ഗവൺമെൻറ്, ഗേൾസ് എച്ച്.എസ്. എസ് ,കോട്ടൺഹിൽ/പ്രവർത്തനങ്ങൾ/2025-26
പ്രവേശനോത്സവം 2025-26
മധ്യവേനലവധി കഴിഞ്ഞ് 2024-25 വർഷത്തെ പ്രവേശനോത്സവം 2025 ജൂൺ 2 തിങ്കളാഴ്ച സ്കൂളിൽ സമുചിതമായി ആഘോഷിച്ചു. മുത്തുക്കുടകളും വർണ്ണക്കൊടികളും കൊണ്ട് അലങ്കരിച്ച സ്കൂളിൽ ചെണ്ടമേളങ്ങളോടെ കുട്ടികളെ സന്തോഷത്തോടെ സ്വീകരിച്ചു. പുതിയ കുട്ടികളെ തങ്ങളുടെ മാതാപിതാക്കൾക്കൊപ്പം ഓഡിറ്റോറിയത്തിൽ ഇരുത്തി. 9.30 പ്രവേശനോത്സവ പരിപാടികൾ ആരംഭിച്ചു. മുഖ്യമന്ത്രി നിർവഹിച്ച സംസ്ഥാനതല സ്കൂൾ തല പ്രവേശനോത്സവ ഉദ്ഘാടന ചടങ്ങിൻ്റെ തത്സമയ സംപ്രേക്ഷണവും മുഖ്യമന്ത്രിയുടെ സന്ദേശവും വേദിയിൽ കാണിച്ചതിനു ശേഷം സ്കൂൾ പ്രവേശനോത്സവ പരിപാടികൾ ആരംഭിച്ചു.പ്രസ്തുത പരിപാടിയിൽ സ്കൂൾ പ്രിൻസിപ്പാൾ ശ്രീമതി. ഗ്രീഷ്മ വി സ്വാഗതം ആശംസിച്ചു. ചടങ്ങിൻ്റെ അധ്യക്ഷപദം സ്കൂൾ പിറ്റി എ പ്രസിഡൻ്റ് ഡോ. അരുൺ മോഹൻ അലങ്കരിച്ചു. ഉദ്ഘാടനം സ്കൂളിൻ്റെ പൂർവ്വവിദ്യാർത്ഥിനിയും വാർഡ് കൗൺസിലറുമായ അഡ്വ. രാഖി രവികുമാർ നിർവ്വഹിച്ചു. നാടകപ്രവർത്തകൻ ശ്രീ. സാം ജോർജ് മുഖ്യാതിഥി ആയിരുന്നു.ചടങ്ങിൽ എച്ച് എം ശ്രീമതി.ഗീത ജി, എസ്.എം.സി ചെയർമാൻ ശ്രീ.ബ്രിജിത്ത് ലാൽ എം എസ്, സ്റ്റാഫ് സെക്രട്ടറി ശ്രീമതി. നജ്മത്ത് ,എം പി ടി എ പ്രസിഡൻ്റ് എന്നിവർ ആശംസകൾ അർപ്പിച്ചു.പ്രോഗ്രാം കൺവീനർ ശ്രീ പ്രവീൺരാജ്ച ചടങ്ങിന് നന്ദി പറഞ്ഞു. തുടർന്ന് വിദ്യാർത്ഥിനികളുടെ വിവിധ കലാപരിപാടികൾ അരങ്ങേറുകയും യു എസ് എസ് വിജയികൾക്ക് സമ്മാനം വിതരണംചെയ്തു . ക്ലാസ് അധ്യാപകരുടെ നേതൃത്വത്തിൽ പുതിയ കുട്ടികളെ ക്ലാസുകളിലേക്ക് സ്വാഗതം ചെയ്തു. 5 മുതൽ 12 വരെ എല്ലാ കുട്ടികൾക്കും മധുരവിതരണം ചെയ്തു. നേതൃത്വത്തിൽ ഡോക്കുമെൻേറഷൻ പ്രവർത്തനങ്ങൾ ലിറ്റിൽ കൈറ്റ്സും , മറ്റ് പ്രവർത്തനങ്ങളിൽ എൻ സി സി, എസ് പി സി കുട്ടികളും കർമ്മ നിരതരായിരുന്നു.
