ടി കെ എം എം യു പി എസ് വാടയ്ക്കൽ
| ടി കെ എം എം യു പി എസ് വാടയ്ക്കൽ | |
|---|---|
| വിലാസം | |
കുുതിരപ്പന്തി | |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | ആലപ്പുഴ |
| വിദ്യാഭ്യാസ ജില്ല | ആലപ്പുഴ |
| സ്കൂൾ നേതൃത്വം | |
| പ്രധാന അദ്ധ്യാപിക | ശ്രീമതി പി.കെ.ശ്രീദേവി |
| അവസാനം തിരുത്തിയത് | |
| 06-03-2017 | Pr2470 |
ആലപ്പുഴ ജില്ലയിലെ അമ്പലപ്പുഴതാതലൂക്കിലെ ആലപ്പുഴ പട്ടണത്തില്‍ പ്രവര്‍ത്തിക്കുന്ന അപ്പര്‍ പ്രൈമറി വിദ്യാലയമാണ് ശ്രീ.റ്റി.കെ.മാധവ മെമ്മോറിയല്‍ അപ്പര്‍ പ്രൈമറി സ്കൂള്‍ വാടയ്ക്കല്‍.ഇത് എയ്‌ഡഡ് വിദ്യാലയമാണ്.
ചരിത്രം
ആലപ്പുഴ ജില്ലയില്‍ അമ്പലപ്പുഴ താലൂക്കില്‍ ആലപ്പുഴ നഗരസഭ പരിധിയില്‍ കുതിരപ്പന്തി വാര്‍ഡില്‍ സ്ഥിതി ചെയ്യുന്ന വിദ്യാലയമാണ് ശ്രീ. ടി. കെ. എം. എം. യു. പി. സ്ക്കൂള്‍. നവോത്ഥാനമുന്നേറ്റത്തിലെ മുന്‍‌നിരപ്പോരാളിയും വൈക്കം സത്യാഗ്രഹ നായകനും കര്‍മധീരനുമായ ശ്രീ.റ്റി.കെ.മാധവന്റെ സ്മരണയ്ക്കായാണ് സ്കൂള്‍ സ്ഥാപിച്ചത്1957 ല്‍ പ്രദേശത്തെ പാവപ്പെട്ട കൂലിപ്പണിക്കാരുടെ മക്കള്‍ക്ക് അക്ഷരാഭ്യാസം നല്‍കുന്നതിനായി എസ്. എന്‍. ഡി. പി. യുടെ നേതൃത്വത്തില്‍ ഒരു കുടിപ്പള്ളിക്കൂടം ആരംഭിച്ചു. പിന്നീട് 1958 ല്‍ അന്നത്തെ മുഖ്യമന്ത്രിയായിരുന്ന ശ്രീ. ഇ.എം.എസ്. നമ്പൂതിരിപ്പാട് സ്ക്കൂളിന് അംഗീകാരം നല്‍കി. അന്നത്തെ എസ്.എന്‍.ഡി.പി. ശാഖായോഗത്തിന്റെ പ്രസിഡന്റായിരുന്ന പത്മവിലാസത്തില്‍ പി.എന്‍. രവീന്ദ്രനാഥിന്റെ . അമ്മ ശ്രീമതി. കല്യാണിക്കുട്ടി സംഭാവനയായി നല്‍കിയ സ്ഥലത്തേയ്ക്ക് സ്ക്കൂളിന്റെ പ്രവര്‍ത്തനം മാറ്റി. 1986 ല്‍ ആലപ്പുഴ ബൈപ്പാസിനുവേണ്ടി സ്ക്കൂള്‍ നിന്ന സ്ഥലം ഏറ്റെടുത്തപ്പോള്‍ എസ്.എന്‍.ഡി.പി.398-ാം നമ്പര്‍ ശാഖായോഗത്തിന്റെ ഉടമസ്ഥതയിലുള്ള സ്ഥലത്ത് പുതിയ കെട്ടിടം നിര്‍മ്മിച്ച് സ്ക്കൂള്‍ അങ്ങോട്ട് മാറ്റി. ആദ്യകാലത്ത് കെട്ടിടങ്ങളുടെ കുറവ് മൂലം ഷിഫ്റ്റ് സമ്പ്രദായത്തിലാണ് ക്ലാസ്സ് നടന്നിരുന്നത്. പിന്നീട് ഉദാരമതികളായ വ്യക്തികളുടെയും എസ്. എന്‍.