സെന്റ് സെബാസ്റ്റ്യൻസ് എൽ.പി.എസ് കൂടരഞ്ഞി/അംഗീകാരങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
മികവു പ്രവർത്തനങ്ങളിലൂടെ..........
കോവിഡ് പ്രതിസന്ധി അതി രൂക്ഷമായ സാഹചര്യത്തിലും, പാഠ്യ -പഠ്യേതര രംഗങ്ങളിൽ സെന്റ് സെബാസ്ററ്യൻസ് എൽ പി സ്കൂൾ മികവിന്റെ കേന്ദ്രമായി നിലകൊള്ളുകയാണ് ചെയ്തിട്ടുള്ളത് . അതിനു ഉത്തമ ഉദ്ദാഹരണമാണ് മലയാളമനോരമയുടെ വിദ്യാഭ്യസ പോർട്ടൽ ആയ ഹൊറൈസൺ സംഘടിപ്പിച്ച ഗുരുവന്ദനം അവാർഡ്. ഈ സ്കൂളിലെ അദ്ധ്യാപിക ശ്രീമതി സ്വപ്ന മാത്യു സാങ്കേതികവിദ്യയുടെ സഹായത്തോടെ നൂതന വിദ്യാഭ്യസ രീതികൾ അവലംബിച്ചു ക്ലാസുകൾ കൈകാര്യം ചെയ്തു ,ലോവർ പ്രൈമറി വിഭാഗത്തിൽ ഒന്നാം സ്ഥാനം കരസ്ഥമാക്കിയത് . കൂടാതെ കഴിഞ്ഞ അക്കാദമിക വർഷം മുക്കം സബ്ജില്ലയിൽ 22 കുട്ടികൾക്ക് എൽ എസ് എസ് എന്ന ബഹുമതി നേടിക്കൊടുത്ത വിദ്യാലയം കൂടിയാണ് ഈ സ്കൂൾ . പാഠ്യേതര പ്രവർത്തനങ്ങളിലും സജീവമായ ഈ സ്കൂളിൽ കഴിഞ്ഞ അക്കാദമിക വര്ഷം മാതൃഭൂമി സീഡിന്റെ ജില്ലയിലെ മികച്ച മൂന്നാമത്തെ സ്കൂൾ എന്ന ബഹുമതിയും , മികച്ച ടീച്ചർ കോർഡിനേറ്റർ എന്ന ബഹുമതിയും നേടിയെടുക്കാൻ കഴിഞ്ഞു .
സംസ്ഥനതല അധ്യാപക അവാർഡ്
കോവിഡ് പ്രതിസന്ധി രൂക്ഷമായ ഈ കാലഘട്ടത്തിൽ കുട്ടികൾക്കു കികച്ച ഓൺലൈൻ വിദ്യാഭ്യാസം നൽകി ശ്രദ്ധനേടിയ വ്യക്തിയാണ് ഈ സ്കൂളിലെ നാലാം ക്ലാസ്സ് അധ്യാപിക ശ്രീമതി സ്വപ്ന മാത്യു . മലയാളമനോരമയുടെ വിദ്യാഭ്യാസ പോർട്ടലായ ഹൊറൈസൺ കേരളത്തിലെ അധ്യാപകർക്കായി സംഘടിപ്പിച്ച മത്സരത്തിൽ (വിഷയം - കോവിഡ് കാലത്തു നൂതന സാങ്കേതിക വിദ്യയുടെ സഹായത്തോടെയുള്ള ബോധനം ) സംസ്ഥാനതലത്തിൽ പ്രൈമറി സെക്ഷനിൽ സ്വപ്ന ടീച്ചർ ഒന്നാം സ്ഥാനം കരസ്ഥമാക്കി . സ്റ്റേറ്റ് സിലബസ് , സി.ബി.എസ്.സി സിലബസ്, ഐ.സി.ഐ.സി സിലബസ്, സ്പെഷ്യൽ സ്കൂൾ എന്നിവിടങ്ങളിൽ നിന്നും മത്സരിച്ച ആയിരത്തിലധികം അധ്യാപകരിൽനിന്നുമാണ് പ്രൈമറി സെക്ഷനിൽ ടീച്ചർ വിജയിയായത് .സ്റ്റേറ്റ് സിലബസിലും സി.ബി.എസ്.സി യിലും പ്രൈമറി , ഹൈസ്കൂൾ , ഹയർ സെക്കൻഡറി എന്നിവിടങ്ങളിൽനിന്ന് ഓരോഅധ്യാപകർ വീതം ആറ് പേരും, സ്പെഷ്യൽ സ്കൂളിൽ നിന്ന് ഒരു അധ്യാപികയുമാണ് അവാർഡിനു അർഹരായത് .
