സെന്റ്. മേരീസ് എച്ച്.എസ്സ്.എസ്സ് കുറവിലങ്ങാട്
| സെന്റ്. മേരീസ് എച്ച്.എസ്സ്.എസ്സ് കുറവിലങ്ങാട് | |
|---|---|
| വിലാസം | |
കുറവിലങ്ങാട് കോട്ടയം ജില്ല | |
| സ്ഥാപിതം | 01 - 01 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോട്ടയം |
| വിദ്യാഭ്യാസ ജില്ല | കടുത്തുരുത്തി |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 19-01-2017 | Dckottayam |
കോട്ടയം ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.
ചരിത്രം
ചരിത്രത്തിന്റെ വഴികള്‍
കേരള കത്തോലിക്കസഭയുടെ വികാരി ജനറാളും ദീപിക ദിനപത്രത്തിന്റെ സ്ഥാപകനും ചരിത്ര പണ്ഡിതനും ആയിരുന്ന ബഹു. നിധീരിക്കല്‍ മാണിക്കത്തനാര്‍ കുറവിലങ്ങാട് മര്‍ത്ത് മറിയം ഫൊറോന പള്ളിയുടെ വികാരിയായിരിക്കേ 1894 ജനുവരി മാസത്തില്‍ ഇംഗ്ലീഷ് സ്കൂള്‍ എന്ന പേരില്‍ ഈ വിദ്യാലയത്തിന് ആരംഭം കുറച്ചു. അന്നത്തെ ദിവാനായിരുന്ന ബഹു. ശങ്കര സുബയ്യ സ്കൂള്‍ സന്ദര്‍ശിച്ച് സ്കൂളിന് അംഗീകാരം നല്കി.
1907 – ല്‍ സ്കൂളിന്റെ പേര് സെന്റ് മരീസ് ലോവര്‍ ഗ്രേഡ് സെക്കണ്ടറി സ്കൂള്‍ എന്നാക്കി. 1921 – ല്‍ അപ്പര്‍ പ്രൈമറി സ്കൂള്‍ ആയി ഉയര്‍ത്തി. 1924 – ല്‍ സെന്റ് മേരീസ് ബോയ് സ് ഇംഗ്ലീഷ് ഹൈസ്കൂള്‍ എന്നു നാമകരണം ചെയ്തു. 1998 – ല്‍ സെന്റ് മേരീസ് ഹയര്‍ സെക്കണ്ടറി സ്കൂള്‍ ആയി വളര്‍ന്നു. 2002-03 അദ്ധ്യയന വര്‍ഷം മുതല്‍ പെണ്‍കുട്ടികള്‍ക്കും ഹയര്‍ സെക്കണ്ടറി യില്‍ പ്രവേശനം നല്‍കിത്തുടങ്ങി. കേരളത്തിലെ തന്നെ ഒന്നാം നിര വിദ്യാഭ്യാസ സ്ഥാപനമായി കുറവിലങ്ങാട് സെന്റ് മേരീസ് ഹയര്‍ സെക്കണ്ടറി സ്കൂള്‍ പ്രവര്‍ത്തിച്ചു വരുന്നു.
രാഷ്ട്റപതി ഡോ. കെ. ആര്‍. നാരായണനു സ്വന്തം ...
ഭാരതത്തിന്റെ മുന്‍ രാഷ്ട്രപതി ഡോ. കെ ആര്‍. നാരായണന്‍ കുറവിലങ്ങാട് സെന്റ് മേരീസ് ഹൈസ്കൂളിലെ പൂര്‍വ്വ വിദ്യാര്‍ത്ഥിയായിരുന്നു. തന്റെ ജന്മദേശമായ ഉഴവൂര്‍ നിന്ന് കാല്‍നടയായി സഞ്ചരിച്ചാണ് അദ്ദേഹം ഈ വിദ്യാലയത്തിലെത്തി അദ്ധ്യയനം നടത്തിയിരുന്നത്. ഉപരാഷ്ട്രപതിയായിരിക്കേ 1993 സെപ്റ്റംബര്‍ 4 – ന് തന്റെ മാതൃവിദ്യാലയം സന്ദര്‍ശിക്കുകയും സ്കൂളിന്റെ ശതാബ്ദി ആഘോഷങ്ങള്‍ ഔപചാരികമായി ഉദ്ഘാടനം ചെയ്യുകയും ചെയ്തു. 1997 സെപ്റ്റംബര്‍ 19 – ന് രാഷ്ട്രപതി എന്ന നിലയിലും ഡോ. കെ. ആര്‍. നാരായണന്‍ ഈ വിദ്യാലയം സന്ദര്‍ശിച്ചുവെന്നതും അഭിമാനകരമാണ്.
