ജി.എച്ച്.എസ്സ്.കുമരപുരം/എന്റെ ഗ്രാമം

പാലക്കാട് ജില്ലയിൽ കല്പാത്തി എന്ന ഗ്രാമത്തിലാണ് കുമാരപുരം സ്കൂൾ സ്ഥിതി ചെയുന്നത്

കേരളത്തിലെ പാലക്കാട് ജില്ലയിലുള്ള കൽ‌പാത്തി ഗ്രാമത്തിലെ ക്ഷേത്രത്തിൽ നടക്കുന്ന കൽപ്പാത്തി രഥോത്സവം

എല്ലാ വർഷവും നവംബർ മാസം നടക്കുന്ന ഒരു ഉത്സവമാണ്. ശ്രീ വിശാലാക്ഷി സമേത ശ്രീ വിശ്വനാഥസ്വാമി ക്ഷേത്രത്തിലാണ് രഥോത്സവം നടക്കുന്നത്. ഈ ക്ഷേത്രത്തിലെ പ്രധാന പ്രതിഷ്ഠകൾ വിശ്വനാഥപ്രഭുവും (പരമശിവൻ) അദ്ദേഹത്തിന്റെ പത്നിയായ വിശാലാക്ഷിയും (പാർവ്വതി ആണ്.
എല്ലാ വർഷവും നടത്തുന്ന പത്തുദിവസത്തെ രഥോത്സവം നവംബർ മാസത്തിലാണ് നടക്കുക. കേരളത്തിലെ ഏറ്റവും ആകർഷകമായ ഉത്സവങ്ങളിൽ ഒന്നാണ് ഇത്. വേദ പാരായണവും കലാ സാംസ്കാരിക പരിപാടികളും ഈ ഉത്സവത്തിന്റെ ആദ്യത്തെ നാലുദിവസം ക്ഷേത്രത്തിൽ നടക്കുന്നു. ക്ഷേത്രത്തിന് 700 വർഷത്തോളം പഴക്കം ഉണ്ടെന്നു കരുതുന്നു. അവസാനത്തെ മൂന്നുദിവസം അലങ്കരിച്ച രഥം തെരുവുകളിലൂടെ ക്ഷേത്രത്തിലേക്ക് വലിക്കുവാനായി ആയിരക്കണക്കിന് ഭക്തജനങ്ങൾ എത്തിച്ചേരുന്നു.

പുരാതനമായ ഈ ക്ഷേത്രം നിളാനദി എന്നും അറിയപ്പെടുന്ന കൽപ്പാത്തിപ്പുഴയുടെ തീരത്താണ്. ക്ഷേത്രം 1425 എ.ഡി യിൽ‍ നിർമ്മിച്ചു എന്നാണ് വിശ്വസിക്കുന്നത്. വടക്കേ ഇന്ത്യയിലെ വാരണാസിയിലുള്ള പ്രശസ്തമായ കാശി വിശ്വനാഥ ക്ഷേത്രവുമായുള്ള സാമ്യം കാരണം കാശിയിൽ പകുതി കൽപ്പാത്തിഎന്ന് പഴഞ്ചൊല്ലു തന്നെയുണ്ട്. ബ്രാഹ്മണരുടെ ബ്രാഹ്മണർ താമസിക്കുന്ന ചേർന്നു ചേർന്നുള്ള ഗ്രാമങ്ങളിലെ വീടുകളുടെ സമൂഹത്തെയാണ് അഗ്രഹാരം എന്നു വിളിക്കുന്നത്. സാധാരണയായി അയ്യർമാരാണ് അഗ്രഹാരങ്ങളിൽ താമസിക്കുക. തെക്കേ ഇന്ത്യയിലെ തഞ്ചാവൂർ, പാലക്കാട്, കർണാടകത്തിലെ ചില സ്ഥലങ്ങൾ എന്നിവിടങ്ങളിലാണ് അഗ്രഹാരങ്ങൾ ഉള്ളത്. അഗ്രഹാരം എന്ന പദത്തിന്റെ അർത്ഥം “വീടുകളുടെ പൂമാല” എന്നാണ്. അഗ്രഹാരങ്ങൾ സാധാരണയായി റോഡിന്റെ ഒരു വശത്തോടു ചേർന്ന് നിരയായി കാണപ്പെടുന്നു. ഈ നിരയുടെ ഒത്ത നടുവിൽ ഒരു അമ്പലവും കാണും. ഈ അമ്പലത്തിനു ചുറ്റും ഒരു പൂമാലപോലെ വീടുകൾ നിരന്നു നിൽക്കുന്നതുകൊണ്ടാണ് അഗ്രഹാരം എന്ന പേരുവന്നത്. ബ്രാഹ്മണർ നഗരങ്ങളിൽ ജോലി തേടി ചേക്കേറിയതുമൂലവും തമിഴ്‌നാട്ടിൽ ബ്രാഹ്മണർക്ക് എതിരായ നീക്കങ്ങൾ ധാരാളമായതുമൂലവും[അവലംബം ആവശ്യമാണ്] അഗ്രഹാരങ്ങൾ ഇന്ന് അപ്രത്യക്ഷമായിക്കൊണ്ടിരിക്കുന്നു. പല പുരാതന ഗൃഹങ്ങളും ഇന്ന് കോൺക്രീറ്റ് കെട്ടിടങ്ങൾക്കും കടകൾക്കും വാണിജ്യസ്ഥാപനങ്ങൾക്കും വഴിമാറിക്കൊണ്ടിരിക്കുന്നു.

സ്ഥിതിചെയ്യുന്ന കൽ‌പാത്തി ഗ്രാമം കേരളത്തിലെ ആദ്യത്തെ തമിഴ് ബ്രാഹ്മണ കുടിയേറ്റ സ്ഥലങ്ങളിൽ ഒന്നാണ്.
.ഗ്രാമത്തിലെ സ്ത്രീകൾ ദിവസവും അഗ്രഹാരങ്ങളുടെ മുന്നിൽ അരിപൊടി കൊണ്ട് കോലം വരക്കുന്നു

• ഏറ്റവും അടുത്തുള്ള പട്ടണം: പാലക്കാട് ജംക്‌‌‌‌‌‌‌‌‌‌‌‌‌‌‌‌‌‌‌‌ഷൻ- 3 കി.മീ അകലെ
• ഏറ്റവും അടുത്തുള്ള റെയിൽ‌വേ സ്റ്റേഷൻ: പാലക്കാട് - 3 കി.മീ അകലെ
• ഏറ്റവും അടുത്തുള്ള വിമാനത്താവളം: കോയമ്പത്തൂർ- 55 കി.മീ അകലെ