മുണ്ടേരി സെൻട്രൽ യു പി സ്കൂൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
| മുണ്ടേരി സെൻട്രൽ യു പി സ്കൂൾ | |
|---|---|
 | |
| വിലാസം | |
മുണ്ടേരി മൊട്ട മുണ്ടേരി പി.ഒ. , 670591 , കണ്ണൂർ ജില്ല | |
| സ്ഥാപിതം | 1 - 6 - 1931 |
| വിവരങ്ങൾ | |
| ഫോൺ | 04972 792494 |
| ഇമെയിൽ | mcuoschool@gmail.com |
| വെബ്‍സൈറ്റ് | mcupschool.org |
| കോഡുകൾ | |
| സ്കൂൾ കോഡ് | 13373 (സമേതം) |
| യുഡൈസ് കോഡ് | 32020100104 |
| വിക്കിഡാറ്റ | Q64456918 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കണ്ണൂർ |
| വിദ്യാഭ്യാസ ജില്ല | കണ്ണൂർ |
| ഉപജില്ല | കണ്ണൂർ നോർത്ത് |
| ഭരണസംവിധാനം | |
| ലോകസഭാമണ്ഡലം | കണ്ണൂർ |
| നിയമസഭാമണ്ഡലം | കണ്ണൂർ |
| താലൂക്ക് | കണ്ണൂർ |
| ബ്ലോക്ക് പഞ്ചായത്ത് | എടക്കാട് |
| തദ്ദേശസ്വയംഭരണസ്ഥാപനം | മുണ്ടേരി പഞ്ചായത്ത് |
| വാർഡ് | 1 |
| സ്കൂൾ ഭരണ വിഭാഗം | |
| സ്കൂൾ ഭരണ വിഭാഗം | എയ്ഡഡ് |
| സ്കൂൾ വിഭാഗം | പൊതുവിദ്യാലയം |
| പഠന വിഭാഗങ്ങൾ | എൽ.പി യു.പി |
| സ്കൂൾ തലം | 1 മുതൽ 7 വരെ |
| മാദ്ധ്യമം | മലയാളം, ഇംഗ്ലീഷ് |
| സ്ഥിതിവിവരക്കണക്ക് | |
| ആൺകുട്ടികൾ | 424 |
| പെൺകുട്ടികൾ | 404 |
| ആകെ വിദ്യാർത്ഥികൾ | 824 |
| അദ്ധ്യാപകർ | 28 |
| സ്കൂൾ നേതൃത്വം | |
| പ്രധാന അദ്ധ്യാപിക | പി.വി.ഉഷ |
| പി.ടി.എ. പ്രസിഡണ്ട് | സി.പി.സുധീഷ് കുമാർ |
| എം.പി.ടി.എ. പ്രസിഡണ്ട് | വി.വി.മുംതാസ് |
| അവസാനം തിരുത്തിയത് | |
| 02-01-2022 | Priyanka Ponmudiyan |
ചരിത്രം
വിദ്യാലയത്തിന്റെ പൂർവകാല ചരിത്രം അന്യേഷിക്കുമ്പോൾ ഒരു നൂറ് കൊല്ലം പുറകിലേക്ക് സഞ്ചരിക്കേണ്ടി വരും. ജന്മിത്വത്തിന്റെയും തീണ്ടാപാടിന്റെയും കാലം. സഞ്ചരിക്കുന്നതിന് ഏക ആശ്രയം ജലഗതാഗതം മാത്രം. - ഈ സൗകര്യമില്ലാത്ത സ്ഥലത്തേക്ക് നടന്നു പോകണം. റോഡുകൾ ഉണ്ടായിരുന്നില്ല. ഒരാൾക്ക് മാത്രം നടന്നുപോകാൻ സാധിക്കുന്ന ആഴമുള്ള ഇടവഴികൾ. ഒരു മൃഗമോ മറ്റോ വന്നാൽ തിരിഞ്ഞു ഓടുകയേ മാർഗ്ഗമുണ്ടായിരുന്നുള്ളൂ. ഇന്ന് മുണ്ടേരിമൊട്ടയെന്നു പറയുന്നസ്ഥലത്ത് മീനോത്ത് ചേക്ക് വകയായുള്ള 3 വലിയ പീടിക ഉണ്ടായിരുന്നു. അതിൽ വലിയ പത്തായവും അതിൻറെ പിന്നിലായി കളവും കളപ്പുരയും, അതിനുപുറമേ ആൽ, ചുറ്റുമായി ആൽത്തറയും. പശുക്കൾക്ക് വെള്ളം കുടിക്കാനുള്ള തടവും ഉണ്ടായിരുന്നു. വഴിയാത്രക്കാർക്ക് ചാപ്പ കെട്ടി സംഭാരം നൽകിയിരുന്നു. ഈ 20 സെന്റ്‌ സ്ഥലം പുന്നേരി ഇല്ലം വക ആയിരുന്നു. വലിയ പറമ്പുകളാണ് ഉണ്ടായിരുന്നത്. ഒരു പറമ്പിൽ ഒരു വീട്. വീടില്ലാത്ത പറമ്പുകളും കാണാവുന്നതാണ്.
