ഗവ. യൂ പി സ്ക്കൂൾ പുതുവയ്‌പ്പ്
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
സ്കൂളിനെക്കുറിച്ച്
| ഗവ. യൂ പി സ്ക്കൂൾ പുതുവയ്‌പ്പ് | |
|---|---|
 | |
| വിലാസം | |
PUTHUVYPEപി.ഒ, , 682508682508 | |
| വിവരങ്ങൾ | |
| ഫോൺ | 9895115210 |
| ഇമെയിൽ | gupsputhuvype@gmail.com |
| കോഡുകൾ | |
| സ്കൂൾ കോഡ് | 26532 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | Ernakulam |
| വിദ്യാഭ്യാസ ജില്ല | Ernakulam |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി യു.പി |
| മാദ്ധ്യമം | മലയാളം |
| സ്കൂൾ നേതൃത്വം | |
| പ്രധാന അദ്ധ്യാപകൻ | LEELAMMA ISSAC |
| അവസാനം തിരുത്തിയത് | |
| 22-12-2021 | DEV |
................................
ചരിത്രം
എ ഡി 1341ൽ കൊച്ചി അഴിമുഖത്തുണ്ടായ മഹാപ്രളയത്തെ തുടർന്ന് വൈപ്പിൻ ദ്വീപ് രൂപപ്പെട്ടു. കടൽ വച്ചതായതുകൊണ്ട് വൈപ്പ് എന്ന് വിളിക്കുന്നു. 1950 ൽ ഈ ഭാഗത്തുണ്ടായ പേമാരിയിൽ ദ്വീപിന്റെ തെക്ക് ഭാഗത്തായി മഴവെള്ളം കൊച്ചി അഴിമുഖത്തിലൂടെ കടലിലേക്ക് പ്രവഹിച്ച് ചെളി അടിഞ്ഞുകൂടി പുതുവൈപ്പ് രൂപം കൊണ്ടു. വൈപ്പിൻകരയുടെ ഉത്ഭവവും പുതുവൈപ്പിൽ ജനങ്ങളുടെ വർദ്ധനവോടും കൂടെ നാട്ടിൽതെന്നെ ഒരു പ്രൈമറി സ്കൂൾ സ്ഥാപിച്ചേപറ്റൂ എന്ന സ്ഥിതി വന്നു. കാരണം നല്ല റോഡുകൾ ഇല്ലാതിരുന്നതിനാൽ കുട്ടികൾക്ക് ചെളിയും തോടും നിറഞ്ഞ പ്രദേശങ്ങളിലൂടെ നടന്ന് ഓച്ചന്തുരുത്ത് സ്കൂളിൽ പോയി പഠിക്കുക പ്രയാസമായിരുന്നു. അതിനാൽ നാട്ടുകാർ സംഘടിച്ചു. കടൽ വച്ച ഏകദേശം ഒരേക്കർ സ്ഥലം അവർ സ്കൂളിനായി തിരഞ്ഞെടുത്തു. ഇപ്പോഴത്തെ സെന്റ് സെബാസ്റ്റിൻ പള്ളിയുടെ പചിഞ്ഞാറുവശത്തായിരുന്നു ഈ സ്ഥലം. മുള, പനമ്പ്, ഒാല എന്നിവ ഉപയോഗിച്ചായിരുന്നു ആദ്യ സ്കൂൾ കെട്ടിടം നിർമ്മിച്ചത്. ഗവൺമെന്റ് ഈ കെട്ടിടം ഏറ്റെടുക്കുകയും സ്കൂൾ അനുവദിക്കുകയും ചെയ്തു. പഞ്ചായത്ത് പ്രസിഡന്റ് കാരിക്കശേരി ജോർജ്ജ് 1962 ൽ ഈ സ്കൂളിന്റെ പ്രവർത്തനം ഉത്ഘാടനം ചെയ്തു. ഒന്നു മുതൽ നാലു വരെ ക്ലാസുകളിലായി ഏകദേശം 400 കുട്ടികൾ ആദ്യ വർഷം തന്നെ ഈ സ്കൂളിൽ ചേർന്നു. 