സെന്റ് ഫ്രാൻസിസ് സേവ്യേഴ്സ് എൽ പി.എസ് എരമല്ലൂർ

ഇംഗ്ലീഷ് വിലാസം

https://schoolwiki.in/St._Francis_Xaviers_Lps_Eramalloor

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ആമുഖം

സെന്റ് ഫ്രാൻസിസ് സേവ്യേഴ്സ് എൽ പി.എസ് എരമല്ലൂർ
വിലാസം
സെന്റ് ഫ്രാൻസീസ് സേവ്യേഴ്സ് എൽ പി സ്ക്കൂൾ എരമല്ലൂർ എരമല്ലൂർ , എരമല്ലൂർ പി.ഒ. , 688537 , ആലപ്പുഴ ജില്ല
സ്ഥാപിതം	17 - 05 - 1817
വിവരങ്ങൾ
ഫോൺ	0478 2879720
ഇമെയിൽ	35332thuravoor@ail.com
കോഡുകൾ
സ്കൂൾ കോഡ്	34332 (സമേതം)
യുഡൈസ് കോഡ്	32111001004
വിക്കിഡാറ്റ	Q87478406
വിദ്യാഭ്യാസ ഭരണസംവിധാനം
റവന്യൂ ജില്ല	ആലപ്പുഴ
വിദ്യാഭ്യാസ ജില്ല	ചേർത്തല
ഉപജില്ല	തുറവൂർ
ഭരണസംവിധാനം
ലോകസഭാമണ്ഡലം	ആലപ്പുഴ
നിയമസഭാമണ്ഡലം	അരൂർ
താലൂക്ക്	ചേർത്തല
ബ്ലോക്ക് പഞ്ചായത്ത്	പട്ടണക്കാട്
വാർഡ്	12
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 5 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	97
പെൺകുട്ടികൾ	86
ആകെ വിദ്യാർത്ഥികൾ	183
അദ്ധ്യാപകർ	10
സ്കൂൾ നേതൃത്വം
പ്രധാന അദ്ധ്യാപകൻ	ജോസഫ് ഫ്രാൻസിസ് സി എക്സ്
പി.ടി.എ. പ്രസിഡണ്ട്	സ്മിത ഉദയൻ
എം.പി.ടി.എ. പ്രസിഡണ്ട്	സുനിത ഷംസുദ്ദീൻ
അവസാനം തിരുത്തിയത്
03-02-2022	Mka

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ആലപ്പുഴ ജില്ലയിലെ, ചേർത്തല വിദ്യാഭ്യാസജില്ലയിലെ ,തുറവൂർ ഉപജില്ലയിലെ, അരൂർ പഞ്ചായത്തിൽ പന്ത്രണ്ടാം വാർഡിൽ നാഷണൽ ഹൈവേയുടെ സമീപം

പടിഞ്ഞാറു ഭാഗത്തായി കൊച്ചുവെളിക്കവല ബസ്റ്റോപ്പിനോട് ചേർന്ന് സെൻറ്.ഫ്രാൻസീസ് സേവ്യേഴ്സ് എൽ. പി. സ്കൂൾ സ്ഥിതി

ചെയ്യുന്നു. പള്ളിസ്ക്കൂൾ എന്നും ഈ വിദ്യാലയം അറിയപ്പെടുന്നു.

ചരിത്രം

    നാല് നൂറ്റാണ്ടുകൾക്കപ്പുറം സ്നേഹത്തിൻറെ സന്ദേശവുമായി ഭാരതത്തിൻ്‍റെ തീരപ്രദേശങ്ങളിലൂടെ ജീവിച്ചു കടന്നുപോയ ,ഇന്നും അഴുകാത്ത ശരീരത്തിനുടമയായ വിശുദ്ധ ഫ്രാൻസീസ് സേവ്യറിൻറെ നാമധേയത്തിലുള്ള നമ്മുടെ വിദ്യാലയം തിളക്കമാർന്ന പ്രവർത്തനങ്ങളിലൂടെ ഇന്നും തലയെടുപ്പോടെ നിലകൊള്ളുന്നു.

1599-ൽ നടന്ന ഉദയംപേരൂർ സുനഹദോസിൻറെ കല്പന പ്രകാരം ഓരോ ഇടവകയും പള്ലിക്കൂടങ്ങൾ സ്ഥാപിക്കണമെന്നും അവിടെ ജാതിമതഭേദമന്യേ പ്രവേശനം നൽകാനും നിശ്ചയിക്കപ്പെട്ടു. തിരുവിതാംകൂർ ഗവൺമെൻറിൻറെ ഉദാര വിദ്യാഭ്യാസനയം ഇവിടെ നാല് പള്ളിക്കൂടങ്ങൾ നടത്തുവാൻ അവസരമൊരുക്കി.     