പ്രധാനമായും കൃഷി, മീൻപിടുത്തം, മൺപാത്ര നിർമ്മാണം കച്ചവടം എന്നീ തൊഴിലുകളിൽ ഏർപ്പെട്ടിരുന്നു. മുസ്ലിം സമുദായത്തിൽ പെട്ടവരാണ് കച്ചവടം നടത്തിയിരുന്നത്'. അന്നത്തെ കച്ചവട കേന്ദ്രമായ കക്കാടിൽ നിന്നാണ് പലവ്യഞ്ജനങ്ങൾ ബോട്ടുവഴി മുണ്ടേരിയിൽ എത്തിച്ചിരുന്നത്. വിദേശ രാജ്യങ്ങളായ മലേഷ്യ, സിലോൺ, ബർമ്മ എന്നീ രാജ്യങ്ങളിൽ ചിലആളുകൾ ജോലിക്ക് പോയിരുന്നു. മീൻ തടുക്കാൻ മുഴപ്പാല, ചക്കരക്കൽ, വാരം എന്നീ പ്രദേശങ്ങളിൽ നിന്ന് ആളുകൾ വന്നിരുന്നു. അതൊരു ഉത്സവമായിരുന്നു.
ഇന്നത്തെ മുണ്ടേരി എൽ പി സ്കൂൾ ഗുരിക്കളുടെ സ്കൂൾ എന്നാണ് അറിയപ്പെട്ടിരുന്നത്. സമൂഹത്തിൻറെ ഉയർന്ന വീടുകളിലെ കുട്ടികൾ വിദ്യാലയത്തിൽ പ്രവേശിച്ചിരുന്നു. സ്വമേധയാ കുട്ടികൾ സ്കൂളിൽ പോയിരുന്നില്ല. ഇന്നത്തെ പോലെ നിശ്ചിത വയസ്സ് സ്കൂളിൽ ചേരുന്നതിന് നിഷ്കർഷിച്ചിരുന്നില്ല. ഇൻസ്പെക്ഷൻ വരുന്ന സമയത്ത് ചേർക്കാത്ത കുടികളെയും കൊണ്ടിരുത്തുമായിരുന്നു. വിദ്യഭ്യാസത്തിൻറെ പ്രാധാന്യം രക്ഷിതാക്കൾ തിരിച്ചറിഞ്ഞിരുന്നില്ല.
മുണ്ടേരി സെൻട്രൽ യു പി സ്കൂൾ സ്ഥതി ചെയ്യുന്ന സ്ഥലത്തിന്റെ പിറക് വശം സ്കൂൾ പറമ്പ് എന്ന പേരിലാണ് അറിയപ്പെട്ടിരുന്നത്. ഈ സ്ഥലത്ത് ഒരു മാപ്പിള സ്കൂൾ ഉണ്ടായിരുന്നത് കൊണ്ടാണ് ആ പേര് വന്നത്. 1939 ൽ തുടങ്ങി 5 കൊല്ലം ആ വിദ്യാലയം നിലനിന്നിരുന്നു. നൂഞ്ഞേരിയിലെ ഖാദർ മാസ്റ്ററും മാമ്പയിലെ കുഞ്ഞപ്പ മാസ്റ്ററും കുട്ടികളെ പഠിപ്പിച്ചിരുന്നു. അന്ന് ഈ വിദ്യാലയത്തിൽ 5 മുസ്ലിം പെൺകുട്ടികൾ വിദ്യ അഭ്യസിച്ചിരുന്നു - ( ആയിഷ. എൻ.പി, നഫീസ എൻ.പി, ഫാത്തിമ കെ.കെ, കുഞ്ഞീമ വി.വി, ആസ്യ.കെ.എം.) ഇന്നത്തെ കാനച്ചേരി മിനി സ്റ്റേടിയം സ്ഥതി ചെയ്യുന്ന പറമ്പിൽ, നവകേരള എൽ. പി. സ്കൂൾ വന്നിരുന്നതിനു മുമ്പ് ഒരു ചെറിയ സ്കൂൾ പ്രവർത്തിച്ചിരുന്നു. മമ്മു മാസ്റ്റർ ആണ് നേതൃത്വം നൽകിയത്. ഹരിജനങ്ങൾക്കും മുസ്ലിങ്ങൾക്കും വേണ്ടിയാണ് വിദ്യാലയം സ്ഥാപിച്ചിരുന്നത്. കൂടാതെപടന്നോട്ട് മെട്ടയിൽ ഇന്നത്തെ മുണ്ടേരി ഈസ്റ്റ് എൽ.പി സ്കൂൾ ( മുള്ളിക്കാട്ടിൽ എന്ന പറമ്പത്ത്) ഒരു നൂറ്റാണ്ട് മുൻപേ പ്രവർത്തനം തുടങ്ങിയിരുന്നു. മുണ്ടയാടൻ അനന്തൻ മാസ്റ്റർ ആയിരുന്നു അതിൻറെ സ്ഥാപകൻ( കണ്ണോത്ത് നാരായണൻ മാസ്റ്ററുടെ ഭാര്യാ പിതാവ്).