അധ്യാപക അവാർഡ് കരസ്ഥമാക്കിയ സ്വപ്ന ടീച്ചർക്ക് സ്കൂളിൽ സ്വീകരണം നൽകി. മുക്കം സബ്ജില്ലാ വിദ്യാഭ്യാസ ഓഫീസർ ശ്രീ ഓംകാരനാഥൻ മാസ്റ്റർ, കോർപ്പറേറ്റ് മാനേജർ ഫാദർ ജോസഫ് പാലക്കാട്, സ്കൂൾമാനേജർ ഫാദർ റോയ് തേക്കുംകാട്ടിൽ, പഞ്ചായത്ത് പ്രസിഡന്റ് ശ്രീ ജോസ് മാവറ , പ്രിൻസിപ്പൽമാരായ ശ്രീമതി ലീന ജേക്കബ്, സജി ജോൺ മുൻ ഹെഡ്മാസ്റ്റര്മാരായ ശ്രീ എം ടി തോമസ്, ജോസ് തോമസ്, പി ടി എ പ്രസിഡന്റ് ശ്രീ ജേക്കബ് മംഗളത്തിൽ, അദ്യാപകർ , രക്ഷിതാക്കൾ എന്നിവർ ചടങ്ങിൽ സന്നിഹിതരായിരുന്നു. എ ഇ ഒ ഓംകാരനാഥൻ മാസ്റ്റർ സ്വപ്നടീച്ചേർക്കു മൊമെന്റോ നൽകുകയും, പഞ്ചായത്ത് പ്രസിഡന്റ് പൊന്നാട അണിയിക്കുകയും ചെയ്തു.
നേഷൻ ബിൽഡർ അവാർഡ്
2020 -21 അക്കാദമിക വർഷം അധ്യാപക ദിനത്തോടനുബന്ധിച്ചു മുക്കം റോട്ടറി ക്ലബ് നൽകുന്ന 'നേഷൻ ബിൽഡർ അവാർഡ് ' ഈ സ്കൂളിലെ ശ്രീമതി സൗമ്യ സെബാസ്റ്റ്യൻ കരസ്ഥമാക്കി. അദ്യാപകദിനത്തിൽ മുക്കം റോട്ടറി ക്ലബ് അംഗങ്ങൾ സ്കൂളിൽ എത്തിച്ചേരുകയും അവാർഡ്ദാന ചടങ്ങ് നിർവഹിക്കുകയും ചെയ്തു.
...............................................................................................................................................................................................................................................................................................................................................................................................................................................................................................................................................................................................................................................................................................................................................................................................
സബ്ജില്ലയിൽ ഏറ്റവും കൂടുതൽ എൽ എസ് എസ്
കഴിഞ്ഞ അക്കാദമിക വർഷം മുക്കം സബ്ജില്ലയിൽ ഏറ്റവും കൂടുതൽ കുട്ടികൾക്ക് എൽ എസ് എസ് അവാർഡ് നേടിക്കൊടുക്കാൻ ഈ വിദ്യാലയത്തിന് സാധിച്ചു. പരീക്ഷയെഴുതിയതിൽ 22 കുട്ടികൾക്ക് എൽ എസ് എസ് കരസ്ഥമാക്കുവാൻ സാധിച്ചു. കുട്ടികൾക്കുസ്കൂൾ തലത്തിൽ ട്രോഫി യും സർട്ടിഫിക്കറ്റ് ഉം വിതരണം ചെയ്യുകയും വിജയികളെ അനുമോദിക്കുകയും ചെയ്തു.
....................................................................................................................................................................................................................................................................................................................................................................................................................................................................................................................................................................................................................................................................................................................................................................................
