"ചൊട്ടയിലെ ശീലം ചുടല വരെ" എന്ന് പറയുമ്പോലെ കുഞ്ഞു നാളിൽ അവരിൽ വായന വളർത്തിയെടുക്കാൻ പുസ്തകങ്ങളെ കൂട്ടുകാരാക്കണം. കുട്ടികൾക്ക് വായനയുടെ ലോകത്തേയ്ക്കുള്ള വാതായനങ്ങൾ തുറന്നു കൊടുത്തു കൊണ്ട് ഞങ്ങളുടെ വിദ്യാലയത്തിലും മനോഹരമായ ഒരു ലൈബ്രറി പ്രവർത്തിക്കുന്നു. ലൈബ്രറിയില്ലാതെ ഒരു സ്കൂളും പൂർണമാകുന്നില്ല. അധ്യാപകർക്കും ഒരേ സമയം വിദ്യാർത്ഥികൾക്കും ആവശ്യമായ അറിവു സമ്പാദനത്തിനുതകുന്ന എല്ലാ തരം പുസ്തകങ്ങളും ഞങ്ങളുടെ ലൈബ്രറിയിൽ സജ്ജമാക്കിയിട്ടുണ്ട്. വിഷയാടിസ്ഥാനത്തിൽ ലൈബ്രറിയിലെ എല്ലാ പുസ്തകങ്ങളും അലമാരയിൽ നമ്പറിട്ട് സൂക്ഷിച്ചിരിക്കുന്നു. കഥകൾ , കവിതകൾ, ബാലസാഹിത്യ കൃതികൾ, നോവലുകൾ, ഗണിത, ചരിത്ര പുസ്തകങ്ങൾ , വിനോദം , പൊതു വിജ്ഞാനം തുടങ്ങി ഒട്ടേറെ പുസ്തകങ്ങളുടെ ശേഖരണം ലൈബ്രറിയിൽ ഒരുക്കിയിട്ടുണ്ട്. കുട്ടികളിൽ വായനാ ശീലം വളർത്തുന്നതിനായി ഒന്നാം ക്ലാസിലെ കുട്ടികൾ മുതൽ ലൈബറിയിലെ നിത്യ സന്ദർശകരാണ് 'എല്ലാ ദിവസവും ദിനപത്രവും പുതിയ ബുക്കു കളും എല്ലാ ക്ലാസുകളിലേയ്ക്കും നൽകുന്നു. ഒരേ സമയം അവരെ ചിന്തിപ്പിക്കുകയും ചിരിപ്പിക്കുകയും ചെയ്യുന്ന പുസ്തകങ്ങൾ നിറഞ്ഞ ഒരു മാസ്മരിക ലോകമാണ് ഞങ്ങളുടെ സ്കൂൾ ലൈബ്രറി .വായിച്ച് അവരും വളരട്ടെ നാളെയുടെ നല്ല പൗരന്മാരായി.