സാമൂഹിക – മതാത്മക – രാഷ്ട്രീയ രംഗത്തെ അനേകം പ്രഗത്ഭരെ ഈ വിദ്യാലയം വാര്‍ത്തെടുക്കുകയുണ്ടായി.
ബിഷപ്പുമാരായ ഡോ. ജോര്‍ജ്ജ് മാമലശ്ശേരി, ഡോ. ജോസഫ് മിറ്റത്താനി, ജവഹര്‍ലാല്‍ നെഹൃവിന്റെ സാമ്പത്തിക ഉപദേഷ്ടാവായിരുന്ന ഡോ. പി.ജെ.തോമസ്, അക്കൌണ്ടന്റ് ജനറലായിരുന്ന ശ്രീ. കെ. പി ജോസഫ്, കേരളത്തിലെ പ്രഥമ ഐ..ജി. യായിരുന്ന ശ്രീ. പോള്‍ മണ്ണാനിക്കാട്, രാഷ്ട്റീയ പ്രമുഖരായ ശ്രീ. കെ.എം. മാണി, ശ്രീ. ഒ ലൂക്കോസ്, ശ്രീ. പി. എം. മാത്യു തുടങ്ങിയവരെല്ലാം ഈ വിദ്യാലയത്തിലെ പൂര്‍വ്വവിദ്യാര്‍ത്ഥികളാണ്. ഷെവ. വി. സി. ജോര്‍ജ്, ഡോ. കുര്യാസ് കുമ്പളക്കുഴി, ശ്രീ. കെ.സി ചാക്കോ തുടങ്ങിയവരും ഈ വിദ്യാലയത്തിലെ പൂര്‍വ്വ വിദ്യാര്‍ത്ഥികളാണ്.
2008 ഒക്ടോബര്‍ 16 – ന് സ്കൂള്‍ കെട്ടിടം ഭാഗികമായി അഗ്നിക്കിരയായി.. എങ്കിലും മാനേജുമെന്റും നാട്ടുകാരും പൂര്‍വ്വവിദ്യാര്‍ത്ഥികളും ചേര്‍ന്ന് പുനര്‍നിര്‍മ്മിക്കുകയും 2009 ഫെബ്രുവരി 7 – ന് പാലാ രൂപതാദ്ധ്യക്ഷന്‍ മാര്‍ ജോസഫ് കല്ലറങ്ങാട്ട് വെഞ്ചരിപ്പുകര്‍മ്മം നിര്‍വ്വഹിക്കുകയും ചെയ്തു.
സമര്‍ത്ഥരായ വിദ്യാര്‍ത്ഥികള്‍ക്കു വേണ്ടി രാഷ്ട്രപതി ഡോ. കെ. ആര്‍. നാരായണന്‍ ഏര്‍പ്പെടുത്തിയ 24 സ്കോളര്‍ഷിപ്പുകളും അഭ്യുദയകാംക്ഷികള്‍ ഏര്‍പ്പെടുത്തിയ 44 സ്കോളര്‍ഷിപ്പുകളും വര്‍ഷം തോറും നല്‍കിവരുന്നു.
ഭൗതികസൗകര്യങ്ങള്‍
മൂന്ന് ഏക്കര്‍ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 41 ക്ലാസ് മുറികളും ഹയര്‍ സെക്കണ്ടറിക്ക് ഒരു കെട്ടിടത്തിലായി 6 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.
ഹൈസ്കൂളിനും ഹയര്‍സെക്കണ്ടറിക്കും വെവ്വേറെ കമ്പ്യൂട്ടര്‍ ലാബുകളുണ്ട്. രണ്ട് ലാബുകളിലുമായി ഏകദേശം അമ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.