  മുഴങ്ങുന്ന ശബ്ദവും തിളങ്ങുന്ന  കണ്ണുകളുമുള്ള പണ്ഡിതൻ രാമനാശാനും ഒറ്റ  മുറിയും  ഹാളുമുള്ള  പള്ളിക്കൂടവുമെല്ലാം  നൂറു  വർഷങ്ങൾക്കപ്പുറം  പഴക്കമുള്ള  ഓർമ്മകളാണ്. പഴയപള്ളിക്കു പടിഞ്ഞാറ്  ഭാഗത്ത്  പനന്വും  മരവും  ചേർത്തടിച്ചുള്ള  ഭിത്തി,  ഓലമേഞ്ഞ  ഷെഡ്,
ചാണകം  മെഴുകിയ  തറ, നിലത്തു തടുക്കുവിരിച്ച് ചമ്രം പടഞ്ഞിരിക്കുന്ന  കുട്ടികൾ, കോട്ടും  ടൈയും കെട്ടി നെറ്റിയിൽ  ഭസ്മക്കുറിയും ചാർത്തിയ രാമനാശാൻ ഒരു കവിതപോലെ  'അക്ഷരമാല ' ക്രമത്തിൽ  ചൊല്ലുന്നു . അക്ഷരമാലയും കണക്കും  കൂട്ടിവായനയുമാണ് പ്രധാന പഠനം.  കാൽ,അരക്കാൽ ,മഹാണി,മുണ്ടാണി, എന്നീ ഭിന്ന സംഖ്യകൾ  കൂട്ടി  പഠിച്ചു കഴിഞ്ഞാൽ  'ഉന്നതപഠനം  പൂർത്തിയായി.പിന്നേ  ,  ചെറുകിട തൊഴിൽ  പരിശീലനം.രാമനാശാന് ശമ്പളം അഞ്ച് രൂപയായിരുന്നു. 1915 കാലഘട്ടത്തിൽ പത്മനാഭ നാശാനും ശമ്പളം അഞ്ച് രൂപയായിരുന്നു.                                                                                                                   
         ബഹുമാനപ്പെട്ട അൻറ്റോണിയോ മെൻഡസ് അച്ചൻ വികാരിയായിരുന്ന കാലത്താണ് ഒരു പ്രൈമറി സ്കൂൾ നിലവാരത്തിലേക്ക് വിദ്യാലയത്തെ ഉയർത്താനുള്ള ശ്രമങ്ങളാരംഭിക്കുന്നത്. ഒരിക്കൽ  വികാരിയച്ചൻ  പറഞ്ഞു ,
           'നമുക്കിതൊരു  എൽ. പി.സ്ക്കൂളാക്കാം....'ഇടവക്കാർക്കു  സന്തോഷമായി.  സ്ക്കൂൾ അനുവധിക്കുന്നതിന് തിരുവിതാംകൂർ  മഹാരാജാവിന്,  അച്ചൻ  ഒരപേക്ഷ  നൽകി.  നാലഞ്ചുനാൾ  കഴിഞ്ഞ്  രാജമുഖത്തുനിന്ന്  വികാരിയച്ചന്  മറുപടിക്കുറിപ്പു  കിട്ടി.       'ബഹു.  അന്തൊണിയോ മെൻറസ് കത്തനാർ മുഖേന  എരമല്ലൂർ  സെൻറ്, ഫ്രാൻസിസ്  സേവ്യേഴ്സ് പള്ളി ബോധിപ്പിച്ച അപേക്ഷയിൽ  ,ഇടവകയിൽ  ഒരു  എൽ.പി.വിദ്യാലയം  ആരംഭിക്കുന്നതിന്  തിരുവിതാംകൂർ  മഹാരാജാവു തിരുമനസ്സുകൊണ്ട്  കൽപിച്ചനുവദിച്ചിരിക്കുന്നു. 1917 ഇടവം രണ്ടാം തീയതി സ്കൂൾ പണിയുന്നതിന് വേണ്ടി ഒരു പൊതുയോഗം അച്ചൻ വിളിച്ചുചേർത്തു. ഇടവകജനത്തിൻറെ അഭിപ്രായവും സഹായവും തേടിയ അച്ചന് പൂർണ പിന്തുണയാണ്ജനങ്ങൾ നൽകിയത്. അങ്ങനെ 1917ഇടവം  5 ന് പണിയാരംഭിച്ച വിദ്യാലയം അതേമാസം 26 ന് പണിപൂർത്തിയാക്കി.അങ്ങനെ ഒര്ു നാടിൻറെ ഭാവിയെ തന്നെ മാറ്റിയെടുക്കാൻ കെൽപ്പുള്ള ഒരു പള്ളിക്കൂടം എരമല്ലൂരിൽ വിശുദ്ധ ഫ്രാൻസിസ് സേവ്യറിൻറെ നാമധേയത്തിൽ സ്ഥാപിതമായി.

