എൻ ആർ പി എം എച്ച് എസ് എസ് കായംകുളം/പരിസ്ഥിതി ക്ലബ്ബ്
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
പരിസ്ഥിതി ക്ലബ്ബ്
""""""""""""""""""""""""""""
പരിസ്ഥിതിക്കു വിനാശം വരുത്തുന്ന പ്രവർത്തനവും ജീവിതരീതിയും നാം അനുവർത്തിക്കരുത് എന്ന തിരിച്ചറിവ് വിദ്യാർത്ഥികളിലുണ്ടാക്കുക എന്നതാണ് പരിസ്ഥിതിക്ലബ്ബിന്റെ പ്രഥമ ലക്ഷ്യം.പരിസ്ഥിതിസൗ ഹാർദപരമായ ജീവിതം നയിക്കാൻ വിദ്യാർത്ഥികളെ പ്രേരിപ്പിക്കുന്ന പ്രവർത്തനങ്ങൾ പരിസ്ഥിതിക്ലബ്ബ് ആസൂത്രണം ചെയ്തു നടപ്പിലാക്കി വരുന്നു.
ജന്തുലോകത്തിന്റെ നിലനില്‌പു തന്നെ സസ്യലോകത്തെ ആശ്രയിച്ചാണിരിക്കുന്നത്.ജീവൻ നിലനിർത്തുന്ന ഓക്സിജൻ അഥവാ പ്രാണവായു അന്തരീക്ഷത്തിൽ ഉല്പാദിച്ചുകൊണ്ടിരിക്കുന്നതു സസ്യങ്ങളാണ്.മണ്ണ്,വായു,ജലം ഇവയൊക്കെ മാലിന്യം നിറഞ്ഞതാകുന്നത് നിത്യജീവിതത്തെ ബാധിക്കുന്നു.
ഭാവിതലമുറക്കു കൂടി ലഭ്യമാകുന്ന തരത്തിൽ പ്രകൃതിവിഭവങ്ങൾ മലിനമാക്കാതെയും സംരക്ഷിച്ചും നിലനിർത്തണമെന്ന സന്ദേശമാണ് പരിസ്ഥിതിക്ലബ്ബ് നൽകുന്നത്.
ഔഷധത്തോട്ടം,പച്ചക്കറിത്തോട്ടം,പൂന്തോട്ടം എന്നിവ നിർമ്മിച്ച് പരിസ്ഥിതിസംരക്ഷണത്തിന്റെ അർത്ഥവും വ്യാപ്തിയും പ്രസക്തിയും വിദ്യാർത്ഥികളിലേക്കെത്തിക്കുവാൻ സ്കൂൾ പരിസ്ഥിതിക്ലബ്ബിനു കഴിഞ്ഞിട്ടുണ്ട്.
തദ്ദേശീയമായ പരിസ്ഥിതിപ്രശ്നങ്ങൾക്കു പരിഹാരം കണ്ടെത്തുന്ന പ്രവർത്തനവുമായി മുന്നോട്ടു പോകുവാനാണ് ക്ലബ്ബ് ശ്രമിക്കുന്നത്.
ഹരിതവല്കരണം നിത്യജീവിതത്തിന്റെ സമസ്തമേഖലകളിലേക്കും വ്യാപിപ്പിക്കുവാനു ള്ള പ്രവർത്തനം തുടർന്നും പരിസ്ഥിതി ക്ലബ്ബ് സ്വീകരിക്കും.
ലോക പരിസ്ഥിതി ദിനത്തിന്റെ ചരിത്രം:
മനുഷ്യ പരിസ്ഥിതിയെക്കുറിച്ചുള്ള സ്റ്റോക്ക്ഹോം സമ്മേളനത്തിന്റെ ആദ്യ ദിവസത്തിൽ മനുഷ്യ ഇടപെടലുകളും പരിസ്ഥിതിയും സംയോജിപ്പിക്കുന്നതിനെക്കുറിച്ചുള്ള ചർച്ചകൾക്ക് ശേഷം 1972 ൽ യുഎൻ പൊതുസഭ ലോക പരിസ്ഥിതി ദിനം ആചരിയ്‌ക്കാൻ തീരുമാനിച്ചു. ഇതിന് ശേഷം രണ്ട് വർഷത്തിന് ശേഷമാണ് ആദ്യത്തെ പരിസ്ഥിതി ദിനം ആചരിച്ചത്. ‘ഒരു ഭൂമി മാത്രം’ എന്നതായിരുന്നു അന്നത്തെ വിഷയം. പരിസ്ഥിതിദിനം ആഘോഷിക്കുന്നതിനായി 1974 മുതൽ വർഷം തോറും ആഘോഷങ്ങൾ നടന്നിരുന്നു.
ലോക പരിസ്ഥിതി ദിനത്തിന്റെ പ്രാധാന്യം:
ഈ ഭൂമി വരും തലമുറകൾക്ക് കൂടി ഉപകാരപ്രദമായ രീതിയിൽ നിലനിർത്താൻ ആവശ്യമായ നടപടികൾ ആഗോളതലത്തിൽ ചർച്ച ചെയ്യുകയും നടപ്പാക്കുകയുമാണ് ലോക പരിസ്ഥിതി ദിനത്തിന്റെ പ്രാധാന്യം. ആഗോളതാപനം, സമുദ്ര മലിനീകരണം, മനുഷ്യരുടെ അമിത ജനസംഖ്യ, വന്യജീവികളുടെ സംരക്ഷണം, സുസ്ഥിര ഉപഭോഗം തുടങ്ങിയ പാരിസ്ഥിതിക പ്രശ്നങ്ങളെക്കുറിച്ച് ഈ ദിനത്തിൽ ഗൗരവകരമായി ചർച്ച ചെയ്യുന്നു.