സീഡ് ജില്ലാതല വിജയികൾ
മാതൃഭൂമി സീഡ് സംഘടിപ്പിച്ച ഹരിത വിദ്യാലയം പുരസ്‌കാരം , എൽ പി തലത്തിൽ ജില്ലയിൽ മൂന്നാം സ്ഥാനം സെന്റ് സെബാസ്ററ്യൻസ് എൽ പി സ്കൂൾ കൂടരഞ്ഞി കരസ്ഥമാക്കി . പഠനത്തോടൊപ്പം നടത്തിയ മികച്ച പഠനാനുബന്ധ പ്രവർത്തനങ്ങൾ ആണ് സ്കൂളിനെ വിജയത്തിലേക്ക് നയിച്ചത് . പൂമ്പാറ്റ തോട്ടം, സ്കൂളിൽ വാഴക്കൃഷി, ഔഷധതോട്ടം, മുള നട്ടുപിടിപ്പിക്കൽ, ഓരോ കുട്ടിയുടെയും ഭവനത്തിൽ അടുക്കളത്തോട്ടം, ദിനാചരണങ്ങളിലെ പങ്കാളിത്തം തുടങ്ങിയവയാണ് സ്കൂളിനെ ഉന്നതിയിലേക്ക് നയിച്ചത്. സ്കൂൾ ഹെഡ്മാസ്റ്റർ ആയിരുന്ന ശ്രീ ജോസ് ഞാവള്ളിക്ക് , മാതൃഭൂമി പ്രോഗ്രാം ഡയറക്ടർ ഫലകവും ക്യാഷ് അവാർഡും വിതരണം ചെയ്തു. .........................................................................................................................................................................................................................................................................................................................................................................................................................................................................................................................................................................................................................................................................................................................................................................................
മികച്ച അധ്യാപക കോർഡിനേറ്റർ അവാർഡ്
മാതൃഭൂമി സീഡ് സ്കൂൾകുട്ടികൾക്കായി സംഘടിപ്പിച്ച ഹരിതവിദ്യാലയം എന്ന പ്രോഗ്രാമിന് നേതൃത്വം വഹിച്ച ടീച്ചർ കോർഡിനേറ്റർ ശ്രീമതി സീനത്ത് ബി കെ കോഴിക്കോട് ജില്ലയിലെ മികച്ച ടീച്ചർ കോർഡിനേറ്റർ ആയി തിരഞ്ഞെടുക്കപ്പെട്ടു .മാതൃഭൂമി പ്രോഗ്രാം ഡിറക്ടറിൽ നിന്നും ഫലകവും ക്യാഷ് അവാർഡും ടീച്ചർ കരസ്ഥമാക്കി.
.......................................................................................................................................................................................................................................................................................................................................................................................................................................................................................................................................................................................................................................................................................................................................................................................................
മുൻ വർഷങ്ങളിലെ പ്രധാന നേട്ടങ്ങൾ
മത്സ്യകൃഷി
സംസ്ഥാന തലത്തിൽ മത്സ്യകൃഷി ചെയ് ആദ്യ പ്രൈമറി വിദ്യാലയം എന്ന ബഹുമതി 2016 ൽ കരസ്ഥമാക്കി . സ്കൂൾ കോമ്പൗണ്ടിൽ ഉപയോഗശൂന്യമായ ടാങ്ക് വൃത്തിയാക്കി അതിൽ ശുദ്ധജല മൽസ്യങ്ങളായ തിലോപ്പിയ , രോഹു , കട്ട്ലഎന്നീ മത്സ്യങ്ങളെ വളർത്തി . മൽസ്യങ്ങൾക്കുള്ള ഭക്ഷണം , അവയുടെ പരിചരണം എന്നിവ കുട്ടികൾ സ്വയം ഏറ്റെടുത്തു . വളർച്ചയെത്തിയ മത്സ്യങ്ങളെ കുട്ടികളുടെ ഉച്ചഭക്ഷണ പരിപാടിയിൽ ഉൾപ്പെടുത്തുകയും ചെയ്ത
............................................................................................................................................................................................................................................................................................................................................................................................................................................................................................................................................................................................................................................................................................................................................................................
എൽ എസ് എസ് ജേതാക്കൾ
- 2016 -17 അധ്യയന വർഷം സ്കൂളിൽ 10 എൽ എസ് എസ് വിജയികൾ ഉണ്ടായി.
- 2017 -18 അധ്യയനവർഷം 5 വിദ്യാർത്ഥികൾ എൽ എസ് എസ് കരസ്ഥമാക്കി.
- 2018 -19 അധ്യയന വർഷം 16 വിദ്യാർത്ഥികൾ എൽ എസ് എസ് കരസ്ഥമാക്കി.
- 2019 -20 വർഷം 22 വിദ്യാർത്ഥികൾ എൽ എസ് എസ് കരസ്ഥമാക്കി.
.........................................................................................................................................................................................................................................................................................................................................................................................................................................................................................................................................................................................................................................................................................
മേളകളിലെ വിജയികൾ
- 2017-18 അധ്യായന വർഷം ജില്ലാതല ഗണിതശാസ്ത്ര വിഭാഗത്തിൽ (എൽ.പി വിഭാഗത്തിൽ) രണ്ടാം സ്ഥാനത്തും എത്തി.
