ലിറ്റിൽ കൈറ്റ്സ് ഒന്നാം ഘട്ട സ്കൂൾ ക്യാമ്പ് ( 2025 മെയ് 29)
പെരുവള്ളൂർ ജി എച്ച് എസ് എസ് ഒമ്പതാം ക്ലാസ് ലിറ്റിൽ കൈറ്റ്സ് വിദ്യാർത്ഥികൾക്കായി അവധിക്കാല വീഡിയോ പ്രൊഡക്ഷൻ ക്യാമ്പ് നടത്തി. സോഫ്റ്റ്വെയർ എഡിറ്റിങ്ങിലൂടെ റീൽസ്, പ്രമോഷൻ വീഡിയോ നിർമ്മാണത്തിൽ പരിശീലനം നൽകി. ജി എച്ച് എസ് എസ് കൊളപ്പുറത്തിലെ കൈറ്റ് മിസ്ട്രസ് ജിബി, ജി എച്ച് എസ് എസ് പെരുവള്ളൂരിലെ കൈറ്റ് മാസ്റ്റർ ഗിരീഷ് എന്നിവർ ക്ലാസെടുത്തു. പി ടി എ പ്രസിഡൻറ് അൻവർ,സീനിയർ ടീച്ചർ സിന്ധു, സ്റ്റാഫ് സെക്രട്ടറി ബാലകൃഷ്ണൻ എന്നിവർ ക്യാമ്പ് സന്ദർശിച്ചു
ജി എച്ച് എസ് എസ് പെരുവള്ളൂർ
ജി എച്ച് എസ് എസ് പെരുവള്ളൂർ
പരിസ്ഥിതി ദിനം 2025
ഡിജിറ്റൽ പോസ്റ്റർ നിർമ്മാണ മത്സരം
2025 ജൂൺ 05
പെരുവള്ളൂർ ഗവൺമെൻറ് ഹയർ സെക്കൻഡറി സ്കൂളിൽ ലോക പരിസ്ഥിതി ദിനാഘോഷത്തിന്റെ ഭാഗമായി വിവിധ പരിപാടികൾ സംഘടിപ്പിച്ചു. ലിറ്റിൽ കൈറ്റ്സ് വിദ്യാർഥികൾക്കായി പരിസ്ഥിതി സംരക്ഷണ പോസ്റ്റർ മേക്കിങ് മത്സരം സംഘടിപ്പിച്ചു. പ്ലാസ്റ്റിക് പരിസ്ഥിതിയുടെ അന്തകൻ എന്ന വിഷയത്തിൽ ലിറ്റിൽ കൈറ്റ്സ് വിദ്യാർത്ഥികൾ റോൾപ്ലേ അവതരിപ്പിച്ചു. സ്കൂളിലെ മറ്റു ക്ലബ്ബുകൾ ആയ എസ് പി സി ,ജെ ആർ സി , എൽപി , യുപി വിദ്യാർത്ഥികൾ എന്നിവർ വൃക്ഷത്തൈകൾ നട്ടു.സ്കൂൾ ഹെഡ്മാസ്റ്റർ ഹരീഷ് കുമാർ, സീനിയർ ടീച്ചർ സിന്ധു, സ്റ്റാഫ് സെക്രട്ടറി ഗിരീഷ്, ഹരിത സേന കൺവീനർ ബാലകൃഷ്ണൻ എന്നിവർ പ്രവർത്തനങ്ങൾക്ക് നേതൃത്വം നൽകി. പരിസ്ഥിതി ദിനാഘോഷത്തോടൊപ്പം ബലിപെരുന്നാളാഘോഷത്തിന്റെ ഭാഗമായി മെഹന്ദി മത്സരവും സംഘടിപ്പിച്ചു ബലിപെരുന്നാൾ ആഘോഷ പരിപാടികൾക്ക് സമീന, പ്രതീഷ് കുമാർ,സുനിത എന്നിവർ നേതൃത്വം നൽകി.
പരിസ്ഥിതി ദിനത്തിൽ ലഹരിക്കെതിരെ ബോധവത്കരണം, പെരുന്നാൾ എന്നിവയുമായി ബന്ധപ്പെട്ട് സ്കൂളിൽ നടന്ന പരിപാടികൾ
പരിസ്ഥിതി ദിനം - ഡോക്യുമെന്റേഷൻ
പരിസ്ഥിതി ദിനം - ഡോക്യുമെന്റേഷൻ
പരിസ്ഥിതി ദിനം - ഡോക്യുമെന്റേഷൻ
പരിസ്ഥിതി ദിനം - ഡോക്യുമെന്റേഷൻ
പരിസ്ഥിതി ദിനം - ഡോക്യുമെന്റേഷൻ
സൈബർ സുരക്ഷാ ക്ലാസ്
2025 ജൂൺ 09
സംസ്ഥാന സർക്കാറിൻ്റെ സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി പെരുവള്ളൂർ ഗവൺമെൻ്റ് ഹയർ സെക്കൻഡറി സ്കൂളിൽ സൈബർ ലോകത്തെ സുരക്ഷിത ജീവിതം എന്ന വിഷയത്തിൽ സ്കൂളിലെ ലിറ്റിൽ കൈറ്റ്സ് അംഗങ്ങൾ ക്ലാസ് എടുത്തു.പ്രധാന അധ്യാപകൻ ശ്രീ ഹരീഷ് കുമാർ ക്ലാസ് ഉദ്ഘാടനം ചെയ്തു .യുപി മുതൽ എച്ച് എസ് വരെയുള്ള മുഴുവൻ ക്ലാസിലെ കുട്ടികൾക്കും ക്ലാസ് നൽകി.സൈബർ ബുള്ളിംഗ് സൈബർ ഗ്രൂമിംഗ് തുടങ്ങി സൈബർ ലോകം നേരിട്ടുകൊണ്ടിരിക്കുന്ന പ്രധാന വിഷയങ്ങൾ എല്ലാം ഉൾപ്പെടുത്തിയായിരുന്നു ക്ലാസുകൾ.കൂടാതെ സൈബർ ലോകത്തെ മറ്റ് ചതിക്കുഴികളെ കുറിച്ചും വിദ്യാർത്ഥികളിൽ അവബോധം ഉണ്ടാക്കി.സൈബർ ലോകത്തെ സുരക്ഷ ഓരോ വ്യക്തിയുടെയും ഉത്തരവാദിത്വമാണെന്ന സന്ദേശവും കുട്ടികൾക്ക് ക്ലാസിലൂടെ ലഭിച്ചു.ലിറ്റിൽ കൈറ്റ്സ് ചുമതലയുള്ള അധ്യാപകരായ ഗിരീഷ് വി,നിഷിത എംകെ എന്നിവർ നേതൃത്വം നൽകി