പാഠ്യേതര പ്രവര്‍ത്തനങ്ങള്‍
നേതൃത്വവാസനയും സഹകരണ മനോഭാവവും വളര്‍ത്തിക്കൊണ്ട് വരുവാന്‍ പരിശീലിപ്പിക്കുന്ന സ്കൗട്ട് സംഘടന നല്ല രീതിയില്‍ പ്രവര്ത്തിച്ചുവരുന്നു
ക്ലബ്ബിന്റെ ആഭിമുഖ്യത്തില്‍ സെമിനാറുകള്‍ ക്വിസ് മത്സരങ്ങള്‍ എന്നിവ നടത്തി വരുന്നു. ഗണിത ശാസ്ത്ര് മത്സരങ്ങളില്‍ കുട്ടികള്‍ പങ്കെടുക്കുകയും സമ്മാനങ്ങള്‍ നേടിവരികയും ചെയ്യുന്നു
എല്ലാ മാസവും ക്വിസ് മത്സരങ്ങള്‍ നടത്തി സമ്മാനങ്ങള്‍ നല്കുന്നു ശാസ്ത്രമേളകളില്‍ കുട്ടികള്‍ പങ്കെടുക്കുകയും സമ്മാനങ്ങള്‍ക്ക് അര്‍ഹരാവുകയും ചെയ്യുന്നു
കുട്ടികളില്‍ ഐ. ടി. ആഭിമുഖ്യം വളര്‍ത്തുന്നതിന് ഈ ക്ലബ്ബിന്റെ പ്രവര്‍ത്തനം സഹായിക്കുന്നു. ക്ലബ്ബിന്റെ ആഭിമുഖ്യത്തില്‍ വെബ് പേജ് ഡിസൈനിംഗ്, ഡിജിറ്റല്‍ പെയിന്റിംഗ് ,പ്രോജക്ട് , മള്‍ട്ടിമീഡിയ പ്രസന്റേഷന്‍, മല.യാളം കമ്പ്യൂട്ടിംഗ് തുടങ്ങിയവയില്‍ പരിശീലനം നല്കി വരുന്നു. ഐ റ്റി ക്ലബ്ബിന്റെ ആഭിമുഖ്യത്തില്‍ ' ഹായ് സ്കൂള്‍ കുട്ടിക്കൂട്ടം' സജ്ജമായിക്കഴി‍ഞ്ഞു.
ഹിരോഷിമാ ദിനം, സ്വാതന്ത്ര്യ ദിനം, ശിശു ദിനം തുടങ്ങിയവ ആചരിച്ചു വരുന്നു. ഓരോ ദിനാചരണത്തോടുമനുബന്ധിച്ച് പ്രസംഗ മത്സരം , ക്വിസ് മത്സരം , ദേശഭക്തിഗാന മത്സരം എന്നിവ നടത്തിവരുകയും ചെയ്യുന്നു
ലഹരി ഉപയോഗത്തിന്റെ ദൂഷ്യവശങ്ങളില്‍ നിന്നും രക്ഷനേടുന്നതിനും അതിനെതിരെയുള്ള ബോധവല്‍ക്കരണപ്രവര്‍ത്തനങ്ങളില്‍ പങ്കാളികളാവുന്നതിന്നതിനുമായി അഡാര്‍ട്ട്ക്ലബ്ബ് പ്രവര്ത്തിച്ചുവരുന്നു. ക്ലബ്ബിന്റെ ആഭിമുഖ്യത്തില്‍ സെമിനാറുകള്‍, ബോധവത്കരണക്ലാസുകള്‍ എന്നിവ നടത്തിവരുന്നു.
