ജി.എൽ.പി.എസ് തുയ്യം/അക്ഷരവൃക്ഷം/കോവിഡ് -19

കോവിഡ് -19 ഇന്ന് ലോകം മുഴുവൻ കൊറോണ വൈറസ് എന്ന മഹാവിപത്തിന്റെ ഭീഷണിയിലാണ് .കഴിഞ്ഞ ഡിസംബർ മാസത്തിന്റെ അവസാനത്തോടെ ചൈനയിലെ വുഹാനിൽ പടർന്നുപിടിച്ച നോവൽ കൊറോണ വൈറസ് മൂന്നുമാസത്തിനുള്ളിൽ ലോകരാജ്യങ്ങളിലേക്കു മുഴുവൻ വ്യാപിച്ചിരിക്കുന്നു. ലോകത്താകമാനം കൊറോണ വൈറസ് ബാധിച്ചവരുടെ എണ്ണം 20 ലക്ഷം കവിഞ്ഞിരിക്കുന്നു .ഇതിൽ രണ്ടര ലക്ഷത്തോളം ആളുകൾ മരിച്ചു കഴിഞ്ഞു അമേരിക്കയിലാണ് ഏറ്റവും കൂടുതൽ മരണങ്ങൾ സംഭവിച്ചിട്ടുള്ളത് .ഇറ്റലി ,ഫ്രാൻസ് ,സ്പെയിൻ തുടങ്ങിയ രാജ്യങ്ങളിലും മരണസംഖ്യ ഒട്ടും കുറവല്ല . കോവിഡ് -19 ഇന്ത്യയിൽ ആദ്യമായി റിപ്പോർട്ട് ചെയ്തത് കേരളത്തിലായിരുന്നു .ഇന്ത്യയിൽ ആകെ മരണം 1000 കടന്നിരിക്കുന്നു .കേരളത്തിൽ മൂന്ന് മരണങ്ങൾ ആണ് സംഭവിച്ചത് .രോഗപ്രതിരോധത്തിന്റെ കാര്യത്തിലും ആരോഗ്യത്തിന്റെ കാര്യത്തിലും ശുചിത്വത്തിന്റെ കാര്യത്തിലും നമ്മുടെ നാടായ കേരളം ഏറ്റവും മുന്നിട്ടു നിൽക്കുന്നു . രോഗത്തെ ക്കുറിച്ച് സൂചനകൾ ലഭിച്ചയുടൻ തന്നെ നമ്മുടെ ആരോഗ്യവകുപ്പ് ശക്തമായ മുന്നൊരുക്കം നടത്തിയിരുന്നു .നമ്മുടെ നാട്ടിൽ രോഗം വരാതിരിക്കാനും ,വ്യാപിക്കുന്നത് തടയാനും വേണ്ടി ആരോഗ്യവകുപ്പും പോലീസ് വകുപ്പും അതീവ ജാഗ്രതയാണ് പുലർത്തുന്നത് .ഒരു ജീവന്മരണ പോരാട്ടം തന്നെയാണ് അവർ നടത്തുന്നത് . കൊറോണ വൈറസ് പടരുന്നത് ; ശരീരത്തുനിന്നു വരുന്ന സ്രവങ്ങളിൽ കൂടിയാണ് രോഗം പടരുന്നത് .തുമ്മുകയും ചുമക്കുകയും ചെയ്യുമ്പോൾ വരുന്ന വെള്ളത്തുള്ളിയിൽ വൈറസുകൾ ഉണ്ടായിരിക്കും .ഇതു മറ്റുള്ളവരിലേക്ക് പടരുന്നു .തുമ്മുകയും ചുമയ്ക്കുകയും ചെയ്യുമ്പോൾ ടൗവൽ ഉപയോഗിക്കുക .അതുപോലെ രോഗി തൊട്ട വസ്തുക്കൾ മറ്റൊരാൾ തൊടുമ്പോഴും രോഗം പകരുന്നു .ആ കൈ കൊണ്ട് കണ്ണിലോ മൂക്കിലോ തൊട്ടാൽ വൈറസ് ശരീരത്തിനുള്ളിലേക്ക് പ്രവേശിച്ചു രോഗമുണ്ടാക്കുന്നു . രോഗലക്ഷണങ്ങൾ ; കൊറോണ വൈറസ് ശരീരത്തിൽ പ്രവേശിച്ചാൽ 14 ദിവസത്തിനുള്ളിൽ രോഗലക്ഷണങ്ങൾ കണ്ടുതുടങ്ങും .ശ്വാസകോശത്തെയാണ് ഈ രോഗം പ്രധാനമായും ബാധിക്കുന്നത് .പനി ,തുമ്മൽ ,ജലദോഷം ,ചുമ,മൂക്കൊലിപ്പ് ,തൊണ്ടവേദന ,ശ്വാസംമുട്ടൽ എന്നിവ ഉണ്ടായിരിക്കും. ചികിത്സ എന്തെല്ലാം ; ഇതിന് കൃത്യമായ മരുന്ന് ഇല്ല .രോഗിക്ക് നല്ല വിശ്രമം ആവശ്യമാണ് .ധാരാളം വെള്ളം കുടിക്കണം . കൊറോണ വൈറസിനെ പ്രതിരോധിക്കാൻ ; വീടും പരിസരവും വൃത്തിയായി സൂക്ഷിക്കണം കൈകൾ ഇടയ്ക്കിടെ സോപ്പ് ഉപയോഗിച്ചു കഴുകണം. തുമ്മുമ്പോഴും ചുമക്കുമ്പോഴും ടവൽ ഉപയോഗിക്കുക. ആൾക്കൂട്ടങ്ങൾ ഒഴിവാക്കുക. പുറത്തു പോവുമ്പോൾ മാസ്ക് ഉപയോഗിക്കുക. സാമൂഹിക അകലം പാലിക്കുക. ഈ പ്രതിരോധമാർഗങ്ങൾ ഉൾകൊണ്ട് കോവിഡ് -19 എന്ന രോഗത്തെ നമുക്ക് പടിയിറക്കാം. റിതുൽ കൃഷ്ണ .എ.എസ്. 2 ജി.എൽ.പി.എസ് .തുയ്യം. എടപ്പാൾ ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം