ഗവ. എച്ച് എസ് എസ് തലപ്പുഴ/എന്റെ ഗ്രാമം

തലപ്പുഴ

: വയനാടിന്റെ മടിത്തട്ടിൽ സഹ്യസാര മലനിരകളാൽ ചുറ്റപ്പെട്ടു നിൽക്കുന്ന സുന്ദരമായ പ്രകൃതിരമണീയമായ തവിഞ്ഞാൽ പഞ്ചായത്തിലെ പ്രാധാന്യമേറിയ ഒരു ഇടമാണ് തലപ്പുഴ. നാടിൻറെ തനത് സംസ്കാരം പേറുന്ന ആദിവാസികളും മംഗലാപുരത്തുനിന്ന് കുടിയേറി പാർത്ത എസ്റ്റേറ്റ് തൊഴിലാളികളും മധ്യതിരുവിതാംകൂറിൽ നിന്നും കുടിയേറിപ്പാർത്ത കുടിയേറ്റക്കാരും വർഷങ്ങളായി ഇവിടെ ഇടകലർന്ന താമസിക്കുന്നു. ഭൂമിശാസ്ത്രപരമായുള്ള ഒട്ടേറെ സവിശേഷതകൾ തവിഞ്ഞാലിന്റെ മറ്റൊരു പ്രത്യേകതയാണ് മലനിരകളാൽ ചുറ്റപ്പെട്ട തവിഞ്ഞാലിന്റെ വിസ്തൃതി 142.3 കിലോമീറ്റർ ആണ് ജില്ലയിലെ ഭൂരിഭാഗം വനങ്ങളും ഈ പഞ്ചായത്ത് അതിർത്തിയിൽ ആയതിനാൽ വികസനത്തിന്റെ പൊൻവെളിച്ചം തെളിഞ്ഞാൽ കവിഞ്ഞാലിൽ എത്തുന്നതിന് തടസ്സമാകുന്നു. ഗതാഗതസൗകര്യത്തിന്റെ അപര്യാപ്തത ഇന്നും ഇവിടെ ഇന്നും ഇവിടത്തെ വികസന മോഹങ്ങൾക്ക് തിരിച്ചടിയാണ് ഗതാഗതസൗകര്യത്തിന്റെ അപര്യാപ്തത എന്നും ഇവിടത്തെ വികസന മോഹങ്ങൾക്ക് തിരിച്ചടിയാണെങ്കിലും ധാരാളം അധ്വാനശീലരായ രക്ഷിത കർഷകർ ഇവിടെയുണ്ട്. ഒരു പുഴയുടെ ഉത്ഭവസ്ഥാനം ഈ പ്രദേശത്ത് ആയതുകൊണ്ടാണ് ഈ സ്ഥലത്തിന് തലപ്പുഴ എന്ന പേര് ലഭിച്ചത് എന്നാൽ യഥാർത്ഥത്തിൽ ശരിയായുള്ള തലപ്പുഴ സമീപപ്രദേശമായ മക്കിമലയാണെന്നും തുടർന്ന് ഇന്ന് കാണുന്ന തലപ്പുഴയുള്ള സ്ഥലത്ത് ബ്രിട്ടീഷുകാർ കച്ചവട കേന്ദ്രമാക്കി അവിടെ ടൗൺഷിപ്പ് വന്നതിനാൽ ആ സ്ഥലം തലപ്പുഴ എന്ന് അറിയപ്പെടുന്നതായി പഴമക്കാർ പറയുന്നു. തലപ്പുഴയിലെ പ്രധാന കൃഷി തേയിലയാണ് , നെല്ല് കുരുമുളക് ഏലം തെങ്ങ് വാഴ പച്ചക്കറികൾ എന്നിവയും കൃഷി ചെയ്യാറുണ്ട്.

Tea plantation

കന്നുകാലി പൗണ്ട്

തലപ്പുഴയിൽ സ്ഥിതി ചെയ്തിരുന്ന കന്നുകാലി പൗണ്ട് വൈദേശിക ബന്ധത്തിന്റെ തെളിവാണ് വിളകൾ നശിപ്പിക്കുകയോ മറ്റുള്ളവർക്ക് ഉപദ്രവകാരികൾ ആവുകയോ ചെയ്യുന്ന തരത്തിൽ അലഞ്ഞു തിരിയുന്ന കന്നുകാലികളെ പിടിച്ചു കെട്ടി ഫൈനടപ്പിക്കുന്ന സ്ഥലമാണ് കന്നുകാലി പൗണ്ട്. ഈസ്റ്റിന്ത്യാ കമ്പനിയാണ് കന്നുകാലി പൗണ്ട് സ്ഥാപിച്ചതെങ്കിലും പിന്നീട് അത് പഞ്ചായത്തിന്റെ അതീനതയിൽ ആവുകയാണ് ചെയ്തത്. എന്നാൽ കന്നുകാലി പൗണ്ട് നിർത്തലാക്കിയിട്ട് 12 വർഷത്തിലേറെയായി എങ്കിലും വൈദേശിക ബന്ധത്തിന്റെ ശേഷിപ്പായിട്ട് ഇന്നും അത് നിലനിൽക്കുന്നു.