1917   ഇടവം  26. ഒരു  നാടിൻേറ  സ്വപ്നംപോല     ഒരു  വിദ്യാലയം  പ്രവർത്തനം  തുടങ്ങുകയാണ്.  ഒത്തുകൂടിയ  ജനസമക്ഷം വികാരിയച്ചൻ  പ്രഖ്യാപിച്ചു. 'ഇത്  ക്രൈസ്തവർക്കു  മാത്രമുള്ള വിദ്യാലയമല്ല--ഇവിടെ എല്ലാമതസ്ഥരും  ഒത്തുചേർന്ന്  വിദ്യ  അഭ്യസിക്കും.  മേലാളരും    കീഴാളരും  തോളോടു തോൾ ചേർന്ന്  ഒരു  ബഞ്ചിലിരുന്നു  പഠിക്കും.'  അയിത്താചാരങ്ങൾ  കൊടുകുത്തി  വാഴുന്ന  കാലം.  സവർണരുടെ  വിദ്യാലയങ്ങളിൽ  അവർണർക്കു  പ്രവേശനമില്ലാതിരുന്ന കാലത്ത്  വൈദീകൻെറ  ഈ പ്രഖ്യാപനം  പലരും  കണ്ണുു  നനയിച്ചു. ആദ്യവർഷം  ഒന്നാംക്ളാസ്സ്  മാത്രം .എൽ.പി. പൂർത്തിയാകാൻ  മൂന്നുവർഷം  കൂടി  കഴിഞ്ഞു. 1920 - ന്നാലാം ക്ളാസ് ആരംഭിച്ചതോടെ എൽ .പി .സ്കൂൾ പൂർണ്ണ രൂപത്തിലായി.  1930_ൽ  5_ാം  ക്ളാസ്സ് അനുവദിച്ചുകിട്ടി.  ശിവരാമ  കൈമളായിരുന്നു  ആദ്യത്തെ  ഹെഡ്മാസ്റ്റർ    . ഇന്ന് അരൂരിനും എഴുപുന്നയ്ക്കും താങ്ങും തണലുമായി അക്ഷരവെളിച്ചമേകി സാമൂഹ്യ സാംസ്ക്കാരിക മേഖലകളിൽ ഒത്തിരി വ്യക്തികളെ സമ്മാനിച്ച് ശദാബ്ദി കഴിഞ്ഞ് തിളങ്ങി നിൽക്കുന്ന  ഈ വിദ്യാലയത്തിൻെറ പ്രധാനാധയാപകൻ  ശ്രീ.ജോസഫ്  ഫ്രൻസിസ്. സി.എക്സ്. ആണ്.

ഭൗതികസൗകര്യങ്ങൽ

 ഓടുമേഞ്ഞ മൂന്ന് കെട്ടിടങ്ങളിലായി   12  ക്ളാസ്മുറികളും  ആർ.എഫ്.എക്സ്പോർട്ട്സ് നിർമിച്ചു നൽകിയ ശുചിമുറികളുൾപ്പെടെ ഏഴു ശുചിമുറികളും ജനറൽ മാനേജറുടേയും അധ്യാപകരുടേയും സഹായത്താൽ പുതുക്കിനിർമ്മിച്ച പാചകപ്പുരയും മുൻ പി ടി എകളുടെ ശ്രമഫലമായി നിർമ്മിച്ച ചുറ്റുമതിലും ,സ്ക്കൂൾ ശതാബ്ദിയോടനുബന്ധിച്ച് പൂർവ്വവിദ്യാർത്ഥികൾ നിർമ്മിച്ചു നൽകിയ പ്രവേശനകവാടവും സ്ക്കൾ കാർഷികപ്രവർത്തനമികവിൻെറ ഭാഗമായി  അരൂർ കൃ‍ഷിഭവൻെറ സഹായത്താൽ ലഭ്യമായ മഴമറയും സമൃദ്ധമായ പച്ചക്കറിത്തോട്ടവും ഉൾപ്പെട്ടതാണ് വിദ്യാലയത്തിൻെറ ഭൗതീകസൗകര്യങ്ങൾ.

