2025 26 വർഷത്തെ ജിഎച്ച്എസ്എസ് അട്ടേങ്ങാനം സ്കൂളിലെ പ്രവേശനോത്സവം ഗംഭീരമായി ജൂൺ രണ്ടാം തീയതി സ്കൂളിൽ വെച്ച് സമുചിതമായി ആഘോഷിച്ചു. 10 മണിക്ക് ആരംഭിച്ച ഉദ്ഘാടനം യോഗത്തിൽ പ്രിൻസിപ്പൽ ഇൻ ചാർജ് ശ്രീ ഗംഗാധരൻ മാസ്റ്റർ സ്വാഗതം അറിയിച്ചു. അധ്യക്ഷസ്ഥാനം സ്കൂളിൻറെ പിടിഎ പ്രസിഡൻറ് ശ്രീ പി ഗോപി വഹിച്ചു. പ്രവേശഹോത്സവ ഉദ്ഘാടന കർമം ശ്രീ ഷിനോജ് ചാക്കോ (ജില്ലാ പഞ്ചായത്ത് മെമ്പർ ) നിർവഹിച്ചു. മുഖ്യാതിഥി ശ്യാമള (മുൻ പ്രിൻസിപ്പൽ ) ചടങ്ങിന് മാറ്റ് നൽകി ശ്രീ ചന്ദ്രൻ (എസ് എം സി ചെയർമാൻ) ശ്രീമതി മിനി (എം പി ടി എ പ്രസിഡൻറ്) ശ്രീ വി ഉണ്ണികൃഷ്ണൻ( പിടിഎ മെമ്പർ) സി മോഹനൻ (പ്രതീക്ഷ യുഎഇ കമ്മിറ്റി) ഉണ്ണികൃഷ്ണൻ (ചെയർമാൻ വികസന സമിതി) ശ്രീമതി മെറീന ആൻറണി (സീനിയർ അസിസ്റ്റൻറ്) എന്നിവർ ആശംസ അറിയിച്ചു സംസാരിച്ചു.സ്കൂൾ പി റ്റി എ യുടെ വക എട്ടാം ക്ലാസിലെ കുട്ടികൾക്കുള്ള പഠനോപകരണ വിതരണം നടത്തി. പ്രതീക്ഷ യു എ ഇ ക്ലബ് സ്പോൺസർ ചെയ്ത പായസ വിതരണവും നടന്നു. ശ്രീമതി ബിജിലി (ഹെഡ്മിസ്ട്രസ് ജിഎച്ച്എസ്എസ് ആയിരുന്നു) നന്ദി പ്രഭാഷണത്തോടെ ഉൽഘാടന ചടങ്ങ് അവസാനിച്ചു.
പരിസ്ഥിതി ദിനം
പരിസ്ഥിതി ദിനം 2025-26
ജൂൺ 5 ലോക പരിസ്ഥിതി ദിനം അ ട്ടേങ്ങാനo ഗവൺമെൻറ് ഹയർ സെക്കൻഡറി സ്കൂളിൽ വിപുലമായ പരിപാടികളോടെ ആഘോഷിച്ചു രാവിലെ കൃത്യം 9.45 ന് തന്നെ അസംബ്ലി ആരംഭിച്ചു. ഹെഡ്മിസ്ട്രസ് ശ്രീമതി ബിജിലി കെ വി ലോക പരിസ്ഥിതി ദിനത്തിൻറെ പ്രാധാന്യത്തെക്കുറിച്ച് കുട്ടികളോട് സംസാരിച്ചു. സ്കൂളിൽ പാലിക്കേണ്ട മര്യാദകളെ കുറിച്ച് ശ്രീ ടോമി ഫിലിപ്പ് സംസാരിച്ചു. കുട്ടികൾക്ക് പരിസ്ഥിതി ദിന ആശംസകൾ നേർന്നുകൊണ്ട് ശ്രീമതി വിജീഷ അസംബ്ലിയിൽ സംസാരിച്ചു. പരിസ്ഥിതി ദിന പ്രതിജ്ഞ സ്കൂളിലെ ലീഡർ കുമാരി അനന്യ കുട്ടികൾക്ക് ചൊല്ലിക്കൊടുത്തു. പരിസ്ഥിതി ദിനാഘോഷങ്ങളുടെ ഭാഗമായി വൃക്ഷത്തൈ നടൽ പൂന്തോട്ട നിർമ്മാണം പച്ചത്തുരുത്തു നിർമ്മാണം ക്യാമ്പസ് ക്ലീനിങ് എന്നിവ നടന്നു. JRC ഇക്കോ ക്ലബ്ബിൻറെ നേതൃത്വത്തിൽ നടന്ന വൃക്ഷത്തൈ നടൽ ഹെഡ്മിസ്ട്രസ് ശ്രീമതി ബിജിലി കെ വി ഉദ്ഘാടനം ചെയ്തു.JRC ക്ലബ്ബ് കോർഡിനേറ്റർ ശ്രീ പവിത്രൻ എം സി കുട്ടികൾക്ക് പച്ചത്തുരുത്ത് നിർമ്മിക്കാനുള്ള നിർദ്ദേശങ്ങൾ നൽകി.8 A 8B ക്ലാസുകളുടെ നേതൃത്വത്തിലുള്ള പൂന്തോട്ട നിർമ്മാണം ക്ലാസ് ടീച്ചർമാരായ രേഖ VV ദീപ രാജേഷ് എന്നിവർ നേതൃത്വം നൽകി.. പരിസര ദിനത്തിൻറെ ഭാഗമായുള്ള ബോധവൽക്കരണ ക്ലാസ് ശ്രീമതി രേഖVV സ്കൂളിലെ മുഴുവൻ കുട്ടികൾക്കും നൽകി.
