സെന്റ്. മേരീസ് എച്ച്.എസ്സ്.എസ്സ് കുറവിലങ്ങാട്/പ്രാദേശിക പത്രം

മേരിപ്രഭ

ഡിജിറ്റൽ മാഗസിൻ പ്രകാശനം
ജനുവരി 25
സെന്റ് .മേരീസ് എച്ച്.എസ്സ്.എസ്സ് കുറവിലങ്ങാട് ലിറ്റിൽകൈറ്റ്സ് അംഗങ്ങൾ തയ്യാറാക്കിയ ഡിജിറ്റൽ മാഗസിൻ 'അറിവിന്റെ' പ്രകാശനം മാനേജർ ആർച്ച് പ്രീസ്റ്റ് റവ. ഡോ. ജോസഫ് തടത്തിൽ നിർവ്വഹിച്ചു. അസിസ്റ്റന്റ് വികാരി ഫാ. തോമസ് കുറ്റിക്കാട്ട് സന്നിഹിതനായിരുന്നു. രാവിലെ 10 മണിക്ക് നടത്തിയ സമ്മേളനത്തിൽ ഹെഡ്മാസ്റ്റർ ശ്രീ. ജോർജ്ജുകുട്ടി ജേക്കബ് അദ്ധ്യക്ഷത വഹിച്ചു.

ഡിജിറ്റൽ മാഗസിൻ അറിവ് പ്രകാശനം മാനേജർ ആർച്ച് പ്രീസ്റ്റ് റവ. ഡോ. ജോസഫ് തടത്തിൽ നിർവ്വഹി45051_smruthiyathra2.jpgക്കുന്നു.

സ്ക്കൂൾ ആനുവൽ സ്പോർട്സ് മീറ്റ്
നവംബർ 27
സ്ക്കൂൾ ആനുവൽ സ്പോർട്സ് മീറ്റ് 2018-19 ബഹുമാനപ്പെട്ട ഫാ. തോമസ് കുറ്റിക്കാട്ട് ഫ്ലാഗ് ഓഫ് ചെയ്തു.

ക്രിസ്തുമസ് ആഘോഷം2019
ഡിസംബർ 4

നേതൃസംഗമം
നവംബർ 26
കുറവിലങ്ങാട് മേജർ ആർക്കിഎപ്പിസ്കോപ്പൽ മർത്ത്മറിയം ആർച്ച്ഡീക്കൻ തീർഥാടന ദേവാലയത്തിന് കീഴിലുള്ള സെന്റ് മേരീസ് സ്കൂളുകളുടെ ജൂബിലിയുമായി ബന്ധപ്പെട്ട നേതൃസംഗമം നടത്തി. സെന്റ് മേരീസ് ബോയ്സ് ഹൈസ്‌കൂളിന്റെ ശതോത്തര രജത ജൂബിലിയുടേയും സെന്റ് മേരീസ് ഗേൾസ് എൽപി സ്കൂളിന്റെ ശതാബ്ദിയുടേയും നേതൃസംഗമമാണ് നടത്തിയത്.ആഘോഷവുമായി ബന്ധപ്പെട്ട വിവിധ കമ്മിറ്റികളുടെ പ്രവർത്തനങ്ങളുടെ അവലോകനവും പുതിയ പ്രവർത്തനങ്ങളുടെ രൂപരേഖയും വിശദമായി ചർച്ച ചെയ്തു. മാനേജ്മെന്റും അധ്യാപകരും അനധ്യാപകരും പൂർവ്വവിദ്യാർത്ഥികളും ജനപ്രതിനിധികളും സംഗമത്തിന് എത്തിയിരുന്നു. മാനേജർ, ആർച്ച്പ്രീസ്റ്റ് റവ.ഡോ. ജോസഫ് തടത്തിൽ അധ്യക്ഷത വഹിച്ചു. അസിസ്റ്റന്റ് മാനേജർ ഫാ. തോമസ് കുറ്റിക്കാട്ട്, സീനിയർ അസിസ്റ്റൻറ് വികാരി ഫാ. കുര്യാക്കോസ് വെള്ളച്ചാലിൽ, സഹവികാരിമാരായ ഫാ. ജോർജ് നെല്ലിക്കൽ, ഫാ. മാത്യു വെണ്ണായപ്പിള്ളിൽ, ഫാ. മാണി കൊഴുപ്പൻകുറ്റി, മർത്ത്മറിയം പ്രമോഷൻ കൗൺസിൽ ജനറൽ 45051_smruthiyathra2.jpgകൺവീനർ ഡോ.ജോയി ജേക്കബ്, എഡ്യുക്കേഷൻ പ്രമോഷൻ കൗൺസിൽ ചെയർമാൻ ഡോ. ഫിലിപ്പ് ജോൺ, അംഗം ഡോ. സജി അഗസ്റ്റ്യൻ, പിടിഎ പ്രസിഡൻറ് ബേബി തൊണ്ടാംകുഴി, ഗ്രാമപഞ്ചായത്ത് പ്രസിഡന്റ് പി സി കുര്യൻ, സ്റ്റാൻഡിംഗ് കമ്മിറ്റി ചെയർമാൻ സിബി മാണി, ഹയർ സെക്കണ്ടറി സ്‌കൂൾ പ്രിൻസിപ്പൽ നോബിൾ തോമസ്, ഹെഡ്മാസ്റ്റർ ജോർജുകുട്ടി ജേക്കബ് തുടങ്ങിയവർ പ്രസംഗിച്ചു.സെന്റ് മേരീസ് ബോയ്സ് സ്കൂളിന്റെ ശതോത്തര രജത ജൂബിലി (125)യോടനുബന്ധിച്ച് നിർമ്മിക്കാനുനവിൻ സജിദ്ദേശിക്കുന്ന ജൂബിലി സ്മാരക മന്ദിരത്തിന്റെ രൂപരേഖ പ്രകാശനം ചെയ്തു.

സെന്റ് മേരീസ് ബോയ്സ് സ്കൂളിന്റെ ശതോത്തര രജത ജൂബിലി യോടനുബന്ധിച്ച് നിർമ്മിക്കാനുദ്ദേശിക്കുന്ന ജൂബിലി സ്മാരക മന്ദിരത്തിന്റെ രൂപരേഖ

കരാട്ടേയിൽ വിജയം
നവംബർ 20
കോട്ടയം ജില്ലാ കരാട്ടെ ടൂർണമെൻറിൽ അണ്ടർ 35 കി. ഗ്രാം കാറ്റഗറിയിൽ നവിൻ സജി ഒന്നാം സ്ഥാനവും അണ്ടർ 70 kg കാറ്റഗറിയിൽ അലൻ തോമസ് ഓസ്റ്റിൻ ഒന്നാം സ്ഥാനവും നേടി.