ഡി.പി. യുടെയും നേതൃത്വത്തില്‍ കെട്ടിട നിര്‍മ്മാണം പൂര്‍ത്തിയായപ്പോള്‍ ഷിഫ്റ്റ് സമ്പ്രദായം മാറി. തുടക്കത്തില്‍ നാല് ഡിവിഷനുകളുള്ള എല്‍.പി. ക്ലാസുകളാണ് ഉണ്ടായിരുന്നത്. ക്രമേണ യു,പി. സ്ക്കൂളും ആരംഭിച്ചു
ഭൗതികസൗകര്യങ്ങള്‍
ആറ് കെട്ടിടങ്ങളാണ് ഇവിടെയുള്ളത്.ഇതില്‍ ഒന്നില്‍ പ്രീ-പ്രൈമറി വിഭാഗം പ്രവര്‍ത്തിക്കുന്നു.ഒന്നില്‍ സ്റ്റാഫ് മുറിയും കമ്പ്യൂട്ടര്‍ പരിശീലനകേന്ദ്രവും പ്രവര്‍ത്തിക്കുന്നു.ഓഫീസിന് മാത്രമായി പ്രത്യേക മുറിയുണ്ട്. ബാക്കി കെട്ടിടങ്ങളിലായാണ് ഒന്നുമുതല്‍ ഏഴ് വരെയുള്ള ക്ലാസുകള്‍ പ്രവര്‍ത്തിക്കുന്നത്.ഒരു കെട്ടിടത്തില്‍ മാനേജ്മെന്റ് ഓഫീസ് പ്രവര്‍ത്തിച്ചു വരുന്നു.ആവശ്യമായത്ര മൂത്രപ്പുരയുണ്ട്.കുടിവെള്ളത്തിനായി മതിയായത്ര കുഴലുകള്‍ സ്ഥാപിച്ചിട്ടുണ്ട്.കുട്ടികള്‍ക്കായി ഒരു ഷട്ടില്‍ കളിക്കളം തയ്യാറാക്കിയിട്ടുണ്ട്.ബഹുമാനപ്പെട്ട പൊതുമരാമത്ത് വകുപ്പ് മന്ത്രി ശ്രീ.ജി.സുധാകരന്‍ എം.എല്‍.എ.ഫണ്ടില്‍ നിന്നനുവദിച്ച പണം ഉപയോഗിച്ച് ഈയിടെ പണികഴിപ്പിച്ച പുതിയ കെട്ടിടത്തിലാണ് അടുക്കളപ്രവര്‍ത്തിക്കുന്നത്.
പാഠ്യേതര പ്രവര്‍ത്തനങ്ങള്‍
മികച്ച നിലയില്‍ സ്കൗട്ട് ഗൈഡ് പ്രവര്‍ത്തനങ്ങള്‍ നടന്നു വന്ന വിദ്യാലയമാണിത്.ഒരിക്കല്‍ മികച്ച നിലയില്‍ സ്കൗട്ടും ഗൈഡും പ്രവര്‍ത്തിക്കുന്ന സ്കൂള്‍ കണ്ടെത്താന്‍ ഒരു അമേരിക്കന്‍ മലയാളി നടത്തിയ അന്വേഷണത്തില്‍ ഈ സ്കൂളാണ് കണ്ടെത്തിയത്.അതിന് പാരിതോഷികമായി അമ്പതിനായിരം രൂപ വില മതിക്കുന്ന സ്കൗട്ട് യൂണിഫോമും സ്കൗട്ട് ഉപകരണങ്ങളും സ്കൂളിലെ കുട്ടികള്‍ക്ക് ലഭിച്ചു.ശ്രീമതി.എം.ജി.പ്രസന്നയായിരുന്നു അന്ന് ഗൈഡ് ക്യാപ്റ്റന്‍.പല തവണ സ്വാതന്ത്ര്യ ദിന-റിപ്പബ്ലിക് ദിന പരേഡുകളില്‍ സ്കൂളിലെ സ്കൗട്ട്-ഗൈഡ് വിഭാഗങ്ങള്‍ സമ്മാനങ്ങള്‍ നേടിയിട്ടുണ്ട്.