ഹരിതഭവന്‍ അഗ്രിക്ലബ്ബ് & ട്രെയിനിങ്ങംഗ് സെന്റര്‍ എന്ന പേരില്‍ ഒരു കാര്‍ഷികക്ലബ്ബ് ഇവിടെ പ്രവര്ത്തിച്ചുവരുന്നു. കുട്ടികളുടെ ഇടയില്‍ പച്ചക്കറി ക‌ൃഷി വ്യാപകമാക്കുന്നതിനും, കൃഷിയോട് ആഭിമുഖ്യം വളര്‍ത്തുന്നതിനും ഈ ക്ലബ്ബ് കുട്ടികളെ സഹായിക്കുന്നു. ഈ സംരഭത്തെ പ്രോത്സാഹിപ്പിക്കുന്നതിനായി ശ്രീ. മോന്‍സ് ജോസഫ് ഒരു സ്പ്രെയറും ക‌ൃഷി ഡിപ്പാര്‍ട്ടുമെന്റ് ഒരു പമ്പസെറ്റും മറ്റ് കാര്‍ഷിക ഉപകരണങ്ങളും സാമ്പത്തിക സാഹായവും ല്‍കുകയുണ്ടായി.
മാനേജ് മെന്റ്
പാലാ കോര്‍പറേറ്റ് എജ്യുക്കേഷണല്‍ ഏജന്‍സി പാലാ കോര്‍പറേറ്റ് എജ്യുക്കേഷണല്‍ ഏജന്‍സിയുടെ കീഴില്‍ പ്രവര്‍ത്തിക്കുന്ന കുറവിലങ്ങാട് സെന്റ്.മേരീസ് ഹയര്‍സെക്കന്ററി സ്കൂളിന് ശക്തമായ ഒരു മാനേജ്മെന്റ് സംവിധാനമുണ്ട്. ഈ സ്കൂളിന്റെ മാനേജര്‍ പാലാ രൂപതാ മെത്രാന്‍ മാര്‍ ജോസഫ് കല്ലറങ്ങാട്ടും പ്രാദേശിക മാനേജര്‍ കുറവിലങ്ങാട് പള്ളി വികാരി റവ.ഡോ.ജോസഫ് തടത്തിലും പ്രിന്‍സിപ്പല്‍ എ.എം. ജോസ്കുട്ടിയും ഹെ‍ഡ് മിസ്ട്രസ് ശ്രീമതി മിനിമോള്‍ കെ. വി. യും ആണ്. കൂടാതെ സ്റ്റാഫ് സെക്രട്ടറി ശ്രീ റ്റോബിന്‍ കെ അലക്സിന്റെ നേതൃത്വത്തില്‍ അധ്യാപകര്‍ കാര്യക്ഷമമായ പ്രവര്‍ത്തനമാണ് കാഴ്ചവെയ്ക്കുന്നത്. ഈ സ്കൂളില്‍ യു.പി.വിഭാഗത്തില്‍ 9 അദ്ധ്യാപകരും ഹൈസ്കൂള്‍ വിഭാഗത്തില്‍ 14 അധ്യാപകരും സേവനമനുഷ്ഠിക്കുന്നുണ്ട്. സ്കൂളിലെ ഓഫീസ് പ്രവര്‍ത്തനങ്ങള്‍ സുഗമമായി നടത്തുന്നതിന് 4 അനദ്ധ്യാപരും ഇവിടെയുണ്ട്.സ്കൂളിന്റെ സര്‍വ്വതോന്മുഖമായ വളര്‍ച്ചയെ ലക്ഷ്യമിട്ടുകൊണ്ട് ശ്രീ.കെ രവികുമാറിന്റെ നേതൃത്വത്തില്‍ പ്രവര്‍ത്തിക്കുന്ന പി.ടി.എ സ്തുത്യര്‍ഹമായ സേവനമാണ് കാഴ്ച വയ്ക്കുന്നത്.
പി.റ്റി.എ.
പ്രസിഡന്റ് -കെ. രവികുമാര്‍ വൈസ് പ്രസ്ഡന്റ് - ലവ് ലി ഷീന്‍
എം.പി.റ്റി.എ.