ബ്രിട്ടീഷ് ബംഗ്ലാവുകൾ

തലപ്പുഴയിൽ രണ്ടിടങ്ങളിലായിട്ടാണ് ബ്രിട്ടീഷ് ബംഗ്ലാവുകൾ ഉള്ളത് അതിൽ തന്നെ തവിഞ്ഞാൽ 44-ലെ ബംഗ്ലാവിൽ നിന്ന് കോളാർമടം സ്വർണഖനിയിലേക്ക് തുരങ്കമുണ്ട് . എളുപ്പത്തിൽ സ്വർണം ഖനനം ചെയ്യാമെന്ന് കരുതിയെന്ന് തുരങ്കം നിർമ്മിച്ചത്. ഈ ബംഗ്ലാവിന്റെ മുകളിൽ നിന്ന് നോക്കിയാൽ എസ്റ്റേറ്റിന്റെ ഭൂരിഭാഗം സ്ഥലവും കാണാം. അക്കാലത്തും ആധുനികതയോടെ പണിത ബംഗ്ലാവ് ഇവിടത്തെ ജനങ്ങൾക്ക് ഇന്നും ഒരു വിസ്മയമാണ്.  മറ്റു സ്ഥലങ്ങളിൽ നിന്ന് എത്തുന്ന വിദേശ സഞ്ചാരികൾ ഈ ബംഗ്ലാവ് സന്ദർശിക്കാറുണ്ട്.  

മുനീശ്വരൻ മുടി

വയനാടിന്റെ മനോഹാരിത ആസ്വദിക്കാൻ വിനോദസഞ്ചാരികൾ വന്നുപോകുന്നു അവർക്ക് താമസിക്കാനുള്ള റിസോർട്ടുകളും വയനാട്ടിലുണ്ട്. അതിൽ ഉൾപ്പെട്ട പ്രസിദ്ധമായ ഒരു വിനോദസഞ്ചാര കേന്ദ്രമാണ് തലപ്പുഴ ആറാം വാർഡ് കൈതകൊല്ലിയിൽ സ്ഥിതിചെയ്യുന്ന മുനീശ്വരൻ മുടി. പണ്ടുകാലത്ത് ഗോത്രവർഗ്ഗത്തിൽ പെട്ടവർ കാട്ടിലേക്ക് വിറകുതേടി പോകുംവഴി ഭയപ്പെടാതിരിക്കാൻ തങ്ങൾക്ക് തുണയായി ആരോ ഉണ്ട് എന്ന് വിശ്വസിക്കാൻ കാട്ടിലേക്കുള്ള വഴിവക്കിൽ ഒരു പ്രതിഷ്ഠ സ്ഥാപിക്കുകയും അതിനെ ആരാധിക്കുകയും ചെയ്യുമായിരുന്നു. ഇത്തരത്തിൽ സ്ഥാപിച്ച പ്രതിഷ്ഠയാണ് ഇത്. ആ പ്രതിഷ്ഠയിൽ അവർ ആരാധിച്ച ദൈവം ശിവൻ ആയിരുന്നു. തുടർന്ന് ഒരു പേരും ഇല്ലാതിരുന്ന ഈ കുന്ന്  മുനീശ്വരൻ എന്ന പേരിൽ അറിയപ്പെടാൻ തുടങ്ങി. ഇന്ന് നാം കാണുന്ന കബനി ജലത്തിൻറെ പ്രധാന ഉറവിടം മുനീശ്വരൻ കുന്ന് ആണ്. കുന്നിൽ നിന്ന് നോക്കിയാൽ വയനാടിന്റെ പകുതിയോളം ഭാഗം കാണാം ട്രക്കിങ്ങിന് അനുയോജ്യമായ ഇടമായതിനാൽ ധാരാളം ആളുകൾ നടന്നെത്താറുണ്ട്. വിനോദസഞ്ചാര കേന്ദ്രങ്ങളിൽ മുഖ്യ ആകർഷണം ചെലുത്തുന്ന ഒരു പ്രദേശമാണ് മുനീശ്വരൻ മുടി. മീനം അഞ്ചിന് ഇവിടെ എല്ലാ വർഷവും ഉത്സവം നടത്താറുണ്ട് അതുപോലെ പ്രത്യേക ദിവസങ്ങളിൽ പൂജയും നടത്തുന്നു. സമുദ്രനിരപ്പിൽ നിന്നും ശരാശരി 700 800 മീറ്റർ ഉയരമുണ്ട് മുനീശ്വരൻ കുന്നിന്.