"ഗവ എം എൽ പി എസ് ഈരാറ്റുപ്പേട്ട/ക്ലബ്ബുകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കുട്ടി കവിതകളിലൂടെ പ്രശസ്തനായ എസ്.എഫ്. ജബ്ബാർ സ്കൂളിലെത്തി കുട്ടികൾക്ക് കവിത പാടി നല്കുകയും അദ്ദേഹത്തിന്റെ പുസ്തകം പരിചയപ്പെടുത്തുകയും ചെയ്തു. കുട്ടികൾക്ക് വായനാശീലം വർദ്ധിപ്പിക്കുന്നതിനായി സ്കൂൾ അസംബ്ലിയിൽ പത്രവായന പുസ്തകപരിചയം എന്നിവ ദൈനംദിന പ്രവർത്തനമായി നടത്തിവരുന്നു.

വിദ്യാരംഗം കലാ വേദി യുടെ ആഭിമുഖ്യത്തിൽ സ്കൂൾ മുറ്റത്തെ വൃക്ഷങ്ങളിൽ മഹത്വചനങ്ങൾ ജില്ലകൾ സംസ്ഥാനങ്ങൾ എന്നിവയെക്കുറിച്ചുള്ള വിവരങ്ങൾ ഉൾപ്പെടുത്തി അക്ഷരവൃക്ഷം തയ്യാറാക്കി.വായനാദിനം വായനാദിനത്തോടനുബന്ധിച്ച് അമ്മ വായന, ക്വിസ് വായന കാർഡ് തയ്യാറാക്കൽ വായനാകുറിപ്പ് തയ്യാറാക്കി അവതരിപ്പിക്കാൻ തുടങ്ങിയ പ്രവർത്തനങ്ങൾ നൽകി.

പൊതുവിദ്യാലയത്തിൽ എത്തുന്ന മുഴുവൻ കുട്ടികൾക്കും തുല്യ അവസരം  നൽകിക്കൊണ്ട് ഗുണമേന്മയുള്ള വിദ്യാഭ്യാസം ഉറപ്പു വരുത്തുക എന്ന പൊതുവിദ്യാഭ്യാസത്തിന് ലക്ഷ്യത്തോടെ ചേർന്ന കുട്ടികളുടെ സർഗപരമായ എല്ലാ കഴിവുകളും വികസിപ്പിക്കുന്നതിന് ഉതകുന്ന പ്രവർത്തനങ്ങളാണ് വിദ്യാരംഗം കലാസാഹിത്യവേദി യിലൂടെ നടത്തിവരുന്നത്.സ്കൂൾ വിദ്യാരംഗം കലാ സാഹിത്യ ക്ലബ്ബിന്റെ യും സ്കൂൾ തലത്തിലുള്ള ഔപചാരിക ഉദ്ഘാടനം ഓൺലൈനായി ജൂൺ മാസം നടന്നു. കലാ സാഹിത്യ വേദിയുടെ ആഭിമുഖ്യത്തിൽ കഥ കവിത വായനോത്സവം രചനാമത്സരങ്ങൾ നാടൻപാട്ട് കുട്ടികളുടെ കയ്യെഴുത്തുമാസിക തുടങ്ങിയ പ്രവർത്തനങ്ങൾ നടന്നുവരുന്നു.കുട്ടികളിൽ സാഹിത്യവാസന വളർത്തുന്നതിനായി ഗ്രാമഫോണിന്റെ ശേഖരണത്തിൽ പ്രശസ്തനായ ശ്രീ സണ്ണി മാത്യു പ്ലാശനാലിന്റെ വീട്ടിലെത്തി മ്യൂസിയം സന്ദർശിക്കുകയും അദ്ദേഹവുമായി സംവാദം നടത്തുകയും ചെയ്തു.വിദ്യാരംഗo കലാസാഹിത്യ വേദിയുടെ ഭാഗമായി കുട്ടികളുടെയും രക്ഷിതാക്കളുടെയും കലാപരമായ കഴിവുകൾ കണ്ടെത്തു തിനും പ്രോത്സാഹിപ്പിക്കുന്നതിനുമായി "കലയരങ്ങ്‌" ഗ്രൂപ്പ് രൂപീകരിക്കുകയും ദിനാചരണങ്ങളുടെ ഭാഗമായി രക്ഷിതാക്കൾക്ക് പ്രബന്ധ രചന , പ്രസംഗം ,ദേശഭക്തി ഗാനം, നാവുളുക്കി തുടങ്ങി വിവിധ മത്സരങ്ങൾ  മികവുറ്റ രീതിയിൽ സജീവമായി നടത്തി വരുന്നു.