ജി.എൽ.പി.എസ് കരുവാരകുണ്ട്

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

മലപ്പുറം ജില്ലയിലെ വണ്ടൂർ വിദ്യാഭ്യാസ ജില്ലയിൽ വണ്ടൂർ ഉപജില്ലയിലെ പുന്നക്കാട് എന്ന സ്ഥലത്തുള്ള ഒരു സർക്കാർ വിദ്യാലയമാണ് ഗവൺമെൻറ് എൽ .പി. സ്കൂൾ കരുവാരക്കുണ്ട്. 1928 ൽ ആരംഭിച്ചതും കരുവാരകണ്ട് ഗ്രാമപഞ്ചായത്തിൽ സ്ഥിതി ചെയ്യുന്നതുമായ ഈ വിദ്യാലയം ജില്ലയിലെ തന്നെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.

ജി.എൽ.പി.എസ് കരുവാരകുണ്ട്
വിലാസം
കരുവാരക്കുണ്ട് G L P S KARUVARAKUNDU , കരുവാരക്കുണ്ട് പി.ഒ. , 676523 , മലപ്പുറം ജില്ല
സ്ഥാപിതം	1935
വിവരങ്ങൾ
ഫോൺ	04931 280044
ഇമെയിൽ	glpskvk@gmail.com
കോഡുകൾ
സ്കൂൾ കോഡ്	48513 (സമേതം)
യുഡൈസ് കോഡ്	32050300202
വിക്കിഡാറ്റ	Q6373745
വിദ്യാഭ്യാസ ഭരണസംവിധാനം
റവന്യൂ ജില്ല	മലപ്പുറം
വിദ്യാഭ്യാസ ജില്ല	വണ്ടൂർ
ഉപജില്ല	വണ്ടൂർ
ഭരണസംവിധാനം
ലോകസഭാമണ്ഡലം	വയനാട്
നിയമസഭാമണ്ഡലം	വണ്ടൂർ
താലൂക്ക്	നിലമ്പൂർ
ബ്ലോക്ക് പഞ്ചായത്ത്	കാളികാവ്
തദ്ദേശസ്വയംഭരണസ്ഥാപനം	പഞ്ചായത്ത്,കരുവാരകുണ്ട്,
വാർഡ്	20
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	311
പെൺകുട്ടികൾ	329
അദ്ധ്യാപകർ	19
സ്കൂൾ നേതൃത്വം
പ്രധാന അദ്ധ്യാപകൻ	കെ.പി ഹരിദാസൻ
പി.ടി.എ. പ്രസിഡണ്ട്	അബ്ദു സലാം പി
എം.പി.ടി.എ. പ്രസിഡണ്ട്	ജസീറ വി.പി
അവസാനം തിരുത്തിയത്
28-01-2022	48513

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ചരിത്രം

നൂറ്റാണ്ടുകൾക്കുമുമ്പ് ശുദ്ധമായ ഇരുമ്പയിര് (കരു) യഥേഷ്ടം ലഭിച്ചിരുന്ന സ്ഥലമായതിനാലാണ് ഈ പ്രദേശത്തിന് കരുവാരകുണ്ട് എന്ന പേര് സിദ്ധിച്ചത് എന്ന് ചരിത്രം പറയുന്നു. കൃഷിയായിരുന്നു ഇവിടുത്തെ പ്രധാന തൊഴിൽ. കർഷകരുടെ വിയർപ്പു വീണ വയലുകളിൽ നെല്ലും കപ്പയും വാഴയും എള്ളും പൂത്തുലഞ്ഞു. പറമ്പുകളിൽ തെങ്ങും കവുങ്ങും സുലഭമായി കായ്ച്ചു. പ്രാഥമിക വിദ്യാഭ്യാസത്തിനുള്ള സാഹചര്യങ്ങൾ പോലും അന്യമായിരുന്ന കാലത്ത് ഉൽപതിഷ്ണുക്കളായ ചില  സുമനസ്സുകളാണ് തങ്ങളുടെ മക്കളുടെ വിദ്യാഭ്യാസത്തെപ്പറ്റി  ചിന്തിക്കാൻ തുടങ്ങിയത്. ദീർഘവീക്ഷണമുള്ള സൈതാലി ഹാജി, കുഞ്ഞു മുഹമ്മദ് മാസ്റ്റർ, പൂമഠത്തിൽ മുഹമ്മദ് മാസ്റ്റർ തുടങ്ങിയ ആളുകളാണ് ഇത്തരം ഒരുചിന്തയ്ക്ക് തിരികൊളുത്തിയത്. മതപഠനത്തിനായി കേമ്പിൻ കുന്നിൽ സ്ഥാപിച്ചിരുന്ന ഓത്തു പള്ളിക്കൂടത്തിൽ 1928-ലാണ് ഈ ചിന്തയുടെ ഫലമായി ഒരു പ്രൈമറി വിദ്യാലയം പ്രവർത്തനം ആരംഭിക്കുന്നത്. കൂടുതൽ വായിക്കുക

