(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
പ്രകൃതിതൻ നാദം
വിഷമയമില്ലാ കാറ്റിനെ ശ്വസിച്ച്
മരം മണ്ണിനോട് ചോദിക്കുന്നു
എന്നെയും നിന്നെയും
മലിനപ്പെടുത്തിയ
മാനവന്നെവിടെ?
എന്നെയും നിന്നെയും
മലിനപ്പെടുത്താൻ
അവൻ തൻ കെെകളെവിടെ
വിഷം തിന്നുന്ന മനുഷ്യനെവിടെ
ഓടിയൊളിച്ചോ നീ മനുഷ്യ
ഒരു ചെറു അണുവിനെ
പേടിച്ചൊളിച്ചോ നീ
ശുഷ്കമാം ഈ ഇടവേള
ഞങ്ങൾക്കേകുന്നു
ശുദ്ധമാം വായുവും
മലിനമില്ലാത്തുറവകളും
പ്രശാന്തമാം ഗഗനവും
എങ്കിലും ഞാൻ കേഴുന്നു മനുഷ്യാ
നിനക്കായി നിലനില്പിനായി