2000നവമ്പര്‍ മുതല്‍ ഇവിടെ കമ്പ്യൂട്ടര്‍ പഠനം തുടങ്ങി.കമ്പ്യൂട്ടര്‍ പരിശിലിപ്പിക്കുന്നതിന് മാത്രം അധ്യാപകരെ നിയമിച്ചിട്ടുണ്ട്.കമ്പ്യൂട്ടര്‍ മേഖലയില്‍ അഭിരുചിയുള്ള കുട്ടികളെ കണ്ടെത്തുന്നതിനും ഐ.റ്റി.മേളകളില്‍ കമ്പ്യൂട്ടറുമായി ബന്ധപ്പെട്ട മത്സരങ്ങളില്‍ കുട്ടികളെ പങ്കെടുപ്പിക്കുകയും ചെയ്യാറുണ്ട്ബഹുമാനപ്പെട്ട മന്ത്രി ശ്രീ.ജി.സുധാകരന്‍ .എം.എല്‍.എയുടെ പ്രാദേശിക വികസന ഫണ്ടില്‍ നിന്നുവദിച്ച കമ്പയൂട്ടറുകളാണ് കമ്പ്യൂട്ടര്‍ പഠനത്തിനായി ഉപയോഗിക്കുന്നത്.
വിദ്യാരംഗം കലാസാഹിത്യ വേദി മികച്ചനിലയില്‍ എക്കാലവും ഇവിടെ പ്രവര്‍ത്തിച്ചിട്ടുണ്ട്.ഒരിക്കല്‍ റവന്യൂ ജില്ല തലത്തില്‍ നടത്തിയ കഥാരചനാ മത്സരത്തില്‍ ഈ സ്കൂളിലെ കുട്ടി ഒന്നാമതെത്തി.
മുന്‍ സാരഥികള്‍
- ശ്രീമതി ചന്ദ്രാഭായി(1958-1979)
- ശ്രീമതി സൗദാമിനിയമ്മ((1979-1986)
- ശ്രീമതി റ്റി.തങ്കമ്മ(1986-1987)
- ശ്രീ.എന്‍.പുരുഷന്‍(1987-1992)
- ശ്രീമതി പാര്‍വതി വാരസ്യാര്‍(1992-1996)
- ശ്രീ.പി.ശൂലപാണി(1996-1998)
- ശ്രീമതി വി.കെ.മറിയാമ്മ(1998-2015)
സ്കൂളിലെ മുന്‍ അദ്ധ്യാപകര്‍ :
- ശ്രമതി അമ്മുക്കുട്ടിയമ്മ- യു.പി.വിഭാഗം അധ്യാപികയായിരുന്നു.മലയാളമാണ് പഠിപ്പിച്ചിരുന്നത്.മലയാളം അധ്യാപികയെന്ന നിലയില്‍ കുട്ടികള്‍ക്ക് പ്രീയംകരിയായിരുന്നു.
- ശ്രീ.തോമസ്-ആദ്യത്തെ കായികാധ്യാപകനായിരുന്നു.മികച്ച നിലയില്‍ കായിക പരിശീലനം നല്‍കിവന്നു.1984ല്‍ വിരമിച്ചു.
