എം.ഇ.എസ്.എച്ച്. എസ്.എസ്. ഇരിമ്പിളിയം/പ്രവർത്തനങ്ങൾ/2026-27
| Home | 2026-27 |
|
Archive   2022-23 2023-24 2024-25 2025-26
|
സ്ക്കൂൾതല ക്യാമ്പ് 2025-28 – ആദ്യഘട്ടം
ഇരിമ്പിളിയം എം.ഇ.എസ് ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് 2025–28 ബാച്ച്-1ന്റെ ആദ്യഘട്ട സ്കൂൾതല ക്യാമ്പ് 2026 മെയ് 16-ന് സംഘടിപ്പിച്ചു. 40 കുട്ടികൾ പങ്കെടുത്ത ഏകദിന ക്യാമ്പ് സാങ്കേതികവിദ്യാധിഷ്ഠിത പഠനാനുഭവമായി മാറി. ക്യാമ്പിൽ ക്യാമറയിലും മൊൈബൈൽ ഫോണിലും വീഡിയോ ചിത്രീകരണം നടത്തുന്നതിനുള്ള അടിസ്ഥാനപരമായ പരിശീലനവും, റീലുകൾ, ഷോർട്ട് വീഡിയോകൾ, പ്രൊമോ വീഡിയോകൾ എന്നിവയുടെ നിർമ്മാണത്തിനായി എഡിറ്റിംഗ് സോഫ്റ്റ്വെയറായ കേഡൻലൈവ് എങ്ങനെ ഫലപ്രദമായി ഉപയോഗിക്കാമെന്നതിനെക്കുറിച്ചുള്ള പ്രായോഗിക പരിശീലനവും കുട്ടികൾക്ക് നൽകി. സ്കൂൾ ഹെഡ്മാസ്റ്റർ അഷ്റഫ് അലി സാർ ക്യാമ്പ് ഉദ്ഘാടനം ചെയ്തു. മറാക്കര വി.വി.എം ഹയർ സെക്കൻഡറി സ്കൂളിലെ ലിറ്റിൽ കൈറ്റ് മാസ്റ്റർ നജീബ് സാർ പരിശീലന ക്ലാസുകൾക്ക് നേതൃത്വം നൽകി. ഇരിമ്പിളിയം എം.ഇ.എസ് ഹയർ സെക്കൻഡറി സ്കൂളിലെ ലിറ്റിൽ കൈറ്റ് മാസ്റ്റർ മുഹമ്മദ് മുനീർ, ലിറ്റിൽ കൈറ്റ് മിസ്ട്രസ് ഹഫ്സ എന്നിവർ ക്യാമ്പിന് നേതൃത്വം നൽകി. ലിറ്റിൽ കൈറ്റ് അംഗം നിദ നസ്റിൻ നന്ദി രേഖപ്പെടുത്തി.