നവിൻ സജി
അലൻ തോമസ് ഓസ്റ്റിൻ

കുറവിലങ്ങാട് ഉപജില്ലാ കലോത്സവത്തിൽ ഇംഗ്ലീഷ് സ്ക്കിറ്റിന് രണ്ടാം സ്ഥാനം
നവംബർ 14

സൗഹൃദ ബാസ്കറ്റ്ബോൾ മത്സരം
നവംബർ 13
കുറവിലങ്ങാട് സെൻറ് മേരീസ് ബോയ്സ് ഹൈസ്കൂൾ ശതോത്തര രജതജൂബിലി ആഘോഷങ്ങളുടെ ഭാഗമായി സംഘടിപ്പിച്ച സൗഹൃദ ബാസ്കറ്റ്ബോൾ മത്സരത്തിൽ ബോയ്സ് ഹൈസ്കൂൾ പൂർവ്വവിദ്യാർത്ഥി ടീമിനെതിരെ വടവാതൂർ മേജർ സെമിനാരി ടീമിന് (104-71) വിജയം. ബ്രദർ അരുൺ പുറത്തേട്ട് നയിച്ച വടവാതൂർ മേജർ സെമിനാരി ടീമും ബർട്ട് ജേക്കബ് പഞ്ഞാക്കിയിൽ നയിച്ച കുറവിലങ്ങാട് ബോയ്സ് ഹൈസ്കൂൾ പൂർവ്വവിദ്യാർത്ഥി ടീമുമാണ് ഏറ്റുമുട്ടിയത്.ബോയ്സ് ഹൈസ്കൂൾ പൂർവ്വവിദ്യാർത്ഥിയും ദേവമാതാ കോളജ് റിട്ട.കായികാധ്യാപകനുമായ പ്രഫ. പി.ജെ. മാത്യു പനങ്കുഴയ്ക്കൽ മത്സരം ഉദ്ഘാടനം ചെയ്തു. സ്കൂൾ മാനേജർ ആർച്ച്പ്രീസ്റ്റ് റവ. ഡോ. ജോസഫ് തടത്തിൽ അധ്യക്ഷത വഹിച്ചു. പഞ്ചായത്ത് പ്രസിഡൻറ് പി.സി. കുര്യൻ, സ്റ്റാൻഡിംഗ് കമ്മിറ്റി ചെയർമാൻ സിബി മാണി, പഞ്ചായത്തംഗം പി.എൻ. മോഹനൻ, മർത്ത്മറിയം പ്രമോഷൻ കൗൺസിൽ ചെയർമാൻ ഡോ.ജോയി ജേക്കബ് തൊണ്ടാംകുഴി, എഡ്യൂക്കേഷൻ കൗൺസിൽ ചെയർമാൻ ഡോ. ഫിലിപ്പ് ജോൺ, സ്കൂൾ പ്രിൻസിപ്പൽ നോബിൾ തോമസ്, ഹെഡ്മാസ്റ്റർ ജോർജുകുട്ടി ജേക്കബ്, പിടിഎ പ്രസിഡൻറ് ബേബി തൊണ്ടാംകുഴി, പ്രോഗ്രാം കമ്മിറ്റി ചെയർമാൻ റ്റോബിൻ കെ. അലക്സ്, കൾച്ചറൽ പ്രോഗ്രാം കമ്മിറ്റി ചെയർമാൻ ഫാ. ജിസ് ജോൺ അമ്മനത്തുകുന്നേൽ എന്നിവർ പ്രസംഗിച്ചു.