പ്രസിഡന്റ് -ഗ്രേസി ബെന്നി
നേട്ടങ്ങള്‍
2012-13 SSLC -100% 2013-14 SSLC -100% 2014-15 SSLC -100% 2015-16 SSLC -100%
2016-17 ഉപജില്ലാ സ്കൂള്‍ ശാസ്ത്രമേള സയന്‍സ്-HS First Overall ഐ.റ്റി. -UP First Overall
മുന്‍ സാരഥികള്‍
| 1914-1918 | ശ്രീ. എ. മാണി നിധീരി | |
| 1918-1925 | ശ്രീ. വി.സി. ജോസഫ് | |
| 1925 | ശ്രീ. ടി.ജെ. ജോസഫ് | |
| 1925-1932 | ശ്രീ. കെ. ജി ആബ്രാഹം | |
| 1932-1936 | ഫാ. ഡൊമിനിക് തോട്ടാശ്ശേരില്‍ | |
| 1936-1946 | ശ്രീ.എം. ജെ. അബ്രഹാം | |
| 1946-1949 | ശ്രീ.പി.ജെ ഫിലിപ്പ് | |
| 1949-1964 | ശ്രീ.ഐ. ഡി.ചാക്കോ | |
| 1964-1966 | ശ്രീ.എന്‍.എ.ജോണ്‍ | |
| 1966-1968 | ശ്രീ.പി.സി.ജോണ്‍ | |
| 1968-1971 | ശ്രീ.കെ.വി വര്‍ഗ്ഗീസ് | |
| 1971-1975 | ശ്രീ.കെ.എല്‍. ദേവസ്യ | |
| 1975-1978 | ശ്രീ.പി.എ.ജോസഫ് | |
| 1978 | ശ്രീ.റ്റി.സി.അഗസ്റ്റ്യന്‍ | |
| 1978-1989 | ശ്രീ.വി.കെ.കുര്യന്‍ | |
| 1989-1991 | ശ്രീ.സി.ജെ.സൈമണ്‍ | |
| 1991-1995 | ശ്രീ.വി.വി.ജോസഫ് | |
| 1995-1998 | ശ്രീ.റ്റി.ജെ.കുര്യാക്കോ | |
| 1998-1999 | ശ്രീ.എം.ജെ.സെബാസ്റ്റ്യന്‍ | |
| 1999-2000 | ശ്രീ.ഫ്രാന്‍സിസ് ജോര്‍ജ്ജ് | |
| 2000-2003 | ശ്രീ.കെ.ജെ.ജോര്‍ജ്ജ് | |
| 2003-2005 | ശ്രീ.വി.എം.ജോര്‍ജ്ജ് | |
| 2005-2007 | ശ്രീ.എം.ജെ.ജോസഫ് | |
| 2007-2010 | ശ്രീ.റ്റി.ജെ.സെബാസ്റ്റ്യന്‍ | |
| 2010-2012 | ശ്രീ.ജോസ് കുര്യാക്കോസ് |
പ്രശസ്തരായ പൂര്‍വവിദ്യാര്‍ത്ഥികള്‍
കെ ആര്‍ നാരായണന്‍ - മുന്‍ രാഷ്ട്രുപതി
"ഈ സ്കൂള്‍ എന്നില്‍ ചെലുത്തിയിട്ടുള്ള സ്വാധീനം പറഞ്ഞറിയിക്കാന്‍ സാധിക്കുകയില്ല...... എനിക്കു മാത്രമല്ല പലര്‍ക്കും ഭാഗ്യം തന്ന സ്കൂളാണിത്. ഈ സ്കൂളിലെ പഠനവും ഇവിടെനിന്നു നേടിയ ജ്ഞാനവും ഏറ്റവും വിലയേറിയതായിരുന്നു." -ഡോ. കെ. ആര്‍. നാരായണന്‍
ബിഷപ്പുമാരായ ഡോ. ജോര്‍ജ്ജ് മാമലശ്ശേരി, ഡോ. ജോസഫ് മിറ്റത്താനി അക്കൌണ്ടന്റ് ജനറലായിരുന്ന ശ്രീ. കെ. പി ജോസഫ് കേരളത്തിലെ പ്രഥമ ഐ..ജി. യായിരുന്ന ശ്രീ. പോള്‍ മണ്ണാനിക്കാട് ഷെവ. വി. സി. ജോര്‍ജ്, ശ്രീ. കെ.സി ചാക്കോ
സംസ്ഥാന വിവരാവകാശ കമ്മീഷണര്‍ ഡോ. കുര്യാസ് കുമ്പളക്കുഴി
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
{{#multimaps: 9.7565332,76.5619871|width=800px|zoom=16}} |