അമ്പാടി ഗുരുക്കളുടെ സ്കൂളിൽ ( മുണ്ടേരി എൽ.പി. സ്കൂൾ) എല്ലാ വിഭാഗത്തിൽ പെട്ട കുട്ടികൾക്കും പ്രവേശനം നൽകിയിരുന്നില്ല. ജാതി ഭേദമന്യേ എല്ലാവർക്കും വിദ്യാഭ്യാസം നൽകുന്നതിന് വേണ്ടിയാണ് 1931 ൽ കണ്ണോത്ത് നാരായണൻ മാസ്റ്റർ ആദി ദ്രാവിഡ എലിമെന്റി സ്കൂൾ കൈപ്പക്കണ്ടി പറമ്പ് എന്ന സ്ഥലത്ത് ( ഇന്നത്തെ ലാല ബസ്സ്‌ ഓണർ മുസ്തഫയുടെ വീട് സ്ഥിതി ചെയ്യുന്ന സ്ഥലം) സ്ഥാപിച്ചത്. അതിന് മുമ്പ് കണ്ണോത്ത് പറമ്പിൽ നാരായണൻ മാസ്റ്ററുടെ പിതാവ് കണ്ണോത്ത് കാണിയെരി കേളു നമ്പ്യാർ ഒരു കുടി പള്ളിക്കൂടം നടത്തിയിരുന്നു. മുണ്ടേരി ഹരിജൻ കോളനിയിലെ ശ്രീ. പി. മുകുന്ദൻ മാസ്റ്ററുടെ അച്ഛൻ തോടൻ, സ്കൂളിൽ കുടികളെ എത്തികുക എന്ന ചുമതല നിർവഹിച്ചിരുന്നു. ഒരു കൊല്ലം 36 രൂപ അതിന് കൂലിയായി നൽകിയിരുന്നു.
ആദി ദ്രാവിഡ എലിമെന്ററി സ്കൂളിന്റെ തുടർച്ചയാണ് ഇന്ന് മുണ്ടേരി സെൻട്രൽ യൂപി സ്കൂൾ സ്ഥിതി ചെയ്യുന്ന സ്ഥലത്ത് സ്കൂൾ പ്രവർത്തിക്കുന്നത്. ഈ സ്കൂൾ സ്ഥാപിക്കുന്നതിനു വേണ്ടി കാരപേരാവൂരിൽ തന്റെ തറവാട് സ്വത്ത് വിറ്റിട്ടാണ് പണം കണ്ടെത്തിയിരുന്നത്. പട്ടിക ജാതിയിൽ പെട്ട കുടികളെ കാനചേരിയിൽ നിന്നും മുണ്ടേരിയിൽ നിന്നും കൊണ്ട് വന്ന് ചേർത്തിരുന്നു. അതിൻറെ അടിസ്ഥാനത്തിൽ പട്ടിക ജാതിയിൽ പെട്ട പൊക്കൻ മാസ്റ്റർ സ്കൂളിൽ പഠിപ്പിച്ചിരുന്നു. പെൺകുട്ടികൾ ഉൾപ്പെടെ കര തോർത്ത് ഉടുത്തിട്ടാണ് സ്കൂളിൽ വന്നിരുന്നത്'. 1947 - 48 കാലയളവിൽ കാർത്ത്യായനി ടീച്ചർ ഈ വിദ്യാലയത്തിൽ പഠിപ്പിച്ചിരുന്നു. വിദ്യാലയത്തിലെ അദ്യാപകർ - കണ്ണോത്ത് നാരായണൻ മാസ്റ്റർ, കുന്നുമ്മൽ കുഞ്ഞപ്പ മാസ്റ്റർ, കുഞ്ഞിരാമ പണിക്കർ, (പ്യൂൺ കുഞ്ഞപ്പ ഗുരുക്കളുടെ ജ്യേഷ്ട്ൻ) കസ്തൂരി നാരായാണൻ മാസ്റ്റർ, പൊക്കൻ മാസ്റ്റർ (വിരുന്തന്റെ അനുജൻ) എന്നിവരായിരുന്നു.