പരിസ്ഥിതി ദിന ആഘോഷം 2025-26
2025 26 അക്കാദമിക വർഷത്തെ പരിസ്ഥിതി ദിന ആഘോഷം വളരെയധികം സമുചിതമായി സ്കൂളിൽ ജൂൺ അഞ്ചാം തീയതി ആഘോഷിച്ചു. ഹിമാചൽ പ്രദേശിൽ നിന്ന് വന്ന 18 കുട്ടികളും രണ്ട് അധ്യാപകരും അടങ്ങുന്ന ടീം നമ്മുടെ സ്കൂളിലെ ആഘോഷങ്ങളിൽ പങ്കെടുത്തു .പരിസ്ഥിതി ദിന ആഘോഷത്തിൻെറ ഭാഗമായി പരിസ്ഥിതി ദിന പ്രതിജ്ഞ ,പോസ്റ്റർ നിർമ്മാണം, മരം നടൽ ,മുത്തശ്ശി ആൽ മരത്തെ ആദരിക്കൽ ,പരിസ്ഥിതി ദിന പ്രസന്റേഷൻ എന്നിവ എക്കോ ക്ലബ്ബിന്റെ നേതൃത്വത്തിൽ നടന്നു. സ്കൂളിലെ മാലിന്യങ്ങളെ പലതായി തരംതിരിച്ച് ബാസ്കറ്റുകളിൽ ആക്കുന്നതിന് കുട്ടികൾക്ക് പരിശീലനം നൽകി .പരിസ്ഥിതി ദിന ഗാനവും , പ്രഭാഷണവും സാമൂഹ്യശാസ്ത്ര ക്ലബ്ബിന്റെ നേതൃത്വത്തിൽ നടന്നു. ഐടി ക്ലബ്ബിന്റെയും ലിറ്റിൽ കൈറ്റ്സിൻെറയും നേതൃത്വത്തിൽ പരിസ്ഥിതി ദിന പ്രമോ വീഡിയോ മത്സരവും, ഡിജിറ്റൽ പോസ്റ്റർ മത്സരവും നടത്തി .കൂടാതെ ഹിമാചൽ പ്രദേശം നിന്ന് വന്ന കുട്ടികൾക്കും അധ്യാപകർക്കും വേണ്ടി ഡോക്യുമെന്റേഷനും ,റോബോട്ടിക് ഉപകരണങ്ങളുടെ പ്രദർശനവും ,ആനിമേഷൻ ,സ്ക്രാച്ച് ,പ്രോഗ്രാമിംഗ് തുടങ്ങിയവയുടെ പ്രദർശനവും ഉണ്ടായിരുന്നു .സ്കൂളിൽ കണ്ടതിൽ ഏറ്റവും അധികം ഇന്നവേറ്റീവ് ആയിട്ടുള്ള കാര്യങ്ങൾ കണ്ടത് ലിറ്റിൽ കൈറ്റ്സിലെ യൂണിറ്റിൽ ആണ് എന്നുള്ളത് ഹിമാചൽപ്രദേശിൽ നിന്നും വന്ന അധ്യാപകരും കുട്ടികളും ഒരേ സ്വരത്തിൽ അഭിപ്രായപ്പെട്ടു .മലയാളം ക്ലബ്ബിൻറെ നേതൃത്വത്തിൽ പോസ്റ്റർ കോമ്പറ്റീഷൻ നടത്തി .ഒരു ദിവസം നീണ്ടുനിൽക്കുന്ന പരിസ്ഥിതി ദിന ആഘോഷങ്ങൾ വളരെ ഗംഭീരമായി നടത്തുവാൻ കുട്ടികളും അധ്യാപകരും ശ്രദ്ധിച്ചു .ഹിമാചൽ പ്രദേശിലെ കുട്ടികളുടെ വിവിധ കലാപരിപാടികൾ കൊണ്ട് നമ്മുടെ സ്കൂളിലെ പരിസ്ഥിതി ദിന ആഘോഷം വളരെയധികം സമ്പുഷ്ടമായി