ബി ജെ ബി എസ് കാലടി/അക്ഷരവൃക്ഷം/പ്രകൃതി
പ്രകൃതി
ഒരിക്കൽ രാമു എന്ന് പേരുള്ള ഒരാൾ പട്ടണത്തിൽ താമസിച്ചിരുന്നു. രാമുവിന്റെ വീടിനു ചുറ്റും നല്ലൊരു തോട്ടം ഉണ്ടായിരുന്നു. ആ തോട്ടത്തിൽ കുറെ ചെടികളും പൂക്കളും ഒരു ആപ്പിൾ മരവും ഉണ്ടായിരുന്നു. രാമു തന്റെ കുട്ടിക്കാലത്തു മിക്ക സമയത്തും ആ മരത്തിന്റെ ചുവട്ടിൽ ഇരുന്ന് കളിക്കുകയും വിശക്കുമ്പോൾ സ്വാദുള്ള ആപ്പിൾ കഴിക്കുകയും ചെയ്യുമായിരുന്നു. കാലം മാറിയപ്പോൾ ആപ്പിൾ മരത്തിന്റെ പ്രായവും കൂടി രാമുവും വളർന്നു. ആപ്പിൾ മരത്തിൽ നിന്ന് പഴങ്ങൾ കിട്ടാതെയുമായി. രാമു ആ മരം മുറിക്കുവാൻ തീരുമാനിച്ചു. അതിന്റെ പലകകൾ കൊണ്ട് തന്റെ വീട് മനോഹരമാക്കാനും തീരുമാനിച്ചു.ആപ്പിൾ മരത്തിന്റെ ചുവട്ടിലെത്തി മരം മുറിക്കുവാൻ തുടങ്ങി. പെട്ടെന്ന് ആ മരത്തിൽ താമസിച്ചിരുന്ന അണ്ണാനും കുരുവിയും തേനീച്ചയും അവന്റെ ചുറ്റും കൂടി. "മരം മുറിക്കരുത്" അവർ ഒരേ സ്വരത്തിൽ പറഞ്ഞു. നിന്റെ കുട്ടിക്കാലത്തു നീ കളിച്ചതും വിശ്രമിച്ചതും ഈ മരത്തിന്റെ ചുവട്ടിൽ ഞങ്ങളോടൊപ്പം ആയിരുന്നു. ഇത് മുറിക്കാനുള്ള നിന്റെ തീരുമാനം തെറ്റാണ് രാമു. "നമുക്ക് പ്രകൃതിയെ സ്നേഹിക്കാം. ഒരുപാട് മരങ്ങൾ പ്രകൃതിക്കും മനുഷ്യനും ഭൂമിക്കും വേണ്ടി നമുക്ക് നടാം. നമ്മുടെ നാടിനും വരും തലമുറക്കും അത് ഉപകാരപ്പെടും.നമുക്ക് പ്രകൃതിയെ സ്നേഹിക്കാം... രക്ഷിക്കാം".
|