1952 ലാണ് ESLC സ്കൂളായി അപ്ഗ്രേഡ് ചെയ്യപ്പെട്ടത്. ശ്രീ. പി. കണ്ണൻ മാസ്റ്റർ ആയിരുന്നു ആദ്യത്തെ ഹെഡ്മാസ്റ്റർ. ആദ്യ ESLC ബാച്ചിൽ മാണിയൂരിൽ നിന്ന് 7 പെൺകുട്ടികൾ പഠിക്കാൻ വന്നിരുന്നു. ഇന്ന് തോട്ടടയിൽ താമസിക്കുന്ന പി.കെ. പത്മാവതി ടീച്ചർ, മാനേജരുടെ മക്കൾ കെ. ജാനകി എന്നിവർ ആദ്യ ബാച്ചിൽ പെട്ടവർ ആയിരുന്നു. കേരള വിദ്യാഭ്യാസ നിയമം 1957 ൽ വന്നപ്പോൾ 1 മുതൽ 7 വരെ യുള്ള യു.പി സ്കൂളായി ഏകീകരിക്കപ്പെട്ടു.
ഈ കാലയളവിൽ വിദ്യാലയത്തിൽ പഠിച്ചവർ വിവിധ മേഖലകളിൽ എത്തി ചേർന്നിട്ടുണ്ട്. ശാസ്ത്രജ്ഞന്മാർ, ഡോക്ടർമാർ, ബിസ്നസ്സ്കാർ, അധ്യാപകർ എന്നിങ്ങനെ ആ നിര കാണാവുന്നതാണ്. ഇന്ന് കണ്ണൂർ നോർത്ത് സബ് ജില്ലയിൽ കുട്ടികളുടെ എണ്ണത്തിന്റെ കാര്യത്തിലും അക്കാഡമിക് മികവിന്റെ കാര്യത്തിലും പാഠ്യേതര പ്രവർത്തനങ്ങളിലും മുന്നിട്ടു നിൽക്കുന്ന ഒരു വിദ്യാലയമാണ്.
ഭൗതികസൗകര്യങ്ങൾ
19 ക്ലാസ്സ് മുറികൾ, 9 കംമ്പ്യൂട്ടർ ഉൾപ്പെട്ട വിശാലമായ സ്മാർട്ട് ക്ലാസ്സ് റൂം, ആധുനീക സൗകര്യങ്ങളോട് കൂടിയ കിച്ചൺ കം സ്റ്റോറൂം
വിശാലമായ കളിസ്ഥലം കുട്ടികളുടെ എണ്ണത്തിന് ആവിശ്യാനുസൃതമായ ടോയിലറ്റ് സൗകര്യങ്ങൾ വിശാലമായ സ്കൂൾ ലൈബ്രറി ആകർഷകമായ സയൻസ് ലാബ് വായനമുറി സ്കൂൾ വാഹന സൗകര്യം ബയോഗ്യാസ് പ്ലാന്റ്
പാഠ്യേതര പ്രവർത്തനങ്ങൾ
ശാസ്ത്ര ക്ലബുകളുടെ പ്രവർത്തനങ്ങൾ - സോപ്പ് നിർമ്മാണം, കുട നിർമ്മാണം, ദിനാചരണങ്ങൾ ഭാഷാ ക്ലബുകൾ, സ്കൗട്ട് ഗൈഡ്, ശുചിത്വസേന, കാർഷിക ക്ലബ്, കരാത്തെ പരിശീലനം,
മാനേജ്‌മെന്റ്
വ്യക്തിഗതം
മുൻസാരഥികൾ
പ്രശസ്തരായ പൂർവവിദ്യാർത്ഥികൾ
വിദ്യാലയത്തിൽ പഠിച്ചവർ വിവിധ മേഖലകളിൽ എത്തി ചേർന്നിട്ടുണ്ട്. ശാസ്ത്രജ്ഞന്മാർ, ഡോക്ടർമാർ, ബിസ്നസ്സ്കാർ, അധ്യാപകർ എന്നിങ്ങനെ ആ നിര കാണാവുന്നതാണ്
വഴികാട്ടി
കണ്ണൂരിൽ നിന്നും 12 കി.മി ദൂരം {{#multimaps: 11.932956, 75.437315 | width=800px | zoom=20 }}