ജി.യു.പി.എസ്. മുണ്ടോത്തുപറമ്പ/പ്രവർത്തനങ്ങൾ/2023-24

പ്രവേശനോത്സവം

മുണ്ടോത്ത് പറമ്പ് ജി യു പി എസിൽ പ്രവേശനോത്സവം ഭംഗിയായി നടത്തി. സ്കൂൾ പരിസരവും ക്ലാസ് റൂമുകളും അലങ്കരിച്ചു. ആറാം ക്ലാസിലെ ഏഴാം ക്ലാസിലെയും കുട്ടികൾ സമ്മാനങ്ങളും ആശംസ കാർഡുകളും നൽകി നവാഗതരെ വരവേറ്റു. എല്ലാ കുട്ടികൾക്കും പായസം നൽകി

വിജയസ്പർശം

വിജയസ്പർശം മാസ്റ്റർ പ്ലാൻ ഉദ്ഘാടനം ബഹുമാനപ്പെട്ട വാർഡ് മെമ്പർ അംജിത ജാസ്മിൻ നിർവഹിച്ചു. പിടിഎ എസ് എം സി അംഗങ്ങളും രക്ഷിതാക്കളും പങ്കെടുത്തു

ഓണാഘോഷം

ഈ വർഷത്തെ ഓണാഘോഷ പരിപാടികൾ ഓണാരവം -23 എന്ന പേരിൽ സംഘടിപ്പിച്ചു. അത്തപ്പൂക്കളം മത്സരം, വടംവലി മത്സരം, തിരുവാതിര കളി, ഗ്രീറ്റിംഗ് കാർഡ് നിർമ്മാണ മത്സരം, കായിക മത്സരങ്ങൾ, കലാപരിപാടികൾ, ഓണസദ്യ തുടങ്ങി വൈവിധ്യമാർന്ന പരിപാടികൾ ഉൾപ്പെടുത്തി നടത്തിയ ഓണാഘോഷം കുട്ടികൾക്ക് നല്ലൊരു അനുഭവമായി.

അകറ്റാം നമുക്കും പ്ലാസ്റ്റിക്കിനെ

ജില്ലാ ശുചിത്വമിഷന്റെ നേതൃത്വത്തിൽ ബോധവൽക്കരണ ക്ലാസും സ്കൂൾതല പദ്ധതി നിർവഹണവും നടത്തി. അകറ്റാം നമുക്കും പ്ലാസ്റ്റിക്കിനെ പദ്ധതി ജനകീയ ആസൂത്രണം ജില്ലാ കോഡിനേറ്റർ ശ്രീ എ. ശ്രീധരൻ ഉദ്ഘാടനം ചെയ്തു

മുണ്ടോത്ത്പറമ്പ ഗവ. യുപി സ്കൂളിലെ വിദ്യാർത്ഥി കൾക്കും ,അധ്യാപകർക്കുമായി 600 ൽ പരം തുണി സഞ്ചികൾ സ്കൂളിലെ മജീദ് മാഷ് നിർമ്മിക്കുകയും അവ പി ടി എ യുടെ നേതൃത്വത്തിൽ സൗജന്യമായി വിതരണം ചെയ്യുകയും ചെയ്തു.