സെൻറ് ഫിലോമിനാസ് ഗേൾസ് എച്ച്.എസ്. പൂന്തുറ/യ‍ൂട്യ‍ൂബ് ചാനൽ

യ‍ൂട്യ‍ൂബ് ചാനൽ

ജാഗരൂകരാകുക നാടിൻ നൻമയ്ക്ക്

സെൻറ് ഫിലോമിനാസ് ജി എച്ച് എസ് പൂന്തുറ അവതരിപ്പിക്കുന്ന ആദ്യ യൂട്യൂബ് വീഡിയോ ജാഗരൂകരാകുക നാടിൻ നൻമയ്ക്ക് 20 മാർച്ച് 2020 ന് പോസ്റ്റ് ചെയ്തു. കോവിഡ് സുരക്ഷാ അവബോധം നൽകുന്നതിനും, നല്ല ആരോഗ്യ ശീലങ്ങൾ ജീവിതത്തിന്റെ ഭാഗമാക്കി കോവിഡ് കാലത്ത് സുരക്ഷിതരായി ഇരിക്കാൻ നമ്മെ ഉദ്ബോധിപ്പിക്കുന്നു വീഡിയോയായിരുന്നു ഇത്. അധ്യാപകരുടെ സഹായത്തോടെ പൊതുസമൂഹത്തിന്റെ പങ്കാളിത്തത്തിൽ സെൻറ് ഫിലോമിനാസിലെ വിദ്യാർത്ഥിനികളാണ് ഇത് അവതരിപ്പിച്ചിരിക്കുന്നത്.

ഓണാഘോഷം 2020

2020-ലെ ഓണാഘോഷം ഓൺലൈനായാണ് ആഘോഷിച്ചത്. സെന്റ് ഫിലോമിനാസ് ജി എച്ച് എസ് ഹെഡ്മിസ്ട്രസ് സിസ്റ്റർ സിജിയുടെ ഓണാശംസകളോടു കൂടിയാണ് വീഡിയോ ആരംഭിക്കുന്നത്. മഴമേഘങ്ങളെ ഉല്ലഘിച്ച് ഉയരത്തിൽ പറക്കുന്ന കഴുകനെപോലെ നമുക്കും ഈ കോവിസ് കാല പ്രതിസന്ധികളെ അതിജീവിക്കാൻ സാധിക്കട്ടെ എന്ന് സിസ്റ്റർ ആശംസിച്ചു. കുട്ടികൾ വീടുകളിലായിരുന്നു കൊണ്ട് അവതരിപ്പിച്ച ഓണപ്പാട്ടുകൾ, ഓണക്കളികൾ, ഓണവുമായി ബന്ധപ്പെട്ട അറിവിന്റെനുറുങ്ങുകൾ എന്നിവ വീഡിയോയിൽ ഉൾപ്പെടുത്തിയിട്ടുണ്ട്. കൂടാതെ കുട്ടികൾ ഓണവിഭവങ്ങൾ തയ്യാറാക്കുന്നതും ഓണാഘോഷത്തിന് കൂടുതൽ നിറം നൽകി.[ഓൺലൈൻ ഓണാഘോഷം 2020]