കല്ല്യാശ്ശേരി കണ്ണപുരം എൽ പി സ്കൂൾ/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
കല്ല്യാശ്ശേരി കണ്ണപുരം പ്രദേശത്ത് 1913 ലാണ് മാണിക്കോത്ത് എഴുത്തച്ഛൻ എന്നവരുടെ നേതൃത്ത്വത്തിൽ കുടിപ്പള്ളിക്കൂടം എന്ന നിലയിൽ ആരംഭിച്ച ഏകാധ്യാപക വിദ്യാലയമാണ് കെ.കണ്ണപുരം പ്രദേശത്തിൻ‍റെ ജനങ്ങളുടെ വിദ്യാഭ്യാസ പുരോഗതിയുടെ നെടുന്തൂണായി വളർന്നു വന്ന കല്ല്യാശ്ശേരി കണ്ണപുരം എൽ.പി.സ്കൂൾ.1948 കാലഘട്ടത്തിൽ ബി.എം.കൃഷ്ണൻ നമ്പ്യാർ, ചിരുകണ്ഠൻ മാസ്റ്റർ എന്നിവരുടെ നേതൃത്ത്വത്തിലുള്ള ഭരണസമിതിയുടെ കീഴിലായി. തുടർന്ന് സ്കൂൾ കെട്ടിടത്തിൻറെ അറ്റകുറ്റപ്പണികൾക്കോക്കെ പ്രയാസം നേരിട്ട സമയത്ത് 1970 ൽ സ്കൂൾ മാനേജ്മെൻറിൻറെ നിയന്ത്രണം കെ.കണ്ണപുരം എജുക്കേഷണൽ സൊസൈറ്റി ഏറ്റെടുത്തു. പൂർണ്ണമായും നാട്ടുകാരുടെ നേതൃത്ത്വത്തിലുള്ള കമ്മിറ്റിയാണ് 1972 ൽ സൗകര്യപ്രദമായ ഒരു കെട്ടിടം സ്കൂളിനു വേണ്ടി നിർമ്മിച്ചത്. പൂർണ്ണമായും ജനകീയ പങ്കാളിത്തത്തോടെയായിരുന്നു 1972 ൽ കെട്ടിടം പണി പൂർത്തീകരിച്ചത്. തുടർന്ന് ഇങ്ങോട്ട് എല്ലാ സൗകര്യത്തോടും കൂടിയ കെട്ടിടം പണിയുന്നതിന് 2017 ൽ മുഴുവൻ ക്ലാസ്സ് മുറികളും ഡിജിറ്റൽ സൗകര്യത്തോടുകൂടിയ 6 റൂമുകൾ പൂർത്തീകരിച്ചു. ഇന്ന് പാപ്പിനിശ്ശേരി ഉപ ജില്ലയിലെ മികച്ച വിദ്യാലയങ്ങളിൽ ഒന്നായി മാറുന്നതിന് നമ്മുടെ വിദ്യാലയത്തിന് സാധിച്ചിട്ടുണ്ട്. ഉപജില്ലാ തലത്തിലുള്ള ശാസ്ത്ര , ഗണിതശാസ്ത്ര, പ്രവൃത്തി പരിചയ, സാമൂഹ്യ ശാസ്ത്ര മേളയിലും കലാ മേളയിലും ഉപജില്ലാ തലത്തിൽ ഓവറോൾ ഒന്നാം സ്ഥാനം നേടുന്നതിന് നമ്മുടെ വിദ്യാലയത്തിന് സാധിച്ചിട്ടുണ്ട്. 2017 വർഷത്തെ ശാസ്ത്ര മേളയിലും കിരീടം നിലനിർത്താൻ നമുക്ക് സാധിച്ചിട്ടുണ്ട്.
പാഠ്യ പാഠ്യേതര രംഗങ്ങളിൽ മികച്ച നിലവാരം പുലർത്തുന്നതിന് സഹായിക്കാൻ മികച്ച നിലയിൽ പ്രവർത്തിക്കുന്ന പി.ടി.എ. യുടെ അകമഴിഞ്ഞ സഹായം ലഭിക്കാറുണ്ട്. 2016-17 വർഷത്തിൽ വിദ്യാഭ്യാസ വകുപ്പിൻറെ എൽ.എസ്.എസ്. പരീക്ഷയിൽ 10 കുട്ടികൾക്ക് സ്കോളർഷിപ്പ് നേടിക്കൊടുക്കുന്നതിന് സ്കൂളിന് സാധിച്ചിട്ടുണ്ട്.