ഗവ. യൂ.പി.എസ്.നേമം/പ്രവർത്തനങ്ങൾ/2025-26
- പ്രവേശനോത്സവം
- പരിസ്ഥിതി ദിനം
- ശുചിത്വ വർത്തമാനങ്ങൾ
- വായനവാരാഘോഷവും പുസ്തകമേളയും
- ലൈബ്രറി നവീകരണം
- പച്ചതുരുത്ത്
- ക്ലാസ് പി.ടി.എ
- സമഗ്ര ഗുണമേന്മ വർഷം
- ലഹരിക്കെതിരെ സ്കിറ്റ്
- ഡോക്ടേഴ്സ് ഡേ ദിനാചരണം
- യോഗ ദിനം
- കരുതൽ
- പരിസ്ഥിതി സൗഹൃദ കൂട്ടായ്മക്ക് തുടക്കം
- സ്വാതന്ത്ര്യദിനം ആചരിച്ചു
- അന്നം ഊട്ടുന്നവരെ ആദരിച്ചു
- ഓണാഘോഷം
- നാടൻ ഭക്ഷ്യമേള
- സ്കൂൾ സോഷ്യൽ സർവ്വീസ് സ്കീം
- നേമം സ്കൂളിലെ 'ഉണ്ണിയാർച്ച'മാർ
ഇവർ കല്ലിയൂരിലെ 'ഉണ്ണിയാർച്ച'മാർ
‘വലതുമാറി, ഇടതുമാറി... ഞെരിഞ്ഞമർന്ന്...ഉയർന്നുപൊ ങ്ങി...' തച്ചോളി അമ്പുവിനെയും ഉണ്ണിയാർച്ചയെയും അറിയില്ലെ ങ്കിലും ഈ അടവുകൾ പലതും കല്ലിയൂർ ഗ്രാമപ്പഞ്ചായത്തിലെ പെൺകുട്ടികൾക്ക് മനഃപാഠമാണിപ്പോൾ. ആയോധനകലകൾ പരിശീലിപ്പിച്ച് പെൺകുട്ടികൾക്ക് നിർഭയരായി വളരാനുള്ള അവസരമൊരുക്കുകയാണ് കല്ലിയൂർ ഗ്രാമപ്പഞ്ചായത്ത്. എട്ട് സ്കൂളുകളിലായി 200 പെൺകുട്ടികൾക്കാണ് കല്ലിയൂർ പഞ്ചായത്ത് സൗജന്യ കളരി പരിശീലനം നൽകുന്നത്. പ്രതിസന്ധികളെ നേരിടാൻ പ്രാപ്തയായിരിക്കണമെന്ന ആശയമാണ് പെൺകുട്ടികൾക്ക് കളരി പരി ശീലിപ്പിക്കണമെന്ന പഞ്ചായത്തിന്റെ പദ്ധതിക്കുപിന്നിൽ. "കളരി പരിശീലനത്തിലൂടെ വല്ലാത്തൊരു ആത്മവിശ്വാസമാണുണ്ടായത്. പ്രതിരോധിക്കാൻ മാത്രമല്ല, സ്നേഹം, കരുണ, ക്ഷമ ഇവയെല്ലാം ആയോധന കലകൾ അഭ്യസിക്കുന്നതിലൂടെ ലഭിക്കുമെന്ന് മനസ്സിലായി. നേമം യുപി സ്കൂളിൽ കളരി അഭ്യസിക്കുന്ന ഏഴാം ക്ലാസുകാരി അനഘ ഇതു പറയുമ്പോൾ ഒപ്പം നിന്നവർക്കും വലിയ ആവേശവും ഊർജവുമായിരുന്നു. 'തൊട്ടാൽ തിരിച്ചടിക്കാൻ ഇനി മടിക്കില്ല. കഴുകൻകണ്ണുകളുമായി വരുന്നവരെ പറപ്പിക്കാൻ തയ്യാറാണ്'. കച്ചമുറുക്കിക്കൊണ്ടിരുന്ന മിസ്റിയയും ഏറ്റുപിടിച്ചു. കുട്ടികളുടെ. പഠനസമയത്തെ ബാധിക്കാത്തരീതിയിലാണ് പരിശീലനത്തിനുള്ള സമയം ഓരോ സ്കൂളുകളും ക്രമീകരിക്കുക. കല്ലിയൂർ പഞ്ചായത്തിൻ്റെ അംഗീകൃത കളരി പരിശീലന സ്ഥാപനമായ 'ഓം ശിവശക്തി കളരിസംഘത്തിലെ' അധ്യാപക ഗുരുക്കളുമാണ് കുട്ടികളെ അട വുകൾ അഭ്യസിപ്പിക്കുന്നത്. 'പെൺകുട്ടികൾക്ക് പ്രതിരോധ പരിശീലനം' എന്ന പദ്ധതി ആദ്യ മായി പഞ്ചായത്തിൽ നടപ്പിലാ ക്കിയത് കഴിഞ്ഞ വർഷമായിരുന്നു. പദ്ധതി നടപ്പിലാക്കുമ്പോൾ ആറ് സ്കൂളുകളിലായി 100 വിദ്യാർ ഥികൾക്കായിരുന്നു പരിശീലനം നല്ലിയത്. മൂന്നാം ക്ലാസ് മുതൽ ഏഴാം ക്ലാസ് വരെയുള്ള കുട്ടികൾക്കാണ് പരിശീലനം. ഏഴാം ക്ലാസ് കഴിഞ്ഞവരെല്ലാം തുടർന്ന് അഭ്യസിക്കുന്നതിനായി ആയോധന പരിശീലനകേന്ദ്രങ്ങളെ സമീപിക്കുന്നുവെന്ന് മനസ്സിലാക്കിയ തോടെയാണ് 200 കുട്ടികൾക്ക് പരിശീലനം നൽകാമെന്ന തീരുമാനം പഞ്ചായത്ത് എടുത്തത്. നേമം യുപി സ്കൂൾ, ശാന്തിവിള ന്യൂ യു പിഎസ്, എംഎൻഎൽപിഎസ് വെള്ളായണി, എച്ച്സി എൽപി എസ് പാലപ്പൂര്, എൽഎംഎസ് കൊടുമ്പന്നൂർ, ആർസി എൽപി എസ് കല്ലിയൂർ, എസ്എ എൽപി എസ് കാക്കാമൂല, ഊക്കോട് എം എസ്സി എൽപിഎസ് എന്നീ സ്കൂളുകളിലെ പെൺകുട്ടികൾക്കാണ് കളരി പരിശീലനം നൽകുന്നത്. പഠിച്ചിറങ്ങുന്നവർക്ക് പഞ്ചായത്തിന്റെ സർട്ടിഫിക്കറ്റും നൽകുന്നുണ്ട്. രണ്ട് ബാച്ചുകളായാണ് കളരി പരിശീലിപ്പിക്കുന്നത്.
പരിശീലകൻ പ്രമോദിന്റെ കീഴിൽ കളരി അഭ്യസിക്കുന്ന നേമം യുപി സ്കൂളിലെ വിദ്യാർഥിനികൾ