- ശ്രീ.അബ്ദുള്‍ ഹമീദ്-അറബി അധ്യാപകനായിരുന്നു.സ്കൂള്‍ അച്ചടക്ക പാലനത്തില്‍ വലിയ പങ്ക് വഹിച്ചിട്ടുണ്ട്.
- ശ്രീ.കെ.കെ.ചക്രപാണി-മികച്ച അധ്യാപകനും സാഹിത്യകാരനുമായിരുന്നു.പലകുട്ടികളിലെയും കലാവാസന കണ്ടെത്തി അവരെ പ്രോത്സാഹിപ്പിച്ചടുണ്ട്.2013ല്‍ അന്തരിച്ചു.
- ശ്രീമതി സുഭദ്രാമ്മ-എല്‍.പി.വിഭാഗം അധ്യാപികയായിരുന്നു.ലാളിത്യമാര്‍ന്ന പെരുമാറ്റം പ്രത്യേകതയായിരുന്നു.2016ല്‍ അന്തരിച്ചു.
- ശ്രീമതി.കെ.കെ.ജഗദമ്മ-സ്പെഷ്യല്‍ അധ്യാപികയായിരുന്നു.പൊതുകാര്യങ്ങളില്‍ വലിയ സംഭാവന ന്‍കിയിട്ടുണ്ട്.പുന്നപ്ര വയലാര്‍ സമരഭടന്‍ സ:കൊച്ചുനാരായണന്റെ സഹധര്‍മിണിയാണ്.മണ്ണഞ്ചേരി പഞ്ചായത്ത് വൈസ് പ്രസിഡന്റായി പ്രവര്‍ത്തിച്ചിട്ടുണ്ട്.
- ശ്രീ.കെ.കെ.മനോഹരന്‍-മികച്ച ശാസ്ത്രധ്യാപകനായിരുന്നു.ശാസ്ത്ര മേളകളിലും കലാ മേളകളിലും പഠന-വിനോദ യാത്രകളിലും കുട്ടികള്‍ക്ക് അവസം നല്‍കുന്നതില്‍ വലിയ സംഭാവനകള്‍ നല്‍കിയിട്ടുണ്ട്.
- ശ്രീമതി ശ്രീമതിക്കുട്ടിയമ്മ -അപ്പര്‍ പ്രൈമറി വിഭാഗം അധ്യാപികയായിരുന്നു.മലയാളമാണ് പ്രധാനമായും പഠിപ്പിച്ചിരുന്നത്.കുട്ടികളില്‍ സാഹിത്യവാസന വളര്‍ത്തുന്നതില്‍ ശ്രദ്ധിച്ചിരുന്നു.
- ശ്രീമതി രാധ എല്‍.പി.വിഭാഗം അധ്യാപികയായിരുന്നു.മലയാളവും ഗണിതവുമാണ് പഠിപ്പിച്ചിരുന്നത്.
- ശ്രീമതി കനകമ്മ യു.പി.വിഭാഗം ഹിന്ദി അധ്യാപികയായിരുന്നു.
- ശ്രീമതി സരോജിനിയമ്മ എല്‍.പി.വിഭാഗം അധ്യാപികയായിരുന്നു.ഗണിതമായിരുന്നു പ്രധാനമായും പഠിപ്പിച്ചിരുന്നത്.
- ശ്രീമതി തങ്കമണി- എല്‍.പി.വിഭാഗം അധ്യാപികയായിരുന്നു.മലയാളം ഗണിതം എന്നീ വിഷയങ്ങളാണ് പഠിപ്പിച്ചിരുന്നത്.
- ശ്രീമതി എം.ജി.ലീലമ്മ സ്പെഷ്യലിസ്റ്റ് അധ്യാപികയായിരുന്നു.തയ്യല്‍ കരകൗശലം എന്നിവയില്‍ കുട്ടികള്‍ക്ക് നല്ല പരിശീലനം നല്‍കിയിരുന്നു.
- ശ്രീമതി കെ.ലീലമ്മ-എല്‍.പി.വിഭാഗം അധ്യാപികയായിരുന്നു.1996ല്‍ വിരമിച്ചു.
