എ.യു.പി.എസ് പൂക്കോട്ടുംപാടം/അക്ഷരവൃക്ഷം

• ചെളിഭൂതം

ചെളിഭൂതം മാലതി അമ്മയുടെ ഒരേ ഒരു മോനാണ് അപ്പു.രണ്ടാം ക്ലാസ്സിലാണ് അവൻ പഠിക്കുന്നത്.ഒട്ടും അനുസരണ ഇല്ലാത്ത കുട്ടിയായിരുന്നു അവൻ.അമ്മ പറയുന്നത് ഒന്നും കേൾക്കില്ല കൂടാതെ ഒട്ടും വൃത്തിയില്ലാത്ത കുട്ടിയും ആയിരുന്നു.ഒരു ദിവസം അവൻ മുറ്റത്തു കളിച്ചുകൊണ്ടിരിക്കുകയായിരുന്നു.പെട്ടന്ന് അവന്റെ മുന്നിൽ ഒരു ഭൂതം പ്രത്യക്ഷപ്പെട്ടു . ഒരു ചെളി ഭൂതം. എപ്പോഴും ചേറിലും ചെളിയിലും കളിക്കുന്ന അപ്പുവിന് ചെളിഭൂതത്തെ ഒത്തിരിയങ്ങു ഇഷ്ടമായി . അപ്പു അവനോട് കൂട്ട് കൂടാൻ തുടങ്ങി . അവർ നല്ല കൂട്ടായി , ചെളി ഭൂതം എപ്പോഴും അപ്പുവിന്റെ കൂടെ തന്നെ ഉണ്ടാവും .അപ്പുവിന്റെ നഖത്തിനടിയിലും കൈകളിലെ ചെറിയ ചുളിവുകൾക്കിടയിലും ഒക്കെ ആയിരുന്നു ഭൂതത്തിന്റെ താമസം ,എങ്ങനെ എങ്കിലും അപ്പുവിന്റെ ശരീരത്തിൽ കയറികൂടണം എന്നായിരുന്നു ഭൂതത്തിന്റെ ലക്ഷ്യം, പാവം അപ്പു ഇതൊന്നും അറിയാതെ അവന്റെ വൃത്തിയില്ലാത്ത കൈ കഴുകാതെ ഭക്ഷണം കഴിക്കും ,നമ്മുടെ ചെളി ഭൂതം ആണെങ്കിലോ അപ്പുവിന്റെ ഈ സ്വഭാവം കൊണ്ട് പതിയെ പതിയെ അവന്റെ വയറ്റിൽ എത്തി .ഒരു ദിവസം രാവിലെ എണീറ്റപ്പോൾ അപ്പുവിന് ഭയങ്കര വയറു വേദന.അവൻ വേദനകൊണ്ട് പുളയാൻ തുടങ്ങി .വീട്ടുകാർ അവനെ ആശുപത്രിയിൽ കൊണ്ടുപോയി .ഭക്ഷണത്തിലൂടെ അണുക്കൾ വയറ്റിൽ എത്തീട്ടുണ്ട് അതാണ് വേദനക്ക് കാരണം എന്ന് ഡോക്ടർ പറഞ്ഞു.ഒരാഴ്ച ഇവിടെ കിടക്കേണ്ടി വരും, ദിവസം ഓരോ ഇഞ്ചക്ഷൻ ഉണ്ട് .ഇഞ്ചക്ഷൻ എന്ന് കേട്ടപ്പോഴേ അപ്പു കരയാൻ തുടങ്ങി , അതവന് ഭയങ്കര പേടിയാണ് ...... അങ്ങനെ ഒരാളാഴ്ച കടന്നു പോയി വയറിന്റെ വേദനയും ഇഞ്ചക്ഷന്റെവേദനയും, പേടിയുമെല്ലാം അവനു ജീവിതത്തിൽ മറക്കാൻ കഴിയാത്ത നീറുന്ന അനുഭവം ആയിരുന്നു.പിന്നീടൊരിക്കലും അവൻ കൈ കഴുകാതെ ഭക്ഷണം കഴിച്ചിട്ടില്ല .എപ്പോഴും വൃത്തിയുള്ള വസ്ത്രം ധരിക്കാനും വൃത്തിയിൽ നടക്കാനും അവൻ പ്രത്യേകം ശ്രദ്ധിച്ചിരുന്നു..   റിൻഷാദ് പി 2 എ എ .യു .പി സ്കൂൾ പൂക്കോട്ടുംപാടം നിലമ്പൂർ ഉപജില്ല മലപ്പുറം അക്ഷരവൃക്ഷം പദ്ധതി, 2020 കഥ