ഒളകര ജി.എൽ.പി.സ്കൂളിൽ പഠന പ്രവർത്തനങ്ങൾക്കെന്ന പോലെ കായികത്തിനും വേണ്ട പോല പ്രോത്സാഹനം നൽകി വരുന്നു. സീനിയർ അസിസ്റ്റന്റ് സോമരാജ് പാലക്കലിന്റെ നേതൃത്വത്തിൽ ഓരോ വർഷവും രണ്ട് വീധം അധ്യാപകരുടെ കീഴിൽ ബ്ലൂ, റെഡ്, യെല്ലോ, ഗ്രീൻ എന്നീ നാല് ഗ്രൂപ്പുകളാക്കി നടത്തുന്ന സ്കൂളിലെ കായിക മത്സരമാണ് ഫാസ്റ്റ് ട്രാക്ക്. ഫുട്ബോൾ, കമ്പവലി, ഷൂട്ടിംഗ്, ലെമൺ സ്പൂൺ, ഷൂട്ടൗട്ട് ഉൾപ്പടെ വൈവിധ്യമാർന്ന ഇനങ്ങൾ ഉൾപ്പെടുത്തിയാണ് കായികമേള ഫാസ്റ്റ് ട്രാക്ക് സംഘടിപ്പിക്കാറുള്ളത്.
കഴിഞ്ഞ വർഷം സബ്ജില്ലാ തലത്തിൽ 100 മീറ്റർ ഓട്ടം മത്സരത്തിൽ മുന്നാം സ്ഥാനം, റിലേ, ലോംഗ് ജംപ്, 50 മീറ്റർ ഓട്ടം എന്നിവയിൽ ഫൈനലിലെത്താനും സ്കൂളിന് സാധിച്ചു. ഓരോ വർഷവും ക്ലബ്ബിന് കീഴിൽ നടത്തി വരുന്ന പ്രവർത്തനങ്ങൾ പരിചയപ്പെടാം.
2019-20
കായിക മേള
കായിക വിദ്യാഭ്യാസത്തിന്റെ പ്രാധാന്യം കുരുന്നുകൾക്ക് പകർന്നു നൽകുന്നതോടൊപ്പം അവരുടെ മാനസികോല്ലാസവും പരിഗണിക്കുകയെന്ന ലക്ഷ്യത്തോടെ ഒളകര ഗവ എൽ.പി സ്കൂളിൽ നടത്തപ്പെട്ട കായികമേള ഫാസ്റ്റ് ട്രാക്ക് 2019 സമാപിച്ചു. ഫുട്ബോൾ മത്സരം , കമ്പ വലി , ഷൂട്ടിങ് , ലെമൺ സ്പൂൺ , ഷൂട്ടൗട്ട് ഉൾപ്പെടെ വൈവിധ്യമാർന്ന മത്സര ഇനങ്ങളാണ് കൊച്ചു കുട്ടികൾക്കായി സംഘടിപ്പിച്ചിരുന്നത്. സീനിയർ അസിസ്റ്റന്റ് സോമരാജ് പാലക്കൽ വിജയികൾക്കുള്ള സമ്മാനദാനം നിർവഹിച്ചു.
ഫുട്ബോൾ ദിനത്തിലെ ആവേശം
ലോക ഫുട്ബോൾ ദിനം വ്യത്യസ്തമാക്കി ഒളകര ജി എൽ പി സ്കൂൾ. ഫുട്ബോൾ ദിനത്തോടനുബന്ധിച്ച് വിദ്യാർഥികൾ നിർമിച്ച ഭീമൻ ഫുട്ബോൾ മാതൃക ശ്രദ്ധേയ മായി. ഫുട്ബോൾ മത്സരം, ക്വിസ്, വിദ്യാർഥിനികൾക്കായി ഷൂട്ടൗട്ട് തുടങ്ങി വിവിധ മത്സരങ്ങൾ അരങ്ങേറി. പരിപാടിക്ക് കായിക ക്ലബ്ബ് നേതൃത്വം നൽകി.
