എച്ച്.എഫ്.സി.ജി.എച്ച്.എസ്. തൃശ്ശൂർ/പ്രവർത്തനങ്ങൾ
| Home | 2026-27 |
 Archive   2022-23 2023-24 2024-25 2025-26
|
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
സ്വാതന്ത്ര്യത്തിന്റെ അമൃത മഹോത്സവം
സ്വാതന്ത്ര്യത്തിന്റെ 75 മത് വാർഷിക ആഘോഷങ്ങളുടെ ഭാഗമായി ഹോളി ഫാമിലി സി ജി എച്ച് എസ് ചെമ്പൂക്കാവിലും വിവിധങ്ങളായ പരിപാടികൾ അവതരിപ്പിക്കപ്പെട്ടു."അമൃതമഹോത്സവം" ഓഗസ്റ്റ് 10 മുതൽ സ്കൂളിൽ ആരംഭിച്ചു. വിദ്യാഭ്യാസ വകുപ്പ് ആസൂത്രണം ചെയ്തിട്ടുള്ള പ്രകാരം വിവിധ പ്രവർത്തനങ്ങൾ സ്കൂളിൽ സംഘടിപ്പിച്ചു. 10-8 -2022 ഇൽ പ്രൈമറി പ്രീ പ്രൈമറി വിദ്യാർഥികൾക്കായി സ്വാതന്ത്ര്യസമരസേനാനികളുടെ ബന്ധപ്പെട്ട ഫാൻസി ഡ്രസ്സ് മത്സരം നടത്തപ്പെട്ടു അതേ ദിവസം തന്നെ "സ്വാതന്ത്ര്യത്തിൻറെ കയ്യൊപ്പ്" എന്ന പേരിൽ പ്രത്യേകം തയ്യാറാക്കിയ പ്രതലത്തിൽ വിദ്യാർത്ഥികളും അധ്യാപകരും സ്വാതന്ത്ര്യത്തിന്റെ കയ്യൊപ്പ് ചാർത്തി .
11 8 2022 ന് എൽപി യുപി ഹൈസ്കൂൾ വിദ്യാർഥികൾക്കായി പ്രസംഗമത്സരവും നടത്തപ്പെട്ടു . അന്നേദിവസം തന്നെ പിടിഎ പ്രതിനിധികളുടെ സാന്നിധ്യത്തിൽ ഗാന്ധി മരം റംബൂട്ടാൻ സ്കൂൾ അങ്കണത്തിൽ ഹെഡ്മിസ്ട്രസ് Sr. Josephine നടുകയുണ്ടായി.
12 8 2022 സ്കൂൾ അസംബ്ലിയിൽ ഭരണഘടനയുടെ ആമുഖം വായിച്ചു .അന്നേദിവസം സ്വാതന്ത്ര്യ ദിനവുമായി ബന്ധപ്പെട്ട പ്ലക്കാർഡുകളുമായി യുപി വിദ്യാർഥികൾ ഹെഡ്മിസ്ട്രെസ്സിന്റെ നേതൃത്വത്തിൽ 100മീറ്റർ റാലിയിലും പങ്കെടുത്തു .ഇതേ ദിനം കുട്ടികൾക്കായുള്ള ദേശഭക്തി ഗാനമത്സരവും നടത്തപ്പെട്ടു.
15 8 2022 രാവിലെ ദേശീയ പതാക ഉയർത്തി. വിശിഷ്ടാതിഥിയായി എത്തിയത് ഒളിമ്പ്യൻ ലിജോ ഡേവിഡ് തോട്ടാൻ ആയിരുന്നു. ബാൻഡ്സെറ്റ് അകമ്പടിയോടെകൂടി സ്വാതന്ത്ര്യസമരത്തിൻറെ ധീരയോദ്ധാക്കളെ അനുസ്മരിപ്പിക്കുന്നവിധത്തിൽ യുപി കുട്ടികളും അണിനിരന്നിരുന്നു. ഡിവിഷൻ കൗൺസിലർ ശ്രീമതി റെജി ജോയി, ലോക്കൽ മാനേജർ സിസ്റ്റർ മരിയ, പിടിഎ പ്രസിഡൻറ് സി പി നാരായണൻ ,എം പി ടി എ പ്രസിഡൻറ് ജോളി വി. ജി എന്നിവർ പരിപാടിയിൽ സന്നിഹിതരായിരുന്നു. ഏകദേശം എണ്ണൂറോളം വിദ്യാർത്ഥികൾ സ്കൂളിൽ എത്തിയിരുന്നു. വർണ്ണാഭമായ പരിപാടികളോടെയാണ് സ്വാതത്ര്യദിനം അവസാനിച്ചത് .
2025-2026പ്രവേശനോത്സവം
ഹോളി ഫാമിലി കൺവെൻറ് ഗേൾസ് ഹൈസ്കൂളിലെ പുതിയ അധ്യയന വർഷാരംഭം വർണ പ്രഭമായി. പ്രാർത്ഥനയോടെ ആരംഭിച്ച ചടങ്ങിൽ പ്രധാന അധ്യാപിക സിസ്റ്റർ ഗ്ലോറി സ്വാഗതം ആശംസിച്ചു. ഹോളി ഫാമിലി വിദ്യാലയത്തിന്റെ ലോക്കൽ മാനേജരും ഹോളി ഫാമിലി കോൺവെന്റ് മദർ സുപ്പീരിയറുമായ റവ. സിസ്റ്റർ ജെയ്സി ജോൺ സി എച്ച് എഫ് അധ്യക്ഷ പ്രസംഗം നടത്തിയ വേദിയിൽ തൃശൂർ ഫാമിലി അപ്പസ്തോലറ്റ് ഡയറക്ടറായ റവ. ഫാദർ ഡോക്ടർ ഫ്രാൻസിസ് വാഴപ്പിള്ളി ഉദ്ഘാടനം ചെയ്ത് സംസാരിച്ചു. സ്കൂൾ പിടിഎ പ്രസിഡന്റ് ശ്രീ രാജൻ അറക്കൽ, എം പി ടി എ പ്രസിഡന്റ് ഡോക്ടർ വിനീജ.എൻ.എസ് എന്നിവർ ആശംസകൾ അറിയിച്ച് സംസാരിച്ചു. കുട്ടികൾക്ക് പഠനോപകരണങ്ങൾ വിതരണം ചെയ്തു.മാലിന്യ വിമുക്ത കേരളത്തിനായി പ്രതിജ്ഞ എടുത്തു. സ്കൂൾ ക്വയറിന്റെ നേതൃത്വത്തിൽ പ്രവേശനോത്സവ ഗാനം ആലപിച്ചു. സ്റ്റാഫ് പ്രതിനിധി ലിൻഡ പോൾ കോളേങ്ങാടൻ എല്ലാവർക്കും നന്ദി അറിയിച്ചു സംസാരിച്ചു. ദേശീയ ഗാനം ആലപിച്ച് പ്രവേശനോത്സവ പരിപാടികൾക്ക് അവസാനമായി. പല വർണ്ണത്തിലുള്ള ബലൂണുകളും തൊപ്പികളും നൽകിയതും സെൽഫി കോണറുകൾ സജ്ജീകരിച്ചതും കുട്ടികൾക്ക് ആകർഷകമായി മാറി. ഉച്ചഭക്ഷണ പദ്ധതിക്ക് ഇന്ന് ആരംഭം കുറിച്ചു.