ഭൗതികസൗകര്യങ്ങൾ

പതിറ്റാണ്ടുകളോളം വാടകക്കെട്ടിടത്തിൽ പ്രവർത്തിച്ചിരുന്ന വിദ്യാലയം.കരുവാരകുണ്ട്  പുന്നക്കാടുള്ള പുഴയോരത്തെ പുറമ്പോക്കു ഭൂമിയിൽ സ്വന്തമായി കെട്ടിടം നിർമ്മിച്ച് മാറ്റി സ്ഥാപിക്കുമ്പോൾ ആകെ അഞ്ച് ക്ലാസ്സ് മുറികൾ മാത്രമേ ഉണ്ടായിരുന്നുള്ളൂ.  നൂറു വാര അകലെയുള്ള പഞ്ചായത്ത് മിനി സ്റ്റേഡിയത്തിന്റെ പവലിയനിലെ ഹാൾ രണ്ട് ക്ലാസ് മുറികൾ ആയി ഉപയോഗിക്കുക കൂടി ചെയ്യേണ്ടിവന്നു അക്കാലത്ത്. മഴപെയ്താൽ ചെളിക്കുളമാകുന്ന മുറ്റവും മുന്നിലെ ചെമ്മൺപാതയും കുഞ്ഞുങ്ങളെ ഏറെ വിഷമിപ്പിച്ചിരുന്നു. ജനകീയാസൂത്രണ പ്രസ്ഥാനത്തിൻറെ വളർച്ചയോടെ പ്രൈമറി വിദ്യാലയങ്ങൾ ഗ്രാമപഞ്ചായത്തിന് കീഴിൽ വന്ന ആ നാളുകളിൽ ഭരണസമിതി മുന്തിയ പരിഗണനയാണ് വിദ്യാലയങ്ങൾക്ക് നൽകിയത്.  തുടർന്ന് നിലവിലുള്ള പ്രധാന കെട്ടിടത്തിന് മുകളിൽ 4 ക്ലാസ് മുറികൾ കൂടി നിർമിച്ചു.  ചുറ്റുമതിലും  പ്രവേശനകവാടവും നിർമ്മിച്ച് സുരക്ഷിതമാക്കിയതിനൊപ്പം മുറ്റം കട്ടപിടിപ്പിച്ച്  ചേതോഹരവുമാക്കി.  സർക്കാർ വിദ്യാലയത്തിന്റെ മുറ്റം ഇത്തരത്തിൽ നവീകരിക്കുന്നത് അന്ന് പക്ഷേ മറ്റുള്ളവരിൽ അത്ഭുതമാണ് സൃഷ്ടിച്ചത്.  കൂടുതൽ അറിയാം

പാഠ്യേതര പ്രവർത്തനങ്ങൾ

ഡിജിറ്റൽ മാഗസിനുകൾ

സ്കൂളിലെ വിവിധ പാഠ്യ-പാഠ്യേതര പ്രവർത്തനങ്ങളുടെ ഭാഗമായി ഡിജിറ്റൽ മാഗസിനുകൾ തയ്യാറാക്കാറുണ്ട്. അങ്ങനെ തയ്യാറാക്കിയ ചില ഡിജിറ്റൽ മാഗസിനുകളാണ് ചുവടെയുള്ള കണ്ണികളിൽ നൽകിയിട്ടുള്ളത്.

• ആവണിപ്പൂക്കൾ
• ഓണപ്പാട്ടുകൾ
• ഓണത്തുമ്പി

നേർക്കാഴ്ച

ലോക്ഡൗൺ സമയത്ത് കുട്ടികൾക്കും രക്ഷിതാക്കൾക്കുമായി നടത്തിയ കോവിഡ് ബോധവത്കരണ പോസ്റ്റർരചനാ കാമ്പയിൻ.

• നേർക്കാഴ്ച

കൂട്ടിനോരോമനക്കുഞ്ഞാട്

കുട്ടികളിൽ പരിസരബോധവും ജന്തുസ്നേഹവും, സ്വാശ്രയസമ്പാദ്യശീലവും വളർത്താൻ സംസ്ഥാനമൃഗസംരക്ഷണ വകുപ്പിന്റെയും കരുവാരക്കുണ്ട് ഗ്രാമപഞ്ചായത്തിന്റെയും സഹായത്താൽ നടപ്പിലാക്കി വരുന്ന ശ്രദ്ധേയമായ പരിപാടിയാണിത്. ആടിനെ ലഭിക്കുന്ന വീട്ടുകാർ പിന്നീട് പകരം മറ്റൊരു പെൺആടിനെ വിതരണത്തിനായി തിരിച്ചുതരുന്ന രീതിയിലാണ് ഈ പദ്ധതി നടപ്പിലാക്കുന്നത്. ഇതിനോടകം 106 ആടുകളെ ഇത്തരത്തിൽ വിതരണം ചെയ്യാൻ കഴിഞ്ഞിട്ടുണ്ട്.

