ഗവ. ജി എച്ച് എസ് എസ് ആലപ്പുഴ/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
പഠ്യേതരപ്രവർത്തനങ്ങൾ
നല്ലപാഠം ,ജൂനിയർറെഡ് ക്രോസ്സ് ,ഇക്കോ ക്ലബ്ബ് എന്നിവ വളരെ മികച്ച രീതിയിൽ സ്കൂളിൽ പ്രവർത്തിക്കുന്നു
നല്ലപാഠം
പ്രളയാനന്തര നവ കേരളത്തിനായി പ്രവർത്തിക്കുന്ന മലയാളിക്ക് ഒരു നല്ല മാതൃകയാവാൻ മലയാള മനോരമയുടെ നല്ല പാഠം വഴി സ്കൂളിലെ കുട്ടികൾക്ക് കഴിഞ്ഞു
സ്കൂൾ സഞ്ചയിക - കുട്ടികളുടെ സമ്പാദ്യ പദ്ധതി.
കുട്ടികളിലെ സമ്പാദ്യശീലം വളർത്താനുള്ള പദ്ധതിയാണ് സഞ്ചയിക. ഹെഡ്മാസ്റ്ററിന്റെയും പത്തുവയസിൽ കുറയാതെ പ്രായമുള്ള രണ്ടു കുട്ടികളുടേയും പേരിലാണ് ഈ പദ്ധതി തുടങ്ങുന്നത്. അഞ്ചാം ക്ലാസു മുതൽ പത്താം ക്ലാസുവരെയുള്ള കുട്ടികളാണ് ഇതിലെ അംഗങ്ങൾ. 2006 മുതൽ ഈ പദ്ധതി സ്കൂളിൽ പ്രവർത്തിച്ചു വരുന്നു.
വ്യക്തി ശുചിത്വ ബോധവൽക്കരണം.
റോട്ടറി ക്ലബ്ബിന്റെ നേതൃത്വത്തിൽ ഹൈസ്കൂൾ വിഭാഗം കുട്ടികൾക്കായി വ്യക്തി ശുചിത്വ ക്ലാസുകൾ സംഘടിപ്പിക്കാറുണ്ട്.
ദേശീയ പോസ്റ്റൽ ദിനം.
സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ ദേശീയ പോസ്റ്റൽ ദിനവുമായി ബന്ധപ്പെട്ട് സ്റ്റാമ്പ് ശേഖരണം സംഘടിപ്പിക്കാറുണ്ട്.
പരിസ്ഥിതി ദിനം
ലോക പരിസ്ഥിതി ദിനം വിപുലമായ രീതിയിൽ ആചരിക്കാറുണ്ട്.പ്ലാസ്റ്റിക്കിന്റെ ദോഷവശങ്ങളെക്കുറിച്ച് ബോധവൽക്കരണം നടത്താറുണ്ട്. കുട്ടികളുടെ നേതൃത്വത്തിൽ സ്കൂൾ പരിസരത്ത് വൃക്ഷത്തൈകൾ നടാറുണ്ട്.
വായനാദിനം
ജൂൺ19 വായനാദിനം സമുചിതമായി ആചരിക്കുന്നു. അന്നേ ദിവസം പുസ്തക പ്രദർശനം നടത്തുന്നു.കുട്ടികൾക്ക് പുസ്തക വിതരണവും അന്നേ ദിവസം നടത്തുന്നു. ആഡിറ്റോറിയത്തിന്റെ മുകളിൽ digital library സംവിധാനവും ഒരുക്കിയിട്ടുണ്ട്.