നൊച്ചാട് എച്ച്.എസ്സ്.എസ്സ്./ ജി സ്വീറ്റ്
കോവിഡ് കാലഘട്ടത്തിൽ ജി സ്വീറ്റ് ഉപയോഗപ്പെടുത്തി ക്ലാസുകൾ നടത്താമെന്ന് സർക്കാർ തീരുമാനിക്കുന്നതിന് ഒന്നരവർഷം മുൻപ് തന്നെ ഓൺലൈൻ പഠനത്തിന് സുരക്ഷിതമായ പ്ലാറ്റഫോം നൊച്ചാട് ഹയർ സെക്കൻഡറി സ്കൂൾ മാതൃകയാക്കി. ഓൺലൈൻ ഓഫ്ലൈൻ ക്ലാസുകൾ ഒന്നിച്ച് കൈകാര്യം ചെയ്യുന്ന ബ്ലൻഡഡ് ക്ലാസ് ആണ് സ്കൂളിൽ ഒരുക്കിയിരിക്കുന്നത്. 60 കുട്ടികൾ ഉള്ള ക്ലാസ് 15 അംഗങ്ങളുടെ നാല് ഗ്രൂപ്പുകളായി തിരിക്കുന്നു. ഒരു ഗ്രൂപ്പിലുള്ള വിദ്യാർത്ഥികൾ നേരിട്ട് ക്ലാസ് റൂമിൽ എത്തുമ്പോൾ ബാക്കിയുള്ള 45 പേരും തൽസമയം ഓൺലൈനായി വീട്ടിലിരുന്ന് ക്ലാസ്സിൽ പങ്കെടുക്കും. 4 ദിവസം കൂടുമ്പോൾ മാത്രമേ ഒരു വിദ്യാർത്ഥി സ്കൂളിൽ എത്തേണ്ടത് ഉള്ളൂ. സുരക്ഷിതമായ ജി സ്വീറ്റ് സംവിധാനമാണ് വീട്ടിലിരിക്കുന്ന വിദ്യാർത്ഥികളെ സ്കൂളുമായി ബന്ധിപ്പിക്കുന്നത്. ക്ലാസ്സിലേക്ക് പുറമേനിന്നുള്ള നുഴഞ്ഞുകയറ്റവും മൊബൈൽ മെമ്മറി തീർന്നുപോകുന്ന പ്രശ്നവുമൊന്നും ഇതിലില്ല.ഒരു സാധാരണ ക്ലാസ്സ് റൂമിലെ എല്ലാ സൗകര്യങ്ങളുമുള്ള ജി സ്വീറ്റിൽ പരീക്ഷ നടത്തിപ്പും മൂല്യനിർണയവും എല്ലാം വളരെ എളുപ്പമാണ്. സംസ്ഥാനവ്യാപകമായി ജി സ്വീറ്റ് നടപ്പിലാക്കാൻ വിദ്യാഭ്യാസ വകുപ്പ് പരിശീലനം ആരംഭിച്ച വേളയിൽ മാതൃകയാക്കി സ്കൂളിന് മുന്നിൽ നടക്കാൻ സാധിച്ചു. ഒരു സ്കൂളിൽ നടക്കുന്ന എല്ലാ ക്ലാസ്സുകളും നിരീക്ഷിക്കാനും നിയന്ത്രിക്കാനും പ്രധാനാധ്യാപകനും കഴിയുന്നു എന്നതാണ് പ്രത്യേകത. ഓരോ ക്ലാസ്സ് കഴിഞ്ഞാലും ക്ലാസ്സിൽ എത്ര പേർ വന്നു ഏത് സമയത്ത് കയറാൻ കഴിഞ്ഞു എന്നുള്ളത് എല്ലാം കൃത്യമായിട്ട് ലഭ്യമാക്കാൻ കഴിയുന്നു.