ഡോ. കെ.ആർ.നാരായണന്റെ സ്മരണകൾ ഉണർത്തി സ്മൃതിസന്ദേശയാത്ര
നവംബർ 10
മാതൃവിദ്യാലയത്തിലെ വിദ്യാർത്ഥികൾ വിശ്വപൗരന്റെ സ്മൃതിമണ്ഡപത്തിലേക്ക് പദയാത്രയായി സ്മൃതിസന്ദേശയാത്ര നടത്തി. കുറവിലങ്ങാട് സെന്റ് മേരീസ് ഹയർസെക്കൻഡറി സ്‌കൂളിലെ വിദ്യാർത്ഥികളാണ് പൂർവ്വവിദ്യാർത്ഥികൂടിയായ മുൻ രാഷ്ട്രപതി ഡോ. കെ.ആർ.നാരായണന്റെ സ്മരണകൾ ഉണർത്തി സ്മൃതിമണ്ഡപത്തിലേക്ക് യാത്ര നടത്തിയത്. ശതോത്തര രജതജൂബിലി ആഘോഷിക്കുന്ന സെന്റ് മേരീസ് ഹയർസെക്കൻഡറി സ്‌കൂളിന്റെ ജൂബിലി ആഘോഷങ്ങളുടെ ഭാഗമായിട്ടുകൂടിയായിരുന്നു പദയാത്ര. ശതോത്തര രജതജൂബിലി പ്രതീകമായി 125 വിദ്യാർത്ഥികൾ യാത്രയിൽ പങ്കാളികളായി. യാത്ര സ്‌കൂൾ മാനേജർ ആർച്ച് പ്രീസ്റ്റ് റവ. ഡോ. ജോസഫ് തടത്തിൽ ഫ്ളാഗ് ഓഫ് ചെയ്തു.
എട്ടു പതിറ്റാണ്ടുകൾക്കു മുമ്പ് കുറിച്ചിത്താനത്തുനിന്നും വിദ്യതേടി കെ.ആർ. നാരായണൻ കുറവിലങ്ങാട് സെൻറ് മേരീസ് ഇംഗ്ളീഷ് സ്കൂളിലേക്ക് കാൽനടയായി നടന്നിരുന്ന അതേ വഴിത്താരയിലൂടെ മാതൃവിദ്യാലയത്തിൻറെ ഇളംതലമുറ ഇന്നലെ നടന്നു. കെ.ആർ. നാരായണൻ എസ്എസ്എൽസി പഠനം നടത്തിയ കുറവിലങ്ങാട് സെൻറ് മേരീസ് ഹയർ സെക്കൻഡറി സ്കൂളിലെ വിദ്യാർത്ഥികളാണ് കെ.ആർ. നാരായണൻ സ്കൂളിലേക്ക് എത്തിയ അതേ വഴിത്താരയിലൂടെ കാൽനടയായി അദ്ദേഹത്തിൻറെ സ്മൃതി മണ്ഡപത്തിലേക്ക് നടന്നത്. പ്രവർത്തനത്തിൻറെ 125-ാം വർഷത്തിലെത്തിയ മാതൃവിദ്യാലയത്തിൽ നിന്ന് 125 വിദ്യാർത്ഥികളാണ് തങ്ങളുടെ അഭിമാനമായ പൂർവ്വ വിദ്യാർത്ഥിയുടെ സ്മൃതി മണ്ഡപത്തിങ്കലേക്ക് യാത്രനടത്തിയത്.
1938 മാർച്ചിലാണ് കുറവിലങ്ങാട് സ്കൂളിൽ നിന്നും കെ.ആർ.നാരായണൻ സ്കൂൾ ഫൈനൽ പരീക്ഷ എഴുതി പാസായത്. സെൻറ് മേരീസ് സ്കൂളിൻറെ ശതാബ്ദി ആഘോഷങ്ങൾ ഉദ്ഘാടനം ചെയ്യാനായി ഉപരാഷ്ട്രപതിയായിരിക്കെ അദ്ദേഹം 1993 സെപ്റ്റംബർ 4 ന് സ്കൂളിലെത്തി. രാഷ്‌ട്രപതിയായിരിക്കേ 1997 സെപ്റ്റംബർ 19ന് അദ്ദേഹം മാതൃവിദ്യാലയമായ സെൻറ് മേരീസ് സ്കൂൾ സന്ദർശിച്ചു. പ്രസിഡൻറ് ഓഫ് ഇന്ത്യ സ്കോളർഷിപ്പും അദ്ദേഹം ഏർപ്പെടുത്തിയിരുന്നു. എല്ലാ വർഷവും ഈ സ്കോളർഷിപ്പ് 34 വിദ്യാർത്ഥികൾക്ക് നൽകിവരുന്നു.
മോൻസ് ജോസഫ് എം എൽ എ, സ്കൂൾ പ്രിൻസിപ്പൽ നോബിൾ തോമസ്, ഹെഡ്മാസ്റ്റർ ജോർജുകുട്ടി ജേക്കബ്, പഞ്ചായത്ത് പ്രസിഡൻറ് പി.സി. കുര്യൻ, വൈസ് പ്രസിഡൻറ് മേഴ്സി റെജി, പിടിഎ പ്രസിഡൻറ് ബേബി തൊണ്ടാംകുഴി, പഞ്ചായത്ത് അംഗങ്ങളായ ജോർജ് ജി. ചെന്നേലി, ഷൈജു പാവുത്തിയേൽ, മിനിമോൾ ജോർജ്, സജി ജോസഫ്, കുറവിലങ്ങാട് ഇടവക എഡ്യൂക്കേഷനൽ പ്രമോഷൻ കൗൺസിൽ ചെയർമാൻ ഡോ.ഫിലിപ്പ് ജോൺ, ശതോത്തര രജതജൂബിലി പ്രോഗ്രാം കമ്മിറ്റി കൺവീനർ ടോബിൻ കെ. അലക്സ്, സെക്രട്ടറി സിസ്റ്റർ. ലിസാ മാത്യൂസ് തുടങ്ങിയവർ പ്രസംഗിച്ചു. ജോസ് കെ മാണി എം പി പദയാത്ര നടത്തിയ വിദ്യാർത്ഥികളെ അനുമോദിച്ചു.

കേരളപ്പിറവിയാഘോഷം
നവംബർ 1
കേരളപ്പിറവിയോടനുബന്ധിച്ച് നവകേരളനിർമ്മിതി മുഖ്യവിഷയമായി സ്വീകരിച്ച്, കുറവിലങ്ങാട് സെന്റ് മേരീസ് ബോയ്സ് ഹൈസ്‌കൂളിലെ വിദ്യാർത്ഥികളുടെ ഭാവനയിൽ പ്രതീകാത്മക നവ കേരളം നിർമ്മിച്ചു. 80 മീറ്റർ നീളവും 30 മീറ്റർ വീതിയുമുള്ള സ്‌കൂൾമൈതാനിയിൽ കോണോടുകോൺ നിർമ്മിച്ച ഐക്യകേരളത്തിന്റെ മാതൃകയിൽ സ്‌കൂളിലെ മുഴുവൻ വിദ്യാർത്ഥികളും കൈപിടിച്ച് അണിനിരന്നു.ഐക്യകേരളം മാതൃകയിൽ സ്‌കൂൾമൈതാനത്ത് വിദ്യാർത്ഥികൾ അണിനിരന്നപ്പോൾ അതു വേറിട്ട കാഴ്ചയായി. വിദ്യാർത്ഥികൾ നവകേരള നിർമ്മിതി-നവകേരള സൃഷ്ടിയിൽ പങ്കാളികളാവുകയും കേരളത്തിന്റെ സാംസ്‌കാരിക പൈതൃകത്തെയും മലയാള ഭാഷയെയും സംരക്ഷിക്കുമെന്ന് പ്രതിജ്ഞയുമെടുത്തു. നവകേരള നിർമ്മിതി ഗാനം കുട്ടികൾ സംഘമായി ആലപിച്ചു. സ്കൂൾ അസംബ്ലിയിൽ പി റ്റി എ പ്രസിഡന്റ് ബേബി തൊണ്ടാംകുഴി കേരളപ്പിറവിദിന പ്രതിജ്ഞ ചൊല്ലി കൊടുത്തു. സ്കൂൾ അസി. മാനേജർ ഫാദർ തോമസ് കുറ്റിക്കാട്ട്, സ്കൂൾ ഹെഡ്മാസ്റ്റർ ജോർജുകുട്ടി ജേക്കബ്, അധ്യാപകരായ പി എ തോമസ്, ജോബി വർഗീസ്, സി. മെറിൻ ചിറയിൽ, കെ വി ജോർജ് എന്നിവർ വിദ്യാർത്ഥികളെ അഭിസംബോധന ചെയ്ത് പ്രസംഗിച്ചു.
നവകേരള നിർമ്മിതി എന്ന വിഷയത്തെ അധികരിച്ച് ഉപന്യാസം, കവിത രചന, ചിത്രരചന മൽസരങ്ങളും നടത്തി. വിദ്യാർത്ഥികൾ വിവിധ പരിപാടികൾ അവതരിപ്പിക്കുകയും ചെയ്തു.

