പുല്ലാഞ്ഞിയോട് എൽ പി സ്കൂൾ/ക്ലബ്ബുകൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
- ഭാഷാ ക്ലബ്ബ്
ശാസ്ത്ര ക്ലബ്ബ്
സയൻസ് ക്ലബ്ബ് ഓരോ വർഷവും സ്കൂളിൽ വളരെ ഊർജസ്വലതയോടെ തന്നെ പ്രവർത്തിച്ചു വരുന്നു. കുട്ടികളിൽ ശാസ്ത്രീയ അഭിരുചിയും അന്വേഷണത്വരയും വളർത്തി,ചിന്തിക്കാനുള്ള ശേഷി വളർത്തി എടുക്കുകയെന്നതാണ് ഉദ്ദേശം.കുട്ടികളുടെ ചോദ്യം ചോദിക്കാനുള്ള ശേഷിയും ശേഖരണ മനോഭാവവും പരീക്ഷണങ്ങളിലൂടെ കണ്ടെത്തുന്ന ശേഷിയും ഇതുമൂലം വർദ്ധിപ്പിക്കാം.സ്കൂളിൽ ശാസ്ത്ര അഭിരുചിയുള്ള കുട്ടികൾ ഒന്നിച്ച് പ്രവർത്തിച്ചാണ് സയൻസ് ക്ലബ്ബ് പ്രവർത്തനം സുഗമമാക്കുന്നത്.എല്ലാവർഷവും ശാസ്ത്രമേളകളിൽ ഞങ്ങളുടെ സ്കൂൾ സമ്മാനങ്ങൾ നേടുന്നു.ഇതെല്ലാം സാധ്യമാകുന്നത് സയൻസ് ക്ലബ്ബിൻറെ സജീവസാന്നിധ്യം ഒന്നുകൊണ്ടുമാത്രമാണ്.. പാഠ ഭാഗവുമായി ബന്ധപ്പെട്ട് നിരീക്ഷണങ്ങൾ നടത്തി കുറിപ്പുകൾ തയാറാക്കി. ചാന്ദ്രദിനത്തിൽ ക്വിസ് മത്സരം നടത്തി. ചന്ദ്രന്റെ ചിത്രം വരച്ചു ഓസോൺ ദിനത്തിൽ പോസ്റ്ററുകൾ തയാറാക്കി ഭക്ഷ്യദിനവുമായി ബന്ധപ്പെട്ട് പാചകം തയാറാക്കി കുറിപ്പുകൾ തയാറാക്കി,പരീക്ഷണങ്ങൾ ചെയ്തു കുറിപ്പുകൾ തയാറാക്കി. ശാസ്ത്ര താല്പര്യം ജനിപ്പിക്കുക എന്ന ലക്ഷ്യത്തോടെയാണ് പ്രവർത്തനങ്ങൾ നടത്തി വരുന്നത്‌.
സാമൂഹ്യശാസ്ത്രക്ലബ്ബ്
വിദ്യാർത്ഥികളിൽ സാമൂഹ്യ ശാസ്ത്ര അവബോധം വളർത്തുന്നതിന്, സാമൂഹ്യശാസ്ത്രവിജ്ഞന വർധനക്കൊപ്പം അന്വേഷണത്വരയും ഗവേഷണബുദ്ധിയും വളർത്തിയെടുക്കുക, നമ്മുടെ നാടിന്റെ ചരിത്രങ്ങളെ കുറിച്ചറിയുക, പഠനത്തിലൂടെ ആർജിച്ച അറിവുകൾ തനിക്കും താൻ ഉൾപ്പെടുന്ന സമൂഹത്തിനും ഉതകുന്ന രീതിയിൽ പ്രായോഗികമാക്കുക എന്ന ലക്ഷ്യത്തോടെ സ്കൂൾ തലത്തിൽ ദിനാചാരണങ്ങളുമായി ബന്ധപ്പെട്ട് പോസ്റ്റർ, ഫീൽഡ് ട്രിപ്പ്‌, അഭിമുഖംതുടങ്ങി ഒട്ടേറെ പ്രവർത്തനങ്ങൾ സോഷ്യൽ ക്ലബ്ബിന്റെ ആഭിമുഖ്യത്തിൽ നടത്തി വരുന്നു.
ബുൾബുൾ - കബ് യൂണിറ്റ്
കുട്ടികളുടെ മാനസികവും ശാരീരികവും ഭൗതികവുമായ കഴിവുകളെ പരിപോഷിപ്പിച്ചു സമൂഹത്തിനും രാജ്യത്തിനും വേണ്ടി മഹത്തായ കാര്യങ്ങൾ ചെയ്യാൻ പ്രാപ്തരാക്കുക എന്ന ലക്ഷ്യത്തോടെ ഭാരത് സ്കട്ട്സ് ആൻഡ് ഗൈഡ്സ് എന്ന പ്രസ്ഥാനത്തിന്റെ ഭാഗമായിട്ടുള്ള 5 മുതൽ 10 വയസ്സ് വരെയുള്ള പെൺകുട്ടികൾക്കുള്ള ബുൾബുൾ - ആൺകുട്ടികൾക്കുള്ള കബ് എന്നിവയുടെ യൂണിറ്റുകൾ സ്കൂളിൽ പ്രവർത്തിക്കുന്നു.