- ശ്രീമതി രാജമ്മ എല്‍.പി.വിഭാഗം അധ്യാപികയായിരുന്നു.മലയാളമാണ് പ്രധാനമായും പഠിപ്പിച്ചിരുന്നത്.
- ശ്രീമതി ലീലമ്മ ജോസഫ്-യു.പി.വിഭാഗം അധ്യാപികയായിരുന്നു.സാമാഹ്യശാസ്ത്രം പഠിപ്പിച്ചിരുന്നു.2014ല്‍ അന്തരിച്ചു
- ശ്രീ.കെ.വി.തോമസ്-കായികാധ്യാപകനായിരുന്നു.കായിക പരിശീലനത്തിലും മത്സരങ്ങലിലും കുട്ടികളെ പങ്കെടുപ്പിക്കുന്നതില്‍ ഏറെ ശ്രദ്ധിച്ചിട്ടുണ്ട്.
- ശ്രീമതി സുകുമാരിയമ്മ- ഇംഗ്ലീഷ് ഗണിതം എന്നീ വിഷയങ്ങള്‍ സമര്‍ഥമായി കൈകാര്യം ചെയ്തിരുന്ന അധ്യാപികയാണ്.2013ല്‍ അന്തരിച്ചു.
- ശ്രീ.സത്യദേവന്‍-ചിത്രകലാ അധ്യാപകനായിരുന്നു.സംഗീത നാടകവേദിയില്‍ സജീവമായിരുന്നു.പൊതുപ്രവര്‍ത്തന രംഗത്തും സജീവമായിരുന്നു.
- ശ്രീമതി പി.പി.ഓമന എല്‍.പി.വിഭാഗം അധ്യാപികയായിരുന്നു.സീനിയര്‍ അസിസ്റ്റന്റായി സേവനമനുഷ്ഠിച്ചിട്ടുണ്ട്.
- ശ്രീമതി എം.ജി.പ്രസന്ന-സ്കൂള്‍ ഭരണത്തിലും പൊതുകാര്യങ്ങളിലും ഭാരത് സ്കൗട്ട്&ഗൈഡ് പ്രവര്‍ത്തനങ്ങളിലും വലിയ സംഭാവന നല്‍കിയിട്ടുണ്ട്.മാരാരിക്കുളം തെക്ക് ഗ്രാമപഞ്ചായത്ത് സ്റ്റാന്റിംഗ് കമ്മറ്റി അദ്ധ്യക്ഷയായി പ്രവര്‍ത്തിച്ചിട്ടുണ്ട്.
- ശ്രീമതി പി.രാജലക്ഷ്മിയമ്മ-മികച്ച മലയാളം അധ്യാപികയായിരുന്നു.വിദ്യാരംഗം കലാസാഹിത്യവേദിയുടെ പ്രവര്‍ത്തനങ്ങളില്‍ നല്ല പങ്ക് വഹിച്ചിട്ടുണ്ട്.
- ശ്രീമതി കെ.എ.ആരിഫ.അറബി ഭാഷാ അധ്യാപികയായിരുന്നു.
