സെന്റ് ജോർജ്ജ് ഹൈസ്കൂൾ ചെമ്പന്തൊട്ടി/പ്രവർത്തനങ്ങൾ/2025-26

ജുൺ 30 : അനുമോദനം

ശ്രീകണ്ഠാപുരം നഗരസഭയിൽ 100% വിജയം കൈവരിച്ച സ്കൂളുകൾക്ക് നൽകുന്ന അനുമോദനം ജൂൺ 30ന് നഗരസഭ കൗൺസിൽ ഹാളിൽ വച്ച് നടന്നു. നഗരസഭ ചെയർപേഴ്സൺ ഡോക്ടർ കെ വി ഫിലോമിന ടീച്ചർ പരിപാടി ഉദ്ഘാടനം ചെയ്തു.  ചെമ്പന്തൊട്ടി സെന്റ് ജോർജ് ഹൈസ്കൂൾ ഹെഡ്‍മിസ്ട്രസ് റിൻസി ടീച്ചറും അധ്യാപകരും നമ്മുടെ സ്കൂളിനുള്ള ട്രോഫി ഏറ്റുവാങ്ങി

award

ജുൺ 30 : പേ വിഷബാധ ബോധവൽക്കരണ സ്പെഷ്യൽ സ്കൂൾ അസംബ്ലി

പേ വിഷബാധയേറ്റ് ജീവൻ അപകടത്തിൽ ആകുന്നവരുടെ കണക്ക് ദിനംപ്രതി കൂടുന്ന സാഹചര്യത്തിൽ സ്കൂളിൽ സ്പെഷ്യൽ അസംബ്ലി സംഘടിപ്പിക്കുകയുണ്ടായി. അസംബ്ലിയിൽ കൂട്ടുമുഖം പി എച്ച് സി യിലെ ഹെൽത്ത് ഇൻസ്പെക്ടർ പേ വിഷബാധയെക്കുറിച്ച് കുട്ടികൾ സ്വീകരിക്കേണ്ട മുൻകരുതുകളെ കുറിച്ചും, വിശദമായി കുട്ടികളോട് സംസാരിച്ചു.

ജൂലൈ 1: സയൻസ് ഓൺ വീൽസ്

സ്കൂൾ വിദ്യാർത്ഥികളിൽ ശാസ്ത്ര അഭിരുചി വളർത്താനായി ചെമ്പേരി റോട്ടറി ക്ലബ്ബിന്റെ ആഭിമുഖ്യത്തിൽ സംഘടിപ്പിക്കുന്ന സയൻസ് ഓൺ വീൽസ്  ശാസ്ത്ര പരീക്ഷണ ബോധവൽക്കരണ ക്ലാസ് ചെമ്പന്തൊട്ടി സെന്റ്. ജോർജ് ഹൈസ്കൂളിൽ ഫാ. ആന്റണി മഞ്ഞളാം കുന്നേൽ  ഉദ്ഘാടനം ചെയ്തു. പിടിഎ പ്രസിഡണ്ട് സജി അടവിച്ചിറ അധ്യക്ഷത വഹിച്ചു മുഖ്യ അധ്യാപിക റിൻസി ജോസഫ്,സജി മംഗലത്ത് കരോട്ട് എന്നിവർ പ്രസംഗിച്ചു. സയൻസ് ഓൺ വീൽസ് ഡിസ്ട്രിക്ട് കോഡിനേറ്റർ നവീൻ കുമാർ ക്ലാസ് നയിച്ചു

ആഗസ്ത് 7: ദീപിക കളർ ഇന്ത്യ

നിറചാർത്തിന്റെ ഉത്സവമായി ദീപിക കളർ ഇന്ത്യ സീസൺ ഫോർ ചെമ്പന്തൊട്ടി സെന്റ് ജോർജ് ഹൈസ്കൂളിൽ നടന്നു. ഇന്ത്യയുടെ 79 മത് സ്വാതന്ത്ര്യ ദിനാചരണത്തിന്റെ ഭാഗമായി നടന്ന മത്സരത്തിൽ ലഹരി വിരുദ്ധ പോരാട്ടത്തിന്റെയും, ദേശസ്നേഹത്തിന്റെയും മാറ്റൊലി മുഴക്കി കൊണ്ടാണ് കുട്ടികൾ സാഹോദര്യത്തിന്റെ പുതുചരിത്രം രചിച്ചത്. ഈ മത്സരം കുട്ടികളുടെ പങ്കാളിത്തം കൊണ്ടും മത്സരമില്ലാത്ത മത്സര മനോഭാവം കൊണ്ടും സമാനതകൾ ഇല്ലാത്തതായി

ആഗസ്ത് 8: ജില്ലാ അത്‌ലറ്റിക്സ് മീറ്റ് 2025

കണ്ണൂർ ജില്ല അത്‌ലറ്റിക്സ് മീറ്റിൽ 1000m ഓട്ടത്തിൽ ചെമ്പന്തൊട്ടി സെന്റ് ജോർജ് ഹൈസ്കൂൾ ഒമ്പതാം ക്ലാസ്  വിദ്യാർത്ഥി ജേക്കബ് സെബാസ്റ്റ്യൻ മൂന്നാം സ്ഥാനം കരസ്ഥമാക്കി. അഭിനന്ദനങ്ങൾ

ഈ വർഷത്തെ സ്വാതന്ത്ര്യദിനാഘോഷം ചെമ്പന്തൊട്ടി സെന്റ് ജോർജ് ഹൈസ്കൂളിൽ  വിവിധ പരിപാടികളോടെ  സംഘടിപ്പിച്ചു. കോർപ്പറേറ്റ് തല സ്വാതന്ത്ര്യദിനാഘോഷ ഉദ്ഘാടനം നമ്മുടെ സ്കൂളിൽ വച്ചായിരുന്നു. സ്കൂൾ ഹെഡ്മിസ്ട്രസ് റി ൻസി ടീച്ചർ ദേശീയ പതാക ഉയർത്തി. കുട്ടികളുടെ ഡിസ്പ്ലേ, ദേശഭക്തിഗാനം, സ്വാതന്ത്ര്യദിന സന്ദേശം, പോസ്റ്റർ നിർമ്മാണം, ഗ്രൂപ്പ് ഡാൻസ്, തുടങ്ങിയ വിവിധ പരിപാടികളും ഉണ്ടായിരുന്നു. പിടിഎ പ്രസിഡന്റ്, ടീച്ചേഴ്സ് ഗിൽഡ് സെക്രട്ടറി  ജിമ്മി സൈമൺ സാർ  എന്നിവർ സ്വാതന്ത്ര്യദിന സന്ദേശം നൽകി. തുടർന്ന് പായസവിതരണവും ഉണ്ടായിരുന്നു.

ആഗസ്ത് 28: ഭവന സന്ദർശനം

നമ്മുടെ സ്കൂളിലെ കുട്ടികളെ കൂടുതൽ അറിയാനായി അവരുടെ വീടുകളിൽ സന്ദർശിക്കുകയും അവർക്ക് വേണ്ട പിന്തുണ നൽകുകയും ചെയ്യുന്നു. ഇതിന്റെ ഭാഗമായി 8 ക്ലാസിലെ  നോയൽ പി എസ് എന്ന  കുട്ടിയെ വീട്ടിൽ പോയി സന്ദർശിക്കുകയും. മാതാപിതാക്കളോടും  കുട്ടിയോട് ഒപ്പം  സംസാരിക്കുകയും, ഭിന്നശേഷിക്കാരൻ ആയ കുട്ടിയുടെ രോഗ വിവരങ്ങൾ അന്വേഷിക്കുകയും, സ്കൂളിലെ വിശേഷങ്ങൾ പങ്കുവെക്കുകയും ചെയ്തു.

ആഗസ്ത് 30: ഓണക്കിറ്റ് വിതരണം

സ്കൂളിൽ പ്രവർത്തിച്ചു വരുന്ന സംഘടനയായ സ്കൗട്ട് ആൻഡ് ഗൈഡ് നേതൃത്വത്തിൽ  അർഹരായവർക്ക്  ഓണ കിറ്റ് വിതരണം ചെയ്തു. ഈ പരിപാടി ഹെഡ്മിസ്ട്രൻസ് ടീച്ചർ ഉദ്ഘാടനം ചെയ്തു. രജിത്ത് സാർ, സിനി ടീച്ചർ എന്നിവർ കിറ്റ് വിതരണത്തിന് വേണ്ട ക്രമീകരണങ്ങൾ നടത്തുകയും ചെയ്തു.

