ഷോഡശസംഖ്യാസമ്പ്രദായം
ഗണിതശാസ്ത്രത്തിലും, കമ്പ്യൂട്ടര്‍ സയന്‍സിലും, 16 ചിഹ്നങ്ങള്‍ അടിസ്ഥാനപ്പെടുത്തിയുള്ള ഒരു സംഖ്യാ സമ്പ്രദായമാണ്‌ ഷോഡശസംഖ്യാസമ്പ്രദായം (Hexadecimal Number System). ഈ വ്യവസ്ഥ, ഇംഗ്ലീഷില്‍ ഹെക്സാ / ഹെക്സ് / ബേസ്-16 സിസ്റ്റം എന്നും അറിയപ്പെടുന്നു.
ഈ സമ്പ്രദായത്തില്‍, ചിഹ്നങ്ങളായി ഉപയോഗിക്കുന്നത് 0 മുതല്‍ 9 വരെയുള്ള അക്കങ്ങളും ഇംഗ്ലീഷ് അക്ഷരമാലയിലെ A മുതല്‍ F വരെയുള്ള അക്ഷരങ്ങളുമാണ്. ഇവ ഉപയോഗിച്ച്, ദശംശസമ്പ്രദായത്തില്‍, 0 മുതല്‍ 9 വരെ യുള്ള സംഖ്യകളെ അതേ രീതിയിലും, 10 മുതല്‍ 15 വരെയുള്ള സംഖ്യകളെ, യഥാക്രമം, A മുതല്‍ F വരെ യുള്ള ഇംഗ്ലീഷ് അക്ഷരങ്ങള്‍ ഉപയോഗിച്ചും രേഖപ്പെടുത്തുന്നു. 16 മുതല്‍ മുകളിലേക്ക് 10,11,12,.. എന്നിങ്ങനെയുമാണ് രേഖപ്പെടുത്തുന്നത്.
ഇത് പ്രധാനമായും ഉപയോഗിക്കുന്നത് ദ്വയാങ്കസമ്പ്രദായത്തിലുള്ള സംഖ്യകളെ മനുഷ്യര്‍ക്ക് എളുപ്പം മനസിലാകുന്ന രീതിയില്‍ പ്രതിനിധീകരിക്കുന്നതിനാണ്‌. അതുകൊണ്ടു തന്നെ ഡിജിറ്റല്‍ ഇലക്ട്രോണിക്സിലും കമ്പ്യൂട്ടര്‍ എഞ്ചിനീയറിങ്ങിലുമാണ്‌ ഇത് കൂടുതലായി ഉപയോഗിക്കപ്പെടുന്നത്.
സഖ്യകളെ രേഖപ്പെടുത്തുന്ന വിധം
|
സന്ദര്‍ഭം രേഖപ്പെടുത്തിയിട്ടില്ലാത്ത അവസരങ്ങളില്‍ ഹെക്സാഡെസിമല്‍ സംഖ്യാന സമ്പ്രദായത്തില്‍ അക്കങ്ങള്‍ സൂചിപ്പിക്കുന്ന രീതിയും, മറ്റു സംഖ്യാന സമ്പ്രദായത്തില്‍ അക്കങ്ങള്‍ രേഖപ്പെടുത്തുന്ന വിധവും തമ്മില്‍ മാറിപ്പോകാനിടയുണ്ട്.