പാഠ്യേതര പ്രവർത്തനങ്ങൾ

• സ്കൗട്ട് & ഗൈഡ്സ്.
• സയൻ‌സ് ക്ലബ്ബ്.
• കാർഷിക ക്ളബ്ബ്.
• പരിസ്ഥിതി ക്ളബ്ബ്.
• വിദ്യാരംഗം കലാ സാഹിത്യ വേദി.
• ഗണിത ക്ലബ്ബ്.
• സാമൂഹ്യശാസ്‌ത്ര ക്ലബ്ബ്.
• പരിസ്ഥിതി ക്ലബ്ബ്.

മുൻ സാരഥികൾ

സ്കൂളിലെ മുൻ അദ്ധ്യാപകർ

ക്രമനമ്പർ	പേര്	കാലയളവ്	ചിത്രം
1	ഭാസ്ക്കരൻ നായർ	1109 മിഥുനം-1109 കർക്കിടകം
2	കെ .ജി.നീലകണ്ഠൻ കുഞ്ഞി	1109 കർക്കിടകം-1112 കന്നി
3	വി.കുട്ടപ്പക്കൈമൾ	1112 തുലാം- 1123 മകരം
4	ആർ. കേശവപിള്ള	1123 കുംഭം -1123 മേടം
5	കെ. അച്ചുതൻ നായർ	1123 ഇടവം-1964 ഏപ്രിൽ
6	ടി.വി.റോസിലി	1964 മെയ് -1982 ജൂലൈ
7	സി. ബി. മേരി	1982 ആഗസ്റ്റ്-1984 മാർച്ച്
8	ടി.ആർ. റെജീന	1984 ഏപ്പ്രിൽ - 1988 മാർച്ച്
9	ജെ. സെലിൻ	1988 ഏപ്പ്രിൽ -1990 ഏപ്പ്രിൽ
10	എം. ജെ. ജോൺ	1990 മെയ് -1991 മാർച്ച്
11	പി. സി. അഗസ്റ്റിൻ	1991 ഏപ്പ്രിൽ - 2000 മെയ്
12	കെ. ജെ. വർഗ്ഗീസ്	2000 ജുൺ -2006 മാർച്ച്
13	വി. ജെ. പീറ്റർ	2006 ഏപ്പ്രിൽ -2007 മാർച്ച്
14	എം. ഒ. മാത്യുസ്	2007 ഏപ്പ്രിൽ -2014 മാർച്ച്
15	ജോസഫ് ഫ്രാൻസ്സീസ് .സി എക്സ്	2014 ഏപ്പ്രിൽ -

നേട്ടങ്ങൾ

               പന്ത്രണ്ട് വർഷങ്ങളിലായ  തുടർച്ചയായി പ്രവൃത്തിപരിചയമേളയിൽ ഒന്നാം സ്ഥാനം. സാമൂഹ്യശാസ്രമേളയിൽ ഒന്നാം സ്ഥാനം. ഗണിതശാസ്രമേളയിൽ  മൂന്നാം സ്ഥാനം. മലയാള മനോരമ നല്ലപാഠം പദ്ധതിയിൽ A+ വിജയം. കൃഷിമുററം പദ്ധതിയിലൂടെ വിദ്യാലയകൃഷിക്കുള്ള പുരസ്ക്കാരം . ജൈവകൃഷിക്ളീനിക്, ഔഷധഗ്രാമം__ ഔഷധത്തോട്ടത്തിനുള്ള പുരസ്ക്കാരം, ഊർജസംരക്ഷണപദ്ധതി, റോഡ് സുരക്ഷാപദ്ധതി ,കരുണ, പെയിൻ & പാലിയേറ്റീവ് കെയർ,

പ്രശസ്തരായ പൂർവവിദ്യാർത്ഥികൾ

1. സക്കീർ ഹുസൈൻ_ചിത്രകാരൻ
2. രാഷ്രപതിയുടെ അവാർ‍ഡ് ലഭിച്ച സി.ആർ.പി.എഫ്.ജവാൻ വിമൽ.

