സിൽവർ ഹിൽസ് എച്ച്. എസ്സ്. എസ്സ്.
| സിൽവർ ഹിൽസ് എച്ച്. എസ്സ്. എസ്സ്. | |
|---|---|
| വിലാസം | |
കോഴിക്കോട് കോഴിക്കോട് ജില്ല | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോഴിക്കോട് |
| വിദ്യാഭ്യാസ ജില്ല | കോഴിക്കോട് |
| സ്കൂൾ ഭരണ വിഭാഗം | |
| മാദ്ധ്യമം | ഇംഗ്ലീഷ് |
| അവസാനം തിരുത്തിയത് | |
| 14-02-2017 | Shinisilver |
ചരിത്രം
സില്‍വര്‍ ഹില്‍സ് സ്കൂള്‍ 1975 ല്‍ സ്ഥാപിതമായി. എസ്. എസ്. എല്‍.സി , ഹയര്‍ സെക്കന്‍ഡറി വിഭാഗങ്ങളില്‍ തിളക്കമാര്‍ന്ന് വിജയം കൈവരിക്കുന്ന സ്കൂളുകളില്‍ ഒന്നാണ് കോഴിക്കോട് ജില്ലയിലെ പാറോപ്പടിയിലുള്ള് സില്‍വര്‍ ഹില്‍സ് സ്കൂള്‍. പ്രകൃതി രമണീയമായ സെ൯റ് തോമസ് മൗണ്ട് എന്ന കുന്നി൯ പ്രദേശത്ത് ആയിരുന്നു നമ്മുടെ ആദ്യ സ്കൂള്‍ തുടങ്ങിയത്. ഒരു വശത്ത് പൂനൂര്‍ പുഴയുടെ ഭാഗമായ പൂളക്കടവ് പുഴയും മറുഭാഗത്ത് ഹരിത മനോഹാരിത വിളയാടി നില്‍ക്കുന്ന നെല്‍ വയലുകളും, കമനീയത പൂത്തുലഞ്ഞ തെങ്ങിന്‍തോപ്പുകളുമായിരുന്നു. ഏറ്റവും താഴെ മൗണ്ടിലേക്ക് ചുറ്റിവരുന്ന റോഡും. ഇങ്ങനെ അവിസ്മരണീയമായ ഒരു സ്ഥല രാശിയിലാണ് സില്‍വര്‍ ഹില്‍ പബ്ലിക് സ്കൂള്‍ പിറവിയെടുത്തത്. 1975-ല്‍ പ്രൊവിന്‍ഷ്യല്‍ ഫാദര്‍ ആയിരുന്ന ഫാദര്‍ ചെസാരിയോസിന്‍റെ നേതൃത്വത്തിലാണ് സി.എം.ഐ സഭയുടെ ആദ്യ ഇംഗ്ലീഷ് മീഡിയം സ്കൂള്‍ കോഴിക്കോട് മേഖലയില്‍ തുടങ്ങിയത്. സി. ബി. എസ്. ഇ സിലബസില്‍ ആണ് സ്കൂള്‍ പ്രവര്‍ത്തിച്ചുപോന്നത്. 1985-86 വരെ ഈ നില തുടര്‍ന്നു. സ്കൂളിന്റെ പ്രാരംഭ പ്രവര്‍ത്തനങ്ങള്‍ക്ക് മേല്‍നോട്ടം വഹിച്ചത് ഫാദര്‍ മാത്യു എടക്കര സി.എം.ഐ ആയിരുന്നു.
ബോര്‍ഡിംഗ് സൗകര്യത്തോടെ തുടങ്ങിയ സ്കൂളിന്റെ ആദ്യത്തെ പ്രിന്‍സിപ്പാള്‍ ശ്രീ., ജോസഫ് ഡൊമിനിക് ആയിരുന്നു. സിസ്റ്റര്‍ ലില്ലി മറിയ, സിസ്റ്റര്‍ കെ. ടി തെരേസ, സിസ്റ്റര്‍ ആനി, സിസ്റ്റര്‍ ലിറ്റില്‍ മേരി എന്നീ നാല് അധ്യാപകരും ഫ്രാന്‍സിസ്, ലില്ലി എന്ന അനധ്യാപകരുമായി സില്‍വര്‍ ഹില്‍സ് അതിന്‍റെ വരാനിരിക്കുന്ന മഹനീയ ചരിത്രത്തിന് തുടക്കം കുറിക്കുകയായിരുന്നു. ആദ്യവര്‍ഷം ഒന്നാം ക്ലാസിലും അഞ്ചാം ക്ലാസിലുമായിരുന്നു പ്രവേശനം. അഞ്ചാം ക്ലാസില്‍ ചേര്‍ന്ന ഡോണ്‍ ബോസ്കോ ആണ് ആദ്യത്തെ സ്കൂള്‍ വിദ്യാര്‍ത്ഥി. സ്കൂളിന്റെ ആദ്യത്തെ പി.ടി.എ പ്രസിഡന്‍റായി വന്നത് അഡ്വ. രാമകൃഷ്ണന്‍ പുതിയറയാണ്. അക്കാലത്ത് സ്വന്തമായി ഒരു സ്കൂള്‍ വാഹനം നമ്മുടെ മാത്രം പ്രത്യേകതയായിരുന്നു. 1976 മുതല്‍ 1979 വരെ രണ്ടാമത്തെ പ്രിന്‍സിപ്പാള്‍ ആയിരുന്നത് റവ. ഫാദര്‍ കൊളംന്പസ് സി,എം.ഐ ആണ്. ഈ കാലയളവില്‍ 1977 ഫെബ്രുവരി 26-നാണ് ആദ്യത്തെ സ്കൂള്‍ ഡേ കൊണ്ടാടിയത്. അന്ന് കോഴിക്കോട് ഡി.വൈ.എസ്.പി യായിരുന്ന എം. കെ. ലക്ഷ്മണയാണ് ആദ്യത്തെ സ്കൂള്‍ വാര്‍ഷികം ഉദ്ഘാടനം ചെയതത്.
സ്കൂളിന് അംഗീകാരം ലഭിക്കണമെങ്കില്‍ ചുരുങ്ങിയത് മൂന്ന് ഏക്കര്‍ സ്ഥലവും ഗ്രൗണ്ടും വേണം എന്നുള്ള നിബന്ധന വന്നതിനെ തുടര്‍ന്ന് പാറോപ്പടിയില്‍ സ്ഥലം വാങ്ങാനും ബില്‍ഡിംഗ് സ്ഥാപിക്കാനും ഉള്ള തീരുമാനം നടപ്പിലായി. സ്ഥാപന നിര്‍മ്മാണത്തിന് നേതൃത്നം വഹിച്ചത് റവ. ഫാ. ജോബ് മൈലാടിയില്‍ സി.എം.ഐ ആയിരുന്നു. 21.03.1978 ല്‍ പുതിയ സ്ഥലവും കെട്ടിടത്തിന്‍റെ ആശിര്‍വാദം റവ. ഫാ. ഡോ.
സെബാസ്ററ്യന്‍ വള്ളോപ്പിള്ളി പിതാവ് നിര്‍വ്വഹിച്ചു, 2000-ല്‍ സില്‍വര്‍ ജൂബിലി ഓഡിറ്റോറിയം കല്ലിടല്‍ കര്‍മ്മം നിര്‍വ്വഹിച്ചത് റവ. ഫാ. ഡോ. പോള്‍ ചിറ്റിലപ്പിള്ളി ആയിരുന്നു.
സ്കൂളിന്റെ അംഗീകാര്ത്തിനും ഉയര്‍ച്ചയ്ക്കും വേണ്ടി കൊളംന്പസ് അച്ചനും ജോബ് അച്ചനു വിശ്രമരഹിതമായി പ്രവര്‍ത്തിച്ചു. തല്‍ഫലമായി 1979-ല്‍ സി.ബി.എസ്.ഇ സിലബസിന് അംഗീകാരം ലഭിക്കുകയും ചെയ്തു. 1979-ല്ഡ കൊളംബസ് അച്ചന്‍ മാറുകയും ഫാദര്‍ ഇസിദോര്‍ വടക്കന്‍ പ്രിന്‍സിപ്പാളായി ചാര്‍ജ് എടുക്കുകയും ചെയ്തു.1979-ല്‍ നമ്മുടെ സില്‍വര്‍ ഹില്‍സ് ഇംഗ്ലീഷ് ഹൈസ്കൂള്‍ എന്ന പേരില്‍ അറിയപ്പെട്ടു തുടങ്ങി. 1981- ലാണ് ആദ്യ സി.ബി.എസ്.ഇ ബാച്ച് പൊതു പരീക്ഷ എഴുതിയത്. ഈസ്റ്റ് ഹില്ലിലെ കേന്ദ്രീയ വിദ്യാലയം എന്ന പരീക്ഷാ കേന്ദ്രത്തില്‍ ഇവിടെ ിന്നം 11 പേര്‍ ആദ്യമായി പരരീക്ഷയെഴുതി. ഇതില്‍ 10 ആണ്‍കുട്ടകളും 1 പെണ്‍കുട്ടിയുമാണ് ഉണ്ടായിരുന്നത്. മാത്യു ടി.പി യാണ് ആദ്യ ബാച്ചിലെ ഏറ്റവും ഉയര്‍ന്നമാര്‍ക്കിന്‍റെ അവകാശിയായി കൊയപ്പത്തൊടി മെമ്മോറിയല്‍ ഗോള്‍ഡ് മെഡലിന് അര്‍ഹത നേടിയത്. 16981-85 വരെ ഫാ. മാത്യു എടക്കര സി,.എം.ഐ ആയിരുന്നു നാലാമത്തെ പ്രിന്‍സിപ്പലായി ചുമതലയേറ്റെടുത്തത്. കേരളപ്പിറവിയുടെ ജൂബിലി വര്‍ഷത്തില്‍ സംഘടിപ്പിക്കപ്പെട്ടസ്കൂളുകളുടെ റൂട്ട് മാര്‍ച്ചില്‍ ജില്ലയിലെ 30 സ്കൂളുകള്‍ പങ്കെടുക്കുകയും നമ്മുടെ സ്കൂള്‍ ഒന്നാം സ്ഥാനം നേടുകയും ചെയ്തു. ഇതായിരുന്നു പൊതുപരിപാടികളില്‍ നമുക്ക് കിട്ടിയ ആദ്യത്തെ പുരസ്കാരം. ആ വര്‍ഷം തന്നെഇതേ വര്‍ഷത്തില്‍ തന്നെയാണ് സ്കൂളിന്റെ ആദ്യത്തെ മാഗസിന്‍ പുറത്തറക്കുന്നത്. പ്രസ്തുത മാഗസിന്‍ പ്രകാശനം ചെയ്തത് മലയാള സാഹിത്യത്തിലെ കുലപതിയായ ശ്രീ എസ്. കെ പൊറ്റക്കാടാണ്. എണ്ണമറ്റ നേട്ടങ്ങളുടെ പട്ടികയുമായാണ് 1981 ലെ സ്കൂള്‍ വര്‍ഷം സമാപിച്ചത്. തിടര്‍ന്ന് സി.ബി.എസ്.ഇ സിലബസ് അവസാനിപ്പിക്കേണ്ടിവന്നു. ഇതിന്പ്രധാനകാരണം പ്രീഡിഗ്രി പ്രവേശനത്തിന് കേരളസിലബസിലെ കുട്ടികളുടെ മാര്‍ക്കിന്‍റെ ഒപ്പമെത്താന്‍ സി.ബി.എസ്.ഇയിലെ കുട്ടികള്‍ക്ക് കഴിയാതെ വന്നതാണ്. 1984-ല്‍ ആണ് സ്കൂളിന് കേരളസിലബസിന് അംഗീകാരം ലഭിച്ചത്. 1986-ല്‍ ആദ്യബാച്ച് എസ്.എസ്.എല്‍.സി പരീക്ഷഎഴുതി. ഈ പരീക്ഷയില്‍ നമ്മുടെ സ്കൂളിലെ രാജശേഖരവര്‍മ്മ എന്ന വിദ്യാര്‍ത്ഥിക്ക് 7-ാം റാങ്ക് ലഭിച്ചു. തുടര്‍ന്നുള്ള വര്‍ഷങ്ങളില്‍ എസ്.എസ്.എല്‍.സി പരീക്ഷയ്ക്ക് അനേകം വിദ്യാര്‍ത്ഥികള്‍ ആദ്യത്തെ 15 റാങ്കുകളില്‍ വന്നു. 1985 മുതല്‍ 1988 വരെ ശ്രീ. ടി.പി നെടുങ്ങാടി പ്രിന്‍സിപ്പാളായി സേവനമനുഷ്ഠിച്ചു. 1988 മുതല്‍ 91 വരെ ഫാ. സ്കറിയ തോപ്പില്‍ സി.എം.ഐ പ്രിന്‍സിപ്പല്‍ ആയി വരികയും അഡ്മിഷന്‍ കൂടുകയും ഉണ്ടായി. 91-92 ല്‍ ഫാ.മാത്യു എടക്കര സി.,എം.,ഐ വീണ്ടും പ്രിന്‍സിപ്പാളായി. 94 മുതല്‍ 98 വരെ ഫാ. ജോര്‍ജ്ജ് പടന്നമാക്കല്‍ സി.എം.ഐ. പ്രിന്‍സിപ്പാളായി. 96ല്‍ എസ്.എസ്.എല്‍.സിക്ക് രണ്ടാം റാങ്ക് നേടി ദിപ എന്ന വിദ്യാര്‍ത്ഥിനി സ്കൂളിന്റെ കീര്‍ത്തി വര്‍ദ്ധിപ്പിച്ചു. 98 മുതല്‍ 2004 വരെ റവ. ഫാ. ജോസ് കടൂകുന്നേല്‍ സി.എം.ഐ പ്രിന്‍സിപ്പാളായി. ഈ കാലഘട്ടത്തില്‍ നമ്മുടെ വിദ്യാര്‍ത്ഥികള്‍ വാരിക്കൂട്ടിയ റാങ്കുകള്‍ സ്കൂളുകളുടെ ചരിത്രത്തില്‍ സമാനതയില്ലാതെ നിലകൊള്ളുന്നു. 2000 ലെ ജൂബിലി വര്‍ഷം എന്തുകൊണ്ടും അവിസ്മരണീയമായിരുന്നു. ഈ സമയത്ത് മാനേജരായിരുന്ന റവ.ഫാ. ചാക്കോ ഇല്ലിപ്പറന്പില്‍ സി.എം.ഐ ജൂബിലി വര്‍ഷത്തില്‍ പ്രവര്‍ത്തനങ്ങള്‍ക്ക് ശക്തമായ നേതൃത്വം നല്‍കി. എസ്.എസ്.എല്‍.സി പരീക്ഷയ്ക്ക് ആദ്യത്തെ ഒന്നും രണ്ടും റാങ്കുകള്‍ നമ്മുടെ സ്കൂളിന് സ്വന്തമായി. കേരളത്തിലെ സ്കൂുളുകളുടെ വിജയ ചരിത്രത്തില്‍ ഈ അനുഭവം വേറിട്ടു നില്‍ക്കുക തന്നെ ചെയ്തു. ഇതടക്കം 24 റാങ്കുകളാണ് 98-2004 നിടയില്‍ സ്കൂള്‍ നേടിയത്. ഒന്നും രണ്ടും റാങ്കുകാരെ ആദരിക്കുന്ന ചടങ്ങില്‍ അന്നത്തെ കേന്ദ്രമന്ത്രി ഡോ.സെയ്ത് മുഹമ്മദും കേരള വിദ്യാഭ്യാസ മന്ത്രി പി.ജെ.ജോസഫും പങ്കെടുക്കുകയും ചെയ്തു. 2004-2005ല്‍ ഫാ.ജേക്കബ് ജോണ്‍ സി.എം.ഐ പ്രിന്‍സിപ്പാളായി വന്നു. ഈ സമയത്താണ് എസ്.എസ്.എല്‍.സി പരീക്ഷയ്ക്ക് ഗ്രേഡ് സന്പ്രദായം നിലവില്‍ വന്നത്. 2005 മുതല്‍ 2008 വരെ ഫാ. ജോര്‍ജ്ജ് പുഞ്ചയില്‍ സി.എം.ഐ പ്രിന്‍സിപ്പാളായി ചുമതല നിര്‍വ്വഹിച്ചു. എച്ച്.എസ്.എസ് കലോത്സവങ്ങളില്‍ ഏറെ നേ‌‌ട്ടങ്ങള്‍ ഈ കാലയളവില്‍ നമുക്കുണ്ടായി.