2018-19
നീന്തൽ പരിശീലന ആരംഭം
സ്കൂളിന് സ്വന്തമായൊരു നീന്തൽകുളം ഇല്ലെങ്കിലും പ്രളയ കാലത്തെ ഓർമകളിൽ നിന്ന് പാഠം ഉൾക്കൊണ്ട് പുതുതലമുറയെ നീന്തൽ പഠിപ്പിക്കുക എന്നതാണ് ഈ പദ്ധതിയിലൂടെ ഒളകര ജി.എൽ.പി സ്കൂൾ പി.ടി.എ ലക്ഷ്യമിടുന്നത്. സ്കൂൾ വിദ്യാർത്ഥികളെ 25 പേരടങ്ങുന്ന ബാച്ചുകളായി തിരിച്ച് പെരുവള്ളൂർ പഞ്ചായത്തിലെ കാടപ്പടിയിലുള്ള മാതാ കുളത്തിൽ എത്തിച്ചിരുന്നു പരിശീലന ആരംഭം. പെരുവള്ളൂർ ഗ്രാമപഞ്ചായത്ത് വൈസ് പ്രസിഡണ്ട് എം.കെ വേണുഗോപാൽ ആണ് പദ്ധതി ഉദ്ഘാടനം ചെയ്തത്.
ലൈഫ് ജാക്കറ്റുകൾ ധരിച്ച് പൂർണ സുരക്ഷിതത്വത്തോടെ ഇതുവരെ നീന്തൽ പരിശീലനം പൂർത്തിയാക്കിയ വിദ്യാർത്ഥികൾ മണിക്കൂറുകളോളം നീണ്ട ശ്രമത്തിനൊടുവിൽ പൂർണമായും നീന്തൽ പഠിച്ചാണ് മടങ്ങിയത്. സ്കൂളിലെത്തുന്ന വരുന്ന ഓരോ തലമുറയെയും വിവിധ ഘട്ടങ്ങളിലായി നിന്തൽ പരീശീലിപ്പിക്കാൻ തന്നെയാണ് പി.ടി.എ പദ്ധതി. നിന്തൽ പഠനം പൂർത്തിയാക്കിയവർക്ക് പി.ടി.എ സാക്ഷ്യപത്രം നൽകുന്നതും പരിഗണനയിലുണ്ട്.
അണ്ടർ 17 വേൾഡ് കപ്പ്
അണ്ടർ 17 വേൾഡ് കപ്പ് ഇന്ത്യയിൽ നടക്കുന്നതിനാൽ പ്രചരണ ഭാഗമായി വൺ മില്യൺ ഗോൾ എന്ന സർക്കാർ നിർദേശ പ്രകാരം നടപ്പിലാക്കിയ ഷൂട്ടൗട്ട് ഫുട്ബോൾ മത്സരം എന്നിവയുടെ ഉദ്ഘാടനം ഇബ്രാഹീം മൂഴിക്കൽ നിർവഹിച്ചു.
വേൾഡ് കപ്പ് പ്രചരണം
കായിക മേള
2017-18
കായിക മേള
വിദ്യാഭ്യാസത്തിന്റെ പ്രാധാന്യം വിളിച്ചോതി സ്കൂളിലെ കുരുന്നുകളുടെ കായിക മേള സമാപിച്ചു. ഓട്ടം, ചാട്ടം, റിലേ, ഫുട്ബോൾ, ഷൂട്ടൗട്ട് ഉൾപ്പെടെ വിവിധ മത്സര ഇനങ്ങളാണ് കൊച്ചു കുട്ടികൾക്കായി സംഘടിപ്പിച്ചിരുന്നത്. റെഡ്, യെല്ലോ, ഗ്രീൻ, ബ്ലൂ എന്നീ നാലു ഗ്രൂപ്പുകളായാണ് മതസരങ്ങൾ അരങ്ങേറിയത്.ബ്ലൂ ഗ്രൂപ്പ് ഓവറോൾ ചാമ്പ്യൻമാരായി. സീനിയർ അസിസ്റ്റന്റ് സോമരാജ് പാലക്കൽ ഉദ്ഘാടനം നിർവഹിച്ചു. പി.ടി.എ പ്രസിഡന്റ് പി.പി. സെയ്ദു മുഹമ്മദ്, എം.ടി.എ പ്രസിഡന്റ് ഷൈലജ എന്നിവർ വിജയികൾക്കുള്ള സമ്മാനങ്ങൾ വിതരണം ചെയ്തു.