സ്കൂളിനെ ഇന്നത്തെ നിലവാരത്തിലേക്കുയർത്തിയത് മാതൃകാപരമായ നിരവധി പ്രവർത്തനങ്ങളിലൂടെയാണ്. ടാലന്റ് എക്സാം, ഹോണസ്റ്റ് ഷോപ്പ്, പ്രതിഭയെത്തേടി, ...... തുടങ്ങിയ പ്രവർത്തനങ്ങൾ ഉദാഹരണങ്ങളാണ്. കൂടുതൽ അറിയാം

ക്ലബ്ബുകൾ

വിദ്യാലയത്തിലെ അക്കാദമിക പ്രവർത്തനങ്ങൾ കൂടുതൽ മികവുറ്റതാക്കാൻ വിവിധ ക്ലബ്ബുകളിലെ പ്രവർത്തനങ്ങൾ സഹായിക്കുന്നു. ഇതിനായി സ്കൂളിലെ മുഴുവൻ കുട്ടികളും ഏതെങ്കിലുമൊരു ക്ലബ്ബിൽ അംഗമാണ് എന്നുറപ്പു വരുത്തുന്നു. വിവിധങ്ങളായ പ്രവർത്തനങ്ങൾ ഓരോ ക്ലബ്ബും ഏറ്റെടുത്ത് നടത്തുന്നതിലൂടെ കുട്ടികളുടെ സർഗ്ഗാത്മകശേഷികൾ പോഷിപ്പിക്കുന്നതിനും അതുവഴി പഠനരംഗത്ത് ഉണർവ്വേകുന്നതിനും സാധിക്കുന്നു. വിഷയാടിസ്ഥാനത്തിലുള്ള ക്ലബ്ബുകൾക്കു പുറമേ ജെ.ആർ.സി., ജി.കെ. ക്ലബ്ബ്, ശാസ്ത്ര ക്ലബ്ബ് ... തുടങ്ങിയവയും സ്കൂളിൽ സജീവമായി പ്രവർത്തിച്ചു വരുന്നു. ക്ലബ്ബുകളുടെ പ്രവ‍ർത്തനങ്ങളെക്കുറിച്ച് കൂടുതൽ അറിയുന്നതിന്...

മാനേജ്‍മെന്റ്

കരുവാരകുണ്ട് ഗ്രാമപഞ്ചായത്തിന് കീഴിൽ പ്രവർത്തിക്കുന്ന ഒരു സർക്കാർ ലോവർ പ്രൈമറി വിദ്യാലയമാണ് ജി.എൽ.പി.എസ്. കരുവാരകുണ്ട്. സ്കൂളിന്റെ പ്രവർത്തനങ്ങളിൽ സാമൂഹിക പങ്കാളിത്തം ഉറപ്പുവരുത്തുന്ന രീതിയിൽ വളരെ സജീവമായി പ്രവർത്തിക്കുന്ന പി.ടി.എ. യും എസ്.എം.സി. യും എം.പി.ടി.എ.യും സ്കൂളിലുണ്ട്.

ചിത്രശാല

സ്കൂൾ പ്രവർത്തനങ്ങൾ പത്ര വാർത്തകളിലൂടെ....

മുൻ സാരഥികൾ

സ്കൂളിലെ മുൻ പ്രധാനാദ്ധ്യാപകർ

നമ്പർ	പേര്	കാലഘട്ടം
1	പൂമoത്തിൽ മുഹമ്മദ്
2	ലക്ഷ്മി
3	ഗംഗാധര പണിക്കർ
4	തൊണ്ടിയിൽ ഉണ്യാപ്പ
5	ഇസ്മായിൽ
6	ടി.സി.ജോസഫ്
7	നീലകണ്ഠപിള്ള
8	കുര്യൻ
9	രമണി
10	മറിയക്കുട്ടി
11	T.ഹംസ
12	K. K ജെയിംസ്
13	മാലിനി, M.P
14	ഉമർ വലിയതൊടി
15	കെ. പി. ഹരിദാസൻ

