ഫാറൂഖ് എച്ച്. എസ്സ്. എസ്സ്. ഫാറൂഖ് കോളെജ്./നാടോടി വിജ്ഞാനകോശം
ഫാറൂഖ് എച്ച്. എസ്സ്. എസ്സ്. - നാടോടി വിജ്ഞാനകോശം
ഫറോക്കില്‍ ടിപ്പുുസുല്‍ത്താന്‍ പണികഴിപ്പിച്ച സുല്‍ത്താന്‍ റോഡിന്റെ തുടര്‍ച്ചയെന്നോണം അടിവാരം വരെ എത്തിനില്‍ക്കുന്ന ഇടവഴി. അവിടെനിന്ന് മുകളിലേക്ക് പോകുന്ന ഒറ്റയടിപ്പാത ചെന്നെത്തുന്നത് കശുമാവും പാഴ്‍ചെടികളും ഇഴജന്തുക്കളും നിറ‍‍‍‍ഞ്ഞ വിശാലമായ കുന്നിന്‍പുറം. അതെ, അജ്ഞതയും അന്ധവിശ്വാസവും കൊടികുത്തി വാണിരുന്ന ഇരുളിന്റെതട്ടകമായ ഇരുളിക്കാട്ടകമെന്ന ഇരുമൂളിപ്പറമ്പിന്റെ എട്ട് ദശകങ്ങള്‍ക്ക് മുമ്പുള്ള ചിത്രമാണിത്. ഉഷസ്സിന്റെ താതനെന്ന് മൊഴിമാറ്റം നടത്താവുന്ന അബുസ്സബാഹ് അഹമ്മദലി സാഹിബിന് ലഭിച്ച ഉള്‍വിളി അദ്ദേഹത്തെ ഈ പ്രദേശത്തെത്തിച്ചു. അവിടെ വിജ്ഞാനത്തിന്റെ വെളിച്ചമെത്തിക്കാന്‍ 1942ല്‍ 'അറിവിന്റെ പൂന്തോപ്പ് ' ആയ റൗളത്തുല്‍ ഉലൂം അറബിക് കോളേജ് സ്ഥാപിച്ചു. തുടര്‍ന്ന് 1948ല്‍ റൗളത്തുല്‍ ഉലൂം അസോസിയേഷനു കീഴില്‍ ഫാറൂഖ് കോളേജ്, അതേ വര്‍ഷം തന്നെ മസ്ജിദുല്‍ അസ്ഹര്‍, 1954ല്‍ ഫാറൂഖ് ഹയര്‍ സെക്കണ്ടറി സ്കൂള്‍, 1960ല്‍ ഫാറൂഖ് എ.എല്‍.പി സ്കൂള്‍, 1961ല്‍ ഫാറൂഖ് ട്രൈനിങ്ങ് കോളേജ്, 1991ല്‍ അല്‍ ഫാറൂഖ് റെസിഡെന്‍ഷ്യല്‍ സീനിയര്‍ സെക്കണ്ടറി സ്കൂള്‍, അതേ വര്‍ഷം തന്നെ ഫാറൂഖ് എഡ്യൂുക്കേഷന്‍ സെന്റര്‍, 2005ല്‍ ഫാറൂഖ് ടീച്ചര്‍ ട്രൈനിങ്ങ് ഇന്‍സ്റ്റിറ്റ്യൂൂട്ട്, 2006ല്‍ ഫാറൂഖ് ഇന്‍സ്റ്റിറ്റ്യൂൂട്ട് ഓഫ് മാനേജ്മെന്റ് സ്റ്റഡീസ് തുടങ്ങി അറിവിന്റെ മധുപകരുന്ന പതിനൊന്നില്‍ അധികം സ്ഥാപനങ്ങളുടെയെല്ലാം അടിസ്ഥാനനാമം ഒന്ന്; ഫാറൂഖ്. റൗളത്തുല്‍ ഉലൂം അസ്സോസിയേഷനു കീഴിലായി പതിനൊന്നില്‍ അധികം സ്ഥാപനങ്ങളും, ഹോസ്റ്റലുകളും ഇന്നിവിടെ ഇവിടെ പ്രവര്‍ത്തിക്കുന്നുണ്ട്.
'ദക്ഷിണേന്ത്യയിലെ അലിഗഡ് 'എന്ന് പുകള്‍പെറ്റ ഓട്ടോണോമസ് പദവികൂടി വഹിക്കുന്ന ഫാറൂഖ് കോളേജിന്റെ അനുബന്ധ സ്ഥാപനങ്ങള്‍ എല്ലാംതന്നെ വര്‍ഷ‍ാവര്‍ഷം ആയിരത്തോളംവരുന്ന അര്‍ത്ഥികള്‍ക്ക് വിദ്യപകര്‍ന്ന് അവരെ ജീവിതപാന്ഥാവില്‍ കൈപിടിച്ചുയര്‍ത്താന്‍ സഹായിക്കുംവിധം വളര്‍ച്ചയുടെ പാതയിലാണിന്ന്.
രാജാ ഗേറ്റ്
റൗളത്തുല്‍ ഉലൂം അസോസിയേഷനു കീഴിലെ സ്ഥാപനങ്ങളില്‍ ചിലത്
റൗളത്തുല്‍ ഉലൂം അറബിക് കോളേജ്
ഫാറൂഖ് കോളേജ്
ഫാറൂഖ് കോളേജ് ഗ്രൗണ്ട് ഇന്‍ഡോര്‍ സ്റ്റേഡിയം മസ്ജിദുല്‍ അസ്ഹര്‍
ഫാറൂഖ് ട്രൈനിംങ്ങ് കോളേജ് ഫാറൂഖ് ടീച്ചേഴ്സ് ട്രൈനിംങ്ങ് ഇന്‍സ്റ്റിറ്റ്യുട്ട്
കേന്‍റ്റീന്‍ ഫാറൂഖ് ഇന്‍സ്റ്റിറ്റ്യുട്ട് ഓഫ് മാനേജ്മെന്‍റ്റ് സ്റ്റഡീസ് അബുസ്സബാഹ് ലൈബ്രററി
ഫാറൂഖ് ഹൈസ്കൂള്‍
ഫാറൂഖ് ഹയര്‍ സെക്കണ്ടറിസ്കൂള്‍ ഫാറൂഖ് എ.എല്‍.പി സ്കൂള്‍
അല്‍ഫാറൂഖ് റസിഡന്‍ഷ്യല്‍ സ്കൂള്‍ അല്‍ഫാറൂഖ് എഡുക്കേഷനല്‍ സെന്‍റ്റര്‍
റൗളത്തുല്‍ ഉലൂം അസോസിയേഷനു കീഴിലെ ഹോസ്റ്റലുകളില്‍ ചിലത്
കാലത്തിന് കൈവിളക്കായി നില്‍ക്കുന്ന റൗളത്തുല്‍ ഉലൂം അസോസിയേഷനു കീഴിലെ സ്ഥാപനങ്ങള്‍, അതിന്റെ സ്ഥാപകരുടെ ആഗ്രഹംപ്പോലെതന്നെ ഭാവിയില്‍ ഇനിയും കൂടുതല്‍ ശ്രേണിയിലേക്ക് എത്തിച്ചേരട്ടെ എന്ന് പ്രാര്‍ത്ഥിക്കാം.