ഗവ. എച്ച് എസ് എസ് രാമപുരം/ഹൈസ്കൂൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
സ്‌ക്കൂൾ ഹെഡ്മിസ്ട്രസ്
സ്കൂളിന്റെ ചിത്രം
ഗണിത ക്ലബ്
രാമപുരം ഗവണ്മെന്റ് ഹയർ സെക്കന്ററി സ്കൂളിന്റെ 2021-2022 വർഷത്തെ ഗണിതക്ലബ് ഉദ്ഘാടനം, ലോക ഗണിതശാസ്ത്ര ദിനം ആയ ഡിസംബർ 22 ന് ബഹുമാനപ്പെട്ട ഹെഡ്മിസ്ട്രെസ് ശ്രീമതി പ്രവദ ടീച്ചർ നിർവഹിച്ചു. ഉദ്ഘാടനപ്രസംഗത്തിൽ നിത്യജീവിതത്തിൽ ഗണിത ത്തിന്റെ പ്രാധാന്യത്തെ കുറിച്ച് നർമ ഭാഷണത്തിലൂടെ കുട്ടികൾക്ക് മനസിലാക്കി കൊടുത്തു. ചടങ്ങിനു സ്വാഗതം അർപ്പിച്ചത് സ്കൂൾ ഗണിതശാസ്ത്ര അധ്യാപകനായ ശ്രീ. ശ്രീനാഥ് സാർ ആണ്. തന്നിൽ ഏൽപ്പിച്ച കർത്തവ്യം നിർവഹിച്ചതിനോടൊപ്പം കുട്ടികൾക്ക് ഗണിതക്ലബ്ബ് പ്രവർത്തനങ്ങളെ കുറിച്ചും, ഡിസംബർ 22 എന്ന ദിവസത്തിന്റെ പ്രത്യേകതയെ കുറിച്ചും വ്യക്തമായ ധാരണ കുട്ടികൾക്ക് നൽകാൻ സാറിനു സാധിച്ചു. യോഗത്തിന് അധ്യക്ഷസ്ഥാനം അലങ്കരിച്ചത് സ്കൂളിലെ സീനിയർ അധ്യാപികയും, ഗണിത അധ്യാ പികയുമായ ശ്രീമതി. ഗിരിജ ടീച്ചർ ആണ്. ചടങ്ങിൽ വിശിഷ്ട അതിഥിയായിഎത്തിയത് മാവേലിക്കര ഗേൾ സ് ഹൈസ്കൂളിലെ ശ്രീമതി. ഡേർണി ഉമ്മൻ ടീച്ചർ ആണ്. ഗണിതക്ലബ് പ്രവർത്തനങ്ങൾ വളരെ രസകരമായി, നിത്യജീവിതത്തിലെ അവസരങ്ങളുമായി ബന്ധിപ്പിച്ചു അടുക്കും ചിട്ടയോടെയും കുട്ടികളിൽ എത്തിയ്ക്കുന്നതിന് ടീച്ചറിന് കഴിഞ്ഞു. യോഗം ആരംഭിച്ചത് 7ബി ക്ലാസ്സിൽ പഠി യ്ക്കുന്ന കുമാരി ഗംഗ. ആർ ന്റെ ഗണിത പ്രാർത്ഥനയോടെ ആണ്. ഉദ്ഘാടന ചടങ്ങിനുശേഷം ക്ലബ് അംഗങ്ങൾ ഗണിതവു മായി ബന്ധപ്പെട്ട പരിപാടികൾ അവതരിപ്പിച്ചു. ഒൻപതാം ക്ലാസ്സിലെ കുമാരി ശർമദ ഡിസംബർ 22 എന്നദിവസത്തിന്റെ പ്രത്യേകതയെ കുറിച്ച് സംസാരിച്ചു.
ഏഴാം ക്ലാസ്സ്‌ വിദ്യാർത്ഥിനി ആയ കുമാരി ഗൗരി നന്ദന ശ്രീനിവാസ രാമാനുജൻ എന്ന ഗണിത ശാസ്ത്രഞ്ജനെ കുട്ടികൾക്ക് പരിചയപ്പെടുത്തി. ദീർഘ വീക്ഷണത്തോടെയും തന്മയതത്തോടെയും ഉള്ള അവതരണം കുട്ടികളുടെ മനസ്സിൽ ആഴത്തിൽ കാര്യങ്ങൾ എത്തിയ്ക്കാൻ സഹായിച്ചു. ആറാം ക്ലാസ്സിലെ വിദ്യാർ ഥിയായ കുമാരി ആധ്യാസുനിൽ പസ്സിൽ അവതരിപ്പിച്ചു. മികച്ച അവതരണം ആയിരുന്നു. ക്ലബ്ബ് അംഗങ്ങൾക്ക് ഉത്തരം കണ്ടെത്താൻ അവസരം നൽകി.ഉത്തരത്തിൽ എത്തുന്ന വിധം കുട്ടികൾക്ക് മനസിലാകുന്ന രീതിയിൽ പറഞ്ഞുകൊടുക്കുകയും ചെയ്തു.ആറാം ക്ലാസ്സിലെ തന്നെ വിദ്യാര്ഥിയായ കുമാരി വാണികൃഷ്ണ മാന്ത്രിക ചതുരം അവതരിപ്പിച്ചു. അവരവരുടെ ജനനത്തീയതിയിലൂടെ എങ്ങനെ മാന്ത്രിക ചതുരം നിർമിയ്ക്കാം എന്നത് കുട്ടികളിൽ കൗതുകം ഉണർത്തി. അഞ്ചാം ക്ലാസ്സിലെ വിദ്യാർഥി യായ വിവേക് നാടൻപാട്ടിന്റെ ഈണത്തിൽ ഗണിതപാട്ട് അവതരിപ്പിച്ചു. കത്തിനു ഇമ്പം ഏ കുന്നതും ഒപ്പം വിഞാനപ്രദവും ആയിരുന്നു കൊച്ചു കൂട്ടുകാരന്റെ അവതരണം. ക്ലബ് കൺവീനറും, ഗണിത അധ്യാപികയും കൂടിയായ ദീപ്തി ടീച്ചർ നന്ദി അറിയിച്ചു.ഇതോടെ ചടങ്ങുകൾ അവസാനിച്ചു.
സ്‍പേട്സ് ക്ലബ്ബ്
ഉപജില്ല , ജില്ല , സംസ്ഥാന തലത്തിൽ സ്ക്കൂളിന്റെ പെരുമ ഉയർത്തുന്ന നേട്ടങ്ങൾ കെെവരിക്കാൻ കഴിഞ്ഞിട്ടുണ്ട്, മറ്റ് സർക്കാർ ഹൈസകകൂളുകളിൽ നിന്നും വ്യത്യസ്തമായി സ്ക്കൂളിന് പ്രത്യേകമായി ബോൾ ബാഡ്മിന്റൻ ടീമും, നല്ലൊരു അത്ലലറ്റിക് ടീമും ഉണ്ട്. മാവേലിക്കര വിദ്യാഭ്യാസ ജില്ലയിൽ കായിക രംഗത്ത് സജീവമായിനിലകൊള്ളുന്നു,സ്ഥലപരിമിതിക്കുള്ളിൽ നിന്നുകൊണ്ട് കുട്ടികളുടേയും കായിക അധ്യാപകന്റേയും പി.ടി.എ യുടേയും ഒത്തൊരുമിച്ചുള്ള പ്രവർത്തനം ഒന്നുകൊണ്ട് മാത്രമാണ് ഈ നേട്ടം കൈവരിക്കാൻ കഴിയുന്നത്. ബോൾ ബാറ്റ്മിന്റൻ , ഹാന്റ്ബോൾ, എന്നിവയ്ക്ക് ആഴ്ചത്തോറും കുട്ടികൾക്ക് സ്കൂളിൽ പരിശീലനം നൽകിവരുന്നു. കായിക ഇനത്തിൽ പങ്കെടുത്ത് നേട്ടം കൈവരിച്ചിട്ടുള്ള പല കുട്ടികൾ സൈന്യത്തിലും റെയിൽവേയിലും നിയമനം ലഭിക്കുകയും അവരെല്ലാവരും അവരുടെ കായിക ഇനത്തിന്റെ പ്രകടനങ്ങൾ നമ്മുടെ രാജ്യത്തിനുവേണ്ടി സമർപ്പിച്ചിട്ടുമുണ്ട്.