2002 ല്‍ സില്‍വര്‍ ഹില്‍സ് ഹയര്‍ സെക്കന്‍ററി വിഭാഗം തുടങ്ങി. 2004-ല്‍ ആദ്യബാച്ച് പരീക്ഷ എഴുതി. ഹയര്‍ സെക്കന്‍ററി വിഭാഗത്തിന്‍റെ അക്കാദമിക് ചരിത്രവും മികവോടെ തന്നെ മുന്നോട്ടു പോവുകയാണ്. ആദ്യ ബാച്ച് മുതല്‍ 2009 വരെ 100 ശതമാനം വിജയചരിത്രം ആവര്‍ത്തിച്ചുകൊണ്ടിരിക്കുകയാണ്. എസ്.എസ്.എല്‍.എല്‍.സി പരീക്‍ഷയിലും തുടക്കം മുതല്‍ 100 ശത,മാനം വിജയത്തിന്‍റെ പൊന്‍തിളക്കം നാം കാത്തു സൂക്ഷിക്കുന്നു. 2009-ല്‍ എസ്.എസ്.എല്‍.സി പരീക്ഷയ്ക്ക് 45 പേക്‍ എല്ലാ വിഷയങ്ങളിലും എ പ്ലസ് ഗ്രേഡ് നേടിയത് സംസ്ഥാന തലത്തില്‍ തന്നെ ശ്രദ്ധിക്കപ്പെട്ടിരുന്നു. 2003-ല്‍ ആലപ്പുഴ വെച്ച് നടന്ന സംസ്ഥാനതല സ്കൂള്‍ കലോത്സവത്തില്‍ നമ്മള്‍ ആദ്യമായി ഒന്നാം സ്ഥാനത്തെത്തി മികച്ച സ്കൂള്‍ എന്ന പദവി നേടി. തുടര്‍ന്ന് കോഴിക്കോട് ജില്ലയിലെ മികച്ച സ്കൂളായി മുന്നേറിക്കൊണ്ടിരിക്കുന്നു. 2006 മുതല്‍ സില്‍വര്‍ ഹില്‍സ് ഇന്‍റര്‍ സ്കൂള്‍ ബാസ്ക്കറ്റ്ബോള്‍ മത്സരം നമ്മുടെ സ്കൂളില്‍ ആരംഭിച്ചു.
ഭൗതികസൗകര്യങ്ങള്‍
ഹൈസ്കൂളിനും ഹയര്‍സെക്കണ്ടറിക്കും വെവ്വേറെ കമ്പ്യൂട്ടര്‍ ലാബുകളുണ്ട്. രണ്ട് ലാബുകളിലുമായി ഏകദേശം അമ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.
പാഠ്യേതര പ്രവര്‍ത്തനങ്ങള്‍
- സ്കൗട്ട് & ഗൈഡ്സ്.
- എന്‍.സി.സി.
- എന്‍.എസ്.എസ്
- ബാന്റ് ട്രൂപ്പ്.
- ക്ലാസ് മാഗസിന്‍.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്‍ത്തനങ്ങള്‍.
== മാനേജ്മെന്റ് ==സി.എം.ഐ
മുന്‍ സാരഥികള്‍
സ്കൂളിന്റെ മുന്‍ പ്രധാനാദ്ധ്യാപകര്‍ : ശ്രീ ജോസഫ് ഡൊമിനിക് - 1975-76 റവ. ഫാ. കൊളന്പസ് - 1976-79 റവ. ഫാ. ഇസിഡോര്‍ എം വടക്കന്‍ - 1979-81 റവ. ഫാ. മാത്യു എടക്കര - 1981-85 ശ്രീ. ടി. പി നെടുങ്ങാടി - 1985-88 റവ. ഫാ. സ്കറിയ തോപ്പില്‍ 1988-91 റവ. ഫാ. മാത്യു എടക്കര - 1991-92 ശ്രീ. പി.കെ.ജി രാജ് - 1992-94 റവ. ഫാ. ജോര്‍ജ് പടന്നമാക്കല്‍ - 1994-98 റവ. ഫാ. ജോസ് കടൂകുന്നേല്‍ - 1998-04 റവ. ഫാ. ജേക്കബ് ജോണ്‍ - 2004-05 റവ. ഫാ ജോര്‍ജ്ജ് പുഞ്ചയില്‍- 2005-08 റവ. ഫാ. ജോണി കാഞ്ഞിരത്തിങ്കല്‍ - 2008-15 ഡോ. ഫാ. ബിജു ജോണ്‍ വെള്ളക്കട - 2015-
പ്രശസ്തരായ പൂര്‍വവിദ്യാര്‍ത്ഥികള്‍
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|
<googlemap version="0.9" lat="11.363588" lon="75.833817" zoom="11" width="350" height="350" selector="no" controls="none"> 11.283467, 75.807037, Silver Hills H.S.S, Paroppady </googlemap>
- ഗൂഗിള്‍ മാപ്പ്, 350 x 350 size മാത്രം നല്‍കുക.