എഴിപ്പുറം എച്ച് എസ് എസ് പാരിപ്പള്ളി/ചരിത്രം/വിശദമായി......
എഴിപ്പുറം എച്ച് എസ് എസ് പാരിപ്പള്ളി
ചരിത്രം
തിരുവനന്തപുരം കൊല്ലം ജില്ലകളെ തൊട്ടുരുമ്മികിടക്കുന്ന കൊല്ലം ജില്ലയിലെ ഒരു കൊച്ചു ഗ്രമമാണ്‍ എഴിപ്പുറം. ഈ ഗ്രാമത്തിലെ ജനങ്ങളുടെ ചിരകാല സ്വപ്നമായിരുന്ന എഴിപ്പുരം ഹൈസ്കൂള്‍ ശ്രീ E.E സൈനുദീന്‍ 1982-ല്‍ സ്ഥാപിച്ചു. 2000-ല്‍ ടി സ്കുള്‍ എഴിപ്പുരം ഹയര്‍സെക്കണ്ടറി സ്കൂളായി ഉയര്‍ന്നു. ഏകദേശം 50-ല്‍ പരം ജീവനക്കാരുടെ ഉപജീവനമാര്‍ഗ്ഗമായും 600-ല്‍ പരം വിദ്യാര്‍ത്ഥികളുടെ വിജ്ഞാന സ്രോതസ്സായും നിലകൊള്ളുകയാണ്‍ കൊല്ലം ജില്ലയില്‍ കൊല്ലം താലൂക്കില്‍ പെട്ട ചാത്തന്നൂര്‍ നിയോജകമണ്‍ഡലത്തിലെ കല്ലുവാതുക്കല്‍ ഗ്രാമപഞ്ചായത്തിന്റെ ചാവര്‍കോട്‌ വാര്‍ഡില്‍ ഈ സ്ഥാപനം സ്ഥിതിചെയ്യുന്നു. പാരിപ്പള്ളി ജംഗ്ഷനില്‍ നിന്നും ഉദ്ദേശം രണ്ടു കിലോമീറ്റര്‍ ദൂരത്തില്‍ സ്ഥിതി ചെയുന്ന ഈ സ്കൂളില്‍ എട്ടാം ക്ലാസുമുതല്‍ +2 വരെയുള്ള വിദ്യാര്‍ത്ഥികള്‍ പഠിക്കുന്നു. പ്രധാനമായും ദേവസ്വം ബോര്‍ഡ്‌ ups , ഇലകമണ്‍ ups, AMUPS കുളത്തറ, RKM UPS മുത്താന, NVUPS എള്ളുവിള, ഗവ: UPS വേളമാന്നൂര്‍ തുടങ്ങിയ വിദ്യാലങ്ങളില്‍ നിന്നാണ്‍ ഉന്നതവിദ്യാഭ്യാസത്തിനായി കുട്ടികള്‍ ഇവിടേയ്ക്ക്‌ എത്തുന്നത്‌. 1982-ല്‍ സ്കൂള്‍ തുടങ്ങിയ നാള്‍ മുതല്‍ മികച്ച അധ്യയനവും തികഞ്ഞ അച്ചടക്കവും ഇവിടെ നിലനിന്നു പോരുന്നു. 2000 മാണ്ടില്‍ ഹയര്‍സെക്കണ്ടരി വിഭാഗം കൂടി വന്ന ശേഷം സ്കൂളില്‍ സര്‍വ്വതോന്മുഖമായ പുരോഗതിക്ക്‌ പുതിയവാനങ്ങള്‍ കൈവന്നു. സാമ്പത്തികമായും വിദ്യാഭ്യാസപരമായും പിന്നോക്കാവസ്ഥയില്‍ സ്ഥിതിചെയ്യുന്ന ഈ പ്രദേശത്തെ കുട്ടികള്‍ ഹൈസ്കൂള്‍ വിദ്യാഭ്യാസത്തിനായി ഏഴ്‌ കിലോമീറ്ററിലധികം യാത്ര ചെയ്യേണ്ട ഒരു ദുസ്ഥിതി നിലനിന്നപ്പോഴാണ്‍ 1982-ല്‍ എഴിപ്പുറം ഹൈസ്കൂള്‍ ആരംഭിക്കുന്നത്‌. മാനോജ്മെന്റിന്റ്‌യും PTA യുടെയും പ്രവര്‍ത്തന ഫലമായി ഒരുവിധം മെച്ചപ്പെട്ട ഭൗതിക സാഹചര്യങ്ങള്‍ സ്കൂളിനുണ്ട്‌. ഗ്രാമ-ബ്ലോക്ക്‌ ജില്ലാ പഞ്ചായത്തുകളുടെ സാമ്പത്തിക സഹായം ഭൗതികസാഹചര്യവികസനത്തിനായി ലഭിച്ചിട്ടില്ല. പൊതുവിദ്യാഭ്യാസവും വിദ്യാലയങ്ങളും ഒട്ടേറെ വെല്ലുവിളികള്‍ നേരിടുന്ന ഈ കാലഘട്ടത്തില്‍ സമസ്തമേഖലകളിലും പിന്നോക്കം നില്‍ക്കുന്ന ഈ പ്രദേശത്ത്‌ സ്കൂളിന്റെ പ്രവര്‍തതനം ദുര്‍ഘടമായി വരുന്നുണ്ട്‌. അണ്‍എയിഡഡ്‌ സ്കൂളുകളുടെ ആരംഭവും പ്രവര്‍ത്തനങ്ങളും പൊതുവിദ്യാഭ്യാസത്തേയും വിദ്യാലയ വികസനത്തേയും സാരമായി ബാധിച്ചിട്ടുണ്ട്‌. അണ്‍എയിഡഡ്‌ മേഖലകളിലേകുള്ള ആകര്‍ഷണം മൂലം സ്കൂളില്‍ നാള്‍ക്കുനാള്‍ കുട്ടികളുടെ എണ്ണം കുറയുന്നു. കുടാതെ സാമൂഹിക സാമ്പത്തിക പശ്ചാത്തലം അനുകുലമല്ലാത്തതിനാല്‍ പലകുട്ടികളും പഠനകാലത്തുതന്നെ വിവിധ തൊഴിലുകള്‍ക്ക്‌ പോകാന്‍ നിര്‍ബന്ധിതരാക്കുന്നു. 3 ഏക്കര്‍ ഭൂമിയിലാണ്‍ വിദ്യാലയം സ്ഥിതി ചെയ്യുന്നത്‌. ഹൈസ്കൂളിന്‍ മൂന്ന് കെട്ടിടങ്ങളിലായി 12 ക്ലാസ്‌ മുറികളും ഹയര്‍സെക്കണ്ടറിയ്ക്ക്‌ രണ്ട്‌ നിലകെട്ടിറ്റത്തില്‍ 6 ക്ലാസ്‌ മുറികളും 4 ലാബുകളുമുണ്ട്‌. വിശാലമായ കളിസ്ഥലവും വിദ്യാലയത്തിനുണ്ട്‌. 12 കമ്പൂട്ടറുകളും ബ്രോഡ്ബന്റ്‌ ഈന്റര്‍നെന്റ്‌ സൗകര്യവും ലഭ്യമാണ്‍