ഇ. വി. യു. പി. എസ്. മടന്തക്കോട്/അക്ഷരവൃക്ഷം/ആസ്വദനക്കുറിപ്പ്

പപ്പായപുരത്തേക്ക് മടക്ക യാത്ര   പപ്പായപുരത്തേക്ക് മടക്ക യാത്ര   ഒരുആസ്വാദനക്കുറിപ്പ് ...............                   എഴുത്തുകാരനായ മാറനല്ലൂർ സുധിയുടെ 'പപ്പായ പുരത്തേക്ക് മടക്ക യാത്ര' എന്ന ചെറുകഥ സമാഹാരം ഞാൻ വായിച്ചു. ഇതിൽ ഒട്ടേറെ ഗുണപാഠ കഥകളും, പരിസ്ഥിതി മലിനീകരണം, വനനശീകരണഠ, ജല മലിനീകരണം എന്നിവയ്ക്കെതിരെയുള്ള ബോധവൽക്കരണ സന്ദേശങ്ങൾ അടങ്ങിയ കഥകളും ഉണ്ടായിരുന്നു. ഇതിൽ എനിക്ക് ഏറ്റവും ഇഷ്ടപ്പെട്ടത് 'രാജ്‌ഞിയുടെ ലോകം' എന്ന കഥയാണ്. ഇതിൽ സമുദ്രത്തിൽ വസിക്കുന്ന മൽസ്യങ്ങളും ജല മലിനീകരണം മൂലം ദുരിതമനുഭവിക്കുന്ന ജലജീവികളുമാണ് പ്രധാന കഥാപാത്രങ്ങൾ . വ്യവസായ ശാലകൾ പുറന്തള്ളുന്ന രാസപദാർത്ഥങ്ങൾ നദിയിലൂടെ കടലിലെത്തുന്നു. ഇങ്ങനെ മീനുകൾ ചത്തു പൊങ്ങുന്നു. ഇതിനെതിരെ മീനുകളുടെ രാജ്ഞിയും കൂട്ടരും നടത്തുന്ന പ്രതിരോധ പ്രവർത്തനങ്ങളും, കടൽ ശുചീകരണ മാർഗ്ഗങ്ങളും നന്നായി മനസ്സിലാക്കാൻ സാധിച്ചു. ഇതിൽ നിന്നും എനിക്ക് മനസ്സിലാക്കാൻ സാധിച്ചത് ചെറുജീവികളായ മീനുകൾക്ക് ഒത്തൊരുമയോടെ പ്രവർത്തിച്ച് അവരുടെ ദുരന്തത്തിൽ നിന്നും രക്ഷനേടാൻ കഴിയുമെങ്കിൽ അതിലും എത്രയോ വലിയവരായ മനുഷ്യർക്ക് നമുക്ക് ഇന്നുണ്ടായ കൊറോണയെന്ന ഈ ദുരിതത്തിൽ നിന്നും വളരെ വേഗം രക്ഷപെടാൻ കഴിയും. നല്ല സന്ദേശങ്ങൾ മാത്രം നൽകുന്ന ഈ പുസ്തകം എനിക്ക് വളരെയധികം ഇഷ്ടപ്പെട്ടു. ആവണി . എം.എൻ 4 A ഈ വി യു പി എസ് മടന്തകോട് വെളിയം ഉപജില്ല കൊല്ലം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Nixon C. K. തീയ്യതി: 20/ 06/ 2020 >> രചനാവിഭാഗം - ലേഖനം