രോഗപ്രതിരോധത്തിൻ ചരിത്രത്തിൽ ഉയർന്നുവന്നൊരു താരമിതാ; ഭൂവിൽ ജ്വലിച്ചു നിൽക്കും താര മിതാ കേരളം , എന്റെ കേരളം; സമത്വസുന്ദരകേരളം കൊറോണയെന്ന മഹാമാരിയുടെ തേരോട്ടത്തിൻ നാൾവഴിയിൽ ഭൂഖണ്ഡങ്ങൾ പകച്ചു നിന്നു നിലവിളി കൂട്ടും നേരത്ത് ശാസ്ത്രബോധം ആയുധമാക്കി; പ്രതിരോധത്തിൻ കോട്ടതീർത്ത് മഹാമാരിയെ തടഞ്ഞു നിർത്തിയ നാടിതല്ലോ കേരളം . സ്വന്തം ജീവനെ മാനിക്കാതെ നെഞ്ചിൽ കനിവും, ചുണ്ടിൽ ചിരിയും രാവോ പകലോ എന്നില്ലാതെ രോഗികൾക്ക് കാവലിരുന്നവർ; കാരുണ്യത്തിൻ പ്രതിരൂപങ്ങൾ ഡോക്ടർമാരും, നേഴ്സുമാരും വൃദ്ധജനങ്ങൾ , സായിപ്പന്മാർ അങ്ങനെ നിരവധിയാളുകളെ മരണത്തിന്റെ കൈകളിൽനിന്നും തിരിച്ചുപിടിച്ചവർ ഡോക്ടർമാർ അവരീ നാടിൻ പുണ്യമല്ലോ. നമ്മൾക്കായി കാവലൊരുക്കാൻ, നമുക്ക് തുണയായി മുന്നിൽ നിൽക്കാൻ ഐക്യത്തിൻറെ മാർഗം കാട്ടാൻ കേരള സർക്കാരുണ്ടല്ലോ.
