നടുവട്ടം വൊക്കേഷണൽ ഹയർസെക്കണ്ടറി സ്കൂൾ,പള്ളിപ്പാട്/സയൻസ് ക്ലബ്ബ്

കുട്ടികളിൽ ശാസ്ത്രബോധവും ശാസ്ത്രാന്വേഷണാഭിമുഖ്യവും സൃഷ്ടിക്കുക എന്ന ലക്ഷ്യത്തോടെയാണ് സ്കൂൾ സയൻസ് ക്ലബ്ബ് വിദ്യാലയത്തിൽ പ്രവർത്തിക്കുന്നത്. മാന്വൽ പ്രകാരം യു.പി, ഹൈസ്ക്കൂൾ , വൊക്കേഷണൽ ഹയർസെക്കന്ററി വിഭാഗം എന്നിവിടങ്ങളിലായി പ്രത്യേകം ക്ലബ്ബുകൾ പ്രവർത്തിച്ചുവരുന്നു. നിരവധി പ്രവർത്തനങ്ങൾ സയൻസ് ക്ലബ്ബുമായി ബന്ധപ്പെട്ട് നടന്നുവരുന്നു. ശാസ്ത്രപ്രഭാഷണങ്ങൾ, കുട്ടികളിൽ ശാസ്ത്രാഭിരുചിയുണർത്തുന്ന പരിപാടികൾ തുടങ്ങി നിരവധി പരിപാടികളാണ് സംഘടിപ്പിച്ചു വരുന്നത്.

ഓൺലൈൻ ശാസ്ത്ര ക്വിസ്സുകൾ പോലുള്ള പരിപാടികളും സയൻസ് ക്ലബ്ബിന്റെ ആഭിമുഖ്യത്തിൽ സംഘടിപ്പിക്കാറുണ്ട്. ഇൻസ്പെയർ അവാർഡിന് അർഹരായ കുട്ടികളെ തയ്യാറാക്കുന്നതിലും സയൻസ് ക്ലബ്ബ് വേണ്ട പിന്തുണ നൽകിവരാറുണ്ട്.

2022-23 അദ്ധ്യയന വർഷത്തിലെ സയൻസ് ക്ലബിന്റെ ഉദ്ഘാടനം ജൂലൈ 20 ന് ക്ലബ് കൺവീനറായ CG സന്തോഷ് കുമാർ സാർ നിർവഹിച്ചു. 20 കുട്ടികളെ അംഗങ്ങളായി തിരഞ്ഞെടുത്തു. ക്ലബിന്റെ പ്രസിഡന്റായി അക്ഷര സുരേഷ് (10 C), വൈസ്പ്രസിഡന്റായി നിരജ്ഞൻ ആർ(10 D) എന്നിവരെ തിരഞ്ഞെടുത്തു. ഉദ്ഘാടനത്തിനുശേഷം കുട്ടികളിൽ ശാസ്ത്ര അവബോധം വളർത്തുന്നതിനായി ചാന്ദ്രദിന വിഡിയോ പ്രദർശനം ഉണ്ടായിരുന്നു.

ചാന്ദ്രദിന വിഡിയോ പ്രദർശനം

ക്ലബ് അംഗങ്ങളേയും മറ്റ് കുട്ടികളേയും പങ്കെടുപ്പിച്ച് ചാന്ദ്രദിന ക്വിസ് സംഘടിപ്പിച്ചു.

ഉപജില്ലാ ശാസ്ത്ര മേളയിൽ Improvised experiment വിഭാഗത്തിൽ first A grade കരസ്ഥമാക്കിയ ഗൗതം കൃഷ്ണ(10 D), വിഷ്ണു വിജയൻ(10 B) എന്നീ കുട്ടികളെ അനുമോദിച്ചു. പരിസ്ഥിതി ദിനാഘോഷവുമായി ബന്ധപ്പെട്ടും ഓസോൺ ദിനവുമായി ബന്ധപ്പെട്ടും ക്വിസ് മൽസരം സംഘടിപ്പിച്ചു.

സയൻസ് ക്ലബ്ബിന്റെ  ആഭിമുഖ്യത്തിൽ നടന്ന 'പ്രതിഭകൾക്കൊപ്പം' എന്ന ഓൺലൈൻ പരിപാടിയിൽ I. S. R. O ശാസ്ത്രജ്ഞന്മാരുമായി സംവദിക്കാൻ കുട്ടികൾക്ക് അവസരം ഒരുക്കി. വാന നിരീക്ഷകരെ വിസ്മയിപ്പിച്ച് ആകാശത്തു നടന്ന അപൂർവ പൂർണ്ണ ചന്ദ്രഗ്രഹണത്തിന്റെ വിവരണവുമായി 'നമ്മുടെ നാട് ' എന്ന പേരിൽ Online meeting സംഘടിപ്പിച്ചു. ഈ പരിപാടിയിൽ ക്ലബ്ബ് അംഗങ്ങളായ കുട്ടികളും സയൻസ് അധ്യാപകരും പങ്കെടുത്തു.i nspire Award Project ലേക്ക് UP യിൽ നിന്നും 2 കുട്ടികളേയും HS ൽ നിന്നും 3 കുട്ടികളേയും പങ്കെടുപ്പിച്ചു. സയർസ് ക്ലബ്ബും എനർജി ക്ലബുo ചേർന്നു നടത്തിയ ഉപന്യാസ മത്സരത്തിൽ 7 C യില അർച്ചിത എം ഒന്നാം സ്ഥാനം നേടി. Poster making competition ൽ 9 D യിലെ അജയ് കാർത്തിക് ഒന്നാം സ്ഥാനം നേടി. ആലപ്പുഴ ജില്ലാ സയൻസ് ക്ലബ് അസോസിയേഷൻ നടത്തിയ ദേശീയ ശാസ്ത്ര സെമിനാർ മത്സരത്തിൽ മാളവിക രമേശ് (9 B) നെ പങ്കെടുപ്പിച്ചു

I