12 അദ്യാപകരുണ്ടായിരുന്നു. പ്രകൃതിക്ഷോഭം സ്കൂളിന്റ സുഗമമായ പ്രവർത്തനത്തെ തടസ്സപ്പെടുത്തി. ശക്തമായ കാറ്റ് വീശി മേൽക്കൂരയിലെ ഒാല പറന്നു പോകും.കടൽ വെള്ളം സ്കൂളിനകത്തേക്കു കയറും. ഒരു മഴക്കാലത്ത് സ്കൂൂൾ ഇടിഞ്ഞു വീണു. കുട്ടികളു‌ടെ സുരക്ഷിതത്വത്തെ പ്രതി സ്കൂളിനുവേണ്ടി മറ്റൊരു സ്ഥലം ഗവൺമെന്റ് തിരഞ്ഞെടുത്തു. ആ സ്ഥലത്താണ് ഇന്ന് സ്കൂൾ പ്രവർത്തിക്കുന്നത്. 1966 മുതൽ പുതിയ സ്ഥലത്താണ് സ്കൂൾ പ്രവർത്തിച്ചുവരുന്നത്. ആദ്യകാലത്ത് സൗകര്യങ്ങൾ കുറവായിരുന്നതിനാൽ സ്കൂളിൽ ഷിഫ്റ്റ് ഏർപ്പെടുത്തി. 1970 ലെ മഴക്കാലത്ത് ശക്തമായ കാറ്റടിച്ച് കെട്ടിടം നിലംപൊത്തി. തുടർന്ന് ഇപ്പോഴത്തെ സുരക്ഷിതമായ രീതിയിൽ കെട്ടിടം പുനർനിർമ്മിച്ചു. ഒന്നു മുതൽ ഏഴുവരെ ക്ലാസുകളിലായി നൂറോളം കുട്ടികൾ പഠിക്കുന്നു. 11 അധ്യാപകർ ഈ ഗ്രാമീണ കുട്ടികൾക്ക് അറിവിന്റെ വെളിച്ചം പകർന്നു കൊടുക്കുന്നു. നല്ല നേതൃത്വപാടവമുള്ള ശ്രീമതി ലീലാമ്മ ഐസക് ആണ് ഇന്ന് സ്കൂളിന്റെ പ്രധാനാധ്യാപിക...
ഭൗതികസൗകര്യങ്ങൾ
62.40 ആർ ചുറ്റളവിൽ വ്യാപിച്ചുകിടക്കുന്ന സ്കൂൾ വളപ്പിൽ നാല് കെട്ടിടങ്ങളാണ് ഉള്ളത്. ഇതിലെ പ്രധാന കെട്ടിടത്തിൽ ഒാഫീസ് റൂം പ്രവർത്തിക്കുന്നു, ഇതിനോടു ചേർന്ന് ഹാളായി ഉപയോഗിക്കാവുന്ന സ്റ്റേജ് ഉൾപ്പെടെയുള്ള ഭാഗത്ത് പ്രീ പ്രൈമറി വിഭാഗത്തിലായി LKG, UKG എന്നിവയും പ്രവർത്തിക്കുന്നു. ഇവർക്കായി പ്രത്യേക കളിയുപകരണങ്ങളും ക്രമീകരിച്ചിരിക്കുന്നു. കിഴക്കേ കെട്ടിടത്തിൽ കമ്പ്യൂട്ടർ ലാബ്, സ്മാർട്ട് ക്ലാസ് റൂം എന്നിവ കൂടാതെ മൂന്ന് ക്ലാസ് റൂമുകൾ കൂടിയുണ്ട്. പടിഞ്ഞാറെ കെട്ടി‌ത്തിൽ രണ്ട് ക്ലാസ് റൂമും ഒരു സ്റ്റോർ റൂമും