നേട്ടങ്ങൾ

1. തുടർച്ചയായി ഏറ്റവും കൂടുതൽ കുട്ടികൾ L S S നേടുന്ന വിദ്യാലയം, 2. എൽ.എസ്.എസ് സ്കോളർഷിപ്പ് പരീക്ഷയിൽ വണ്ടൂർ ഉപജില്ലാ തലത്തിൽഏറ്റവും കൂടുതൽ മാർക്ക് നേടൂന്ന വിദ്യാലയം, 3. quiz മത്സരങ്ങളിൽ ഏറ്റവും കൂടുതൽ പോയിറ്റ് നേടുന്ന വിദ്യാലയം, 4. ഹരിത വിദ്യാലയം സീസൺ (1 )സീസൺ ( 2 ) എന്നിവയിൽ പങ്കെടുത്തു.മികച്ച സ്കോർ നേടി, 5 2013-14 വർഷം സംസ്ഥാന ബെസ്റ്റ് പി.ടി.എ അവാർഡ് നേടി. 6. J.R.C UNIT ജില്ലയിൽ ആദ്യം തുടങ്ങിയ ഗവ.പ്രൈമറി വിദ്യാലയം. 7. ഏറ്റവും കൂടുതൽ അംഗങ്ങളുള്ള J R C UNIT, 8 2012-13വർഷം ആരംഭിച്ച 'കൂട്ടിനൊരോമന കുഞ്ഞാട് 'പദ്ധതി പ്രകാരം 2020 ആഗസ്റ്റവരെ 101കുഞ്ഞാടുകളെ വിതരണം ചെയ്തു. 9. സ്കൂളിന്റെ തനത് ടാലന്റ് പരീക്ഷ 10. LSS വിജയികൾക്ക് 'വട്ടമണ്ണിൽ സെയ്താലി കുട്ടി മെമ്മോറിയൽ എൻഡോവ്മെന്റ് 11. കളിമുറ്റം കുട്ടികളുടെ പാർക്ക് 12. മികച്ച സ്മാർട്ട് ക്ലാസ്സ്റൂം & ഐ. ടി. ലാബ് 13. 2017-18 സബ് ജില്ലയിൽ ബെസ്റ്റ് പി ടി എ അവാർഡ് നേടി. 13. 2018-19 വർഷത്തിൽ 17 Lss വിജയികൾ 14. 2019-20 വർഷത്തിൽ 21 Lss വിജയികൾ ഇതേ വര്ഷം വണ്ടൂർ സബ് ജില്ലയിലെ BEST PTA AWARD നേടുകയും ചെയ്തു.15. സ്കൂൾ ലൈബ്രറി&ക്ലാസ് ലൈബ്രറികൾ 16.മേളകളിലെ മികച്ച വിജയങ്ങൾ 17.ഉച്ച ഭക്ഷണം കഴിക്കാനുള്ള മികച്ച സൗകര്യം

പ്രശസ്തരായ പൂർവവിദ്യാർത്ഥികൾ

ഈ വിദ്യാലയത്തിൽ പഠിച്ച പ്രശസ്തരായ പൂർവ്വ വിദ്യാർത്ഥികൾ

നമ്പർ	പേര്	പ്രവർത്തനമേഖല
1	അഡ്വ.എം.ഉമ്മർ	പൊതുപ്രവർത്തനം - മുൻ മഞ്ചേരി എം.എൽ.എ., മുൻ മലപ്പുറം ജില്ലാ പഞ്ചായത്ത് പ്രസിഡന്റ്
2	കെ.അൻവർ സാദത്ത്	ഐ.ടി. മേഖല - കൈറ്റ് സി.ഇ.ഒ
3	പി.കെ.എം ബഷീർ	പത്രപ്രവർത്തനം - The Hindu

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

• മഞ്ചേരിയിൽ നിന്നും 28 കി.മി. ഉം, പെരിന്തൽമണ്ണയിൽ നിന്ന് 27 കി.മി.ഉം, നിലമ്പൂരിൽ നിന്നും 30 കി.മി ഉം ദൂരത്തായി ഈ വിദ്യാലയം സ്ഥിതി ചെയ്യുന്നു.
• കരുവാരകുണ്ട് കിഴക്കേത്തലയിലെ ബസ് സ്റ്റാന്റിൽനിന്നും 2 കി.മി അകലെ പുന്നക്കാട് എന്ന സ്ഥലത്താണ് വിദ്യാലയം സ്ഥിതി ചെയ്യുന്നത്.

• പുന്നക്കാട്- പുൽവെട്ട റോഡിൽ 50 മീറ്റർ അകലെ.

{{#multimaps:11.11248,76.32777 |zoom=16}}

അവലംബം

1. ml.wikipedia.org/wiki/കരുവാരക്കുണ്ട്_ഗ്രാമപഞ്ചായത്ത്