മുൻ രാഷ്ട്രപതി ബഹു.ഡോ.K.R.നാരായണന്റെ 98-ാം ജന്മദിനാഘോഷം
ഒക്ടോബർ 27
നമ്മുടെ സ്കൂളിലെ പൂർവ വിദ്യാർത്ഥിയായിരുന്ന മുൻ രാഷ്ട്രപതി ബഹു.ഡോ.K.R.നാരായണന്റെ 98-ാം ജന്മദിനമായ ഇന്ന് (27/10/18) അദ്ദേഹത്തിന്റെ സ്മൃതിമണ്ഡപത്തിൽ ഹെഡ്മാസ്റ്റർ ശ്രീ.ജോർജുകുട്ടി സാർ, സ്റ്റാഫ് സെക്രട്ടറി ശ്രീ.റ്റോബിൻ കെ.അലക്സ് തുടങ്ങിയവർ അദ്ദേഹത്തിന്റെ ബന്ധുക്കൾക്കൊപ്പം പുഷ്പാർച്ചന നടത്തf.

പി. ജെ. ജോർജ്ജ് സാർ സർവീസിൽ നിന്നും വിരമിക്കുന്നു
സെപ്തംബർ 29
കുട്ടികളുടെ പ്രിയപ്പെട്ട ഫിസിക്കൽ എഡ്യൂക്കേഷൻ അദ്ധ്യാപകൻ ശ്രീ. പി.ജെ. ജോർജ് സാർ സർവ്വീസിൽ നിന്നും വിരമിക്കുന്നു.സാറിന് സെന്റ് മേരീസ് കുടുംബത്തിന്റെ ആദരം. ജോർജ് സാറിന് സെന്റ് മേരീസ് കുടുംബത്തിന്റെ നന്ദിയും കടപ്പാടും.

കുറവിലങ്ങാട് സെന്റ് മേരീസ് ബോയ്സ് ഹൈസ്‌കൂളിൽ ഗാന്ധി ജയന്തിയോടനുബന്ധിച്ച് ‘സ്വച്ഛതാ ഹി സേവാ’ വാരാചരണം
സെപ്റ്റംബർ 28
ശുചിത്വ സന്ദേശ സമ്മേളനത്തിൽ സ്‌കൂൾ അസി. മാനേജർ ഫാ. തോമസ് കുറ്റിക്കാട്ട് അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് പി.സി.കുര്യൻ, ഹെഡ്മാസ്റ്റർ ജോർജ്‌കുട്ടി ജേക്കബ്, പിടിഎ പ്രസിഡന്റ് ബേബി തൊണ്ടാംകുഴി, അധ്യാപകരായ ടോബിൻ കെ. അലക്സ്, ഷീൻ മാത്യു, കുഞ്ഞുമോൻ ജോസഫ്, ജോബി വർഗീസ് എന്നിവർ പ്രസംഗിച്ചു. ശുചിത്വ ബോധവൽക്കരണ പ്രതിജ്ഞ വാർഡ് മെമ്പർ ശ്രീ.പി.എൻ.മോഹനൻ ചൊല്ലിക്കൊടുത്തു. ശുചിത്വ സന്ദേശ യാത്ര ഗ്രാമപഞ്ചായത്ത് പ്രസിഡന്റ് ശ്രീ.പി.സി.കുര്യൻ ഉദ്ഘാടനം ചെയ്തു. തുടർന്ന് വിദ്യാർത്ഥികൾ കുറവിലങ്ങാട് നഗരവീഥികളിൽ നടത്തിയ ശുചിത്വ സന്ദേശ യാത്ര, കുറവിലങ്ങാട് പോലീസ് അഡീഷണൽ സബ് ഇൻസ്പക്ടർ രാജൻ ഫ്ലാഗ് ഓഫ് ചെയ്തു.

ശുചിത്വ സന്ദേശ യാത്ര, കുറവിലങ്ങാട് സബ് ഇൻസ്പക്ടർ രാജൻ ഫ്ലാഗ് ഓഫ് ചെയ്യുന്നു
ശുചിത്വ സന്ദേശ യാത്രയുടെ ഉത്ഘാടനം പഞ്ചായത്ത് പ്രസിഡന്റ് ശ്രീ.പി.സി.കുര്യൻ നിർവഹിക്കുന്നു
ശുചിത്വ ബോധവൽക്കരണ പ്രതിജ്ഞ വാർഡ് മെമ്പർ ശ്രീ.പി.എൻ.മോഹനൻ ചൊല്ലിക്കൊടുക്കുന്നു.
ശുചിത്വ സന്ദേശ യാത്ര
ക്ലാസ് അദ്ധ്യാപകരുടെ നേതൃത്വത്തിൽ ശുചീകരണം
ക്ലാസ് അദ്ധ്യാപകരുടെ നേതൃത്വത്തിൽ ശുചീകരണം
ക്ലാസ് അദ്ധ്യാപകരുടെ നേതൃത്വത്തിൽ ശുചീകരണം
ക്ലാസ് അദ്ധ്യാപകരുടെ നേതൃത്വത്തിൽ ശുചീകരണം
ക്ലാസ് അദ്ധ്യാപകരുടെ നേതൃത്വത്തിൽ ശുചീകരണം

സ്കൂൾതല അക്കാദമിക മാസ്റ്റർ പ്ലാൻ അവതരണം
സെപ്റ്റംബർ 25
സ്കൂൾതല അക്കാദമിക മാസ്റ്റർ പ്ലാൻ അവതരണം ബി ആർ സി പ്രതിനിധികളുടെയും ഹെഡ്മാസ്റ്റർ ജോർജുകുട്ടി സാറിന്റെയും സാന്നിധ്യത്തിൽ ഡോ.ജോർജ് കളപ്പുര നടത്തി. സപ്പോർട്ടിംഗ് റോളിൽ ടോമിനാ ടീച്ചർ, ജിജോ സാർ, മോളി ടീച്ചർ, സിസ്റ്റർ ജോബിറ്റാ തുടങ്ങിയവരും സംസാരിച്ചു.

സ്കൂൾതല അക്കാദമിക മാസ്റ്റർ പ്ലാൻ അവതരണം ഡോ.ജോർജ് കളപ്പുര നടത്തുന്നു
അക്കാദമിക മാസ്റ്റർ പ്ലാൻ അവതരണം : ശ്രീ. ജിജോ ജോസഫ്
അക്കാദമിക മാസ്റ്റർ പ്ലാൻ അവതരണം : സി. ജോവിറ്റ

ദീപിക നമ്മുടെ ഭാഷാ പദ്ധതി
സെപ്റ്റംബർ 24
ദീപിക നമ്മുടെ ഭാഷാ പദ്ധതിയുടെ സ്കൂൾ തല ഉത്ഘാടനം ബഹു. പഞ്ചായത്ത് പ്രസിഡന്റ് നിർവഹിച്ചു.
ജെറിൻ താരമാകുന്നു
സെപ്റ്റംബർ 24
നമ്മുടെ സ്ക്കൂളിലെ പത്താം ക്ലാസ് വിദ്യാർത്ഥിയായ ജെറിൻ വാർത്തകളിൽ താരമാകുന്നു. ലൈറ്റ് ആൻഡ് സൗണ്ട് ജോലികൾക്കായി പോയി പണമുണ്ടാക്കുന്ന ജെറിൻ പഠനത്തിനു ശേഷമുള്ള സമയങ്ങളിൽ വിവിധ ഇലക്ട്രോണിക് ഉത്പന്നങ്ങൾ നന്നാക്കുകയും ചെയ്യുന്നു. ജെറിന്റെ പ്രവർത്തനങ്ങളിൽ കൗതുകം തോന്നിയ പത്ര പ്രവർത്തകർ ജെറിനെക്കുറിച്ചുള്ള വാർത്തകൾ പ്രസിദ്ധീകരിക്കുകയായിരുന്നു.

ജെറിനെന്ന താരം

അദ്ധ്യാപക ദിനത്തോടനുബന്ധിച്ച് ഗുരുക്കന്മാർക്ക് സെന്റ് മേരീസിന്റെ ഗുരുവന്ദനം.
സെപ്റ്റംബർ 5
നൂറ്റി ഇരുപത്തിയ‍‍‍‍ഞ്ചു വർഷക്കാലത്തെ പഴക്കവും പാരമ്പര്യവുമുള്ള കുറവിലങ്ങാട് സെന്റ് മേരീസ് ഹൈസ്ക്കൂളിലെ ഏറ്റവും മുതിർന്ന അദ്ധ്യാപകരെ ആദരിക്കാനായി വിദ്യാർത്ഥികൾ ഗുരുഭവനങ്ങളിൽ എത്തിച്ചേർന്നു. പ്രാചീന ഗുരുകുല സമ്പ്രദായത്തിന്റെ സ്മരണകൾ ഉണർത്തി ശിഷ്യഗണങ്ങൾ ഗുരുഭവനത്തിൽ ഗുരുവിനു ചുറ്റും അണിനിരന്നു. അദ്ധ്യാപകവൃത്തിയുടെ പഴയകാല സ്മരണകൾ മുതിർന്ന അദ്ധ്യാപകർ കുട്ടികളുമായി പങ്കുവച്ചു. ഗുരുഭവനങ്ങൾ അധ്യാപകദിനത്തിൽ ശരിക്കും ഗുരുകുലങ്ങളായി . മുതിർന്ന ആദ്ധ്യാപകർക്ക് കുട്ടികളെ കണ്ടപ്പോൾ നൂറു നാവ് .പറഞ്ഞിട്ടും പറഞ്ഞിട്ടും തീരുന്നില്ല. അറിവുകൾ അനുഭവങ്ങളുമായി കൂട്ടിച്ചേർത്ത് കുട്ടികൾക്ക് മുമ്പിൽ പകർന്നു. ഗുരുപത്നി പ്രാചീന ഗുരുകുലത്തിലെ മാതാവായി . കുട്ടികൾക്ക് ആഹാരസാധനങ്ങൾ വാസാത്സല്യപൂർവ്വം വിളമ്പി . പ്രാചീന കാലങ്ങളിൽ ശിഷ്യന്മാർ ഗുരുക്കന്മാരുടെ ഭവനത്തിൽ എത്തി ഗുരുവിന്റെ കൂടെ താമസിച്ച് ഗുരുമുഖത്തു നിന്നും അറിവും അനുഭവവും കേട്ടാണ് വിദ്യ ആഭ്യസിച്ചിരുന്നത്. പഴയകാലത്തെ മഹത്തായ പാരമ്പര്യവും മൂല്യങ്ങളും പുതിയ കാലഘട്ടത്തിലേക്ക് തിരിച്ചുകൊണ്ടുവരാനാണ് അദ്ധ്യാപകദിനത്തിൽ ഗുരുഭവനത്തിൽ ഗുരുകുലം തീർത്തത്. ഏറ്റവും മുതിർന്ന ആറ് അദ്ധ്യാപകരുടെ ഭവനത്തിൽ കുട്ടികളും പി.റ്റി. എ. ഭാരവാഹികളും മാനേജ്മെന്റ് അധികാരികളും കുട്ടികളോടൊപ്പം പങ്കുചേർന്നു.
സെന്റ് മേരീസ് ബോയ്സ് ഹൈസ്ക്കൂളിൽനിന്നു വിരമിച്ച അദ്ധ്യാപകരിൽ നൂറ്റിരണ്ടു വയസ്സ് പ്രായമുള്ള പി. ജെ. തോമസ് പാലമറ്റത്തിന്റെ ഭവനത്തിൽ എത്തിയാണ് വിദ്യാർത്ഥികൾ ഗുരുവന്ദനം നടത്തിയത്.തങ്ങളുടെ അദ്ധ്യാപനജീവിതത്തിന്റെ സായാഹ്നത്തിൽ തങ്ങളെ തേടിവന്ന കുട്ടികളെ ഹൃദയം നിറഞ്ഞ സന്തോഷത്തോടെ മുതിർന്ന അദ്ധ്യാപകർ നിറകണ്ണുകളോടെയാണ് സ്വീകരിച്ചത്.ഇന്നത്തെപ്പോലെ വാഹലങ്ങളോ ഹൈടെക്ക് വഴികളോ ഇല്ലാതിരുന്ന പഴയകാലത്ത് പത്തും പതിനഞ്ചും കിലോമീറ്റർ കാൽ നടയായി നടന്ന് തുച്ഛമായ ശമ്പളം വാങ്ങി ആത്മാർത്ഥതയോടെ പഠിപ്പിച്ച ഒരു കാലം മുതിർന്ന അദ്ധ്യാപകർ അനുസ്മരിച്ചു.ചെവിക്കു കേൾവി കുറവുണ്ടെന്നതൊഴിച്ചാൽ കാര്യമായ ആരോഗ്യപ്രശ്നങ്ങളൊന്നുംതന്നെ ഇല്ല എന്നതും കുട്ടികൾക്ക് അത്ഭുതം ഉളവാക്കി.മാതൃവിദ്യാലയത്തിലെ കുട്ടികൾ മുതിർന്ന അദ്ധ്യാപകരെ ആദരിക്കാൻ എത്തിച്ചേരുന്നു എന്ന് അറിഞ്ഞ് പ്രദേശവാശികൾആദരസൂചകമായി എത്തിച്ചേർന്നു.കാണക്കാരി പഞ്ചായത്ത് പ്രസിഡന്റ്ചെറിയാൻ മാത്യു അടക്കം അദ്ധ്യാപകരെ ആദരിക്കാൻഎത്തിച്ചേരുകയുണ്ടായി. സക്കൂളിൽ നിന്നു വിരമിച്ച മറ്റു മുതിർന്ന അദ്ധ്യാപകരായ കെ.വി.വർക്കി കിണറ്റുങ്കൽ, എം.പി.മാത്യു, എം. ജെ സെബാസ്റ്റ്യൻ, കെ. എ. ജോസഫ് കവളാക്കുന്നേൽ, സി.ഡി. മത്തായി ചാമക്കാലായിൽ എന്നിങ്ങനെ ഏറ്റവും മുതിർന്ന ആറ് അദ്ധ്യാപകരെയാണ് വിദ്യാർത്ഥികൾ ഗുരുഭവനത്തിൽ എത്തി നേരിട്ട് പുഷ്പങ്ങൾ നൽകി ആദരിച്ചത്.ഗുരുവന്ദനത്തിന്റെ ഭാഗമായി അസിസ്റ്റന്റ് മാനേജർ ഫാ. തോമസ് കുറ്റിക്കാട്ട് മുതിർന്ന അദ്ധ്യാപകരെ പൊന്നാട അണിയിച്ചു.ഹെഡ്മാസ്റ്റർ ജോർജ്ജുകുട്ടി ജേക്കബ് അധ്യാപകദിനത്തിന്റെ ആശംസാസർട്ടിഫിക്കറ്റ് നൽകി.
അദ്ധ്യാപകരായ ടെസിമോൾ ജേക്കബ്ബ്, കുഞ്ഞുമോൻ ജോസഫ്, കെ.വി.ജോർജ്, ഷീൻ മാത്യു വിദ്യാർത്ഥികളായ കെ.ജെ.പീറ്റർ , അലൻ ബിജു, ആഷിക്ക് ഷാജി, സിമിൽ ചാർളി, അഭിനവ് അനിൽകുമാർ , അഭിജിത്ത് കെ. എ. എന്നിവർ ഗുരുവന്ദനസംഘത്തിൽ ഉണ്ടായിരുന്നു. ഈ സ്കൂളിൽ സേവനം ചെയ്ത് ഇപ്പോൾ വിശ്രമജീവിതം നയിക്കുന്ന മുതിർന്ന ഗുരുക്കന്മാരെ ആദരിക്കുന്നതിനായി നമ്മുടെ കുട്ടികൾ, സ്കൂൾ മാനേജർ ഫാ.തോമസ് കുറ്റിക്കാട്ട്, ഹെഡ്മാസ്റ്റർ ജോർജുകുട്ടി സാർ, അദ്ധ്യാപകരായ ടെസിമോൾ ജേക്കബ്ബ്, കുഞ്ഞുമോൻ ജോസഫ്, കെ.വി.ജോർജ്, ഷീൻ മാത്യു എന്നിവരോടൊപ്പം ഗുരു ഭവനങ്ങളിൽ എത്തിച്ചേർന്ന് അവർക്ക് പുഷ്‌പങ്ങൾ നൽകി. മാനേജർ തോമസ് കുറ്റിക്കാട്ടച്ചൻ ഗുരുക്കന്മാരെ പൊന്നാട അണിയിച്ചു. ഹെഡ്മാസ്റ്റർ ജോർജുകുട്ടി സാർ, അധ്യാപക ദിനത്തിന്റെ ആശംസാ സർട്ടിഫിക്കറ്റ് നൽകി. 102 വയസ് പ്രായമുള്ള പാലമറ്റത്ത് പി.ജെ.തോമസ് സാറിന് വിദ്യാർത്ഥികൾ ഗുരുവന്ദനം നടത്തി.