3. അഡ്വക്കേറ്റ്. സാബു ദിനേശ്,

4.ദൂരദർശനിൽ സേവനമനുഷ്ടിക്കന്ന ശ്രീ. മോഹനൻ,

5. വി.കെ.സെയ്ദ് മുഹമ്മദ്( ചിയാമി) സിനി ആർട്ടിസ്റ്റ് ,

6. ഉഷേന്ദ്രൻ തന്ത്രി,

7.ഡോ. ശശി,

8.സുധാകരൻ സാർ,

9.കെ .ജി. കൈമൾ ഐ എസ് ആർ ഒ.ശാസ്ത്രജ്ഞൻ,

10. ഷൻമുഖദാസ് ഇലട്രിസിറ്റി ബോർഡ് എൻജിനീയർ ,

11.ടി.എസ്.മജീദ് ,ഗവ.അഡീഷണൽ സെക്രട്ടറി,ധനകാര്യവകുപ്പ് ,ഗവ.സെക്രട്ടറിയേറ്റ് ,തിരുവനന്തപുരം.

12.ഫാദർ. ആൻറണി എഞ്ചുതൈക്കൽ.

13. ഫാദർ. ബോസ്ക്കോ കൂറ്റുതറ. 14 ഫാദർ. പീറ്റർ വെളുത്തേടത്ത്.

15.സിസ്റ്റർ. പ്രിൻസി , 16.സിസ്റ്റർ .മേരി.

17.ഉഷേന്ദ്രൻ തന്ത്രി .

18.ടി. എസ്. .സെയ്ഫുദ്ദീൻ ,തഹസിൽദാർ, 19.സക്കറിയ സാർ, തഹസിൽദാർ.

20.എരമല്ലൂർ തങ്കപ്പൻ ,വാർഡ് മെമ്പർ,സാമൂഹ്യ പ്രവർത്തകൻ.

21. മുഹമ്മദ് ബാദുഷ സഖാഫി 22. എസ്. എം .അൻസാരി (ബിസിനസ്മാൻ,രാഷ്ട്രീയ ,സാമൂഹ്യപ്രവർത്തകൻ)

23. വിമലൻ, 25. ഹുമയൂൺ കബീർ, 26. സിറാജുദ്ദീൻ, 27. ടി. കെ. തങ്കച്ചൻ ഇഞ്ചുപറമ്പിൽ ,28. പി. ആർ. വിശ്വംഭരൻ, 29. സേവ്യർ കോതാട് മുൻ അധ്യാപകൻ,

30. വിജയൻ പഴയവീട്, ..........തുടങ്ങി അനേകം പേർ.

==വഴികാട്ടി==.. നാഷണൽ ഹൈവേ 66 ന് പടിഞ്ഞാറുഭാഗത്തായി കൊച്ചുവെളിക്കവല ബസ്റ്റോപ്പിന് തൊട്ട് അരികിലായാണ് വിദ്യാലയം.

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

• ബസ് സ്റ്റാന്റിൽനിന്നും 1 കി.മി അകലം.

|ബസ് Stop ൽ നിന്നും ഒരു മീറ്റർ അകലം മാത്രം.

• -- സ്ഥിതിചെയ്യുന്നു.
• ചേർത്തല ഭാഗത്തു നിന്ന് വരുന്നവർ എരമല്ലൂരിനും ചന്തിരൂർ പാലത്തിനും ഇടയിലുള്ള കൊച്ചുവെളിക്കവല ബസ്റ്റോപ്പിൽ ഇറങ്ങി റോഡ് മുറിച്ച് കടന്നാൽ ഹൈവേയുടെ പടിഞ്ഞാറുഭാഗത്തെ ബസ്റ്റോപ്പിനരികിൽ കാണുന്ന ഗേറ്റിലൂടെ സ്ക്കൂളിൽ പ്രവേശിക്കാം.
• എറണാകുളം ഭാഗത്തുനിന്ന് വരുന്നവർ ചന്തിരൂർ പാലത്തിന് ശേഷം ഉളള കൊച്ചുവെളിക്കവല ബസ്റ്റോപ്പിൽ ഇറങ്ങി ബസ്റ്റോപ്പിന് അരികിലുളള ഗേറ്റിലൂടെ സ്ക്കൂളിനകത്ത് പ്രവേശിക്കാം.
• കൊച്ചുവെലിക്കവലയിൽ നിന്നും എഴുപുന്ന ശ്രീനാരായണപുരം റോഡിലൂടെ പ്രവേശിച്ചാൽ വലതുഭാഗത്തായി ആദ്യം കാണുന്ന ഗേറ്റിലൂടെയും സ്ക്കൂളിൽ പ്രവേശിക്കാം.

|} |} {{#multimaps:9.8247° N, 76.3145° E |zoom=13}}