നേട്ടങ്ങള്‍
2000നവമ്പര്‍ മാസം ഒന്നാം തീയതി ഈ സ്കൂളില്‍ വിദ്യാര്‍ഥികള്‍ക്ക് സൗജന്യമായി കമ്പ്യൂട്ടര്‍ പരിശീലന പദ്ധതിക്ക് തുടക്കമിട്ടു.2002ല്‍ മാത്രമാണ് വിദ്യാഭ്യാസ വകുപ്പ് ഔദ്യോഗികമായി കമ്പ്യൂട്ടര്‍ പഠനത്തിന് തുടക്കമിട്ടതെന്നിരിക്കെ ഇത് ഒരു മികവ് തന്നെയാണ്.സ്കൗട്ട് ഗൈഡ് പ്രവര്‍ത്തനങ്ങള്‍ വളരെ മാതൃകപരമായി നടന്നു വന്ന വിദ്യാലയമാണിത്.ഈ സ്കൂളിലെ അധ്യാപകരുടെ നേതൃത്വത്തില്‍ നല്‍കിയ പരിശീലനവും പ്രോത്സാഹനവുമാണ് നിത്യമോളെ പോലയൊരു ദേശീയ പുരസ്കാരം നേടിയ കായിക പ്രതിഭയെ വളര്‍ത്തിയെടുത്തത്.കയര്‍ - മത്സ്യമേഖലകളില്‍ പ്രവര്‍ത്തിക്കുന്ന പിന്നാക്കക്കാരുടെ മക്കളായിരുന്നു ഈ സ്കൂളില്‍ പഠിച്ചു പോയവരിലേറെയും.എന്നാല്‍ അവരില്‍ പലര്‍ക്കും ഒദ്യോഗിക ജീവിതത്തിലും കാലാ സാംസ്കാരിക മേഖലകളിലും ശരാശരിക്കുമപ്പുറം എത്തുവാന്‍ കഴിഞ്ഞു എന്നത് മികവ് തന്നെയാണ്.കമ്പ്യൂട്ടര്‍ മേഖലയില്‍ മികവ് തെളിയിച്ച് പല വിദേശ രാജ്യങ്ങളിലും സേവനമനുഷ്ഠിച്ചു വരുന്ന അഞ്ജു ഹരിശ്ചന്ദ്രന്‍,കാനറാ ബാങ്ക് മാനേജറായി വിരമിച്ച എം.വി.വിശ്വഭദ്രന്‍,ഇന്‍ഡ്യന്‍ ഓവര്‍സീസ് ബാങ്ക് ഉദ്യോഗസ്ഥനായി വിരമിച്ച വി.ചന്ദ്രന്‍,പ്രമുഖ ട്രേഡ് യൂണിയന്‍ നേതാവ് പി.പി.പവനന്‍,,പൊതുമരാമത്തുവകുപ്പിലെ ഉദ്യോഗസ്ഥരായ സുദര്‍ശനന്‍,,രാജന്‍ ബാബു.കേരള സെക്രട്ടേറിയറ്റില്‍ അഗ്രി പാര്‍ലമെന്റ് സെക്ഷനിലെ സെക്ഷന്‍ ഓഫീസര്‍ വിമല്‍ കുമാര്‍,പൊതു വിതരണ വകുപ്പിലെ ഉദ്യോഗസ്ഥ ഷാഹിന,ആലപ്പുഴ നഗര സഭാംഗം ബഷീര്‍ കോയാപറമ്പില്‍,ആലപ്പുഴ നഗരസഭാംഗം ശ്രീമതി സജീന ഹാരിസ്,എക്സൈസ് വകുപ്പിലെ ഉദ്യോഗസ്ഥന്‍ രമേശ്,ഗവണ്‍മെന്റ് തമ്പകച്ചുവട് യു.പി.സ്കൂള്‍ മുന്‍ പ്രഥമാധ്യാപകന്‍ എം.വി.സുരേന്ദ്രന്‍,ക്രൈം ബ്രാഞ്ച് ആലപ്പുഴ യൂണിറ്റ് സബ്ബ് ഇന്‍സ്പെക്ടര്‍ പി.കെ.പ്രേംകുമാര്‍,മുസ്ലീം ലീഗ് നിയോജക മണ്ഡലം സെക്രട്ടറി നൗഷാദ്,കാര്‍ടൂണ്‍ രചനയില്‍ സര്‍വകലാശാലാ തലത്തില്‍ ഒന്നാം സ്ഥാനം നേടിയ ഷാജില്‍,ഭാരോദ്വഹന മത്സരത്തിലെ മികവിന് പല വട്ടം കേരള സ്ട്രോംഗ് മാന്‍ പദവി ലഭിച്ച ഭാസുരന്‍,പ്രകൃതി ചികിത്സാ രംഗത്തിലൂടെ രാജ്യമാകെ അറിയപ്പെടുന്ന ഡോ.കെ.സേതു,ദേശീയ തലത്തില്‍ ഉപന്യാസ രചനാ മത്സരത്തിന് പുരസ്കാരം നേടിയ കുമാരി ഗായത്രി,ഓട്ടം തുള്ളല്‍ മത്സരത്തില്‍ സ്കൂളിന് സമ്മാനം നേടിയ മികച്ച വാസ്തുശില്പി കൂടിയായ അംബുജന്‍,കായികതാരമായിരുന്ന ദാസന്‍,പൂന്തോട്ടം സെന്റ് മേരീസ് സ്കൂളിലെ അധ്യാപകന്‍ റ്റി.ജെ.യേശുദാസ്,തുടങ്ങി അനേകം പേരെ സമൂഹത്തിന് സംഭാവന നല്‍കാന്‍ കഴിഞ്ഞത് ഈ വിദ്യാലയത്തിന്റെ നേട്ടമാണ്.