കുട്ടികളുടെ അദ്ധ്യപകദിനാശംകൾ-എം.പി.മാത്യു മഠത്തിപ്പറമ്പിൽ (82വയസ്സ്)
പൊന്നാടയണിയിക്കുന്നു-പി. ജെ.തോമസ് പാലമറ്റം (102വയസ്സ്)
മംഗളപത്രം സമർപ്പിക്കുന്നു-കെ. എ. ജോസഫ് കവളാക്കുന്നേൽ (91വയസ്സ്)
കുട്ടികൾ പൂക്കൾ നൽകുന്നു-സി.ഡി. മത്തായി ചാമക്കാലായിൽ (81വയസ്സ്)
മനോരമ ദിനപ്പത്രം റിപ്പോർട്ട്
ദീപിക ദിനപ്പത്രം റിപ്പോർട്ട്

ജോസ് സാറിന് കുറവിലങ്ങാട് ബോയ്സ് ഹൈസ്കൂളിന്റെ ആദരം
സെപ്റ്റംബർ 4
ഈ വർഷത്തെ മികച്ച അധ്യാപകനുള്ള സംസ്ഥാന അവാർഡ് കരസ്ഥമാക്കിയ തുരുത്തിപ്പള്ളി സെന്റ്.ജോർജ് LP സ്കൂളിലെ അധ്യാപകനായ C. ജോസ് സാറിനെ (ജോസ് രാഗാദ്രി ) കുറവിലങ്ങാട് ബോയ്സ് ഹൈസ്കൂൾ ഹെഡ്മാസ്റ്റർ ശ്രീ. ജോർജ്ജുകുട്ടി ജേക്കബ് പൊന്നാട അണിയിട്ട് ആദരിക്കുന്നു.കുറവിലങ്ങാട് ബോയ്സ് ഹൈസ്കൂൾ അദ്ധ്യാപകരായ ശ്രീ.കുഞ്ഞുമേൻ ജോസഫ് വി, റ്റോബിൻ കെ. അലക്സ് , ജോബി വർഗ്ഗീസ്, ഐജു ജോസഫ് എന്നിവരും അദ്ദേഹത്തോടൊപ്പമുണ്ടായിരുന്നു.

