക്കാണ്‌ ശുചിത്വം . ഗ്രീക്ക് പുരാണത്തിലെ ആരോഗ്യ ദേവതയായ ഹൈജിയ(Hygeia)യുടെ പേരിൽ നിന്നാണ് ഹൈജീൻ എന്ന വാക്ക് ഉണ്ടായിട്ടുള്ളത്‌. അതിനാൽ ആരോഗ്യം, വൃത്തി, വെടിപ്പ്, ശുദ്ധി എന്നിവ ഉപയോഗിക്കുന്ന സന്ദർഭങ്ങളിൽ തുല്യ അർത്ഥത്തിൽ ശുചിത്വം എന്ന വാക്ക് ഉപയോഗിക്കപ്പെടുന്നു. അതായത് വ്യക്തി ശുചിത്വം, സാമൂഹ്യ ശുചിത്വം മുതൽ രാഷ്ട്രീയ ശുചിത്വം വരെ. അതേപോലെ പരിസരം, വൃത്തി, വെടിപ്പ്, ശുദ്ധി, മാലിന്യ സംസ്കരണം, കൊതുക് നിവാരണം എന്നിവയെ എല്ലാം ബന്ധപ്പെടുത്തി സാനിട്ടേഷൻ എന്ന വാക്കും ശുചിത്വമായി ഉപയോഗിയ്ക്കപ്പെടുന്നു.. ഉദാഹരണം: സമ്പൂർണ ശുചിത്വ പദ്ധതി ( Total Sanitation Campaign) ആരോഗ്യപരിപാലനത്തിൽ വ്യക്തി ശുചിത്വത്തിന്റെ പ്രാധാന്യം വളരെ വലുതാണ്. ശുചിത്വ പാലനത്തെ ആരോഗ്യ പാലനത്തിനുള്ള ഒരു ഉപാധി എന്നതിലുപരി നമ്മുടെ സംസ്കാരമായി വളർത്തിയെടുക്കേണ്ട സമയം അധിക്രമിച്ചിരിക്കുന്നു. അതിനു കഴിഞ്ഞാൽ രോഗവിമുക്തവും ആരോഗ്യവുമുള്ള ഒരു പുതു തലമുറയെയും അതിലൂടെ ഒരു പുതു ലോകത്തെയും സൃഷ്ടിക്കാൻ നമുക്ക് കഴിയും .ശുചിത്വ പാലനത്തിനായി നമുക്കൊരുമിച്ച് കൈകോർക്കാം. ജാസ്മിൻ 9 A ബി ആർ എം എച് എസ് പാലോട് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം