അതിജീവനം നീയും ഞാനും വേറിട്ട കാലം ഉയരവും താഴ്ചയും വ്യക്തമായ കാലം കണ്ണീരും കിനാവും നനഞ്ഞ കാലം ഒരുമയെന്തന്നറിയാത്ത കാലം ! അടിമയായ വൈദേശികഭരണകാലം അടിച്ചമർത്തലിൽ പൊലിഞ്ഞ ജീവന്റെ കാലം കേണപേക്ഷിച്ച പട്ടിണിപ്പാവങ്ങളുടെ കാലം ആർത്തിരമ്പിയ ജനമനസ്സുകളുടെ കാലം ! ഒന്നാവാൻ ധീരമായ ചെറുത്തുനിൽപ്പുകൾ ഒരേ മനസ്സോടെ പൊരുതി നേടിയ സ്വാതന്ത്ര്യം...... ഉറങ്ങികിടന്ന മനുഷ്യത്വത്തെ വിളിച്ചുണർത്തിയ പ്രളയം..... ഒന്നിച്ചൊലിച്ചപ്പോൾ ഒരുമിച്ചത് വീണ്ടുമോർത്തെടുത്ത നിമിഷം ... ഒരുമയുടെ ഈ കുട എന്നും നിവർന്നുനിൽക്കും... ഇന്നിന്റെ മഹാമാരിയെ അതിജീവിക്കാൻ ഇതു തന്നെ ധാരാളം....!