പ്രളയത്തിൽ മുങ്ങിയ കുട്ടനാടിനെ ശുചീകരിക്കാനുള്ള ദൗത്യത്തിൽ നമ്മുടെ സ്കൂളിലെ പ്രിയപ്പെട്ട ജിസ് അച്ചനും...... കുറവിലങ്ങാട്- കുട്ടനാട്ടിൽ ദുരിതാശ്വാസ പ്രവർത്തനവുമായി അധ്യാപകർ :സെന്റ് മേരീസ് ഹൈസ്കുളിലെ അധ്യാപകർ കുട്ടനാട്ടിലെ ചേന്നങ്കരി ദുരിതാശ്വാസക്യാമ്പിൽ ക്ലീനിംഗ് പ്രവർത്തനത്തിൽ ഏർപ്പെട്ടു പ്രളയബാധിതരോട് അനുഭാവം പ്രകടിപ്പിച്ചു. പ്രളയബാധിത കുട്ടനാടിലെ പുനരുദ്ധരിക്കാനുള്ള പ്രവർത്തനത്തിൽ കുട്ടികളും പങ്കുചേർന്നു. കുട്ടികളുടെ ആദ്യസംഘം കുട്ടനാട്ടിലെ മഹേന്ദ്രപുരം പ്രദേശത്ത് ദുരിതാശ്വാസപ്രവർത്തനം നടതതി. രണ്ടാമത്തെ സംഘത്തിൽ ആണ് അധ്യാപകർ പങ്കുചേർന്നത്. സ്കൂളിലെ അധ്യാപകനായ ഫാ. ജിസ് ജോൺ അമ്മനത്തുകുന്നേലിന്റെ നേതൃത്വത്തിൽ ഉള്ള രണ്ടാമത്തെ സംഘം ആണ് ചേന്നങ്കരിയിൽ ക്ലീനിംഗിനായി പോയത്. ചെളി നിറഞ്ഞ വീടുകൾ വൃത്തിയാക്കിയാണ് അധ്യാപകർ മാനവികസ്നേഹം പ്രകടമാക്കിയത്.

പാഠ്യ-പാഠ്യേതര വിഷയങ്ങളിലെ മികവ് പാഠ്യ-പാഠ്യേതര വിഷയങ്ങളിൽ കഴിവു തെളിയിച്ചവർ അവർക്ക് ലഭിച്ച മെഡലുകളുമായി........ മാനേജർ റവ.ഫാദർ തോമസ് കുറ്റിക്കാട്ട്, പി റ്റി എ പ്രസിഡന്റ് ശ്രീ. ബേബി തൊണ്ടാംകുഴി, ഹെഡ്മാസ്റ്റർ ശ്രീ. ജോർജ്കുട്ടി ജേക്കബ്ബ്, അധ്യാപകരായ സിസ്റ്റർ മെറിൻ, ശ്രീ. സിബി സെബാസ്റ്റ്യൻ, ശ്രീ.പി.എ.തോമസ് എന്നിവരോടൊപ്പം...

പ്രളയദുരിതത്തിൽപ്പെട്ടവർക്ക് ഒരു കൈ സഹായവുമായി കുറവിലങ്ങാട് സെന്റ് മേരീസ് ബോയ്സ് ഹൈസ്കൂളിലെ കുട്ടികളും അദ്ധ്യാപകരും
പ്രളയദുരിതത്തിൽപ്പെട്ടവർക്ക് ഒരു കൈ സഹായവുമായി കുറവിലങ്ങാട് സെന്റ് മേരീസ് ബോയ്സ് ഹൈസ്കൂളിലെ കുട്ടികളും അദ്ധ്യാപകരും സമാഹരിച്ച തുകയും മറ്റു വസ്തുക്കളുമായി കുട്ടനാട്ടിലെ ബ്രഹ്മപുരം ദുരിതാശ്വാസ ക്യാമ്പിലേക്ക് ഇന്നു രാവിലെ പുറപ്പെട്ടു. 30 കുട്ടികളാണ് അധ്യാപിക സി. ലിസ്യു റാണിയുടെ നേതൃത്വത്തിൽ പുറപ്പെട്ടിരിക്കുന്നത്. ഇവർ ഒരു ദിവസം ക്യാമ്പിൽ ചിലവഴിച്ച് ക്യാമ്പിലുള്ളവർക്കു സന്നദ്ധസേവനങ്ങൾ ചെയ്യും.സന്നദ്ധസേവനത്തിനായി പുറപ്പെട്ട സംഘാഗങ്ങളെ ഹെഡ്മാസ്റ്റർ ജോർജ്‌കുട്ടി ജേക്കബും അധ്യാപകരും ബാക്കി കുട്ടികളും ചേർന്ന് സ്നേഹോഷ്മളമായ യാത്രയയപ്പ് നൽകി.

ഔഷധത്തോട്ട നിർമ്മാണം
കുറവിലങ്ങാട് സെന്റ് മേരീസ് ബോയ്സ് ഹൈസ്‌കൂളിൽ നാഗാർജുന ഔഷധശാലയുടെ സഹകരണത്തോടെ നടപ്പാക്കുന്ന ഔഷധത്തോട്ട നിർമ്മാണത്തിന്റെ ഉദ്ഘാടനം, മോൻസ് ജോസഫ് എം.എൽ.എ. ഓഷധച്ചെടി നട്ട് ഉദ്ഘാടനം ചെയ്തു. തുടർന്ന് സ്‌കൂളിലെ അധ്യാപകരും വിദ്യാർത്ഥികളും ഔഷധസസ്യങ്ങളുടെ തൈകൾ നട്ട് ഉദ്‌ഘാടനത്തിൽ സഹപങ്കാളികളായി. ആര്യവേപ്പ്, വയമ്പ്, അശോകം, ഓരില, അരളി, അരൂത, അടവിപ്പാല, അമൃതപ്പാല, കൊടുവേലി, അയമോദകം, അടപതിയൻ, ആടലോടകം, പതിമുഖം, കറ്റാർവാഴ, അയ്യപ്പാന തുടങ്ങിയ ഔഷധസസ്യങ്ങളടങ്ങിയ തോട്ടമാണ് ഉദ്ഘാടനം ചെയ്തത്. ഓരോ ഔഷധചെടിയോടൊപ്പം അവയുടെ പ്രാദേശികനാമം, ശാസ്ത്രീയനാമം, ഉപയോഗം എന്നിവ വിവരിക്കുന്ന പ്രദർശന ബോർഡുകളും തോട്ടത്തിൽ സ്ഥാപിച്ചു.

തുടർന്ന് സമ്മേളനത്തിൽ സ്‌കൂൾ മാനേജർ റവ.ഡോ. ജോസഫ് തടത്തിൽ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് പി.സി.കുര്യൻ, ഹെഡ്മാസ്റ്റർ ജോർജ്‌കുട്ടി ജേക്കബ്, പിടിഎ പ്രസിഡന്റ് ബേബി തൊണ്ടാംകുഴി, പഞ്ചായത്തംഗം പി.എൻ.മോഹനൻ, പി.കെ.കെ.നമ്പൂതിരിപ്പാട് എന്നിവർ പ്രസംഗിച്ചു.