ആഗസ്ത് 29: ഓണാഘോഷം

ഈ വർഷത്തെ ഓണാഘോഷം വിവിധ പരിപാടികളോട്  സെന്റ് ജോർജ് ഹൈസ്കൂളിൽ  ആഘോഷിച്ചു. പൂക്കള മത്സരം, വടംവലി, ബോംബിംഗ് സിറ്റി, കുളം കര, കുപ്പിയിൽ വെള്ളം നിറയ്ക്കൽ, സുന്ദരിക്ക് പൊട്ടു തൊടൽ, തുടങ്ങിയ മത്സരങ്ങളിൽ കുട്ടികൾ ആവേശത്തോടെ പങ്കെടുത്തു. വർണ്ണാഭമായ വസ്ത്രങ്ങളിൽ സ്കൂളിൽ എത്തിയ കുട്ടികൾ മാവേലിയോടൊപ്പം വിഭവസമൃദ്ധമായ സദ്യയും, പായസവും ആസ്വദിച്ചു. മത്സരങ്ങളിൽ വിജയികളായവർക്ക് സമ്മാനങ്ങളും വിതരണം ചെയ്തു.

സെപ്ററംബ൪ 9: സ്പോർട്സ് ദിനം

സെന്റ് ജോർജ് ഹൈസ്കൂൾ ചെമ്പന്തൊട്ടിയുടെ  സ്പോർട്സ് ദിനം വിവിധ മത്സര പരിപാടികളോട്  സ്കൂൾ ഗ്രൗണ്ടിൽ നടത്തപ്പെടുകയുണ്ടായി കുട്ടികൾക്കായി ജൂനിയർ സബ്ജൂനിയർ വിഭാഗങ്ങളിൽ വിവിധ ഇനം മത്സരങ്ങൾ നടക്കുകയും, കുട്ടികൾ ആവേശപൂർവ്വം മത്സരങ്ങളിൽ പങ്കെടുക്കുകയും ചെയ്തു, സമാപന സമ്മേളനത്തിൽ ഹെഡ്മിസ്ട്രസ് പ്രിൻസി ടീച്ചർ വിജയികളായ വിദ്യാർത്ഥികളെ അനുമോദിക്കുകയും സമ്മാനവിതരണം നടത്തുകയും ചെയ്തു. സ്കൂളിലെ എല്ലാ അധ്യാപകരും അനധ്യാപകരും കായിക അധ്യാപകൻ രജിത്ത് സാറിന്റെ നേതൃത്വത്തിൽ ഈ വർഷത്തെ സ്പോർട്സ് ദിനം അവിസ്മരണീയമാക്കി.

സെപ്ററംബ൪ 10: ലഹരി വിരുദ്ധ പ്രവർത്തനങ്ങൾ

ലഹരിയുടെ മാസ്മരിക വലയത്തിൽ നിന്നും നമ്മുടെ കുട്ടികളെ അകറ്റി നിർത്താനായി, ലഹരിവസ്തുക്കളെ കുറിച്ചും, അത് ശരീരത്തിനും മനസ്സിനും ഉണ്ടാക്കുന്ന ദോഷഫലങ്ങളെക്കുറിച്ചും കുട്ടികളെ ബോധവൽക്കരിക്കുന്നതിനായി അഡ്വക്കേറ്റ്  ടിന്റു വിജിയുടെ നേതൃത്വത്തിൽ ലഹരി വിരുദ്ധ ക്ലാസുകൾ എടുക്കുകയുണ്ടായി. ലഹരി യോടൊപ്പം തന്നെ  കുട്ടികൾ അറിഞ്ഞിരിക്കേണ്ട നിയമവശങ്ങളെക്കുറിച്ചും കുട്ടികളുടെ അവകാശങ്ങളെക്കുറിച്ച് ഉത്തരവാദിത്വങ്ങളെ കുറിച്ചും  കുട്ടികളെ ബോധ്യപ്പെടുത്താനായും  ഈ ക്ലാസ് ഉപകരിച്ചു. ക്ലാസ്സിന് നേതൃത്വം നൽകിയ ADSU കോഡിനേറ്റർ sr. മരിയറ്റ്, ഹെഡ്മിസ്ട്രസ്  റിൻസി ടീച്ചർ എന്നിവർ ആശംസകൾ അർപ്പിച്ച്  സംസാരിച്ചു

സെപ്ററംബ൪ 15 : ആന്റി റാബിസ്  ബോധവൽക്കരണ ക്ലാസ്

വർദ്ധിച്ചു വരുന്ന പേ വിഷബാധയുടെ സാഹചര്യത്തിൽ ചെമ്പന്തൊട്ടി സെന്റ് ജോർജ് ഹൈസ്കൂൾ വിദ്യാലയത്തിലെ കുട്ടികൾക്കായി പേ വിഷബാധ ബോധവൽക്കരണ ക്ലാസുകൾ നടക്കുകയുണ്ടായി. പേ വിഷബാധയുടെ ഭീകരതയെക്കുറിച്ചും നായയുടെ മറ്റും കടിയേൽക്കാതിരിക്കാൻ ശ്രദ്ധിക്കേണ്ട കാര്യങ്ങളെക്കുറിച്ചും, സ്വീകരിക്കേണ്ട മുൻകരുതലുകളെ കുറിച്ചും, പ്രഥമ ശുശ്രൂഷയെ കുറിച്ചും  വളരെ വ്യക്തമായി ഉദാഹരണ സഹിതം  ക്ലാസുകൾ എടുത്ത  ശ്രീ. ആന്റണി സർ  വിശദീകരിക്കുകയുണ്ടായി. അദ്ദേഹത്തോടൊപ്പം, ആന്റി റാബിസ് യജ്ഞത്തിന്റെ കോഡിനേറ്റർ ശ്രീ. ജോഷി സാർ കുട്ടികളോട് സംവദിക്കുകയുണ്ടായി. ക്ലാസിലൂടെ  കുട്ടികൾ വിഷബാധയെ കുറിച്ചുള്ള യഥാർത്ഥത്തിലുള്ള അറിവുകൾ നേടുകയും ഭയമല്ല ജാഗ്രതയോടെയുള്ള പ്രവർത്തനങ്ങൾ ആണ് വേണ്ടത് എന്ന് മനസ്സിലാക്കുകയും ചെയ്തു

ആഗസ്റ്റ് 17 : ഹിന്ദി ദിനാചരണം

ഈ വർഷത്തെ ഹിന്ദി ദിനാചരണത്തോടനുബന്ധിച്ച് പ്രത്യേക സ്കൂൾ അസംബ്ലി  സംഘടിപ്പിക്കുകയുണ്ടായി. അസംബ്ലി പൂർണ്ണമായും ഹിന്ദിയിൽ ആയിരുന്നു. ഇത് കുട്ടികൾക്ക് വേറിട്ട ഒരു അനുഭവം നൽകുകയും, ഹിന്ദി ഭാഷയുടെ പ്രാധാന്യം മനസ്സിലാക്കുന്നതിനും സഹായിച്ചു. ഹിന്ദിയിൽ അസംബ്ലി തയ്യാറാക്കുന്നതിനായി. ഹിന്ദി അധ്യാപകരായ സിസ്റ്റർ മാരിയറ്റ്, മേരിക്കുട്ടി ടീച്ചർ എന്നിവരും കുട്ടികളെ സഹായിച്ചു. മുൻപ് ഹിന്ദി അധ്യാപികയായിരുന്ന  ഹെഡ്മിസ്ട്രസ്  ശ്രീമതി. റിൻസി  ടീച്ചർ ഹിന്ദി ദിവസത്തിന്റെ പ്രാധാന്യത്തെക്കുറിച്ച് ഹിന്ദിയിൽ കുട്ടികളോട് സംസാരിക്കുകയും ഉണ്ടായി.

സെപ്റ്റംബർ 17: ലിറ്റിൽ കൈറ്റ്സ്  ക്യാമ്പ്

2025-28 ബാച്ച് എട്ടാം ക്ലാസ് വിദ്യാർത്ഥികൾക്കുള്ള പ്രിലിമിനറി ക്യാമ്പ് സ്കൂൾ ഐടി ലാബിൽ വച്ച് നടന്നു. ഹെഡ്മിസ്ട്രസ് റിൻസി ടീച്ചർ ക്യാമ്പ് ഉദ്ഘാടനം ചെയ്തു . ശ്രീമതി സുമയ്യ ടീച്ചർ റിസോഴ്സ് പേഴ്സണായി കുട്ടികളെ വിവരവിനിമയ സാങ്കേതിക വിദ്യയുടെ  അറിവിന്റെ പുതിയ ലോകത്തിലേക്ക് കൂട്ടിക്കൊണ്ടു പോയി. ഉച്ചയ്ക്കുശേഷം രക്ഷകർത്താക്കൾക്കുള്ള ഓറിയന്റേഷൻ ക്ലാസ് നടന്നു

സെപ്റ്റംബർ 20 :സ്കൂൾ കലോത്സവം ആരവം 2025

ഈ വർഷത്തെ സ്കൂൾ കലോത്സവം ആരവം 2025 സെപ്റ്റംബർ 20 ശനിയാഴ്ച സ്കൂൾ ഓഡിറ്റോറിയത്തിൽ വച്ച് നടന്നു. അസിസ്റ്റന്റ് മാനേജർ റവ. ഫാദർ ജോൺ വലിയ പറമ്പിൽ കലോത്സവം ഉദ്ഘാടനം ചെയ്തു. പിടിഎ പ്രസിഡന്റ് ശ്രീ സജി അടവിച്ചിറ അധ്യക്ഷത വഹിച്ചു. മദർ PTA പ്രസിഡന്റ് ശ്രീമതി ഷീജ പുഴക്കര ആശംസകൾ അർപ്പിച്ചു. നാല് ഹൗസുകൾ ആയി തിരിഞ്ഞ് കുട്ടികൾ ആവേശത്തോടെ മത്സരത്തിൽ പങ്കുചേർന്നു. ഏറ്റവും കൂടുതൽ പോയിന്റുകൾ നേടി കൊണ്ട് എല്ലാേ ഹൗസ് ഒന്നാം സ്ഥാനത്തും തൊട്ടുപിന്നിലായി റെഡ് ഹൗസ് രണ്ടാം സ്ഥാനത്തും തിരഞ്ഞെടുക്കപ്പെട്ടു. വൈകുന്നേരം 4 മണിക്ക് ദേശീയഗാനത്തോടെ ഈ വർഷത്തെ സ്കൂൾ കലോത്സവത്തിന് തിരശ്ശീല വീണു

23-9-2025 :ഇരിക്കൂർ ഉപജില്ലാ സയൻസ് ക്വിസ്

ബി ആർ സി ഇരിക്കൂറിൽ വച്ച് നടന്ന ഉപജില്ലാ സയൻസ് ക്വിസ്സിൽ നമ്മുടെ വിദ്യാലയത്തിലെ ഒമ്പതാം ക്ലാസ് വിദ്യാർത്ഥികളായ അശോക്ബാസ്റ്റിൻ ജേക്കബ് സെബാസ്റ്റ്യൻ എന്നിവർ രണ്ടാം സ്ഥാനത്തോടെ ജില്ലാ മത്സരത്തിനായി തിരഞ്ഞെടുക്കപ്പെട്ടു. അനുമോദനങ്ങൾ

26-9-2025 :ഇരിക്കൂർ ഉപജില്ല ഗണിത ക്വിസ്

ശ്രീകണ്ഠാപുരം ഗവൺമെന്റ് ഹൈസ്കൂളിൽ വച്ച് നടന്ന ഇരിക്കൂർ ഉപജില്ല ഗണിത ക്വിസ് മത്സരത്തിൽ സെന്റ് ജോർജ് ഹൈസ്കൂൾ ചെമ്പന്തോട്ടിയിലെ പത്താം ക്ലാസ് വിദ്യാർത്ഥിയായ റിയോന എൽസ റോയ് രണ്ടാം സ്ഥാനം നേടുകയും, ജില്ലാ മത്സരത്തിലേക്ക് തിരഞ്ഞെടുക്കപെടുകയും ചെയ്തു. അഭിനന്ദനങ്ങൾ

ഇരിക്കൂർ ഉപജില്ല ബാസ്ക്കറ്റ്ബോൾ ചെസ്സ് മത്സരങ്ങൾ 2025 സെപ്റ്റംബർ 27 ശനിയാഴ്ച സെന്റ് ജോർജ് ഹൈസ്കൂൾ ചെമ്പന്തൊട്ടി സ്കൂൾ ഗ്രൗണ്ടിൽ വച്ച് നടന്നു. സ്കൂൾ മാനേജർ റവ . ഫാദർ ആന്റണി മഞ്ഞളാംകുന്നിൽ ഉദ്ഘാടനം ചെയ്ത മത്സരത്തിൽ സബ്ജൂനിയാർ ഗേൾസ് സബ്ജൂനിയർ ബോയ്സ് ജൂനിയർ ബോയ്സ് വിഭാഗത്തിൽ ബാസ്ക്കറ്റ്ബോൾ മത്സരത്തിൽ നമ്മുടെ കുട്ടികൾ തിളക്കമാർന്ന  വിജയം നേടി.

ഒക്ടോബർ 2: പാരന്റിങ്  ടീൻസ്

മാറുന്ന കാലഘട്ടത്തിനനുസരിച്ച് മക്കളുടെ സ്വഭാവരീതിയിലും പെരുമാറ്റത്തിലും വ്യത്യാസങ്ങൾ വന്നുകൊണ്ടിരിക്കുന്നു ഇത് മനസ്സിലാക്കാൻ അച്ഛനമ്മമാർക്ക് ബുദ്ധിമുട്ട് അനുഭവപ്പെടുന്ന സാഹചര്യത്തിൽ രക്ഷകർത്താക്കൾക്കായി പേരെ എന്ന പേരിൽ ഒരു രക്ഷകർത്താക്കൾക്കായി ഒരു ക്ലാസ് ഈ മേഖലയിൽ പ്രാവീണ്യമുള്ള ട്രെയിനർ ആയ ശ്രീ ജിജി കുര്യാക്കോസ്  രക്ഷകർത്താക്കളുമായി സംവദിച്ചുകൊണ്ട് സെന്റ് ജോർജ് ഹൈസ്കൂൾ ഓഡിറ്റോറിയത്തിൽ വച്ച് നടക്കുകയുണ്ടായി.  ഈ ക്ലാസ്സ്  സ്കൂൾ ഹെഡ്മിസ്ട്രസ് ശ്രീമതി റിൻസി ടീച്ചർ ഉദ്ഘാടനം ചെയ്തു. ഏറ്റവും പ്രാധാന്യമുള്ള വിഷയമായതിനാലും മിക്കവാറും എല്ലാ രക്ഷകർത്താക്കളും അഭിമുഖീകരിക്കുന്ന പ്രശ്നമായതിനാലും  ഭൂരിഭാഗം രക്ഷകർത്താക്കളും ക്ലാസിൽ പങ്കുചേർന്നു.

ദീപിക കളർ ഇന്ത്യ

ദീപിക കളർ ഇന്ത്യ മത്സരത്തിൽ നമ്മുടെ സ്കൂളിലെ റൊസാരിയോ ജില്ലാതലത്തിൽ രണ്ടാം സ്ഥാനം കരസ്ഥമാക്കി. അഭിനന്ദനങ്ങൾ

ഒക്ടോബർ 6 :ഇരിക്കൂർ ഉപജില്ല സി വി രാമൻ ഉപന്യാസ രചന മത്സരം

സി വി രാമൻ ഉപന്യാസര ദിനാമത്സരത്തിൽ നമ്മുടെ സ്കൂളിലെ ആൽബിയ തെരേസ അലക്സ് രണ്ടാം സ്ഥാനം നേടുകയുണ്ടായി. അഭിനന്ദനങ്ങൾ

ഒക്ടോബർ 10 : ലോക പാലിയേറ്റീവ് ദിനം

ലോക പാലിയേറ്റീവ് ദിനത്തോടനുബന്ധിച്ച് സെന്റ് ജോർജ് ഹൈസ്കൂൾ സ്കൗട്ട് ആൻഡ് ഗൈഡ് യൂണിറ്റിന്റെ ആഭിമുഖ്യത്തിൽ ശ്രീകണ്ഠപുരത്ത് വച്ച് നടന്ന  റാലിയിൽ നമ്മുടെ കുട്ടികൾ സജീവമായി പങ്കെടുക്കുകയുണ്ടായി

ഒക്ടോബർ 10 :    ഇരിക്കൂർ ഉപജില്ല കായികമേള

ഇരിക്കൂർ ഉപജില്ല കായികമേളയിൽ സെന്റ് ജോർജ് ഹൈസ്കൂൾ ചെമ്പന്തൊട്ടിയുടെ  ചുണക്കുട്ടികൾ ഓവറോൾ മൂന്നാം സ്ഥാനം നേടുകയുണ്ടായി. സബ്ജൂനിയർ ബോയ്സ്  3000M, 1500M, 800M വിഭാഗത്തിൽ  ഫസ്റ്റ് നേടി കൊണ്ട് ജേക്കബ് സെബാസ്റ്റ്യൻ  മേളയുടെ ഇൻഡിവിജ്വൽ ചാമ്പ്യനായി. ഹൈജമ്പ്, 100M ഹർഡിൽ 400M ഹർഡിൽസ് എന്നീ  ഇനങ്ങളിൽ ഒന്നാം സ്ഥാനത്തോടെ ഗേൾസ് വിഭാഗത്തിൽ എമിലിയാ തെരേസ ഇൻഡിവിജ്വൽ ചാമ്പ്യനായി. മത്സരത്തിൽ പങ്കെടുത്ത എല്ലാ കുട്ടികൾക്കും കുട്ടികളെ പരിശീലിപ്പിച്ച കായിക അധ്യാപകൻ രജിത് സാറിനും അഭിനന്ദനങ്ങൾ

ഒക്ടോബർ 16 -17:സ്കൂൾ പഠനയാത്ര

ഈ വർഷത്തെ പത്താം ക്ലാസ് വിദ്യാർത്ഥികളുടെ സ്കൂൾ പഠന യാത്ര ഒക്ടോബർ 15,16 തീയതികളിലായി സംഘടിപ്പിച്ചു. വയനാട് ഊട്ടി എന്നിവിടങ്ങളിൽ പ്രധാനപ്പെട്ട സ്ഥലങ്ങളെല്ലാം തന്നെ കുട്ടികൾ സന്ദർശിക്കുകയുണ്ടായി.  പുതിയ സ്ഥലങ്ങൾ കാണുവാനും, പ്രകൃതി ഭംഗി ആസ്വദിക്കുവാനും, സഹപാഠികളോടും അധ്യാപകരോടും ഒപ്പം ആസ്വാദ്യകരമായ ഒരു പഠനയാത്ര , അവിസ്മരണീയമായ ഒരു യാത്ര കുട്ടികൾക്ക് ലഭിച്ചു.

ഒക്ടോബർ 17 :ജില്ലാ കായികമേള

കണ്ണൂർ ജില്ലാ കായികമേളയിൽ 1500 മീറ്റർ 3000 മീറ്റർ മത്സരത്തിൽ രണ്ടാം സ്ഥാനത്തോടെ സെന്റ് ജോർജ് ഹൈസ്കൂൾ ചെമ്പന്തൊട്ടിയുടെ ജേക്കബ് സെബാസ്റ്റ്യൻ തിരുവനന്തപുരം വെച്ച് നടക്കുന്ന സംസ്ഥാന കായികമേളയിലേക്ക് തിരഞ്ഞെടുക്കപ്പെട്ടു. അഭിനന്ദനങ്ങൾ

21-10-2025 :ടീൻസ് ക്ലബ്ബ് ഉദ്ഘാടനം

സെന്റ് ജോർജ് ഹൈസ്കൂളിലെ വിദ്യാർത്ഥികളുടെ കൂട്ടായ്മയായ ടീൻസ് ക്ലബ്ബിന്റെ ഉദ്ഘാടനം സമുചിതമായി നടന്നു. സ്റ്റാഫ് സെക്രട്ടറി ജോയ് സാർ സ്വാഗതം ആശംസിച്ചു, ഹെഡ്മിസ്ട്രസ് റിൻസി ടീച്ചർ ക്ലബ്ബ് ഔപചാരികമായി ഉദ്ഘാടനം ചെയ്തു. തുടർന്ന് ബയോളജി അധ്യാപിക ലിജി ടീച്ചർ വ്യക്തി ശുചിത്വത്തെക്കുറിച്ചും സാമൂഹ്യ ശുചിത്വ ത്തെക്കുറിച്ചും കുട്ടികൾക്കായി വിശദമായ ക്ലാസ് എടുത്തു. ടീൻസ് ക്ലബ്ബ് സ്കൂൾ കോഡിനേറ്റർ സോഷ്യൽ സയൻസ് അധ്യാപികയായ മിനി ടീച്ചർ നന്ദി അർപ്പിച്ചു. ചടങ്ങിൽ സ്കൂളിലെ മറ്റ് അധ്യാപകരും വിദ്യാർത്ഥികളും പങ്കെടുത്തു

ഒൿടോബർ 22 ,23 :ഇരിക്കൂർ ഉപജില്ലാ ശാസ്ത്രമേള

ചുഴലി ഗവൺമെന്റ് ഹയർ സെക്കൻഡറി സ്കൂളിൽ വച്ച് നടന്ന ഇരിക്കൂർ ഉപജില്ലാ ശാസ്ത്ര, ഗണിതശാസ്ത്ര, സോഷ്യൽ സയൻസ് പ്രവർത്തിപരിചയ മേളയിൽ സെന്റ് ജോർജ് ഹൈസ്കൂൾ ചെമ്പന്തൊട്ടി മികച്ച വിജയം നേടി. സോഷ്യൽ സയൻസ് ഓവറോൾ സെക്കൻഡ്, പ്രവർത്തിപരിചയം തേർഡ്, ഗണിതശാസ്ത്ര മൂന്നാം സ്ഥാനം സയൻസ് നാലാം സ്ഥാനം എന്നിങ്ങനെ.തിളക്കമാർന്ന വിജയം നേടിക്കൊണ്ട്  നമ്മുടെ കുട്ടികൾ ജില്ലാ മത്സരത്തിനായി തിരഞ്ഞെടുക്കപ്പെട്ടു

29-10-2025: അനുമോദന റാലി

നമ്മുടെ സ്കൂളിലെ സ്പോർട്സ്,ശാസ്ത്രമേള എന്നിവയിലെ ഉന്നത വിജയികളെ അനുമോദിച്ചുകൊണ്ട് ചെമ്പന്തൊട്ടി ടൗൺ വരെ അനുമോദന റാലി സംഘടിപ്പിച്ചു. സ്കൂൾ മാനേജർ റവ. ഫാ. ആന്റണി മഞ്ഞളാം കുന്നേൽ പരിപാടി ഉദ്ഘാടനം ചെയ്തു. ഹെഡ്മിസ്ട്രസ് റിൻസി ടീച്ചർ അധ്യാപക പ്രതിനിധികൾ, പിടിഎ എം പി ടി എ പ്രസിഡന്റ് എന്നിവർ വിജയികൾക്ക് അനുമോദനം അർപ്പിച്ചു കൊണ്ട് സംസാരിച്ചു

30-10-2025 :ജില്ലാ ശാസ്ത്രമേള

കണ്ണൂരിൽ വച്ച് നടന്ന ജില്ലാ ശാസ്ത്ര ഗണിതശാസ്ത്ര സാമൂഹ്യശാസ്ത്ര  പ്രവർത്തിപരിചയമേളയിൽ നമ്മുടെ കുട്ടികൾ തിളക്കമാർന്ന വിജയം നേടി സോഷ്യൽ സയൻസ് സ്റ്റിൽ മോഡലിൽ അശോക്ബാസ്റ്റ്യൻ അലൻ ജോസ് എന്നിവരും ലോക്കൽ ഹിസ്റ്ററി റൈറ്റിംഗ് വിഭാഗത്തിൽ ആൻ മരിയ ഷിജുവും എ ഗ്രേഡ് നേടി. ഗണിതത്തിൽ അധർ ചാർട്ട് വിഭാഗത്തിൽ അക്ഷയ് എം  സിംഗിൾ പ്രോജക്ട് തന്മയ് ആർ ഗണേഷ് എന്നിവരും എ ഗ്രേഡ് നേടി. സയൻസ് സ്റ്റീൽ മോഡൽ വിഭാഗത്തിൽ തോംസൺ അലക്സ്, ബെനിറ്റോ മാനുവൽ എന്നിവരും എ ഗ്രേഡ് നേടുകയുണ്ടായി എല്ലാം വിജയികൾക്കും അഭിനന്ദനങ്ങൾ

5-11-2025 : ഇരിക്കൂർ ഉപ ജില്ലാ കലോത്സവം

ഇരിക്കൂർ ഉപജില്ല കലോത്സവം നവംബർ 5, 6 7, 8 തീയതികളിൽ പടിയൂർ ഗവൺമെന്റ് ഹയർ സെക്കൻഡറി സ്കൂളിൽ വച്ച് നടന്നു. ചെമ്പന്തൊട്ടി സെന്റ് ജോർജ് ഹൈസ്കൂളിലെ കുട്ടികൾ വിവിധ മത്സരങ്ങളിൽ പങ്കെടുക്കുകയും വിജയം കരസ്ഥമാക്കുകയും ചെയ്തു ഏവർക്കും അഭിനന്ദനങ്ങൾ

14-11-2025: ശിശുദിനം

ഇന്ത്യയുടെ പ്രഥമ പ്രധാനമന്ത്രിയായിരുന്ന പണ്ട് ജവഹർലാൽ നെഹ്റുവിന്റെ ജന്മദിനമായ നവംബർ 14 ശിശുദിനമായി സ്കൂളിൽ ആഘോഷിച്ചു. ശിശുദിനാഘോഷങ്ങളുടെ ഔപചാരികമായി ഉദ്ഘാടനം ഹെഡ്മിസ്ട്രസ് ശ്രീമതി റിൻസി ജോസഫ് നിർവഹിച്ചു. ശിശുദിനത്തോടനുബന്ധിച്ച് കുട്ടികൾക്കായി ചിത്രരചന മത്സരം നടത്തുകയുണ്ടായി. അന്നേദിവസം കുട്ടികളും അധ്യാപകരും തൊട്ടടുത്തുള്ള അംഗൻവാടി സന്ദർശിക്കുകയും അവിടെയുള്ള കുഞ്ഞുങ്ങൾക്ക് മധുരപലഹാരം വിതരണം ചെയ്യുകയും ചെയ്തു. വിവിധ മത്സരങ്ങളിൽ വിജയിച്ച കുട്ടികൾക്ക് പ്രധാന അധ്യാപകൻ സമ്മാനങ്ങൾ വിതരണം ചെയ്തു കുട്ടികൾക്ക് മധുരം വിതരണം ചെയ്തതോടുകൂടി ശിശുദിനാഘോഷങ്ങൾ സമാപിച്ചു.

18-11-2025 :പ്രോജക്ട് ഉദ്ഘാടനം

ചെമ്പന്തൊട്ടി സെന്റ് ജോർജ് ഹൈസ്കൂളിൽ ഇരിക്കൂർ ബി ആർ സി യുടെ നേതൃത്വത്തിൽ എട്ടാം ക്ലാസിലെ കുട്ടികൾക്കായി സ്ട്രീം അക്കാദമിക് പ്രോജക്ട് ഉദ്ഘാടനം നടന്നു. സംയോജിത കൃഷിയും സാധ്യതകളും എന്ന വിഷയത്തിലാണ് കുട്ടികൾ പ്രോജക്ട് തയ്യാറാക്കേണ്ടത്. അതുമായി ബന്ധപ്പെട്ട എല്ലാ നിർദ്ദേശങ്ങളും ഇരിക്കൂർ ബി ആർ സി ബി പി  ഒ ശ്രീ ഉണ്ണികൃഷ്ണൻ മാസ്റ്റർ, സതി ടീച്ചർ, പ്രജില  ടീച്ചർ എന്നിവർ കുട്ടികൾക്ക്  നൽകി. ചടങ്ങിൽ സ്കൂൾ ഹെഡ്മിസ്ട്രസ്  റിൻസി ടീച്ചർ  അധ്യക്ഷത വഹിച്ചു. സ്കൂൾ പ്രോജക്ട് കോഡിനേറ്റർ ലിജിടീച്ചർ നന്ദി അർപ്പിച്ചു.

20-11-2025: പെൻ ബോക്സ്

വിദ്യാർത്ഥികൾക്ക് കൈത്താങ്ങായി ശ്രീകണ്ഠാപുരം മുൻസിപ്പാലിറ്റി നൽകിയ പെൻബോക്സുകൾ സ്കൂളിൽ ഫിറ്റ് ചെയ്തു. സ്കൂളും പരിസരവും പ്ലാസ്റ്റിക് മാലിന്യ വിമുക്തമാക്കുക എന്ന് ഉദ്ദേശത്തോടുകൂടി ഉപയോഗിച്ചു കഴിഞ്ഞ പേനയും മറ്റും പെൻബോക്സിൽ നിക്ഷേപിക്കുവാനും അതുവഴിയായി സ്കൂളും പരിസരവും പ്ലാസ്റ്റിക് മുക്തമായ സൂക്ഷിക്കാനും കുട്ടികളെ സഹായിക്കുക എന്ന ലക്ഷ്യത്തോടെയാണ് മുൻസിപ്പാലിറ്റി ഈ പദ്ധതി നടപ്പാക്കിയത് മുൻസിപ്പാലിറ്റിയുടെ ഈ ഉദ്യമത്തിന് ഹൃദ്യമായ അഭിനന്ദനങ്ങൾ

22-11-2025 :പ്രസംഗമത്സരം

തലശ്ശേരി കോർപ്പറേറ്റ് വിദ്യാഭ്യാസ ഏജൻസി നടത്തിയ പിടി ചാക്കോ പ്രസംഗം മത്സരത്തിൽ സെന്റ് ജോർജ് ഹൈസ്കൂൾ ചെമ്പന്തൊട്ടിയിലെ  എട്ടാം ക്ലാസ് വിദ്യാർത്ഥി കുമാരി ശ്രീഷ എസ് രണ്ടാം സ്ഥാനം കരസ്ഥമാക്കി. അഭിനന്ദനങ്ങൾ

3-12-2025: ഭിന്നശേഷി ദിനാചരണം

അന്താരാഷ്ട്ര ഭിന്നശേഷി ദിനത്തോടനുബന്ധിച്ച് സെന്റ് ജോർജ് ഹൈസ്കൂളിലെ വിദ്യാർത്ഥികൾ, സ്നേഹത്തിന്റെ ലോകം പകർന്നു ഭിന്നശേഷി വിദ്യാർഥികളെ സന്ദർശിച്ചു. അധ്യാപകരും ജെ ആർ സി സ്കൗട്ട് ആൻഡ് ഗൈഡ് യൂണിറ്റുകളിലെ അധ്യാപകരും ജെ ആർ സി സ്കൗട്ട് ആൻഡ് ഗൈഡ് യൂണിറ്റുകളിലെ വിദ്യാർത്ഥികളുമാണ് നമ്മുടെ സ്കൂളിലെ ഭിന്നശേഷിയുള്ള കുട്ടികളുടെ വീടുകളിൽ നേരിട്ട് പോയി അവരുമായി സമയം ചെലവഴിച്ചത്. ഞങ്ങളും നിങ്ങളോടൊപ്പം എന്ന സന്ദേശം ഉയർത്തിപ്പിടിച്ചുകൊണ്ടാണ് വിദ്യാർഥികൾ ഈ ബുദ്ധിമുട്ടിൽ പങ്ക് ചേർന്നത്. ഭിന്നശേഷിയുള്ള സഹോദരങ്ങളേ അവരുടെ സ്വന്തം വീടുകളിൽ ചെന്ന് കണ്ട് സൗഹൃദം പങ്കുവയ്ക്കുകയും അവർക്ക് വേണ്ട മാനസിക പിന്തുണ നൽകുകയും ചെയ്യുക എന്നതായിരുന്നു സന്ദർശനത്തിന്റെ പ്രധാന ലക്ഷ്യം. മാറ്റത്തിന് തുടക്കമിട്ടുകൊണ്ട് ഈ കൂട്ടായ്മ സമൂഹത്തിൽ അവബോധം വളർത്താനും ഭിന്നശേഷിയുള്ള വരെ ചേർത്തുപിടിക്കാനും വിദ്യാർത്ഥികളെ പ്രചോദിപ്പിക്കട്ടെ

19-12-2025: റോഡ് സുരക്ഷാ ക്ലബ്ബ് ഉദ്ഘാടനം

ചെമ്പന്തൊട്ടി സെന്റ് ജോർജ് ഹൈസ്കൂൾ സുരക്ഷിത മാർഗ്ഗ റോഡ് സുരക്ഷാ ക്ലബ്ബ്  ഉദ്ഘാടനം ചെയ്ത് തളിപ്പറമ്പ് എസ് ആർ ടി യോ മോട്ടോർ വെഹിക്കിൾ ഇൻസ്പെക്ടർ ടി വൈകുണ്ഠൻ സുരക്ഷാ ബോധവൽക്കരണ ക്ലാസ് എടുത്തു. വിദ്യാർത്ഥികൾക്ക് റോഡ് സുരക്ഷാ നിയമങ്ങളെക്കുറിച്ച് ശരിയായ അവബോധം നൽകുന്നത് നല്ലൊരു സമൂഹത്തെ വാർത്തെടുക്കാൻ അഭികാമ്യം ആണെന്നും, വിദ്യാർത്ഥികളിലൂടെ അവരുടെ രക്ഷകർത്താക്കളും സ്വാധീനിക്കപ്പെടുമെന്നും പ്രസ്തുത വിഷയത്തിൽ കൂട്ടുകാരൻ ഗ്രൂപ്പും എം സി എം എസ് കോളേജും ചേർന്ന് നടത്തിവരുന്ന പ്രവർത്തനങ്ങൾ അഭിനന്ദനങ്ങൾ അർഹിക്കുന്നതാണെന്നും  അദ്ദേഹം പറഞ്ഞു സ്കൂൾ അസിസ്റ്റന്റ് മാനേജർ ഫാദർ ബിനീഷ് വലിയ പറമ്പിൽ, മുഖ്യ അധ്യാപിക റിൻസി ജോസഫ്, പി ടി എ പ്രസിഡന്റ് സജി അടവിച്ചിറ മദർ pta പ്രസിഡന്റ് ഷീജ പുഴക്കര   സ്കൂൾ സീനിയർ അസിസ്റ്റന്റ് കെ വി രാജേഷ് സുരക്ഷിത മാർഗ് നോഡൽ  ഓഫീസർ രജിത്ത് എം ജോർജ് എന്നിവർ പ്രസംഗിച്ചു.

19-1-2026: സ്കൂൾ വാർഷികാഘോഷം

ചെമ്പന്തതട്ടി സെന്റ് ജോർജ് ഹൈസ്കൂളിന്റെ 47 വാർഷികാഘോഷം സ്കൂൾ ഓഡിറ്റോറിയത്തിൽ നടന്നു. ശ്രീകണ്ഠാപുരം നഗരസഭ ക്ഷേമകാര്യ സ്ഥിരം സമിതി അധ്യക്ഷ ജാൻസി കൊല്ലമന ഉദ്ഘാടനം ചെയ്തു. സ്കൂൾ പിടിഎ പ്രസിഡണ്ട് സജി അടവിച്ചിറ അധ്യക്ഷത വഹിച്ചു. സ്കൂൾ മാനേജർ ഫാദർ ആന്റണി മഞ്ഞളാം കുന്നേൽ മുഖ്യപ്രഭാഷണം നടത്തി ജോസഫ്,കെ വി രാജേഷ്,ഷീജ പുഴക്കര,ജോയ്സ് സക്കറിയാസ് എന്നിവർ പ്രസംഗിച്ചു. വിവിധ എന്റവ്മെന്റ്കൾ, അവാർഡുകൾ, പ്രൊഫഷൻസി പ്രൈസുകൾ കലോത്സവ വിജയികൾക്കുള്ള മൊമെന്റോകൾ  എന്നിവ വിതരണം ചെയ്തു. തുടർന്ന് വിവിധ കലാപരിപാടികളും അരങ്ങേറി.ബെറ്റി മാത്യു,മിനി ജോസഫ് എന്നിവർ നേതൃത്വം നൽകി.

23-1-2026 :ലൈഫ് ഗൈഡൻസ് ക്ലാസ്

ചെമ്പൻതൊട്ടി: എസ്.എസ്.എൽ.സി പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്കായി ചെമ്പൻതൊട്ടി സെന്റ് ജോർജ് ഹൈസ്കൂളിൽ ലൈഫ് ഗൈഡൻസ് ക്ലാസ് സംഘടിപ്പിച്ചു. "Be Lively, Be a Winner" എന്ന പ്രമേയത്തിൽ നടന്ന പരിപാടി വിദ്യാർത്ഥികൾക്ക് ആത്മവിശ്വാസം പകരുന്നതായിരുന്നു.

പരീക്ഷാക്കാലത്തെ സമ്മർദ്ദം കുറയ്ക്കുന്നതിനും പഠനത്തിൽ മികച്ച വിജയം കൈവരിക്കുന്നതിനുമുള്ള പ്രായോഗിക നിർദ്ദേശങ്ങളാണ് ക്ലാസ്സിൽ പ്രധാനമായും ചർച്ച ചെയ്തത്. പ്രമുഖ മോട്ടിവേഷൻ സ്പീക്കർ ശ്രീ. അബിൻ മൈക്കിൾ ക്ലാസ്സുകൾക്ക് നേതൃത്വം നൽകി. പരീക്ഷയെ എങ്ങനെ ധൈര്യപൂർവ്വം നേരിടാം എന്നും 'ഫുൾ എ പ്ലസ്' നേടുന്നതിനായി സ്വീകരിക്കേണ്ട പഠന രീതികളെക്കുറിച്ചും അദ്ദേഹം വിദ്യാർത്ഥികളുമായി സംവദിച്ചു.

സ്കൂൾ ഓഡിറ്റോറിയത്തിൽ നടന്ന ചടങ്ങിൽ അധ്യാപകരും വിദ്യാർത്ഥികളും പങ്കെടുത്തു. പരീക്ഷാ തയ്യാറെടുപ്പുകൾക്കിടയിൽ വിദ്യാർത്ഥികൾക്ക് ലഭിച്ച ഈ മാർഗ്ഗനിർദ്ദേശങ്ങൾ ഏറെ പ്രയോജനപ്രദമായിരുന്നു.

ഫെബ്രുവരി 10:പഠനയാത്ര

പ്രകൃതിയുടെ പച്ചപ്പറിഞ്ഞ് ചെമ്പന്തൊട്ടി സെന്റ് ജോർജ് ഹൈസ്കൂൾ വിദ്യാർത്ഥികളുടെ പഠനയാത്ര

ചെമ്പന്തൊട്ടി സെന്റ് ജോർജ് ഹൈസ്കൂളിലെ ഒമ്പതാം ക്ലാസ് വിദ്യാർത്ഥികൾ വയനാട്, ഊട്ടി എന്നിവിടങ്ങളിലേക്ക് നടത്തിയ പഠനയാത്ര അറിവും വിനോദവും പകരുന്ന അനുഭവമായി. രണ്ട് ദിവസം നീണ്ടുനിന്ന യാത്രയിൽ 50  വിദ്യാർത്ഥികളും അധ്യാപകരും പങ്കെടുത്തു.

യാത്രയുടെ ആദ്യ ദിനം വയനാടിന്റെ ചരിത്രവും പ്രകൃതിഭംഗിയും അടുത്തറിയാനാണ് മാറ്റിവെച്ചത്.

രണ്ടാം ദിനം നീലഗിരിയുടെ സൗന്ദര്യം നുകരാൻ വിദ്യാർത്ഥികൾ ഊട്ടിയിലെത്തി. ബൊട്ടാണിക്കൽ ഗാർഡൻ, റോസ് ഗാർഡൻ, ഊട്ടി തടാകം എന്നിവിടങ്ങളിലെ സന്ദർശനം വിദ്യാർത്ഥികൾക്ക് വ്യത്യസ്തമായ പരിസ്ഥിതി അനുഭവമാണ് നൽകിയത്. ഊട്ടിയിലെ തേയില ഫാക്ടറി സന്ദർശിച്ചതോടെ തേയില സംസ്കരണ രീതികളെക്കുറിച്ച് നേരിട്ട് മനസ്സിലാക്കാൻ കുട്ടികൾക്ക് അവസരം ലഭിച്ചു.

സ്കൂൾ ഹെഡ്മാസ്റ്റർ യാത്ര ഫ്ലാഗ് ഓഫ് ചെയ്തു. രാജേഷ് സാർ, സിനി ടീച്ചർ, ബെറ്റി ടീച്ചർ, അബിൻ എന്നിവർ യാത്രയ്ക്ക് നേതൃത്വം നൽകി. പാഠപുസ്തകങ്ങളിൽ പഠിച്ച കാര്യങ്ങൾ നേരിൽ കണ്ട് ബോധ്യപ്പെടാൻ സാധിച്ചതിന്റെ ആവേശത്തിലാണ് വിദ്യാർത്ഥികൾ മടങ്ങിയത്.

ഫെബ്രുവരി 10: പത്താം ക്ലാസ് വിദ്യാർത്ഥികളുടെ യാത്രയയപ്പ്

സെന്റ് ജോർജ് ഹൈസ്കൂളിൽ പത്താം ക്ലാസ് വിദ്യാർത്ഥികൾക്ക് യാത്രയയപ്പ് നൽകി

ശ്രീകണ്ഠാപുരം: ചെമ്പന്തൊട്ടി സെന്റ് ജോർജ് ഹൈസ്കൂളിലെ പത്താം ക്ലാസ് വിദ്യാർത്ഥികൾക്കായുള്ള യാത്രയയപ്പ് സമ്മേളനം വികാരനിർഭരമായ ചടങ്ങുകളോടെ നടന്നു. സ്കൂൾ ഓഡിറ്റോറിയത്തിൽ നടന്ന പരിപാടിയിൽ വിദ്യാർത്ഥികളും അധ്യാപകരും രക്ഷിതാക്കളും പങ്കെടുത്തു.

ചടങ്ങിൽ സ്കൂൾ ലോക്കൽ മാനേജർ റവറന്റ് ഫാദർ ആന്റണി മഞ്ഞളാംകുന്ന് അധ്യക്ഷത വഹിച്ചു. ജീവിതത്തിലെ നിർണ്ണായകമായ ഒരു ഘട്ടം പിന്നിടുന്ന വിദ്യാർത്ഥികൾ മൂല്യാധിഷ്ഠിതമായ ജീവിതശൈലി പിന്തുടരണമെന്നും കഠിനാധ്വാനത്തിലൂടെ ഉന്നത വിജയം കൈവരിക്കണമെന്നും അദ്ദേഹം അധ്യക്ഷ പ്രസംഗത്തിൽ ഓർമ്മിപ്പിച്ചു.

സ്കൂൾ ഹെഡ്മിസ്ട്രസ് റിൻസി ജോസഫ് വിദ്യാർത്ഥികൾക്ക് യാത്രയയപ്പ് സന്ദേശം നൽകി. പരീക്ഷാഹാളുകളിൽ ആത്മവിശ്വാസത്തോടെ ഇരിക്കണമെന്നും സ്കൂളിൽ നിന്ന് ലഭിച്ച അറിവും അച്ചടക്കവും വരുംകാലങ്ങളിൽ വഴികാട്ടിയാവട്ടെ എന്നും അവർ ആശംസിച്ചു.

അനുഭവങ്ങൾ പങ്കുവെക്കൽ: പത്താം ക്ലാസ് വിദ്യാർത്ഥികൾ തങ്ങളുടെ സ്കൂൾ ജീവിതത്തിലെ മധുരസ്മരണകൾ വേദിയിൽ പങ്കുവെച്ചു.

സ്നേഹവിരുന്ന്: ചടങ്ങിനോടനുബന്ധിച്ച് വിദ്യാർത്ഥികൾക്കും അധ്യാപകർക്കുമായി പ്രത്യേക സ്നേഹവിരുന്നും ഒരുക്കിയിരുന്നു.

അധ്യാപക പ്രതിനിധികൾ, പി.ടി.എ ഭാരവാഹികൾ, സ്കൂൾ ലീഡർ എന്നിവർ ചടങ്ങിൽ സംസാരിച്ചു. വരാനിരിക്കുന്ന എസ്.എസ്.എൽ.സി പരീക്ഷയിൽ മികച്ച വിജയം നേടുമെന്ന പ്രതിജ്ഞയോടെയാണ് വിദ്യാർത്ഥികൾ വിദ്യാലയ പടികളിറങ്ങിയത്.

ഫെബ്രുവരി 20: സുരക്ഷിത മാർഗ്ഗം  ക്ലീനിങ്

റോഡ് സൈനുകൾ വൃത്തിയാക്കി ചെമ്പന്തൊട്ടി സെന്റ് ജോർജ് ഹൈസ്കൂൾ വിദ്യാർത്ഥികൾ

റോഡ് സുരക്ഷാ ബോധവൽക്കരണത്തിന്റെ ഭാഗമായി വേറിട്ട മാതൃകയുമായി ചെമ്പന്തൊട്ടി സെന്റ് ജോർജ് ഹൈസ്കൂളിലെ വിദ്യാർത്ഥികൾ. 'സുരക്ഷിത മാർഗ്ഗം' എന്ന പേരിൽ സ്കൂളിലെ സ്കൗട്ട് ആൻഡ് ഗൈഡ് യൂണിറ്റുകളുടെയും നേതൃത്വത്തിലാണ് റോഡ് അരികിലെ ട്രാഫിക് സൈൻ ബോർഡുകൾ വൃത്തിയാക്കുന്ന പദ്ധതി നടപ്പിലാക്കിയത്.

ദീർഘകാലമായി പൊടിയും ചെളിയും പിടിച്ച് വായന അസാധ്യമായ നിലയിലായിരുന്ന ബോർഡുകളാണ് വിദ്യാർത്ഥികൾ മുൻകൈ എടുത്ത് ശുചീകരിച്ചത്. ചെമ്പന്തൊട്ടി ടൗൺ പരിസരത്തെയും സ്കൂൾ മേഖലയിലെയും അപകട മുന്നറിയിപ്പ് ബോർഡുകൾ, വേഗത നിയന്ത്രണ സൂചനകൾ, ദിശാ സൂചികകൾ എന്നിവ കഴുകി വൃത്തിയാക്കി പുനഃസ്ഥാപിച്ചു.

രാത്രികാലങ്ങളിലും മഴസമയത്തും ഡ്രൈവർമാർക്ക് ബോർഡുകൾ വ്യക്തമായി കാണാത്തത് അപകടങ്ങൾക്ക് കാരണമാകുന്നു എന്ന തിരിച്ചറിവാണ് ഇത്തരമൊരു പ്രവർത്തനത്തിന് കുട്ടികളെ പ്രേരിപ്പിച്ചത്. 'സുരക്ഷിതമായ റോഡ് യാത്ര എല്ലാവരുടെയും അവകാശമാണെന്നും അത് ഉറപ്പുവരുത്താൻ ചെറിയ പ്രവർത്തനങ്ങളിലൂടെ നമുക്കും സാധിക്കുമെന്നും' വിദ്യാർത്ഥികൾ പറഞ്ഞു.

സ്കൂൾ അധികൃതരും പി.ടി.എ പ്രതിനിധികളും പരിപാടിക്ക് നേതൃത്വം നൽകി. പ്രദേശവാസികളും യാത്രക്കാരും വിദ്യാർത്ഥികളുടെ ഈ മാതൃകാപരമായ പ്രവർത്തനത്തെ അഭിനന്ദിച്ചു.

ഫെബ്രുവരി 28: ബോധവൽക്കരണ ക്ലാസ്സ്‌ രക്ഷിതാക്കൾക്കായി 'സർവ്വം AI മയം'; സെന്റ് ജോർജ് ഹൈസ്കൂളിൽ ആർട്ടിഫിഷ്യൽ ഇന്റലിജൻസ് പരിശീലനം

മാറുന്ന സാങ്കേതിക വിദ്യയെ രക്ഷിതാക്കൾക്ക് പരിചയപ്പെടുത്തുക എന്ന ലക്ഷ്യത്തോടെ ചെമ്പന്തൊട്ടി സെന്റ് ജോർജ് ഹൈസ്കൂളിൽ 'സർവ്വം AI മയം' എന്ന പേരിൽ ആർട്ടിഫിഷ്യൽ ഇന്റലിജൻസ് (AI) പരിശീലന ക്ലാസ് സംഘടിപ്പിച്ചു. ഫെബ്രുവരി 26 വ്യാഴാഴ്ച ഉച്ചകഴിഞ്ഞ് 2:30-നാണ് പരിപാടി നടന്നത്.

പുതിയ കാലഘട്ടത്തിൽ വിദ്യാർത്ഥികൾ ഉപയോഗിക്കുന്ന സാങ്കേതിക വിദ്യകളെക്കുറിച്ച് രക്ഷിതാക്കൾക്ക് അവബോധം നൽകാനാണ് സ്കൂൾ അധികൃതർ ഇത്തരമൊരു പരിപാടി ആസൂത്രണം ചെയ്തത്. നിർമ്മിത ബുദ്ധിയുടെ (AI) സാധ്യതകൾ, കുട്ടികളുടെ പഠനത്തിൽ ഇവ ചെലുത്തുന്ന സ്വാധീനം, ഇന്റർനെറ്റ് ഉപയോഗിക്കുമ്പോൾ ശ്രദ്ധിക്കേണ്ട സുരക്ഷാ കാര്യങ്ങൾ എന്നിവയെക്കുറിച്ച് ക്ലാസുകൾ എടുത്തു

ആധുനിക വിദ്യഭ്യാസ രീതികളിൽ AI വലിയ മാറ്റങ്ങൾ കൊണ്ടുവരുമ്പോൾ രക്ഷിതാക്കളും ഇത്തരം അറിവുകളിൽ പിന്നിലാകരുത് എന്ന ലക്ഷ്യത്തോടെയാണ് സ്കൂൾ ഈ വേറിട്ട പരീക്ഷണം നടത്തിയത്. നിരവധി രക്ഷിതാക്കൾ സജീവമായി പങ്കെടുത്ത പരിപാടി വലിയ ശ്രദ്ധ പിടിച്ചുപറ്റി.

മാർച്ച് 2:രാജ്യപുരസ്കാർ ജേതാക്കൾക്ക് അനുമോദനം

രാജ്യപുരസ്കാർ ജേതാക്കൾക്ക് അനുമോദനം ഭാരത് സ്കൗട്ട്സ് ആൻഡ് ഗൈഡ്‌സിന്റെ ഉന്നത ബഹുമതിയായ രാജ്യപുരസ്കാർ കരസ്ഥമാക്കിയ വിദ്യാർത്ഥികൾക്കായി ചെമ്പന്തൊട്ടി സെന്റ് ജോർജ് ഹൈസ്കൂളിൽ അനുമോദന ചടങ്ങ് സംഘടിപ്പിച്ചു. മാർച്ച് 2 തിങ്കളാഴ്ച രാവിലെ 9:30-ന് സ്കൂൾ ഓഡിറ്റോറിയത്തിലായിരുന്നു പരിപാടി.

കഠിനാധ്വാനത്തിലൂടെയും സേവനപ്രവർത്തനങ്ങളിലൂടെയും മികച്ച നേട്ടം കൈവരിച്ച സ്കൗട്ട് ആൻഡ് ഗൈഡ്സ് അംഗങ്ങളെ സ്കൂൾ അധികൃതരും പി.ടി.എയും അഭിനന്ദിച്ചു. ചടങ്ങിൽ അധ്യാപകരും രക്ഷിതാക്കളും വിദ്യാർത്ഥികളും പങ്കെടുത്തു.

മാർച്ച് 3 : 'എക്സ്പ 26'

ചെമ്പന്തൊട്ടി സെന്റ് ജോർജ് ഹൈസ്കൂളിൽ ‘എക്സ്പ 26’ മികവുത്സവം സംഘടിപ്പിച്ചു

വിദ്യാർത്ഥികളുടെ സർഗ്ഗവാസനകളും പാഠ്യേതര മികവുകളും പ്രകടിപ്പിക്കുന്നതിനായി ചെമ്പന്തൊട്ടി സെന്റ് ജോർജ് ഹൈസ്കൂളിൽ ‘എക്സ്പ 26’ (EXPA '26) എന്ന പേരിൽ എക്സിബിഷനും മികവുത്സവവും സംഘടിപ്പിച്ചു. ഹൈസ്കൂൾ ക്ലാസുകളിലെ വിവിധ വിഷയങ്ങളുമായി ബന്ധപ്പെട്ട് വിദ്യാർത്ഥികൾ തയ്യാറാക്കിയ നൂതനമായ പ്രോജക്റ്റുകളും പ്രദർശന വസ്തുക്കളും മേളയുടെ ആകർഷണമായി.

ശാസ്ത്രം, സാമൂഹ്യശാസ്ത്രം, ഭാഷാവിഷയങ്ങൾ, ഗണിതം തുടങ്ങിയ വിവിധ മേഖലകളിലെ കുട്ടികളുടെ കഴിവുകൾ പുറത്തെടുക്കുന്നതിനാണ് പ്രദർശനം ലക്ഷ്യമിട്ടത്. പാഠപുസ്തകങ്ങളിൽ പഠിച്ച കാര്യങ്ങൾ പ്രായോഗികമായി അവതരിപ്പിക്കാൻ വിദ്യാർത്ഥികൾക്ക് ഇതിലൂടെ അവസരം ലഭിച്ചു.

മാർച്ച് 4: പഠന പിന്തുണ

പഠനനിലവാരം മെച്ചപ്പെടുത്താൻ അധ്യാപകർ വീടുകളിലേക്ക്; സെന്റ് ജോർജ് ഹൈസ്കൂളിൽ ഭവന സന്ദർശനം ആരംഭിച്ചു

ശ്രീകണ്ഠാപുരം: ഹൈസ്കൂൾ വിദ്യാർത്ഥികളുടെ പഠനനിലവാരം മെച്ചപ്പെടുത്തുന്നതിനും അവർക്ക് ആവശ്യമായ മാനസികവും അക്കാദമികവുമായ പിന്തുണ ഉറപ്പുവരുത്തുന്നതിനുമായി ചെമ്പന്തൊട്ടി സെന്റ് ജോർജ് ഹൈസ്കൂളിലെ അധ്യാപകരുടെ നേതൃത്വത്തിൽ ഭവന സന്ദർശനം ആരംഭിച്ചു. വിദ്യാലയവും വീടും തമ്മിലുള്ള ബന്ധം കൂടുതൽ ദൃഢമാക്കുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കുന്നത്.

പഠനത്തിൽ പിന്നോക്കം നിൽക്കുന്ന കുട്ടികളെ കണ്ടെത്തുക, അവരുടെ വീട്ടുസാഹചര്യങ്ങൾ മനസ്സിലാക്കുക, പരീക്ഷാ പേടി അകറ്റാൻ ആവശ്യമായ നിർദ്ദേശങ്ങൾ നൽകുക എന്നിവയാണ് ഈ സന്ദർശനത്തിന്റെ പ്രധാന ലക്ഷ്യങ്ങൾ. ഹെഡ്മിസ്ട്രസിന്റെയും ക്ലാസ് ടീച്ചർമാരുടെയും നേതൃത്വത്തിൽ വിവിധ ഗ്രൂപ്പുകളായി തിരിഞ്ഞാണ് അധ്യാപകർ ഓരോ വിദ്യാർത്ഥിയുടെയും വീടുകൾ സന്ദർശിക്കുന്നത്.

പദ്ധതിയുടെ പ്രധാന ലക്ഷ്യങ്ങൾ:

* വ്യക്തിഗത ശ്രദ്ധ: ഓരോ കുട്ടിയുടെയും പഠന പരിമിതികൾ നേരിട്ട് മനസ്സിലാക്കി പരിഹാരങ്ങൾ നിർദ്ദേശിക്കുന്നു.

* രക്ഷിതാക്കളുടെ പങ്കാളിത്തം: കുട്ടികളുടെ പഠനത്തിൽ രക്ഷിതാക്കൾ ശ്രദ്ധിക്കേണ്ട കാര്യങ്ങളെക്കുറിച്ച് അവബോധം നൽകുന്നു.

* മാനസിക പിന്തുണ: പരീക്ഷാക്കാലത്തെ സമ്മർദ്ദം കുറയ്ക്കുന്നതിനായി കുട്ടികൾക്ക് ആവശ്യമായ കൗൺസിലിംഗും പ്രോത്സാഹനവും നൽകുന്നു.

അധ്യാപകരുടെ ഈ വേറിട്ട ഇടപെടൽ രക്ഷിതാക്കൾക്കിടയിൽ വലിയ പ്രശംസ പിടിച്ചുപറ്റിയിട്ടുണ്ട്. വരും ദിവസങ്ങളിലും സന്ദർശനം തുടരുo.