ഉണ്ട്. ഇത് കൂടാതെ പടിഞ്ഞാറുഭാഗത്ത് 800 ചതുരശ്ര അടിയുള്ള ഡൈനിംഗ് ഹാളും തൊട്ടടുത്തായി സ്റ്റോർ റൂം സൗകര്യമുള്ള അടുക്കളയും നിർമ്മിച്ചിരിക്കുന്നു. ഈ കെട്ടിടങ്ങൾ എല്ലാം തന്നെ ടൈൽ ഇട്ടവയും വൃത്തിയുള്ളവയും ആണ്. പാചകാവശ്യത്തിന് എൽപിജിയും വിറകും ഉപയോഗിക്കുന്നു. പൊതു പൈപ്പിൽ നിന്നും ലഭിക്കുന്ന വെള്ളമാണ് പാചകത്തിനും മറ്റ് ആവശ്യങ്ങൽക്കും ഉപയോഗിക്കുന്നത്. കുട്ടികൽക്ക് കുടിവെള്ളത്തിനായി ഡൈനിംഗ് ഹാളിൽ തന്നെ വാട്ടർ പ്യൂരിഫയർ സ്ഥാപിച്ചിരിക്കുന്നു. കുട്ടികൾക്കായി വളരെ മികച്ച ടോയ്‌ലെറ്റ് സൗകര്യവും ഇവിടെ ഒരുക്കിയിട്ടുണ്ട്. കായിക വിനോദങ്ങളിൽ ഏർപ്പെടുവാനും കായിക പരിശീലനം നേടുവാനും സൗകര്യപ്രദമായ രീതിയിലുള്ള മികച്ച ഗ്രൗണ്ടും ഇവിടെ ലഭ്യമാണ്. മലയാള ഭാഷയുടെ പിതാവായ എഴുത്തച്ഛന്റെ പ്രതിമ സ്ഥാപിച്ചിട്ടുള്ള കേരളത്തിലെ ഏക വിദ്യാലയവും ഇതാണ്.....
പാഠ്യേതര പ്രവർത്തനങ്ങൾ
മുൻ സാരഥികൾ
സ്കൂളിലെ മുൻ അദ്ധ്യാപകർ :
- പി ടി ഭാസ്കരൻ
- എം ടി കുമാരൻ
- സി കെ ചക്രപാണി
കെ എ അഗസ്റ്റിൻ പി സി ചന്ദ്രൻ രാജപ്പൻ പിള്ള മേരി പോൾ
നേട്ടങ്ങൾ
വെളിച്ചം സമഗ്ര വിദ്യാഭ്യാസ പദ്ധതിയുടെ ഭാഗമായി:-
- മികച്ച വിദ്യാലയത്തിനുള്ള അവാർഡ് ലഭിച്ചു. (2014-2015)
- മികച്ച ടീം വർക്കിനുള്ള അവാർഡ് ലഭിച്ചു. (2015-2016)
- മികച്ച പ്രധാനാധ്യാപികയ്ക്കുള്ള അവാർഡിന് ശ്രീമതി മേരി പോൾ ടീച്ചർ അർഹയായി
- മികച്ച അധ്യാപികയ്ക്കുള്ള അവാർഡ് ശ്രീമതി രേഖ ടീച്ചർക്കു ലഭിച്ചു.(2014-2015)
- 2016 ൽ മികച്ച അദ്യാപകനുള്ള സംസ്ഥാന അവാർഡിന് ശ്രീ സി സി വിശ്വനാഥൻസർ അർഹനായി.(2015-2016)
പ്രശസ്തരായ പൂർവവിദ്യാർത്ഥികൾ
- ചന്ര ബോസ്
അഞ്ച് വാദ്യോപകരണങ്ങൾ ഒരുമിച്ച് വായിച്ച് ലിംക ബുക്ക് ഒാഫ് വേൾഡ് റെക്കോഡിൽ ഇടം നേടി.
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
|
{{#multimaps:10.002533,76.226351 |zoom=18}}