പി.എം.എം.യു.പി.എസ് താളിപ്പാടം/അക്ഷരവൃക്ഷം

സൃഷ്ടികൾ

സ്ത്രീ

നീറിപ്പുകഞ്ഞു മെരിഞ്ഞു-

മടുക്കളയിൽ

നോവായണയുന്ന

തിരിനാളമാണു ഞാൻ .

കുറ്റപ്പെടുത്തിയെ-

ന്നൊറ്റപ്പെടുത്തുവോ-

രുറ്റവർത്തന്നെ

നിരാലംബയാണു ഞാൻ !

ചിറകുകൾ വീശിനീ -

ലാകാശ വീഥിയിൽ

പാറിപ്പറക്കാൻ

കൊതിയ്ക്കുവോളാണു ഞാൻ

ഭൂമിയോളം ക്ഷമി-

 ച്ചെന്നിട്ടും ജീവിതം

പരചൂഷണത്തിന്നു

  ഇരയായി തീരുകിൽ , 

രക്ഷകരാമവതാരം  

 വരുമെന്ന്

  കാത്തിരാന്നലതു

   പാഴ്ക്കനവായിട്ടും!

അബലകളല്ല നാ-

 മിനിമേൽ നമുക്കൊരു

'ആർച്ചയും' 'താൻസി'യും

'നസ്റിനു,മായിടാം !

സ്ത്രീ =യാതന ..

ഇനിയീ ഭൂമി നിശ്ചലമാകും വരെ

നാമുറങ്ങണം , ഒടുവിൽ

മൗനത്തിന്റെ ഗർഭപാത്രത്തിൽ

ഉയിർത്തെഴുന്നേൽക്കണം .

ജനിച്ച തെറ്റിന് കുരിശു ചുമക്കണം .

പതറിയ പാദങ്ങളുടെ ജീവിതം പോണം

ലക്ഷ്യത്തിലെത്താൻ ദീർഘദൂരമേറണം

കൊഴിഞ്ഞ സന്ധ്യകളിലെ അപ്രതികളുടെ

രുധിരാമൃതം ആവോളം കോരിക്കുടിക്കണം .

പ്രകടനങ്ങളുടെ പ്രഹസനങ്ങളിൽ

പകച്ചുനിൽക്കാൻ നിഴൽ പോലെ കൂട്ടിനുണ്ടാവണം

എങ്കിലും ഓരോ അണുവും മന്ത്രിക്കുന്നു ഇന്നും ;

" നഃസ്ത്രീ സ്വാതന്ത്രമർഹതീം.......!