- 2017 -18 അക്കാദമിക വർഷം മുക്കം സബ്ജില്ലാതല കലാമേളയിൽ രണ്ടാം സ്ഥാനം നേടി.
- 2017 -18 അക്കാദമിക വർഷം സംസ്ഥാനതല ഡി സി എൽ ഉപന്യാസ മത്സരത്തിൽ ഓസ്റ്റിൻ രാജു ഒന്നാം സ്ഥാനം കരസ്ഥമാക്കി.
- 2019-20 2017-18 അക്കാദമിക വർഷം മുക്കം സബ്ജില്ലാതല ഗണിതമേളയിൽ ഒന്നാം സ്ഥാനം നേടാൻ സ്കൂളിന് കഴിഞ്ഞു.
- 2019-20 അക്കാദമിക വർഷം മുക്കം സബ്ജില്ലയിൽ ശാസ്ത്രമേളയിൽ ഒന്നാം സ്ഥാനവും, ഗണിതമേളയിലും- വർക്ക് എക്സ്പീരിയൻസ് മേളയിലും മൂന്നാം സ്ഥാനവും കരസ്ഥമാക്കി.
- 2019-20 അക്കാദമിക വർഷം കലാമേളയിൽ മുക്കം സബ്ജില്ലയിൽ ഒന്നാം സ്ഥാനം കരസ്ഥമാക്കി.
ക്വിസ് മത്സര വിജയികൾ
2016 -17 അക്കാദമിക വർഷം ഡിയോൺ ഡൊമിനിക് സബ്ജില്ലാതലത്തിൽ സാമൂഹികശാസ്ത്ര ക്വിസ് മത്സരത്തിൽ ഒന്നാം സ്ഥാനം കരസ്ഥമാക്കി.
2017 -18 അക്കാദമിക വർഷം അസീം സയാൻ സബ്ജില്ലയിൽ സംഘടിപ്പിച്ച ആസാദ് മെമ്മോറിയൽ ക്വിസ് മത്സരത്തിൽ ഒന്നാം സ്ഥാനം കരസ്ഥമാക്കി.
2018 -19 അക്കാദമിക വർഷം കോർപ്പറേറ്റ് എഡ്യൂക്കേഷണൽ ഏജൻസി സംഘടിപ്പിച്ച ക്വിസ് മത്സരത്തിൽ ദിയ പി കെ, ശ്രീയ എന്നിവരടങ്ങിയ ടീം മേഖലാതലത്തിൽ ഒന്നാം സ്ഥാനം കരസ്ഥമാക്കി.
2021 -22 അക്കാദമിക വർഷം മുഹമ്മദ് നിഹാൽ ആസാദ് മെമ്മോറിയൽ ക്വിസ്, കുന്നമംഗലം ബി ആർ സി സംഘടിപ്പിച്ച രാഷ്ട്രീയ അഭിയാൻ ക്വിസ് എന്നിവയിൽ ഒന്നാം സ്ഥാനം കരസ്ഥമാക്കി. ..............................................................................................................................................................................................................................................................................................................................................................................................................................................................................................................................................................................................................................................................................................................................................................................
ഷോർട് ഫിലിം
സ്കൂളിലെ അധ്യാപകരും കുട്ടികളുംചേർന്ന് തിരക്കഥയും സംവിധാനവും അഭിനയവും നിർവഹിച്ച ഷോർട്ട് ഫിലിമായ നേർകാഴ്ച യുടെ പ്രദർശനവും സ്വിച്ച്ഓൺ കർമ്മവും 2019 ജനുവരി മാസത്തിൽ പഠനോത്സവത്തോടനുബന്ധിച്ചു നിർവഹിച്ചു. പഞ്ചായത്ത് പ്രസിഡന്റ് അധ്യക്ഷത വഹിച്ച യോഗത്തിൽ സ്കൂൾ അസി. മാനേജർ സ്വിച്ച് ഓൺ കർമ്മം നിർവഹിച്ചു. സ്കൂളിലെ മൂന്നാംക്ലാസ് വിദ്യാർത്ഥി ജസ്റ്റിൻ അന്ന് ഇതിൽ പ്രധാന വേഷം അവതരിപ്പിച്ചത്. ഹെഡ്മാസ്റ്റർ ശ്രീ എം ടി തോമസ്, പി ടി എ പ്രസിഡന്റ് ശ്രീ ജോസ് മടപ്പള്ളി എന്നിവരും ഇതിൽ അഭിനയിച്ചു.