പ്രശസ്തരായ പൂര്‍വവിദ്യാര്‍ത്ഥികള്‍
- ദേശീയ കായികതാരം നിത്യമോള്‍
- നാടക-സിനിമാ താരം സുന്ദരം കുറുപ്പശ്ശേരി
- നഗരസഭാംഗം ബഷീര്‍ കോയാ പറമ്പില്‍
- ഉപന്യാസ രചനാ മത്സരത്തില്‍ ദേശീയ പുരസ്കാരം നേടിയ കുമാരി ഗായത്രി
- സ്ട്രോംഗ് മാന്‍ ഭാസുരന്‍
- ആലപ്പുഴ എസ്.ഡി.കോളേജിലെ കോമേഴ്സ് വിഭാഗത്തിലെ അധ്യാപകന്‍ ഡോ.റ്റി.ആര്‍.അനില്‍ കുമാര്‍
- ക്രൈം ബ്രാഞ്ച് സബ് ഇന്‍സ്പെക്ടര്‍ ശ്രി.പി.കെ.പ്രേംകുമാര്‍
- പ്രകൃതി ചികിത്സാ രംഗത്ത് പ്രശസ്തനായ ശ്രീ.കെ.സേതു
- തൊഴിലാളി സംഘടനാ നേതാവ് ശ്രി.പി.പി.പവനന്‍
- സംസ്ഥാന സെക്രട്ടേറിയേറ്റില്‍ അഗ്രി പാര്‍ലമെന്റ് സെക്ഷനിലെ സെക്ഷന്‍ ഓഫീസര്‍ ഡി.വിമല്‍ കുമാര്‍
- മങ്കൊമ്പ് തെക്കേക്കര സ്കൂളിലെ അധ്യാപകന്‍ ശ്രീ.മധു.
വഴികാട്ടി
ദേശിയ പാത66ല്‍ കളര്‍കോട് നിന്നു തുടങ്ങുന്ന ബൈപാസിലൂടെ ഒരു നാഴിക വടക്കുപടിഞ്ഞാറേക്ക് സഞ്ചരിച്ചാല്‍ സ്കൂളിലെത്താം.ആലപ്പുഴ റെയില്‍വേ സ്റ്റഷനില്‍ നിന്ന് റെയില്‍ വേസ്റ്റേഷന്‍ തിരുവമ്പാടി റോഡിലൂടെ കിഴക്കോട്ട് വരുമ്പോള്‍ ത്രവേണി ജംഗ്ഷനില്‍ നിന്ന് വലത്തോട്ട് തിരിഞ്ഞ് അര നാഴിക യാത്ര ചെയ്താലും സ്കൂളിലെത്തിച്ചേരാം. ബൈപാസ് കടന്നു പോകുന്നിടത്ത് പ്രശസ്തമായ ഇലവന്തിക്കുളത്തിന് സമീപമാണ് സ്കൂള്‍ നില്‍ക്കുന്നത്.
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|
{{#multimaps:9.474298, 76.331627 |zoom=13}}