കുറവിലങ്ങാട് സെൻട്രൽ ജംഗ്‌ഷനിൽ നടപ്പാതയോട് ചേർന്ന്, അപകടഭീഷണി ഉയർത്തി നിൽക്കുന്ന ട്രാൻസ്‌ഫോർമർ......
കുറവിലങ്ങാട് സെൻട്രൽ ജംഗ്‌ഷനിൽ നടപ്പാതയോട് ചേർന്ന്, അപകടഭീഷണി ഉയർത്തി നിൽക്കുന്ന ട്രാൻസ്‌ഫോർമർ. അപകടം വിളിച്ചുവരുത്തുന്ന എം.സി. റോഡരികിലെ ട്രാൻസ്‌ഫോർമറിന് സുരക്ഷാകവചം ഇല്ലന്നും സുരക്ഷാകവചം ഒരുക്കണമെന്നും പല പ്രമുഖ മാധ്യമങ്ങളും പരാതിപ്പെട്ടിരുന്നു. ട്രാൻസ്ഫോർമറിന്റെ അപകടാവസ്ഥ മാറ്റണമെന്നാവശ്യപ്പെട്ട് കഴിഞ്ഞ ദിവസം കുറവിലങ്ങാട് സെന്റ് മേരീസ് ബോയ്സ് ഹൈസ്‌കൂൾ ഹെഡ്മാസ്റ്റർ ജോർജുകുട്ടി ജേക്കബിന്റെ നേതൃത്വത്തിൽ അധ്യാപകരും ഇലക്ട്രിസിറ്റിബോർഡിൽ പരാതി നൽകിയിരുന്നു.. ഇതിൽ പിടിപ്പിച്ചരിക്കുന്ന ഫ്യൂസ് കുട്ടികൾക്ക് തൊടാൻ പാകത്തിൽ ഉയരക്കുറവിൽ പിടിപ്പിച്ചിരിക്കുന്നുവെന്നും പരാതിയിൽ പറഞ്ഞിരുന്നു. ഈ പരാതിയെ തുടർന്ന്.കെ എസ് ഇ ബി അടിയന്തിരമായി നടപടികൾ സ്വീകരിച്ചു....

പരാതികൾക്കൊടുവിൽ പരിഹാരമായി
എം.സി.റോഡിൽ സുരക്ഷാ സംവിധാനങ്ങൾ പാലിക്കാതെയാണ് ട്രാൻസ്ഫോർമർ സ്ഥാപിച്ചിരിക്കുന്നത്. തിരക്കേറിയ ജംഗ്‌ഷനിൽ വീതി കുറഞ്ഞ ഭാഗത്ത് നടപ്പാതയോട്‌ ചേർന്നുള്ള ഈ ട്രാൻസ്‌ഫോർമറിലെ ഫ്യൂസുകൾ ആർക്കും ഊരി മാറ്റാവുന്ന വിധത്തിലായിരുന്നു. ഫ്യൂസിന്റെ താഴെ ഘടിപ്പിച്ചിരിക്കുന്ന കേബിളിന്റെ ഭാഗം അലുമിനിയവും... പരാതികൾക്കൊടുവിൽ ഫ്യൂസുകൾ സുരക്ഷിതമായി പ്രത്യേക പെട്ടിയിലേക്കു മാറ്റി. ഇവിടെ സ്ഥലം കുറവായതിനാൽ ട്രാൻസ്ഫോർമറിന്റെ ചുറ്റിലും സുരക്ഷാവേലി സ്ഥാപിക്കാൻ സൗകര്യക്കുറവാണെന്ന് കെ എസ് ഇ ബി പറയുന്നു. കുറവിലങ്ങാട് പ്രദേശത്തെ ടൗണുകളിലും ഗ്രാമീണമേഖലകളിലും എല്ലാം ട്രാൻസ്ഫോർമറുകൾക്കു ചുറ്റിലും സുരക്ഷാവലയം ഉണ്ടെങ്കിലും നഗരഹൃദയത്തിൽ സ്ഥിതിചെയ്യുന്ന ഈ ട്രാൻസ്‌ഫോർമറിന് ഇപ്പോഴും സുരക്ഷാവലയം ഇല്ല..
പെരിയാറിന്റെ തീരങ്ങളിലെ ജനങ്ങൾക്ക് സെന്റ് മേരീസിന്റെ പ്രാർത്ഥനാദരവുകൾ -പെരിയാറിന്റെ തീരങ്ങളിലെ ജനങ്ങൾക്ക് സെന്റ് മേരീസിന്റെ പ്രാർത്ഥനാദരവുകൾ ഡാം തുറക്കുമ്പോൾ ഉണ്ടാകാവുന്ന വിപത്തുകൾ ഏറ്റവുമധികം ബാധിക്കുന്ന പെരിയാറിന്റെ തീരങ്ങളിലുള്ള ജനങ്ങൾക്ക് പ്രാർത്ഥന നേർന്നു കൊണ്ട് സെന്റ് മേരീസ് ബോയ്സിലെ കുട്ടികൾ

പെരിയാറിന്റെ തീരങ്ങളിലുള്ള ജനങ്ങൾക്കായി ഹെഡ്മാസ്റ്ററുടെ നേതൃത്വത്തിലുള്ള പ്രാർത്ഥന

ശതോത്തര രജത ജൂബിലി ആഘോഷം (ജനുവരി 2018 - ഓഗസ്റ്റ് 2019)

ജൂബിലി വിളംബര റാലി വെരി.റവ.ഡോ. ജോസഫ് തടത്തിൽ ഫ്ലാഗ് ഓഫ് ചെയ്യുന്നു
ഘോഷയാത്രയുടെ വിവിധ ദൃശ്യങ്ങൾ

വിളംബര ഘോഷയാത്രാസമാപനത്തിൽ ബഹു.മോൻസ് ജോസഫ് എം. എൽ. എ. സന്ദേശം നൽകുന്നു

ഉദ്ഘാടനം

2018 ജനുവരി 26-ാം തിയതി വെള്ളിയാഴ്ച 4.30 ന് ആദരണീയനായ പാലാ രൂപതാദ്ധ്യക്ഷൻ മാർ ജോസഫ് കല്ലറങ്ങാട്ടിന്റെ അദ്ധ്യക്ഷതയിൽ മുത്തിയമ്മ ഹാളിൽ ചേർന്ന യോഗത്തിൽ ബഹുമാനപ്പെട്ട കേരള നിയമസഭാ സ്പീക്കർ ശ്രീ. പി. ശ്രീരാമകൃഷ്ണൻ നിർവ്വഹിച്ചു.