സോഷ്യൽ സയൻസ് ക്ലബ്
വിദ്യാർത്ഥികളിൽ സാമൂഹിക അവബോധം സൃഷ്ടിക്കാനും ഉത്തമ പൗരന്മാരായി വളർത്തിയെടുക്കുവാനായും അവരെ സാമൂഹവുമായി ബന്ധിപ്പിക്കാനായും വിവിധ പ്രവർത്തനങ്ങളിൽ ഏർപെടുത്താനായും നടത്തിവരുന്നു.സാമൂഹിക ശാസ്ത്ര ക്ലബ് പ്രവർത്തിച്ച് വരുന്നത്.
സോഷ്യൽ സയൻസ് ക്ലബിന്റെ ഭാരവാഹികളും തിരഞ്ഞെടുപ്പും പ്രവർത്തനരൂപികരണവും നടത്തി.
കാര്യക്രമം ജൂൺ 5 : ലോകപരിസ്ഥിദിനം ജൂൺ 8 : അന്താരാഷ്ട്രസമുദ്രദിനം ജൂൺ 19 : വായനദിനം ജൂൺ 21 : യോഗദിനം ജൂൺ 26 : മയക്കുമരുന്ന് വിരുദ്ധദിനം ജൂലൈ 11 : ലോകജനസംഖ്യദിനം ജൂലൈ 21 : ചാന്ദ്രദിനം ഓഗസ്റ്റ് 6 : ഹിരോഷിമദിനം
സയൻസ് ക്ലബ്
ശാസ്ത്രവബോധം കുട്ടികളിൽ വളർത്തുക എന്ന ലക്ഷ്യത്തോടെയും പരീക്ഷണ നിരീക്ഷണങ്ങളിലൂടെ ശാസ്ത്രത്ത്വങ്ങളെ മനസിലാകുക എന്ന ലക്ഷ്യത്തോടെയും ശാസ്ത്രാഭിരുചി ഉള്ള ഒരു കൂട്ടം കുട്ടികളെ ഒന്നിപ്പിച്ചുകൊണ്ട് ശാസ്ത്ര അധ്യാപകർ മേൽനോട്ടം നൽകി സദാപ്രവർത്തന നിരതമായിരുന്ന ഒന്നാണ് ഗവ. എച്ച്.എസ്.എസ്. രാമപുരത്തിന്റെ സയൻസ് ക്ലബ്.
എല്ലാ വ്യാഴാഴ്ച ദിവസങ്ങളിലും ഒത്തുചേരുന്ന സയൻസ് ക്ലബിന്റെ പ്രവർത്തനങ്ങൾ സ്കൂൾ ഹെഡ്മിസ്ട്രസ് വിലയിരുത്തുന്നുണ്ട്. വർഷം തോറും നടന്നു വരുന്ന സയൻസ് സെമിനാർ , സയലൻസ് ഫെയർ എന്നിവയിൽ രാമപുരം ഹൈസ്കൂളിന്റെ സയൻസ് ക്ലബ് വളർത്തിയെടുകുന്ന പ്രതിഭകളുടെ സാന്നിധ്യം പ്രത്യേകം പ്രശംസ അർഹികുന്നതാണ്.